Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Zenden ‘me fat’ pas rikthimin në Premier

Mesfushori Boudewijn Zenden ka thënë se ai është një lojtar me fat, pasi nënshkroi marrëveshje njëvjeçare me Sunderlandin, ku do t’i bashkohet ish-bashkëlojtarit të tij, Lorik Cana.
Disa orë pasi ka nënshkruar me klubin e tij të ri, Zenden thotë se është i lumtur që ka gjetur një ekip ku ndjehet mirë dhe respektohet nga trajneri, por se nuk do ta harrojë Olympique Marseillen ku kaloi dy vite.

“Doja të rikthehem në Angli dhe në Ligën Premier. Isha i ftuar nga Steve Bruce për një provë dhjetë ditore gjatë javës së kaluar dhe kësaj jave për të parë gjendjen time. Gjithçka ishte pozitive, andaj këtë vikend arritëm marrëveshje”, ka thënë Zenden.

[OVES12]

United merr kreun

Manchester United ka shënuar fitore prej 2-1 përball Bolton Wanderers në ndeshjen e zhvilluar të shtunën në Old Trafford.
Vendasit kaluan në epërsi që në minutat e para të ndeshjes (5’), kur Zat Knight shënoi në portën e tij.

Luis Antonio Valencia u përkujdes që skuadrat të shkonin në pushim me epërsi të dyfishtë të United, pasi shënoi golin e dytë në minutën e 33-të.

Pesëmbëdhjetë minuta pa përfunduar koha e rregullt, mysafirët ngushtuan epërsinë në 2-1 me golin e Matthew Taylor, dhe kjo ishte krejt çka arritën të bëjnë në këtë ndeshje.

Me këtë fitore kampioni në fuqi i Ligës Premier ngjitet në krye të tabelës me një pikë më shumë se Chelsea, që të shtunën u mposht nga Aston Villa.

[OVES12]

Bayerni i kthehet fitores

Pas dy dështimeve radhazi në Bundesliga (një humbje dhe një barazim), Bayern Munichu i është kthyer fitores.
Të shtunën bavarezët kanë shënuar fitore si mysafir i Freiburgut në stadiumin Badenova me rezultat prej 2-1.

Pa përfunduar pjesa e parë (42’), Thomas Muller kaloi mysafirët në epërsi, ndërsa autogoli i Du-Ri Cha në pjesën e dytë (68’) ia dha avantazhin e dyfishtë Bayernit.

Vendasit nuk arritën të bëjnë më shumë se një gol të shënuar në minutat shtesë të takimit (90’+2) nga Stefan Reisinger.

[OVES12]

Derbi i javës së nëntë i takon Schalkes

Schalke ka fituar derbin e javës së nëntë në Bundesliga duke shënuar fitore si mysafir i Stuttgartit.
Ndeshja e zhvilluar të shtunën në Mercedes-Benz Arena, ndërmjet Stuttgartit dhe Schalkes ka përfunduar me fitoren e mysafirëve me rezultat prej 2-1.

Mysafirët kaluan të parët në epërsi me anë të Ivan Rakitic (24’) dhe ky ishte goli i vetëm i shënuar në pjesën e parë.

Vendasit arritën ta barazojnë rezultatin në minutën e 73-të me anë të Cacau, mirëpo tre minuta më pas, Kevin Kuranyi shënoi golin e fitores për Schalken.

Fitore këtë javë ka shënuar edhe Werder Bremeni duke e mposhtur Hoffenheimin me rezultat 2-0, ndërsa Hertha Berlin ka pësuar disfatë prej 0-3 si mysafir i Nurnbergut.

[OVES12]

Valencia ndal Barcelonën

Një përballje e Jeremy Mathieu dhe Lionel Messi. Një shfaqje spektakolare kanë prezantuar Valencia dhe Barcelona në superduelin e të shtunës mbrëma.
Derbi e javës së shtatë në La Liga është zhvilluar në Mestalla, ku janë takuar Valencia dhe Barcelona, në ndeshjen që përfundoi pa gola.

Kjo supersfidë dhuroi gjithçka, bukuri futbolli, raste të shumta, nervozizëm, adrenalinë... por fatkeqësisht mungoi goli.

Pas këtij barazimi, Barcelona mban pozitën e parë në tabelë, por me vetëm një pikë diferencë nga Real Madridi.

Ndërkohë, Valencia rrezikon ta humbasë vendin e pestë, nëse Mallorca apo Athletic Bilbao, shënojnë fitore respektive, kundër Getafes apo Sporting Gijonit në ndeshjet e të dielës.

