Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Ibra jashtë, Ronaldo rrezikon, ndoshta një botëror i klasit B?

Eliminatoret kanë nxjerrë jashtë disa emra ndërsa të tjerë si Ronaldo, Benzema apo Arshavin mund të eliminohen pas Play Off

Cristiano Ronaldo, futbollisti më i shtrenjtë në planet, rrezikon të mbetet jashtë finaleve të botërorit 2010 pasi ai dhe Portugalia e tij ende nuk kanë marrë lejekalimin për të shkuar në Afrikën e Jugut. Përpara është Play Off.

Por Ronaldo nuk është ylli i vetëm që rrezikon të mos i shtojë shkëlqimin e tij, botërorit vitin e ardhshëm. Nuk do të jetë me siguri Ibrahimovic, me Suedinë të eliminuar ndërsa në dyshim janë Benzema e Vieira (Franca në playoff) dhe Arshavin (Rusia në playoff).

Kështu rrezikojmë të kemi një botëror të klasit B, dhe ekspertët japin alarmin për më pak të ardhura dhe shikues. “Mungesa e yjeve në botëror sigurisht do të jetë një problem i madh” komentoi politologu Klaus Davi.

Nuk duhet të harrojmë që lojtarë të konsoliduar prej vitesh në fushata publicitare dhe që kombëtaret janë kualifikuar si Ronaldinho dhe Ronaldo (Brazil), Totti e Cassano (Itali), edhe më pas Beckham (Angli), nuk e kanë të sigurt vendin në ekip.

[OVES12]

Arrihet marrëveshja për Beckham

Zëvendëspresidenti i Milanit, Adriano Galliani, ka konfirmuar se mesfushori anglez David Beckham do të rikthehet te Rossonerët gjatë afatit kalimtar të janarit.
Lojtari i LA Galaxy vazhdimisht ka shprehur dëshirën e tij për t’u kthyer në San Siro ku qëndroi sezonin e kaluar në formë huazimi, ndërsa pas bisedimeve më në fund është arritur marrëveshja që ai ta vesh sërish fanellën e Milanit nga viti i ardhshëm. “Tashmë është arritur marrëveshja për rikthimin e David Beckhamit në formë huazimi në janar”, ka thënë Galliani për “Sky Sport Italia”.

[OVES12]

Robben kthehet në stërvitje

Anësori i Bayern Munichut, Arjen Robben, i ka shuar dyshimet se ai do të mungojë një kohë të gjatë, pasi që rikuperimi i tij po shkon shumë shpejtë.
Holandezi u lëndua në ndeshjen e Ligës së Kampionëve kundër Juventusit, ndërsa është dashur t’i nënshtrohet ndërhyrjes kirurgjike për ta trajtuar lëndimin. Gazeta gjermane “Bild” njofton se ish-lojtari i Real Madridit, të mërkurën është kthyer në fushën stërvitore, ndërsa pritet që në javën e ardhshme të stërvitet me bashkëlojtarët tjerë.

[OVES12]

Ervin Skela lojtar i Koblenzit

Ervin Skela, TuS Koblenz, SportiSot. Mesfushori shqiptar Ervin Skela ka nënshkruar për skuadrën gjermane nga Bundesliga II, TuS Koblenz.
Të mërkurën Skela ka nënshkruar kontratë trevjeçare me ekipi gjerman, ku do të aktivizohet që nga ky vikend e deri në fund të qershorit të vitit 2012. 32-vjeçari ka deklaruar se arsyeja që ka zgjedhur Koblenzit është se dëshiron ta ndihmojë këtë klub që gjendet në një moment të vështirë. Skela te Koblenzi do të gjejë disa lojtarë tjerë shqiptarë që aktivizohen te kjo skuadër, siç janë Njazi Kuqi, Aljmir Murati, Renaldo Rama , Shqipran Skeraj dhe Shefki Kuqi.

[supervisor91]

Renditja e FIFA-s, kuqezinjte humbasin 4 vende


Humbja e thelle 4-1 ne Stokholm i ka kushtuar jo pak por kater vende ne renditjen mujore te FIFA-s, kombetares shqiptare te udhehequr nga Josif Kuzhe.
Pavaresisht barazimit te arritur me Danimarken, kuqezinjte jane ne renie te lire duke u pozicionuar ne vendin e 97-te me 334 pike. Kete muaj kombetarja ka humbur 25 pike, duke u ndare nga vendi i 100-te vetem prej Angoles, Tanzanise dhe Armenise.

Qiproja qe arriti te na merrte vazon e katert per shortin e Euro 2012, renditet shume vende me larte, ne pozicionin e 65-te, ndersa kundershtarja me e afert e grupi tone, Hungaria mban vendin e 50-te.

Kryesimi edhe per kete muaj mbahet nga Brazili me 1632 pike, i ndjekur nga Spanja me 1629, Holanda 1340, Italia 1215, Gjermania 1161, Argjentina, Anglia, Kroacia, Franca dhe Portugalia.

