Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Mathieu Flamini: Skuadra e Milanit ka kualitet

Mesfushori i Milanit, Mathieu Flamini, beson se falë kualitetit që ka skuadra e tij, Rossonerët do të arrijnë të kthehet në formën më të mirë.

“Kam shumë besim, kjo skuadër ka shumë kualitet dhe jam i sigurt që në ndeshjet e radhës gjërat do të përmirësohen”.

“Nuk janë vetëm tifozët që nuk po kënaqen, edhe ne ndjehemi keq kur nuk fitojmë. Sido që të jetë, është me rëndësi të punojmë, sepse vetëm në këtë mënyrë mund ta kthehemi në rrugë të mirë”, ka thënë francezi për “Gazzetta.it”

[Damian1]

Maradona: Përpara dy testeve më të vështira në karrierë

Të shtunën kombëtarja e Argjentinës do të luajë ndeshjen përcaktuese kundër Perusë për kualifikim në Botërorin 2010

"Nuk kam menduar se do të vijmë në këtë situatë në të cilën ndodhemi. Të shtunën patjetër duhet ta mposhtim Perunë, kurse katër ditë më vonë duhet t'i kërkojmë tri pikët edhe në Uruguaj”.

“Pa dyshim se këto do të jenë dy ndeshjet më të vështira në karrierën time si trajner. Megjithatë, kam vetëbesim të mjaftueshëm para këtyre dy sfidave", ka pohuar Maradona. Ai më pas ka folur edhe rreth spekulimeve se ai do ta braktisë kombëtaren. "Të gjithë duhet ta dijnë se nuk do të largohem. Do të takohem me presidentin e federatës dhe nëse gjithçka shkon mirë, atëherë do të vazhdoj punën time”.

“Nëse jo, atëherë do të shikojmë se çfarë do të ndodh. Por, tash për tash nuk kam folur me askënd, por njerëzit po i interpretojnë gjërat sipas dëshirës së tyre. Nëse vendos të largohem atëherë këtë do ta them publikisht", ka përfunduar Maradona.

[Damian1]

Rooney: Botërori mund të bëjë edhe pa Ronaldon dhe Messi

"Nuk do të më pengonte aspak që Ronaldo dhe Mesi të mos paraqiten në Botëror” tha sulmuesi i Mançester Junajtedit

Sulmuesi i Mançester Junajtedit, Uejn Runi ka treguar mungesë të respektit për kolegët e tij, duke thënë se do të kishte dëshirë që Kristiano Ronaldo dhe Lionel Mesi të mos sigurojnë pjesëmarrjen në Kupën e Botës 2010 në Afrikën e Jugut.

Kombëtarja e Anglisë e ka siguruar kualifikimin në këtë eviniment, derisa fare lehtë mund të ndodh që Portugalia dhe Argjentina të mos marrin 'vizën' për në Afrikën e Jugut. "Nuk do të më pengonte aspak që Ronaldo dhe Mesi të mos paraqiten në Botëror.

Madje do të ishte mirë që Portugalia të mos kualifikohet në Botëror, duke pasur parasysh se pikërisht kjo skuadër na kanë eliminuar në dy garat e fundit të mëdha. Ne jemi kualifikuar dhe jemi të lumtur, kurse kur shikoni që Portugalia dhe Argjentina po vuajnë pa dyshim ndjeheni të eksituar", ka thënë Runi.

[OVES12]

Volkswageni në Formula 1

Derisa disa skuteri po largohen nga gara më prestigjioze automobilistike Formula 1, dhe disa të tjerë po debatojnë nëse do të vazhdojnë ose jo, lajme të reja vijnë nga Volkswageni, që po hy në botën e Formula 1.
Ford, Jaguar dhe Honda tashmë janë larguar nga Formula 1, BMW po largohet në fund të sezonit, ndërsa Renaulti dhe Toyota po mendojnë për t’u larguar. Nga ana tjetër, Volkswageni që së shpejti do të jetë kompania më e madhe automobilistike në botë, asnjëherë nuk ka qenë e përfshirë në këtë sport, përveç Porsche që ka qenë pjesë e Formula 1 për një kohë të shkurtë në vitet e gjashtëdhjeta. Sipas njoftimeve më të reja, VW planifikon të hyjë në botën e F1 nga sezoni i ardhshëm, por ende nuk është vendosur nëse do të hyjë me emrin Volkswagen, Audi apo Porsche.

[OVES12]

Evra parashikon përballjen United-Real në LK

Patrice Evra është i bindur se Manchester Unitedi do të përballet me Real Madridin në ndonjërin nga stadet e sivjetme të Ligës së Kampionëve.
“E di se do të ndeshemi me Real Madridin. Nuk mund ta shpjegoj pse, është vetëm një ndjenjë. Por mendoj se do të përballemi, madje ndoshta drejt në raundin tjetër”, ka thënë Evra. Nëse parashikimi i mbrojtësit francez realizohet, atëherë dy gjigantët e futbollit do të ndeshen për herë të parë pas takimeve dramatike të vitit 2003, të cilin e fituan Mbretërit me rezultat të përgjithshëm 6-5.

