Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Henry: Benzema është e ardhmja e Francës

Kapiteni i kombëtares së Francës, Thierry Henry, i cili ka luajtur 114 ndeshje për "gjelat" dhe ka shënuar 50 gola, është i bindur se rolin e tij në kombëtare një ditë plotësisht do ta marrë Karim Benzema

Ajo që ka rënë në sy të opinionit francezët në kohët e fundit ka qenë deklarata e 22-vjeçarit francez, Karim Benzema pas ndeshjes me Rumaninë (1:1) në kuadër të kualifikimeve për Botërorin 2010.

Deklarata e tij pas asaj ndeshje se 'nuk e kam dhënë maksimumin' mund nxisë reagimin e Federatës franceze të futbollit, por edhe bashkëlojtarëve, pasi kualifikimi në Afrikën e Jugut është rrezikuar dukshëm. Megjithatë, Anri nuk ka dashur të japë kritika.

"Momentalisht ai po përjeton momente të vështira në kombëtaren e Francës, por pa dyshim se Karim Benzema është e ardhmëria e kombëtares së Francës. Të gjithë ne kemi kaluar nëpër periudha të tilla, por nuk do të dëshiroja ta komentoja deklaratën e tij", ka theksuar Anri.

Mediat franceze vlerësojnë se Benzema ka qenë i pakënaqur me faktin që në ndeshjen ndaj rumunëve është inkuadruar në lojë vetëm në minutën e 73-të.

[Albivbhv]

Lajmi ores se fundit:
Fabio cannavaro pozitiv ndaj dopingut.!!!!!!!!!!!!!!

[supervisor91]

Sheva: Deshtimi tek Chelsea? Faji i Mourinho-s



Kur kane kaluar disa vjet qe nga transferimi i tij tek Chelsea per here te pare, Shevchenko flet per arsyet qe e cuan drejt deshtimit ne Londer.
Edhe pse kishte fituar dy Champions League me skuadren kuqezi, Sheva nuk gjeti asnjehere nje vend titullari ne radhet e Chelsea. Ai akuzon ish trajnerin Jose Mourinho, duke thene se kishte lojtare te preferuar si Lampard, Terry dhe Drogba qe cilesoheshin si te paprekshem.

“Mourinho ishte nje organizator shume i mire, i kujdesshem ndaj cdo detaji, por ndoshta kishte nevoje qe te komunikonte pak me shume me lojtaret”, shprehet “Topi i Arte 2004”. Por sipas Scheva-s, shkaku kryesor qe nuk e lejoi te luante ne vazhdimesi ishin demtimet, duke bere qe ai te ndiente veshtiresi ne aspektin fizik.

“Tashme kam hedhur pas kraheve gjithcka dhe kam ardhur tek Dinamo Kiev per te treguar se vlej ende”, shton sulmuesi ukrainas.

[Damian1]

Hitzfeld: Van Gaal ktheje Tonin në skuadrën e Bayernit

Ish-trajneri i Bajernit të Munihut dhe përzgjedhësi aktual i kombëtares së Zvicrës, Otmar Hicfild, është adhurues i madh i sulmuesit italian të Bajernit, Luka Toni

Një gjë të tillë ai e zbuloi me deklaratën e tij të dhënë për kanalin televiziv gjerman, DSF, ku i kërkoi trajnerit të Bajernit që të kthejë në skuadrën e parë sulmuesin italian.

"Sulmuesi italian Toni është një yll më shumë në skuadrën e Van Galit. Kur ai do ta përdor Tonin, do t'i sjellë më shumë sukses”.

“Jam i sigurt se Van Gali ka mësuar shumë pas tetë javëve të zhvilluara. Bajerni do ta ndjekë pozitën e parë nga plani i dytë dhe me rëndësi është që skuadra të mbështetet në sulmuesit e saj më të mirë", ka thënë Hicfild.

[Damian1]

Dhuna, Sopotit i hiqen 3 pikë, fiton në tavolinë Elbasani

Ka reaguar menjëherë FSHF-ja, së pari përmes një deklarate për shtyp, më pas me mbledhjen e komisionit të disiplinës, rreth dhunës së ndodhur një ditë më parë në fushën sportive të Librazhdit, ku luhej derbi i Prefekturës, Sopoti-Elbasani

Duke e konsideruar një ngjarje të rëndë për futbollin shqiptar, FSHF-ja u ka bërë sërish thirrje klubeve dhe futbollistëve, por edhe drejtuesve përkatës, të ruajnë qetësinë dhe të respektojnë rregulloret e garës, përndryshe do të ndëshkohen rëndë. Dhe në fakt ndëshkimi nuk ka vonuar.