[OVES12]

Van der Sar i kënaqur me rikthimin

Portieri i Manchester United, Edwin van der Sar, ka qenë i ngazëllyer me rikthimin e tij në fitoren 2-1 ndaj Bolton Wanderers.
“Kur riktheheni gjithmonë dëshironi ta ruani portën e pastër. Por gjëja më e rëndësishme janë tre pikët dhe ne i siguruam ato sot dhe e merituam fitoren. U kënaqa në ndeshje dhe ishte mirë që nxorën edhe një fitore”.

“Jussi Jaaskelainen (portieri i Boltonit) luajti në mënyrë spektakolare edhe një herë duke bërë disa ndërhyrje fantastike. Kur ishim 2-0 ndeshja ende nuk kishte përfunduar dhe Bolton shënoi një gol të papritur, pasi ne nuk u mbrojtëm mirë”, ka thënë holandezi.

[OVES12]

Buffon: Humbëm shumë raste kundër Fiorentinës

Portieri i Juventusit, Gianluigi Buffon, ka komentuar barazimin 1-1 ndaj Fiorentinës, duke thënë se goli i hershëm i shënuar nga mysafirët prishi planin e lojës së biankonerëve.
Me pikën e fituar Juventusi mbetet katër pikë prapa liderit dhe kampionit në fuqi të Serie A, Interit, që dje shënoi fitore të thellë prej 5-0 ndaj Genoas.

“Pjesa e parë ishte një prej më të mirave që kemi luajtur në Torino. Nëse do të kishim marrë ne avantazhin të parët, do të kishim një lojë tjetër. Në pjesën e dytë Fiorentina luajti më mirë dhe barazimi ishte rezultat i drejtë”, ka thënë Buffon.

[OVES12]

Raul - një natë për t’u mbajtur mend

Kapiteni i Real Madridit është shprehur i kënaqur që ndihmoi ekipin e tij të shënojë fitore në takimin e mbrëmshëm ndaj Real Valladolid.
Raul tregoi se në Real Madrid ka jetë edhe pa Cristiano Ronaldo, duke shënuar dy gola në fitoren 4-2, që ishte paraqitja e tij e 711-të me Los Merengues.

“Jam i lumtur që gjithçka funksionoi, siç jam edhe krenar që i sigurova ekipit tre pikë të rëndësishme”, ka thënë Raul, i cili në fillim të ndeshjes pranoi një trofe për thyerjen e numrit të paraqitjeve në klub.

“Kurrë nuk kam menduar se do ta arrij këtë. Do të bëhen pesëmbëdhjetë vjet që nga debutimi im dhe ka qenë vështirë të mendoj për të arritur këtë numër të ndeshjeve. Jam i kënaqur për këtë”, ka thënë spanjolli me këtë rast.

[supervisor91]

Button mbreti i botës, fiton kampionatin e Formula 1

Piloti britanik i skuadrës BrawnGP, ka fituar botërorin pasi rivali i tij Barrichello është paraqitur keq në Interlagos

Piloti britanik Jenson Button është shpallur kampion bote në Formula 1, duke fituar botërorin për herë të parë në karrierën e tij.

Protagonistit absolut të BrawnGp këtë sezon, i ka mjaftuar vendi i pestë në garën e zhvilluar në Brazil. Në cirkuitin e Interlagos ishte Webber që fiton Çmimin e Madh ndërsa në podium u ngjitën edhe Kubica e Hamilton.

Skuadra e inxhinierit Ross Brawn ka fituar gjithashtu edhe titullin për konstruktorë në një botëror ku vazhdojnë befasitë, polemikat dhe skandalet nga pista në pistë.

[supervisor91]

F1, mbyllet gara e Interlagosit, Baton kampion



Ashtu si ne sezonin e kaluar titulli i kampionit te botes i eshte dorezuar edhe njehere ne Brazil nje britaniku. Pas Hamiltonit kampioni i ri eshte Xhenson Baton.
Piloti britanik i Braun GP megjithese e ka mbyllur garen ne vendin e peste ka siguruar titullin kampion per pilote si dhe ka ndihmuar skuderine e tij te shpallej kampione e botes. Fitore e dyfishte e Braun GP.

Nderkohe qe Cmimi i Madh i Brazilit u fitua nga Mark Veber me Red Bull i cili la pas Kubicen me BMW ne vendin e dyte dhe Hamilton me Meklaren ne vendin e trete.

Ferrari mjaftohet me nje vend te gjashte (Raikonen) dhe nje vend te 11 (Fizikela).