[OVES12]

Arjan Beqaj, portieri i katërt më i mirë në eliminatore
Portieri i Kombëtares shqiptare të Futbollit, Arjan Beqaj, është përzgjedhur si portieri i katërt më i mirë i eliminatoreve të Kampionatit Botëror 2010, nga ana e revistës prestigjoze “Castrol Football”
Në këtë listë, si portieri më i mirë është shpallur Tomas Sorensen i Danimarkës. Portieri kampion i botës me Italinë, Gianluigi Buffon, ka zënë vendine dytë, ndërsa kundërshtari i kombëtares shqiptare në 14 tetor, portieri Andreas Isakson i Suedisë ka dalë në vendin e tretë.

Portieri shqiptar Arjan Beqaj ka lënë pas një nga emrat më në zë të futbollit, portierin kampion të Evropës me Spanjën, Iker Kasijas, i cili është renditur në vendin e pestë.

Portieri i Kombëtares shqiptare të Futbollit, Arjan Beqaj, është rikthyer të stërvitet sërish në 4 shtator, pasi mungonte që nga 27 marsi 2009, kur u dëmtua në prag të sfidës Shqipëri – Hungari.

Për sfidën e radhës së Kombëtares shqiptare ndaj Suedisë në 14 tetor, trajneri kroat Josip Kuzhe ka preferuar të mos rrezikojë, duke mos e grumbulluar portierin Beqaj, i cili ende nuk e ka arritur formën optimale.

[Damian1]

Totti ngroh Romen: Dua te mos mungoj ndaj Milanit!

Kapiteni verdhekuq kryen nje vizite kontrolli per gjurin e demtuar: “Une jam optimist dhe do te bej maksimumin per te qene ne fushe te dielen e ardhshme”

Nje vizite qe le shpresa te medha. Francesco Totti nuk deshiron te humbase per asnje arsye sfiden me Milanin, te dielen e ardhshme me date 18 tetor ne “San Siro”, por do te luaje vetem nese s’do te kete rreziqe per gjurin e djathte, te cilin e ka te demtuar. Gjate paradites, kapiteni i Romes ka pasur nje vizite kontrolli me doktor Pierpaolo Marianin.

Pas rreth nje ore, Totti doli me nje fytyre disi te buzeqeshur, teksa ka nxjerre nga goja edhe disa fjale optimiste: “Vizita shkoi mire – ka deklaruar para gazetareve -, megjithate te presim deri perpara ndeshjes me Milanin per te thene nese mund te zbres ne fushe.

Gjithsesi une jam optimist dhe do te bej maksimumin per te mos munguar te dielen e ardhshme”. Gjate ketyre diteve, me shume mundesi kapiteni verdhekuq do te kryeje te tjere kontrolle, ne menyre qe te jete sa me i sigurte per formen e tij fizike.

[supervisor91]

Ferrari: Massa eshte 100 % i sheruar



Felipe Massa eshte rekuperuar 100 nga demtimi qe pesoi ne incidentin e frikshem ne garen e Hungarise.
Braziliani i Ferrarit ka kryer kontrollet mjekesore tek mjeket neurologe dhe okuliste, te cilet nuk kane vene re asgje te dyshimte ne pjesen afer syrit. Sipas skuderise nga Maranello, nenkampioni i botes eshte i gatshem te zbrese ne piste edhe pse duhen kryer disa teste te tjera gjate dites se neserme.

Nuk dihet ende nese Massa do marre pjese ne garat e fundit te ketij sezoni. Fillimisht ai u zevendesua nga Luca Badoer dhe me pas nga Fisichella, te cilet nuk kane mundur ta plotesojne boshllekun e lene nga braziliani pas incidentit.

[supervisor91]

Kombetarja, sforco e fundit per vazon 4

Shqiperia duhet te luftoje ende per te siguruar vazon nr. 4 ne shortin per eliminator te Kampionatit Europian 2012.
Ne sfiden e se merkures perballe Suedise, kuqezinjte e drejtuar nga Josip Kuzhe duhet te bejne sforcon e fundit per hapin cilesor te pretenduar prej disa edicionesh: ngjitjen nje vazo me lart.

UEFA ka publikuar renditjen e perkohshme te ekipeve perfaqesuese ne baze te koeficientit. Ky i fundit eshte mjaft i rendesishem per vendndodhjen e skuadrave ne vazot e shortit te Euro 2012, qe do te zhvillohet me 7 shkurt 2010 ne Varshave.

Klasifikimi nuk eshte perfundimtar, duke qene se ne zonen europiane pjesa me e madhe e skuadrave kane ende ndeshje (nje ose dy) per te luajtur ne eliminatoret e Boterorit 2010. Rezultatet qe do te arrihen ne keto sfida jane vendimtare per renditjen finale.

[OVES12]

Abidal pranë zgjatjes së kontratës

Barcelona është pranë vazhdimit të kontratës së mbrojtësit francez Eric Abidal.
“Sport” njofton se dy palët po bisedojnë për të vazhduar kontratën aktuale të Abidal edhe për një vit, që do të thotë se ai do të mbetet në Camp Nou deri në vitin 2012. Abidal u transferua te Blaugranët nga Lyoni në vitin 2007 kur nënshkroi kontratë katërvjeçare, ndërsa besohet se kontrata e re do të përmirësoje edhe kushtet financiare të lojtarit.