Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Hughes: Robinho mbetet në City

Menaxheri i Manchester Cityt, Mark Hughes, beson se sulmuesi brazilian Robinho ka një të ardhme afatgjate në Eastlands.
Ish-lojtari i Real Madridit, i cili është jashtë fushe për shkak të lëndimit në gju, javën e fundit vazhdimisht është lidhur me një kalim në Barcelona, por Hughes thotë se nuk ka ndërmend të heqë dorë nga shërbimet e tij.

“Gjithmonë ka spekulime rreth të ardhmes së Robinhos. Kështu ishte edhe kur ai erdhi në fillim në klub. Ai është një djalosh i shkëlqyeshëm”.

“Ne nuk jemi në proces të shitjes së lojtarëve më të mirë të ekipit. Ne dëshirojmë t’i ruajmë futbollistët e shkëlqyeshëm. Ne synojmë kah ndërtimi i një ekipi dhe jo kah shkatërrimi i tij”, ka thënë Hughes për mediat angleze.

[Damian1]

Luis Fabiano: Po afrohet dita e ndarjes time me Sevilla

Sulmuesi brazilian, Luis Fabiano, ka paralajmëruar ndarjen e tij me skuadrën spanjolle, Sevila në të cilën luan që nga viti 2005

Gjatë verës Fabiano ishte i lidhur me një transferim te Milani, kurse për shërbimet e tij kishte shprehur interesim edhe Mançester Junajtedi, por në fund ai mbeti pjesë e Sevilës.

"Sigurisht që do të vijnë mundësi të reja. Kontrata ime me Sevilën është afër skadimit dhe kjo gjë do ta lehtësojë ndarjen tonë. Futbollisti duhet të shfrytëzojë atë që i ofrohet. Nuk jam pjesë e ndonjë skuadre më të fortë, pasi presidenti i Sevilës, Hose Maria del Nido më adhuron”.

“Ka pasur oferta për mua, por klubi nuk e vlerësoi të arsyeshme shitjen time, kurse edhe unë ndjehem i lumtur këtu ku jam, pasi kjo skuadër po luan mirë. Pikërisht Sevila mi ka hapur dyert e kombëtares braziliane dhe për këtë arsye duhet t'i jam mirënjohës", ka pohuar Fabiano, i cili ka kontratë të vlefshme me Sevilën deri më 30 qershor të vitit 2011.

[Damian1]

Chelsea në “Pit Stopin” e dytë, humb me Aston Villa 2-1

Skuadra e Ancelotti ka humbur 2-1 në shtëpinë e Aston Villa në javën e nëntë duke pësuar edhe disfatën e dytë në kampionat

Në ndeshjen e parë të javës së 9-të në Premier League, skuadra e Aston Villa ka mundur 2-1 ekipin e Chelsea, duke i dhënë formacionit të trajnerit Carlo Ancelotti, humbjen e dytë sezonale, përballë 7 fitoreve.

Ndeshja ka nisur me vonesë pasi arbitri kryesor është sëmurur dhe arbitri i katërt drejtoi ndeshjen. në minutën e 15 sulmuesi Drogba godet nga një distancë prej 25 metrash, dhe gjuajtja me fat, përfundon në rrjetë. Fajtor kryesor portieri vendas Friedel.

Në minutën e 32 padronët e shtëpisë barazojnë me Dunne pas një gabimi të londinezit Lampard. Në pjesën e dytë erdhi dhe goli i fitores për Aston Villa. Dalje e gabuar e Cech dhe Collins shënoi me kokë.

[Damian1]

Bayern fiton 1-2 në Freiburg, sukses edhe për Schalke

Skuadra e Van Gaal ka marrë 3 pikë në ndeshjen jashtë fushës ndaj Freiburg ndërsa Schalke mundi 1-2 Stuttgart

Pas dy dështimeve radhazi në Bundesliga (një humbje dhe një barazim), Bayern Munichu i është kthyer fitores. Të shtunën bavarezët kanë shënuar fitore si mysafir i Freiburgut në stadiumin Badenova me rezultat prej 2-1.

