Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Reali shqetësohet për Ribery

Real Madridi ka filluar të shqetësohet për gjendjen fizike të anësorit të Bayern Munichut, Franck Ribery, si pasojë e lëndimeve që shpesh po e shqetësojnë lojtarin.
Francezi ka luajtur vetëm në 12 nga 26 ndeshjet e fundit të bavarezëve, ndërsa “AS” shkruan se shqetësimi në kampin madrilen vjen si pasojë e një marrëveshjeje paraprake ndërmjet agjentit të lojtarit Alain Migliaccio dhe presidentit të Realit, Florentino Perez, sipas të cilës verën e ardhshme Ribery do të jetë lojtar i Los Blancos dhe do të nënshkruajë kontratë pesëvjeçare. Mesfushori fillimisht kishte problem me tendinën e Akilit, ndërsa pastaj pati lëndim të ijës dhe në fund lëndim të tendinës së gjurit të majtë.

[OVES12]

Maradona cakton formacionin startues kundër Perusë

Maradona dhe disa nga të zgjedhurit e tij gjatë stërvitejeve. Trajneri i Argjentinës, Diego Maradona, ka caktuar njëmbëdhjetëshin startues në njërën nga dy ndeshjet vendimtarë për kualifikim në Kampionatin Botëror 2010, të cilën përfaqësuesja e tij do ta zhvillojë kundër Perusë.

Njëmbëdhjetë lojtarët që do të startojnë për Argjentinën: Sergio Romero, Jonas Gutierrez, Rolando Schiavi, Gabriel Heinze, Emiliano Insua, Enzo Perez, Javier Mascherano, Angel Di Maria, Pablo Aimar, Lionel Messi dhe Gonzalo Higuain. Ashtu siç pritej, sulmuesi i Real Madridit, Gonzalo Higuain, do të jetë partner i Leo Messit në sulm, ndërkohë pritet që Pablo Aimar, Angel Di Maria dhe Emiliano Insua, ta dëshmojnë veten në këtë ndeshje të rëndësishme.

[OVES12]

Milani do ta largojë Huntelaarin

Njoftohet se Milani do t’ia tregojë derën sulmuesit Klaas-Jan Huntelaar në afatin kalimtar të janarit.
Sipas “Il Corriere Dello Sport” drejtorët e klubit kanë vendosur ta largojnë holandezin, duke qenë se ai ka zhgënjyer në San Siro. I njëjti burim pohon se Rossonerët dëshirojnë ta sjellin në skuadër ish-sulmuesin e Interit, Adriano. Ndërkohë që Huntelaar mund të shfrytëzohet si pjesë e kontratës për të sjellë në San Siro lojtarin e Tottenhamit, Roman Pavlyuchenko.

[OVES12]

Robinho te Barca në janar?

Sipas njoftimeve të reja, sulmuesi i Manchester Cityt, Robinho, do të kalojë te Barcelona gjatë afatit kalimtar të janarit.
Sipas “Sport”, në dhjetor pritet të nënshkruhet marrëveshja ndërmjet dy klubeve, kur presidenti i Barcës, Joan Laporta, do të takohet me zyrtarët e Cityt në Abu Dhabi gjatë garës për Kupën e Botës për Klube. Katalunasit planifikojnë ta huazojnë brazilianin në janar me mundësinë për ta blerë atë në fund të sezonit, mirëpo ‘pasanikët’ duket se dëshirojnë ta shesin përnjëherë 25-vjeçarin, gjë që mund ta bllokojë transferimin.

[Damian1]

City me manovra të mëdha, ikën Robinho, vjen Ribery?

Robinho te Barca në janar është një hipotezë që mund të marrë jetë tek skuadra angleze e City që mund të firmosë me Ribery

Sipas njoftimeve të reja, sulmuesi i Manchester Cityt, Robinho, do të kalojë te Barcelona gjatë afatit kalimtar të janarit. Sipas “Sport”, në dhjetor pritet të nënshkruhet marrëveshja ndërmjet dy klubeve, kur presidenti i Barcës, Joan Laporta, do të takohet me zyrtarët e Cityt në Abu Dhabi gjatë garës për Kupën e Botës për Klube.

