Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Kualifikohet Argjentina

Përfaqësuesja e Argjentinës ka shënuar fitore minimale si mysafir i Uruguait, për të siguruar vendin e katërt në listën e shteteve nga Amerika Latine (CONMEBOL).
Los Albicelestes fituan falë golit të Mario Bolattit të shënuar katër minuta pa përfunduar koha e rregullt e ndeshjes (86’). Me këtë fitore të zgjedhurit e Diego Maradonas u bashkohen përfaqësueseve të Brazilit, Kilit dhe Paraguait, duke u kualifikuar direkt në Kampionatin Botëror 2010. Ndërkohë, përkundër humbjes, Uruguai ka siguruar vendin e pestë, pasi që Ekuadori u mposht nga Kili, ashtu që do ta kërkojë kualifikimin me anë të barashit me vendin e katërt nga grupi i Amerikës Veriore (CONCACAF).

[OVES12]

Materazzi frikësohet nga Juventusi

Mbrojtësi i Interit, Marco Materazzi, ka pranuar se zikaltrit nuk do ta kenë të lehët në ndeshjen e të shtunës përballë Genoas, ndërkohë që thotë se konkurrenti kryesor për Scudetto këtë sezon do të jetë Juventusi.
“Juventusi ishte i frikshëm madje edhe në vitin e kaluar, sepse është një skuadër e fortë që nuk dorëzohet kurrë”. “Ata mund të na vështirësojnë punët dhe kanë mjaft kualitet, prandaj ne do të luftojmë me ta deri në fund për Scudetto”, ka thënë Materazzi për ”Sky Sports”.

[OVES12]

Mutu: Kemi shpirt më të madh ekipor se Juve

Të shtunën mbrëma në Torino përballen Juventusi dhe Fiorentina, ndërsa sulmuesi rumun i Violas, Adrian Mutu, është i bindur se skuadra e tij ka fuqi për t’u bërë ballë bardhezinjve.
“Është një ndeshje e rëndësishme e skuadrave nga kreu i tabelës: ne jemi aty dhe aty duam të qëndrojmë”. “Ne kemi shpirt më të madh ekipor sesa Juve, Fiorentina ka qenë këtu për katër vite, ndërsa Juve nuk ka qenë, për shkak të ndodhive që të gjithë i dimë... (Calciopolit)”, ka thënë ish-sulmuesi i Juventusit për “La Repubblica”.

[supervisor91]

Massa: Alonso, pjese e lojes se Singaporit

“Alonso ishte ne dijeni te incidentit te qellimshem te Piquet ne Singapor, sepse edhe ai ishte pjese e kesaj loje”.
Me kete akuze, piloti i Ferrarit, Felipe Massa paralajmeron marredhenie te ftohta me shokun e ardhshem te skuadres, duke e ndezur polemiken ende pa u zyrtarizuar transferimi i spanjollit tek kokekuqja. Kjo fjali i ka shpetuar brazilianit gjate nje darke me gazetaret ne San Paolo. Felipe nuk e ka fshehur asnjehere se eshte skeptik ne lidhje me ate incident, madje ai ka kerkuar rekuperimin e pikeve per ate gare, cka do ta shpallte kampion bote.

Por pak ore me vone, ne nje deklarate zyrtare per faqen e Ferrarit, Massa ul tonet. “Ajo qe kam thene eshte nje mendim imi i bazuar ne ndonje element konkret. FIA thote se nuk ka asnje prove per implikimin e Alonsos dhe une e respektoj kete vendim. Natyrisht qe jam shume i merzitur per ate qe ndodhi ne Singapor, por tani ka ardhur momenti te kthejme faqe dhe te shikojme perpara. Ai episod nuk do ndikoje ne marredhenien time me Alonson kur te jemi shoke skuadre”, thekson nenkampioni i botes.

[supervisor91]

Mosley leter FIA-s: Erdhi momenti te terhiqem


Kur duhen edhe pak dite nga largimi zyrtar nga posti i presidentit te FIA-s, Max Mosley u shkruan nje leter te gjithe anetareve te bordit drejtues.
“Erdhi momenti te bej nje hap pas dhe te shijoj nje jete shume me te qete. Do ofroj keshilla vetem nese nje gje e tille do me kerkohet”, shkruan nder te tjera shefi i FIA-s, Mosley. Ai shton se anetaresimi ne Senat dhe Fondacion shpreson ta mbaje ne kontakte me FIA-n dhe drejtuesit e rinj.

Ne vijim, ai ben nje rezyme te bilancit ne krye te ketij institucioni. “Ne fillim te drejtimit ne vitin 1994 humben Airton Senen dhe Roland Ratzenberger. Vdekja e tyre beri qe te mendohej per masa me te medha sigurie ne te gjitha nivelet e sporteve me motore”, shton Mosley. Ai nuk harron te flase as per skandalin spy-story mes Ferrarit e McLaren, por u perqendrua me shume ne ate qe e quajti “komplot” te skuderise Renault.