Pa përfunduar pjesa e parë (42’), Thomas Muller kaloi mysafirët në epërsi, ndërsa autogoli i Du-Ri Cha në pjesën e dytë (68’) ia dha avantazhin e dyfishtë Bayernit. Vendasit nuk arritën të bëjnë më shumë se një gol të shënuar në minutat shtesë të takimit (90’+2) nga Stefan Reisinger.

Në ndeshjen tjetër Schalke 04 fitoi 1-2 në fushën e skuadrës së Stuttgart. Në fillim ishin miqtë që shënuan po r Cacau barazoi rezultatin. Goli i fitores për Schalke erdhi nga Kuranyi.

[Damian1]

Sunderland mund Liverpool, Manchester Utd merr kryesimin

Kampionët në fuqi të Anglisë kanë marrë kryesimin ndërsa Sunderlandi i Lorik Canës ka fituar 1-0 ndaj Liverpool

Manchester United ka shënuar fitore 2-1 përball Bolton Wanderers në ndeshjen e zhvilluar të shtunën në Old Trafford. Vendasit kaluan në epërsi që në minutat e para të ndeshjes (5’), kur Zat Knight shënoi në portën e tij.

Luis Antonio Valencia u përkujdes që skuadrat të shkonin në pushim me epërsi të dyfishtë të United, pasi shënoi golin e dytë në minutën e 33-të. Pesëmbëdhjetë minuta pa përfunduar koha e rregullt, mysafirët ngushtuan epërsinë në 2-1 me golin e Matthew Taylor, dhe kjo ishte krejt çka arritën të bëjnë në këtë ndeshje. Me këtë fitore kampioni në fuqi i Ligës Premier ngjitet në krye të tabelës me një pikë më shumë se Chelsea, që të shtunën u mposht nga Aston Villa.

Pas barazimit kundër Manchester United, skuadra e Sunderlandit ka shënuar befasinë e radhës duke shënuar fitore të merituar përballë Liverpoolit në ndeshjen e zhvilluar tw shtunën në "Stadium of Light".

Vendasit arritën të fitojnë me rezultat minimal, me golin e vetëm të shënuar nga Darren Bent në fillim të ndeshjes (5’), mirëpo ata kanë mundur të fitojnë me rezultat më të lartë, po t’i kishte shfrytëzuar Bent dy raste shumë të mira përballë portierit Pepe Reina.

Liverpooli në këtë ndeshje luajti pa dyshen kryesore, Steven Gerrard dhe Fernando Torres, ndërsa edhe pse Rafa Benitez paralajmëroi fitore, ashtu nuk ndodhi. Kështu Të Kuqtë shënojnë humbjen e tretë radhazi (dy në Premier Ligë dhe një në Ligën e Kampionëve).

Ylli shqiptar Lorik Cana bëri një paraqitje solide në këtë ndeshje, duke luajtur në pjesën e parë si mesfushor, ndërsa në të dytën si qendërmbrojtës. Në këtë ndeshje ai u ndëshkua me karton të verdhë.

Aston Villa 2 - 1 Chelsea

Arsenal 3 - 1 Birmingham C.

Everton 1 - 1 Wolverhampton W.

Manchester U. 2 - 1 Bolton W.

Portsmouth 1 - 2 Tottenham H.

Stoke C. 2 - 1 West Ham U.

Sunderland 1 - 0 Liverpool

[Damian1]

Juve frenohet nga Fiorentina, Amauri i përgjigjet Vargas

Është mbyllur 1-1 ndeshja mes Zonjës së Vjetër dhe Fiorentinës duke i dhënë dy skuadrave nga një pikë

Ndeshja mes Juventusit dhe Fiorentinas, ka përfunduar me rezultat të barabartë. Takimi zhvilluar të shtunën në Olimpico të Torinos, ndërmjet Zonjës së Vjetër dhe ekipit mik nga Firenze, ka përfunduar me rezultat 1-1.

Të parët në epërsi kaluan mysafirët, kur Juan Manuel Vargas pranoi një top të Jovetic për ta mposhtur portierin Buffon (5’). Mirëpo nuk kaloi shumë kohë (18’), dhe Amauri barazoi rezultatin duke shfrytëzuar një asist të Iaquintës. Në pjesën e dytë nuk u shënuan gola, ashtu që të dyja skuadrat u ndanë me nga një pikë.