Katalanasit planifikojnë ta huazojnë brazilianin në janar me mundësinë për ta blerë atë në fund të sezonit, mirëpo ‘pasanikët’ duket se dëshirojnë ta shesin përnjëherë 25-vjeçarin, gjë që mund ta bllokojë transferimin.

Duket se skuadra e sheikut arab Mansour mund të zëvendësojë Robinho me francezin Frack Ribery që pati probleme me dëshirën për të kaluar te Reali.

[Damian1]

Beckenbauer: Një botëror pa Messin do të ishte pa vlerë

“Nuk mund të ketë një Kampionat Botëror pa një lojtar si Messi. Është qesharake që Argjentina po kërcënohet me mospjesëmarrje në Kampionatin Botëror” tha Beckenbauer

Legjenda gjermane, Franz Beckenbauer, fitues i Kupës së Botës si lojtar (1974) dhe si trajner i Gjermanisë Perëndimore (1990), beson se Kampionati i ardhshëm Botëror nuk do të ishte interesant pa lojtarin më të mirë në botë, Lionel Messi.

“Nuk mund të ketë një Kampionat Botëror pa një lojtar si Messi. Është qesharake që Argjentina po kërcënohet me mospjesëmarrje në Kampionatin Botëror. Diego Maradona duhet të dëshmojë se ata që dyshojnë tek ai e kanë gabim”.

“Unë e kam parë Maradonen duke kërkuar publikisht ndihmë nga Zoti. Kjo do të thotë se presioni mbi të është thuajse jo njerëzor”, ka thënë Beckenbauer “El Mundo”.

[Damian1]

Botërori afrikan, afrojnë ethet për “finalet” e fundit

E shtuna dhe e merkura do te vendosin fatin e skuadrave qe shpresojne te jene ne finalet e boterorit Afrike e jugut 2010

Tre skuadra europiane, Anglia e Fabio Capellos, Holanda dhe kampionia e Europes ne fuqi, Spanja kane siguruar nje bilete per ne Johanesburg duke fituar te gjitha ndeshjet ne grupet perkatese, por ka te medhenj te tjere qe rrezikojne te mbeten jashte boterorit.

Ne grupin 1 rrezikon shume Portugalia e Kristiano Ronaldos, pasi dy perfaqesueset nordike, Danimarka dhe Suedia jane shume me prane kualifikimit. Te shtunen derbi skandinav mund te rihape gjithcka, nderkohe qe Portugalia do te perballet me Hungarine.

E ekuilibruar eshte situata ne grupin 2. Zvicera eshte ne krye, 3 pike larg Greqise dhe Lituanise, sfida mes te cilave te shtunen do te vendose dhe vendin e 2 ne grup. Slovakia eshte gati per festen historike, vetem 1 pike me Sllovenine do t’i coje ata drejt endrres afrikane.

Sfida me e rendesishme e grupit 4, eshte finalja mes Rusise dhe Gjermanise, qe do te percaktoje dhe kreun e grupit. Ne grupin 5, Spanja e kualifikuar pret per vendin e dyte qe do te diskutohet mes Bosnjes dhe Turqise, keta te fundit me me pak shanse.

E njejta situate eshte edhe ne grupin 6, Anglia e kualifikuar nderkohe qe Kroacia dhe Ukraina jane ne lufte per t’u vendosur ne vendin e dyte. Ne grupin e 7, Serbise i duhet fitorja perballe rumuneve per te siguruar boterorin, nderkohe qe Franca e Domenek duhet te fitoje me Ishujt Faroe, e vetmja mundesi per te qendruar ne garen per kualifikim.

Edhe Italise se Lipit i mjafton barazimi me Irlanden e vendit te dyte. Ka perfunduar historia ne grupin 9, Holanda e kualifikuar ndersa Norvegjia ka siguruar vendin e dyte.

Persa i perket kontinentit amerikanojugor, Brazili dhe Paraguaji jane te kualifikuar, por ajo qe rrezikon seriozisht eshte Argjentina e Maradones, te ciles i duhen patjeter dy fitore, te shtunen me Perune dhe te merkuren me Uruguajin. Prane kualifikimit ne kete grup jane Kili dhe Ekuadori.

