Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Andre Santos në listën e dëshirave të Milanit

Milan ka kthyer vëmendjen kah mbrojtësi i ekipit turk Fenerbahce, Andre Santos, shkruajnë mediat italiane.

Sipas Sportmediaset, Milani është duke synuar të transferojë Santos pasi dështoi të mbyllë transferimin e Aly Cissokho gjatë kësaj vere.

Në anën tjetër edhe Fenerbahce thuhet se është e gatshme të shesë lojtarin, por nuk do të marrë parasysh asnjë ofertë e cila është nën vlerën e 8 milionë funteve.

[supervisor91]

Boterori, FIFA cakton dy vazot e play off


FIFA ka publikuar emrat e 8 skuadrave kombetare qe diten e hene do vendosen ne 2 vazot per shortin e ndeshjeve play off te Boterorit 2010 pas fazes eleminatore.
Institucioni me i larte i futbollit boteror ben me dije se Franca, Greqia, Portugalia dhe Rusia do te vihen perballe grupit te dyte qe perbehet nga Ukraina, Irlanda, Bosnje Hercegovina dhe Sllovenia.

Ndeshjet e para do te luhen ne daten 14 nentor dhe ato te kthimit 4 dite me pas, pra ne 18 nentor. Kater skuadrat fituese do plotesojne tablone me 16 skuadra europiane qe do udhetojne drejt Afrikes se Jugut ne qershorin e vitit 2010.

[supervisor91]

FIFA fillon hetimin ndaj Maradones

Kane bere shume zhurme per te kaluar pa pasoja, sharjet e Diego Armando Maradones ndaj gazetareve ne perfundim te ndeshjes me Uruguajin.
FIFA, ne fakt ka vendosur te hape nje hetim disiplinor ndaj trajnerit argjentinas per shfryrjen e tij ndaj shtypit, i shoqeruar nga sharje dhe vulgaritet.

Ka qene vete presidenti i organit me te madh boteror te futbollit, Joseph Blatter qe ka dhene lajmin.

“Nuk kemi asnje zgjidhje tjeter, vec te hapim nje hetim disiplinor kunder tij. Si president i FIFA-s eshte detyra ime t’ia jape ceshtjen komisionit disiplinor”, tha Blatter.

Vete Maradona kerkoi falje per veprimet e tij duke i konsideruar si thjesht “nje shfryrje te momentit”.

“Ishte nje shfryrje e madhe dhe u kerkoj falje atyre qe jane ofenduar”, shprehet ish sulmuesi i skuadres bardhekalter.

[supervisor91]

Fia kerkon korrektesi tek kandidatet per presidencen

Federata Internacionale e Automobilizmit kerkon mos te kete fjale dhe gjera jo korrekte perpara zgjedhjeve per presidencen.



Formula 1, Paris Federata Internacionale e Automobilizmit kerkon mos te kete fjale dhe gjera jo korrekte perpara zgjedhjeve per presidencen. Keto zgjedhje do te nxjerrin pasardhesin e Max Mosley.

Eshte mire te evitohen fushatat negative dhe publikimi i gjerave te demshme pasi jemi vetem nje jave larg zgjedhjeve.

Duhet te fokusohemi tek aspektet pozitive dhe te mundesit qe kane kandidate. Keto gjera FIA ja u beri te ditur te dy kandidateve per president Jean Todt dhe Ari Vatanen.

[OVES12]

Henry dhjetë ditë jashtë fushe

Sulmuesi i Barcelonës, Thierry Henry, do të qëndrojë dhjetë ditë jashtë fushe si pasojë e një lëndimi që pësoi me përfaqësuesen e Francës në ndeshjet kualifikuese për Kampionatin Botëror.
Stafi mjekësor i Barcës ka vërejtur një lëndim te francezi, ndërsa “Marca” njofton se ai do të mungojë në ndeshjen e rëndësishme të cilën Blaugranët e zhvillojnë në Mestalla kundër Valencias.

Nga ana tjetër, lajme të mira vijnë sa i përket Zlatan Ibrahimovicit, i cili pësoi një lëndim të gjurit gjatë ndeshjes kundër Shqipërisë, mirëpo lëndimi është i lehtë dhe Ibracadabra pritet të jetë në fushë të shtunën mbrëma kundër Los Che.