Kështu, fitorja 2-1 e Sopotit ndaj Elbasanit, e arritur të mërkurën edhe përmes dhunës dhe ndërprerjes disa herë të ndeshjes, është sfumuar një ditë më pas, nga komisioni i disiplinës, i cili ia ka dhënë 3 pikët në tavolinë Elbasanit. Gjithashtu, ka pezulluar për 3 vjet lojtarin e Sopotit, që sulmoi fizikisht gjyqtarin e ndeshjes, Shkëlqim Hajdari. Njëkohësisht, fusha e Sopotit është pezulluar dy ndeshje.

Fjalë për fjalë, dënimi I Komisionit të Disiplinës për Sopotin është si vijon: “Lojtari i ekipit te Sopotit, Shkelqim Hajdari, per goditje me shkelm te kundershtarit dhe goditje me shkelm e grushta te arbitrit, ne baze te neneve 4, 9, 13 e 19, 22 e 26/3 te KDS denohet 3 (tre) vjet pezullim nga te gjitha aktivitetet dhe 200.000 leke gjobe.

KF “Sopoti”, per dhunen e ushtruar ndaj arbitrave, hedhjen e sendeve te forta ne fushe, cka ka sjelle si pasoje moszhvillimin normal te ndeshjes, e cila nuk eshte nderprere nga arbitri vetem per te mos krijuar probleme sociale, ne baze te neneve 4, 9, 13, 19, 22 e 24/21 humbet ndeshjen me rezultatin 2:0 dhe gjobitet me 200.000 leke, si dhe i zbriten 3 (tre) pike nga klasifikimi.

[Damian1]

FIFA del kundër simuluesve, përjashtim për 10 minuta!

Zëvendëspresidenti i FIFA-s, Warner: "Një simulues në fushë duhet të përjashtohet për 10 minuta pasi tregohet i pandershëm”

Përjashtim me kohë për simuluesit dhe mashtruesit në fushat e futbollit që do të duhet të rrinë jashtë lojës për 10 minuta. Ky është propozimi i zëvendëspresidentit të FIFA-s, Jack Warner, për të luftuar lojën e pandershme.

Sipas Jack Warner, që është edhe president i CONCACAF, futbolli duhet të inspirohet tek rugby që parashikon përjashtim me kohë. “FIFA duhet jetë më e ashpër. Një lojtar që simulon duhet të mbetet 10 minuta jashtë fushës” tha zyrtari i FIFA.

Por Warner nuk limitohet vetëm me nëj propozim. Ai promovon limitimin e pagave për të riekuilibruar kampionatet dhe për ti dhënë klubeve, mundësi të njëjtë suksesi në të gjitha kompeticionet.

[supervisor91]

Kuzhe ndaj Suedise, besnik i 4-2-3-1

Sfida e se merkures se ardhshme ne shtepine e Suedise do te jete jo pak e rendesishme per Shqiperine, edhe pse Kombetarja kuqezi ka dale jashte objektivave per sa i perket klasifikimit ne Grupin 1 eliminator te Boterorit 2001.
Perfaqesueses sone i duhet te marre nje rezultat pozitiv ne duelin ndaj Ibrahimoviç&Co., per te shpresuar te mos pesoje humbjen e vazos se katert, ku pozicionohemi te fundit.

Kercenimi i Qipros ndihet shume prane, pasi ishulloret e Mesdheut pozicionohen te paret ne vazon e peste.

Prandaj kuqezinjte e dine mire se duhet te japin maksimumin ne nje ndeshje, e cila konsiderohet shume e veshtire, pasi kundershtari eshte jo vetem nje emer i madh, por edhe e konsideron kete takim “per jete a vdekja” ne lidhje me kualifikimin per ne Boterorin 2010.

Prandaj gjate kesaj kohe trajneri Josip Kuzhe i ka kushtuar vemendjen maksimale pergatitjes se kesaj ndeshjeje.

Burime te besueshme prane teknikut kroat te perfaqesueses sone kane pohuar se tashme e ka te qarte ne koken e tij se cila do te jete vendosja e skuadres ne perballjen ndaj suedezeve te merkuren ne oren 20:45 ne stadiumin “Rasunda”.

Trajneri, i pavendosur t’i qendroje besnik modulit 4-2-3-1. Tashme ai i beson ketij moduli, te cilin e ka provuar ne te gjitha ndeshjet qe Kombetarja jone ka zhvilluar deri tani, qe kur mori drejtimin e Shqiperise, pas shkarkimit me kompromis te holandezit Ari Han.

Kjo vendosje taktike funksionon, pasi i pershtatet lojes se Shqiperise. Ajo nuk ka zhgenjyer, kater ndeshjet te drejtuara nga Kuzhe (Shqiperi-Portugali 1-2, Shqiperi-Gjeorgji 1-1, Shqiperi-Danimarke, 1-1 dhe Shqiperi-Qipro 6-1) dhe shenon gjithmone gola.