“Ka pasur shume polemika por skuderia veproi me shpejtesi duke vendosur normalitetin. Eshte shume e veshtire por keto probleme duhen perballur me vendosmeri per te ruajtur besueshmerine e Formula 1”, nenvizon britaniku. Ne gare per te zene vendin e Mosley jane Todt dhe Vatanen.

[OVES12]

Iniesta i kënaqur me rekordin

Mesfushori spanjoll Andres Iniesta ka deklaruar se ai kishte kërkuar nga trajneri i Spanjës, Vicente Del Bosque, që të luajë kundër Bosnje e Hercegovinës, edhe pse nuk ishte rikuperuar plotësisht.
Me fitoren e të mërkurës mbrëma, ‘La Furia Roja’ ka përmbyllur fushatën kualifikuese me rekord prej dhjetë fitoresh në dhjetë ndeshje. “Të gjithë jemi të stimuluar për të shënuar fitore. Dëshironim ta vendosnim emrin tonë në një rekord të ri dhe jemi të lumtur për këtë”. “Isha i lënduar, por i thash trajnerit se dëshiroja të luaj dhe në fund ndodhi, dhe jam i lumtur për këtë. Po luajmë ashtu siç duhet të luajmë dhe tash jemi në rrugën tonë”, ka thënë mesfushori i Barcelonës për “AS”.

[OVES12]

Dossena: Aquilani do të bëjë emër te Redsat

Mbrojtësi i Liverpoolit, Andrea Dossena, ka thënë se bashkëkombësi i tij Alberto Aquilani do të bëhet emër i rëndësishëm te Të Kuqtë.
“Ai ka kualitet për t’u adoptuar, sepse ai është shumë i mençur. Ai e kupton futbollin këtu dhe e di si të marrë vendimin e duhur me topin në afat të shkurtë kohor”. “Kur je në një ndeshje në Angli, nuk ke shumë kohë ta mbash topin. Duhet të mendosh para se të vijë topi te ti”. “Alberto është shumë i entuziazmuar që luan për Liverpoolin dhe ai dëshiron të përjetojë një lloj tjetër futbolli”, ka thënë Dossena për faqen zyrtare të Liverpoolit.

[OVES12]

Robinho: Kush nuk do të luante për Barcën?

Sulmuesi i Manchester Cityt, Robinho, është shprehur i gatshëm që të niset drejt Barcelonës.
Spekulohet se braziliani do të kalojë në Camp Nou gjatë afatit kalimtar të janarit në formë huazimi, ndërsa edhe pse asgjë nuk është konfirmuar zyrtarisht, vetë lojtari thotë se do t’i pëlqente të luajë për Barcelonën. “Padyshim se do të luaja për Barcën. Kush nuk do të luante? Do të argëtoheshim shumë”. “Do të ishte kënaqësi të luaja krahas Messit, bashkëkombësit Dani Alves, Xavit, Iniestas, Ibrahimovicit, dhe gjithë të tjerëve”, ka thënë Robinho për “El Mundo Deportivo”.

[OVES12]

De Rossi te Juventusi pas Kampionatit Botëror?

Njoftohet se mesfushori i Romës, Daniele De Rossi, do të transferohet te Juventusi pas Kampionatit Botëror 2010.
Sipas “Corriere Dello Sport”, De Rossi po përcillet nga drejtuesit e Juves, ndërkohë që edhe Chelsea interesohet për shërbimet e tij. Veç shumës së parave, Bianconerët ofrojnë edhe disa lojtarë për të siguruar shërbimet e mesfushorit italian. Lojtarët që mund të kalojnë te Roma si shkëmbim janë Christian Poulsen, Tiago, Lorenzo Ariaudo dhe Cristian Molinaro.

[Damian1]

Maradona: Do t’i mbaj mend ata që nuk besuan tek unë

Legjenda e futbollit argjentinas, Diego Armando Maradona ka qenë tejet euforik pas fitores ndaj Uruguait, me të cilën e siguroi kualifikimin direkt në Botërorin 2010

Ai i është kundërpërgjigjur kritikëve që nuk besonin tek ai dhe skuadra e tij. "Do t'i mbaj mend të gjithë ata të cilët nuk besuan në këtë skuadër dhe të cilët mua më trajtuan si plehrat", ka theksuar Maradona, duke shtuar:

"Të gjithë ata i rikujtoj se jemi kualifikuar në Botëror dhe atë me plotë meritë, pasi kemi mposhtur një skuadër të madhe si Uruguai. Unë jam ose i zi ose i bardhë, por kurrë në jetë nuk kam qenë ngjyrë hiri". Në pyetjen nëse do ta drejtojë Argjentinën edhe në Botërorin 2010, ai është përgjigjur shkurt.

"Më duhet të bisedoj me presidentin e federatës, Hulio Grondona". Megjithatë, në vazhdim ai bëri të ditur se nuk e ka ndërmend ta braktis kombëtaren, pasi theksoi se tashmë katër futbollistë e kanë të sigurt paraqitjen në Botëror, si Maskerano, Gutierez, Palermo dhe Bolati.