[supervisor91]

Maradona: Ishte shfryrje…

“Kerkoj falje, madje jo, ishte nje shfryrje ajo qe thashe pas ndeshjes me Uruguajin”.
Keshtu eshte justifikuar trajneri i Argjentines, Diego Armando Maradona, i cili iu drejtua me fjale brutale gazetareve, duke i sulmuar ashper pas ndeshjes qe i siguroi kualifikimin Argjentines per ne boterorin e Afrikes se Jugut.

“Ishte nje shfryrje e madhe dhe u kerkoj falje atyre qe jane ndier te ofenduar”, shprehet ish sulmuesi i skuadres bardhekalter. Ne vijim te deklarates ai nuk di te ndalet, pasi sulmon serish ata qe e kane kritikuar, por kete here ne menyre etike.

“Kush ka folur nje mal me gjera per mua, e di shume mire qe me ka cilesuar anti-argjentinas. Kete nuk arrij qe ta fal”, theksoi “El Pibe D’Oro”.

[supervisor91]

Moto GP, Rossi dominon provat e lira

Valentino Rossi vendos diktatin ne provat e lira te Australise, duke i dhene sinjal shokut te skuadres Lorenzo se edhe ky kampionat do jete i veshtire per t’u fituar.
Italiani ma Yamaha ka kryesuar gjate gjithe sesionit me kohen 1:31:032, duke lene pas idhullin e shtepise, Casey Stoner, te ndjekur nga Dani Pedrosa, Alex De Angelis dhe Colin Edwards.

Vetem koha e gjashte per Jorge Lorenzo-n, i cili eshte rrezuar ne momentet e fundit. Paraqitje e mire per James Toseland me Yamaha Tech3, i cili ka arritur kohen e shtate. Loris Capirossi me Suzuki mbyll dhjeteshen e pare, duke lene pas Nicky Hayden.

[OVES12]

Kaka: Ronaldo është i frikësuar për mungesën në Kampionatin Botëror

Cristiano Ronaldo dhe Ricardo Kaka, Foto:Goal, Lajmi: SportiSotRicardo Kaka dhe Cristiano Ronaldo janë bërë shokë pasi që dytë kanë nënshkruar për Real Madridin këtë verë, dhe ylli brazilian thotë se bashkëlojtari i tij, Cristiano Ronaldo është i frikësuar se mos do të mungojë në Kampionatin Botëror, që mbahet në vitin e ardhshëm.

"Pas fitimit të dy ndeshjeve radhazi, Portugalia ka arritur që të sigurojë play-off-n, por Cristiano Ronaldo si dhe të gjithë bashkëlojtarët e tij janë të frikësuar se nuk do të arrijnë që të luajnë në Kampionatin Botëror," tha Kaka për AS.

[OVES12]

Perrotta: Roma mund ta mposhtë këdo

Simone Perrotta, Foto:AP ~ SportiSot.Këtë fundjavë Roma do të jetë mysafir i Milanit në San Siro për ta zhvilluar ndeshjen e javës së tetë në Serie A, ndërsa mesfushori romak Simone Perrotta thotë se Rossonerët do të jenë një test i vështirë për Romën.

“Mendoj se pavarësisht të gjithave, Milani është njëra nga skuadrat më të forta në Kampionat. Mendoj se dallimi i vetëm është se ata e kanë shitur një lojtar të madh si Kaka, dhe të gjithë e dinë se ai ka qenë çelësi i lojës së tyre. Pastaj u largua edhe trajneri...”.

“Skuadra jonë ka mbetur e njëjta, ndoshta kemi më shumë entuziazëm dhe mentalitet tjetër, ndërsa nën udhëheqjen e Ranierit kanë filluar të vijnë rezultatet. Duhet të luajmë deri në fishkëllimën e fundit, ne jemi Roma dhe mund ta mposhtim këdo”, ka thënë Perrotta për “Il Corriere dello Sport”.

[Damian1]

Cesc Fabregas i vendosur të fitojë Premier Ligën

Kapiteni i Arsenalit, Cesc Fabregas, thotë se ai tash është më i vendosur se kurrë të fitojë titullin e Ligës Premier.

Mesfushori spanjoll pranon se Liga Premier është titulli më i vështirë për t’u fituar dhe do të bëjë gjithçka në fuqinë e tij për të ndihmuar topçinjtë të bëhen kampionë.

“Kam kuptuar çdo vit se sa e madhe është Liga Premier. Derisa rriteni qëllimi juaj është Liga e Kampionëve dhe Kupat e Botës. Por, sapo luani këtu, kuptoni se si fansat jetojnë për Ligën Premier”.

“Liga është vërtet konkurruese dhe më pëlqen shumë. Mendoj se në Angli, Liga Premier është më e madhja. Të gjitha top ekipet evropiane dëshirojnë t’i fitojnë ligat e tyre, por ajo angleze është më e vështira për t’u fituar. Dua ta fitoj atë tash, edhe më shumë se sa kur kam arritur së pari”, ka thënë kapiteni i topçinjve.