[Damian1]

Eliminatoret, Danimarkë-Suedi kryendeshja e grupit 1

Ndërsa Shqipëria do të bëjë pushim, 4 skuadra të grupit tonë do të zbresin në fushë për të luajtur shanset e fundit për kualifikimin në Botëror. Kryendeshja e së shtunës është ajo mes Danimarkës dhe Suedisë

Danimarkë-Suedi do të jetë kryendeshja e grupit 1, që do të luhet sot në mbrëmje në Kopenhagen. Vendasve të drejtuar nga Morten Olsen u mjafton një barazim për të mbajtur vendin e parë, ndërsa një fitore i kualifikon direkt për në Botërorin e Afrikës së Jugut. Në krahun tjetër, Suedia e Ibrahimoviç kërkon të marrë fitoren, e cila e mban në valle për kualifikim dhe thuajse nxjerr jashtë loje Portugalinë.

Për trajnerin e Suedisë Lars Lagerbak, 3 pikët në Kopenhagen nuk janë një mision i pamundur, pasi Danimarka ka treguar shenja rënieje në ndeshjet e fundit. I gatshëm do të jetë edhe sulmuesi i Boltonit Johan Elmander, që pas një dëmtimi të rëndë, ishte lënë fillimisht jashtë.

“Kam folur me të, por vetëm para ndeshjes do të marrim një vendim - u shpreh trajneri suedez. – Në një ndeshje nuk mund të luash me frikë, sidomos në një të tillë ku ne na duhet 3 pikët. Duhet vetëm të luajmë lojën tonë dhe të mos merremi me shumë me kundërshtarin. Duket e çuditshme, por askush nuk i jep shanse Suedisë për kualifikim. Por, këtë do ta shohim në fushë”, deklaroi më tej Lars Lagerbak.

Ndërkohë, për Danimarkën është dëmtuar dy ditë më parë në gju një nga lojtarët kryesorë të saj, Jesper Gronkjaer. Në vend të tij, trajneri Morten Olsen ka marrë Johan Absalonsen. “Është me të vërtetë një situatë shumë e keqe për ne, kur mendojmë se sa rëndësi kanë dy ndeshjet e mbetura, - tha tekniku Olsen. – Jesper ka një eksperiencë të madhe dhe cilësi, që mund të jenë vendimtare në rrugën tonë drejt kualifikimit”, shtoi ai.

[supervisor91]

Kombetarja humbet 2-1 me Greuther Fuerthi


Kombetarja shqiptare ka deshtuar ne testin perpara takimit te se merkures me Suedine, duke humbur 2-1 ne miqesoren me Greuther Fuerthi.
Kuqezinjte te drejtuar nga kroati Josip Kuzhe nuk kane mundur te arrijne rezultat pozitiv kunder ekipit te Bundesliges 2.

Te paret ne avantazh kane kaluar kuqezinjte, me ane te nje goli te Bogdanit te realizuar ne minuten e 11-te, por me pas kane qene vendasit qe kane shenuar dy here me ane te Marino Biliskov dhe Nikolai Müller.

Ndeshja perbente nje test per kuqezinjte dhe trajnerin e tyre, ne kuadrin e pergatitjeve per ndeshjen e fundit eliminatore ne Grupin 1.

[supervisor91]

Gjermania mund Rusine 0-1

Gjermania ka mundur Rusine 0-1 duke prere keshtu bileten per boterorin Afrike e Jugut 2010.
Goli per gjermanet eshte shenuar nga Klose ne minuten e 41-te.

Edhe pse ruset tentuan disa here te preknin rrjeten, nuk arriten te ndryshonin rezultatin.

Ne takimin tjeter te grupit 4, Finlanda ka fituar 2-1 me Uellsin. Golat ne kete takim jane shenuar nga Porokara dhe Moisander per vendasit, ndersa goli per miqte eshte realizuar nga Bellamy.

Nderkohe Bjellorusia ka fituar 4-0 me Kazakistanin ne takimin e vlefshem per grupin 6. Golat per bjelloruset jane shenuar nga Bordachev, Kalachev (69, 90) dhe Kovel.