[supervisor91]

Gjyqtari rrefen skandalin e Sopoti-Elbasani

Pa kaluar 24 ore nga skandali ne derbin e Kategorise I, ndermjet Sopotit dhe Elbasanit, gjyqtari Adrian Rama ka treguar te gjitha detajet e ngjarjes.
Ai u rrefye per zyrtaret pergjegjes per mbarevajtjen e kampionatit, vetem pak ore perpara se Komisioni i Disiplines te merrte masat ndeshkimore.

Ne deshmine e tij, e cila ka sherbyer si dokumenti kryesor per denimin e skuadres nga Librazhdi, “bilbili” konfirmoi se eshte kercenuar me jete.

Ai gjithashtu tregoi edhe plaget e marra ne trup, si pasoje e dhunes se ushtruar nga ish-kapiteni i Sopotit, Shkelqim Hajdari.

“Eshte e vertete qe deri ne minuten e 75 ne fushe kishte probleme. Ne kete moment nxora kartonin e kuq per Hajdarin, i cili filloi te me godiste me shkelma dhe grushte. Policia nderhyri dhe ndeshja u nderpre”, tregoi gjyqtari.

“Atmosfera e krijuar ishte shume e rende dhe ndiheshim ne presion mjaft te madh. Perveç tifozeve qe ishin gati te shperthenin filluan edhe presione ne dhomat e zhveshjes. Se bashku me asistentet e mi u komunikuam skuadrave se takimi do te perfundonte vetem per publikun e pranishem, por me kercenuan me jete nese do te veproja ne kete menyre. Madje, persona prane klubit te futbollit ne Librazhd dhe lojtare te kesaj skuadre e kane kercenuar se do t’i vrisnin familjen, nese takimi nuk mbylljen si nje 90-minutesh normal”.

Arbitri Rama tregoi edhe se si portieri i Elbasanit, Berdufi, e ka futur vete topin ne rrjete ne golin e dyte te vendasve. Ky veprim erdhi per shkak se gjate gjithe ndeshjes ai ishte goditur me gure nga tifozeria vendase.

“Edhe pse ‘ngriti humorin’ e mbeshtetesve te Sopotit ne stadium dhe u shoqerua me te qeshura e gezim per avantazhin, kjo nuk i ndaloi guret dhe sendet e forta. Hedhja e tyre ne drejtim te portierit te Elbasanit vazhdoi deri ne mbylljen e parakohshme te ndeshjes”, perfundoi albitri.

Nderkohe, pas dhunes ne ndeshjen Sopoti-Elbasani, Federata e Futbollit doli me nje deklarate per shtyp.

“FSHF-ja eshte tejet e shqetesuar per dhunen e shfaqur ne Kategorine e Pare dhe kerkon te terheqe vemendjen e klubeve, futbollisteve, trajnereve dhe gjithe opinionit futbolldashes ne Shqiperi, per kete ngjarje te rende. Federata i denon keto akte, te cilat s’kane asgje te perbashket me lojen e futbollit dhe imazhin e saj. Ajo konfirmon se çdo shfaqje dhune, intolerance dhe mungese respekti ndaj kundershtareve, gjyqtareve, tifozerive apo institucionit te futbollit, nuk do te tolerohet”, citohej aty.

[OVES12]

Tonit i pëlqen ideja e transferimit te Napoli

Sulmuesi i Bayern Munichut, Luca Toni, ia ka ofruar shërbimet e tija Napolit, si destinacion të ardhshëm pas largimit nga Allianz Arena.
Italiani nuk po kalon momentet më të mira në Gjermani, prandaj dëshiron të ndërrojë ambient, ndërsa Napolin e konsideron si opsion të mirë. “Një treshe sulmuese me (Ezequiel) Lavezzin dhe (Fabio) Quagliarellan? Do të ishte shumë mirë. Fabio është një lojtar i shkëlqyer dhe të gjithë e njohin 'El Pocho-n' (nofka e Lavezzit)”. “Napoli është një klub i rëndësishëm, ndërsa presidenti dëshiron të bëjë gjëra të mëdha. Tifozët janë po ashtu të shkëlqyer. Nëse më ftojnë? Do të shohim se çka do të ndodhë”, ka thënë Toni për Radio Kiss Kiss.

[OVES12]

Maxwell: Ibra do të ketë sezon të shkëlqyer te Barca

Sulmuesi i Barcelonës, Zlatan Ibrahimovic. Mbrojtësi i brazilian Maxwell beson se bashkëlojtari i tij te Barcelona, Zlatan Ibrahimovic, do të dëshmohet si shumë i rëndësishëm për katalunasit.
“Ibrahimovic ka ardhur te Barcelona në majën e karrierës së tij- ai do të jetë i suksesshëm këtu. Mendoj se ky do të jetë sezon i shkëlqyer për të”, ka thënë Maxwell për “Sport”. Maxwell ka lëvduar edhe trajnerin Pep Guardiola për të cilin thotë se ka kualitet të mëdha për të qenë top-trajner.