[OVES12]

Ancelotti: Terry është Maldini i Chelseat

Menaxheri i Chelseat, Carlo Ancelotti, thotë se kapiteni i bluve John Terry është një lojtar shumë i rëndësishëm në Stamford Bridge, po aq sa ishte mbrojtësi Paolo Maldini për Milanin.
Ancelotti këtë verë u largua nga rosonerët duke marrë drejtimin e Chelseat, ndërsa edhe Maldini u pensionua dhe që të dy lanë një zbrazëtirë të madhe që u vërejt këtë fillim sezoni te Milani.

“Sikur Maldini në Milan, Terry është lindur në këtë klub. Si Maldini, ai ka kaluar nëpër akademinë e këtij klubi. Dhe ai ka një ndjenjë të mirë për këtë klub, që është shumë e rëndësishme”, ka thënë Ancelotti për BBC.

[OVES12]

Atletico Madrid kërkon Eboue

Klubi spanjoll Atletico Madrid raportohet se dëshiron të transferojë mesfushorin e Arsenalit, Emmanuel Eboue, sipas mundësive në muajin janar.
Përfaqësuesi i Bregut të Fildishtë është lidhur me Atletico Madridin edhe gjatë kësaj vere, por klubi spanjoll nuk dëshironte të paguajë shumën e kërkuar nga topçinjtë, që arrin vlerën e 9 milionë funteve.

Por tash duket se spanjollët dëshirojnë të ngritin ofertën e tyre, pas fillimit të dobët të sezonit në La Liga. Menaxheri Abel Resino është i etur të transferojë Eboue për t’i dhënë një stimulim ekipit të tij, por vetëm nëse edhe 26 vjeçari do të pajtohet të qëndrojë në linjën e pagave të këtij klubi.

[OVES12]

Henry në shkëmbim të Robinhos?

Kampioni i Spanjës dhe Evropës, Barcelona, raportohet se është duke menduar të përfshijë sulmuesin francez Thierry Henry në marrëveshje, në tentim për të sjellë në Camp Nou yllin brazilian të Manchester Cityt, Robinho.
Daily Mail shkruan se Barcelona do të kërkojë të marrë shërbimet e Robinhos që në afatin kalimtar të janarit, ndërsa nëse në drejtim të kundër lëviz Henry, trajneri i Cityt Mark Hughes, mund të pajtohet të heqë dorë nga shërbimet e brazilianit.

Krahas Henry, edhe kapiteni Carles Pyyol përmendet si një opsion i mundshëm për të kaluar në Ligën Premier.

[OVES12]

Rooney mungon ndaj Boltonit, rikthehet Van der Sar

Sulmuesi anglez Wayne Rooney nuk është në kombinim për takimin e të shtunës ndaj Bolton Wanderers, që do të zhvillohet në Old Trafford.
Rooney u lëndua gjatë kohës sa ishte në detyrë me kombëtaren angleze dhe mund të mungojë edhe në takimin e Ligës së Kampionëve kundër CSKA Moskës. Por në ekipin e Sir Alex Ferguson është rikthyer portieri Edwin van der Sar.

“Rooney nuk është në kombinim për takimin me Boltonin, kjo është e sigurt. Dhamë maksimumin për ta pasur të gatshëm për takimin e të mërkurës, por ai mbetet i dyshimtë edhe për këtë takim”, ka thënë Ferguson në konferencën e sotme të shtypit.

“Edwin është i gatshëm dhe nesër mund të luajë. Ndeshja me ekipin rezervë ishte e mirë për moralin e tij dhe vetëbesimin”, ka shtuar skocezi.

[OVES12]

Mourinho: Eto’o i dyshimtë, por e kemi Suazon

Strategu i Interit, Jose Mourinho, ka pranuar se Samuel Eto’o ka pak gjasa për të luajtur në takimin derbi të vikendit përballë Genoas, por ka besim në aftësitë e David Suazo.
“Ndeshja e nesërme nuk do të jetë monolog, do të jetë dialog, dhe të dy ekipet do të luajnë lojë të hapur. Pres rënie individuale të lojtarëve të caktuar, por pres luftë ekipore”, ka thënë Mourinho në konferencën e sotme të shtypit.

“Eto’o? Ai duhet të stërvitet dhe të tregojë se është i aftë për lojë, nuk do të luajë nëse nuk është i gatshëm. Suazo mund të jetë lojtarë kyç në takimin e nesërm, por ai ishte në detyrë me kombëtaren dhe ende nuk ka arritur”, ka shtuar portugezi.