[Damian1]

UEFA shpall koefiçentët, Shqipëria në vazon e 5-të

UEFA ka publikuar listën dhe koefiçentët e skuadrave që do të marrin pjesë në shortin e eliminatoreve të Europianit 2012, që do të zhvillohet në Poloni dhe Ukrainë

Në shortin e Varshavës në datën 7 shkurt, Kombëtarja shqiptare do të bëjë pjesë në vazon e pestë.

Ekipi i Shqipërisë ka humbur dy vende dhe vazon e katërt. Në listën e UEFA-s, ekipi shqiptar ka kaluar në vendin e 40, me koeficient 18.319 pikë. Në vendin e 38-të ndodhet Qipro me koeficientin 18.791, ndërsa në vendin e 39 tashmë ka kaluar Mali i Zi, me koefiçent 18.751.

Renditja e bërë publike është ende e pa përfunduar sepse për ekipet që marrin pjesë në fazën e play ofit për kualifikimin në botërorin “Afrika e Jugut 2010”, koefiçentët mund të ndërrojnë përsëri.

Ndërsa për sa i përket ekipeve, si Shqipëria, që nuk do të zhvillojnë më ndeshje zyrtare deri në eliminatoret e Europianit 2012, çdo gjë ka përfunduar.

[supervisor91]

Moto GP, Stoner fiton ne shtepi, Rossi prane boterorit



Australiani Casey Stoner ka fituar garen e shtepise ne pisten e Philip Island duke dhene nje sinjal te qarte per te gjithe kundershtaret se eshte rikthyer ne forme pas semundjes misterioze.
Piloti i Ducati-t ish kampion bote nuk i ka dhene asnje mundesi pretendenit kryesor te ketij sezoni Valentino Rossi, duke e lene ate ne vendin e dyte. Nje dite e keqe per Jorge Lorenzo-n, i cili eshte rrezuar ne xhirot e para te gares, cka ka bere qe Rossi te prese vetem zyrtarizimin e fitores se boterorit te nente.

Vendi i trete per spanjollin Dani Pedrisa, i ndjekur nga Alex De Angelis, Colin Edwards, Andrea Dovizioso dhe Marco Melandri. Kur duhen edhe dy gara nga fundi i kampionatit, Vale Rossi kryeson me 38 pike me shume se Lorenzo.

[supervisor91]

Barrichello pole position, zgjohen shpresat per titull



Rubens Barrichello ka arritur te marre pole position ne pisten e Interlagosit ne Brazil pas zgjatjes se provave zyrtare per shkak te shiut te rrembyer qe permbyti pisten.
Jane dashur rreth tre ore qe te vendoset radha e nisjes per diten e nesrme ku braziliani ka regjistruar kohen me te mire 1:19.576. Ai ka lene pas Mark Webber me Red Bull dhe Adrian Sutil me Force India.

Kryesuesi i ketij kampionati, Jenson Button ka arritur vetem kohen e 14-te me te mire, duke rrezikuar seriozisht titullin kampion pasi ka kryesuar gjate gjithe sezonit. Paraqitje jo e mire per Ferrarin pasi Fisichella ka dale nga pista, ndersa Raikkonen u rendit i pesti.

Ka deshtuar edhe Hamilton qe do niset nga vendi i 18-te, ndersa Alonso regjistroi kohen e 10-te me te mire.

[OVES12]

Zidane edhe zyrtarisht pjesë e Realit

Legjenda e futbollit Zinedine Zidane pritet që gjatë javës që vjen edhe zyrtarisht të marrë detyrë në ish-klubin e tij, Real Madrid.
Ish-Lojtari Më i Mirë në botë do të jetë në Santiago Bernabeu në takimin përballë Real Valladolid para se javën e ardhshme të fillojë detyrën e re në klub.

Zidane ka shmangur mundësinë për të pasur një zyre dhe në vend të saj do të takohet me drejtuesit dhe do të diskutojë mundësinë e të qenit pjesë e stafit teknik.