Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Blatter pranon gabimin në tërheqjen e shortit për Play Off

Presidenti i FIFA-s Sepp Blatter pranoi se shorti i Play Off për kampionatin botëror ka mundur të trajtohet më mirë.
Vendimi që të bëhet ndarja se cilat skuadra do jenë nëpër enët përkatëse ka zgjuar polemika të mëdha. Trajneri i Irlandës Giovanni Trapattoni ka pohuar se për shkak të këtij shorti, klubet e fuqishme e kanë punën më të lehtë.
Blatter e ka pranuar këtë gabim dhe ka shprehur indinjatën për këtë mënyrë të tërheqjes së shortit.
“Ai (Trapattoni) e ka mirë. Është dashur ti paralajmëronim që nga fillimi skuadrat.”
“Është diçka në rregulla, por nuk është e qartë. Nëse mësojmë, do të ndryshojmë për 2014, mirëpo në 180 minuta gjithçka është e mundur.”
“Aty marrin pjesë kombëtaret më të mira të kualifikimeve dhe nëse dikush eliminohet atëhere ajo do të vie për shkak se nuk e kanë merituar.” përfundoi Nr.1 i FIFA-s.

[Damian1]

Champions, Manchester United fiton në Moskë 0-1 ndaj CSKA

Kampionët e Anglisë kanë vazhduar serinë e fitoreve në Champions League me një sukses minimal ndaj skuadrës moskovite të CSKA

Skuadra e Manchester United ka mposhtur të ftohtin rus duke ia dalë që të rrëmbejë 3 pikë në transfertën e vështirë kundër CSKA-së së Moskës.

Në ndeshjen e zhvilluar në stadiumin “Luzhniki”, aty ku “Djajtë e Kuq” u shpallën kampionë europe para dy vjetësh, 90 minutat u mbyllën 0-1 për anglezët. Kjo fitore forcon pozitat e Manchester United në krye të grupit B.

Pas një pjesë të parë pa ritëm dhe ku skuadrat u ruajtën, në të dytën Manchester United u tregua më këmbëngulës. Goli i vetëm u shënua nga Luis Antonio Valencia në minutën e 86 pas një asisti të Berbatov.

[Damian1]

Benitez beson në kualifikimin e Liverpool në Champions

Trajneri i Liverpulit, Rafael Benitez është i bindur se skuadra e tij do të mund të kalojë në 1/8 e finales së Ligës së Kampionëve, përkundër humbjes ndaj Lyonit

“Kjo ndeshje ishte shumë e vështirë për ne, por ne ishim në epërsi 1:0 dhe kishim dy apo tri raste, të cilat kanë mundur të ndryshojnë çdo gjë. Jemi shumë të zhgënjyer me epilogun përfundimtar, pasi kjo ishte një sfidë e mundimshme, por të cilën jemi munduar ta fitojmë”.

“Jemi në një situatë të disfavorshme, por edhe më parë kemi qenë në situata të tilla dhe ia kemi dalë mbanë, prandaj sigurisht se mundemi edhe tani”.

“Duhet të jemi gatshëm për sfidën e ardhshme dhe të mundohemi të fitojmë, kurse më pas t’i arkëtojmë edhe 6 pikë nga dy ndeshjet e fundit në grup. Jam i bindur se jemi të aftë për t’ia arritur këtij objektivi”, ka pohuar Benitez.

[Damian1]

Milan mposht Realin 3-2 në tempullin “Santiago Bernabeu”

Skuadra e Milanit ka heshtur të gjithë kritikët duke mposhtur Real Madridin në Santiago Bernabeu me rezultat 3-2

Ndeshja kryesore e xhiros së tretë në fazën grupore të Ligës së Kampionëve është zhvilluar ndërmjet dy skuadrave më të trofeshme në Ligën e Kampionëve, të cilat kanë zhvilluar ndeshjen e xhiros së tretë në Grupin C. Në pjesën e parë të dyja skuadrat zhvilluan një lojë më të mbyllur dhe më të kujdesshme, mirëpo një gabim trashanik të portierit Dida, e shfrytëzoi ikona e Los Blancos, Raul, i cili i solli mbretërit në epërsi (19’).

Në pjesën e dytë u zhvillua një ndeshje më dinamike, me ç’rast u shënuan katër gola. Mesfushori italian Andrea Pirlo barazoi rezultatin pas një supergoditje nga distanca, duke lënë të shtangur portierin Iker Casillas (62’). Kuqezinjtë i kaloi në epërsi Alexandro Pato (66’), i cili pranoi një top nga Massimo Ambrosini për ta shënuar golin e dytë për mysafirët.

Los Blancos barazuan rezultatin me anë të të inkuadruarit në pjesën e dytë, Royston Drenthe (76’), i cili pas një skeme me Raulin mposhti portierin Dida. Ndërkohë tri pikë të merituara Milanit ia solli braziliani Pato me golin e dytë personal dhe të tretin në këtë ndeshje (88’).

Në ndeshjen tjetër të Grupit C, Marseille ka shënuar fitore minimale si mysafir i Zurichut. Pas xhiros së tretë, Milani dhe Reali kanë nga gjashtë pikë, ndërsa Marseille dhe Zurichu nga tri pikë.

Blutë e Chelseat kanë shpërthyer duke mposhtur me rezultat 4-0 ekipin e Atletico Madritit në takimin e grupit D të Ligës së Kampionëve të zhvilluar në Stamford Bridge.

Bordeaux 2 - 1 Bayern Munich

Juventus 1 - 0 Maccabi Haifa

CSKA Moscow 0 - 1 Manchester U.

Wolfsburg 0 - 0 Besiktas

Real Madrid 2 - 3 AC Milan

Zurich 0 - 1 Marseille

Chelsea 4 - 0 Atletico Madrid

Porto 2 - 1 APOEL Nicosia

[OVES12]

Milani bën gjëmën në “Bernabeu”, mund 3-2 Real Madridin
U luajtën ndeshjet e treta të turit në grupe të Ligës së Kampioneve, ku spikat fitorja e Milanit në “Berbabeu”, ndaj “galaktikëve” të Real Madridit. Humbet Kaka në përballjen me ish-skuadrën e tij, ku Pato për kuqezinjtë ka shënuar një dopietë, ndërkohë që Pirlo ka realizuar një eurogol, nga një goditje nga larg. Bien në sy gafat e të dy portierëve, e Didës dhe e Kasijasit. Më herët, Mancester United kishte fituar në Moskë, ndaj CSKA, duke u ngjitur tashmë në kuotën e 9 pikëve. Fiton me vështirësi Juventusi, 1-0 ndaj Makabi Hafia, me një gol të Kielinit, ndërkohë që Bajerni i Mynihut bie në fushën e Bordosë, ku mundet 2-1. Në barazim 0-0 mbyllet sfida mes Volfsburgut dhe Beshiktashit, kurse Celsi i Ancelotit shkatërron Atletiko Madridin 4-0. Më poshtë, ja edhe tabela e ndeshjeve të ditës së mërkurë të Ligës së Kampioneve, bashkë me renditjet sipas grupeve që luajtën këtë mbrëmje.

[Damian1]

Arsenal, Wenger kthen sërish sytë nga shqiptari Cana

Arsene Wenger nuk ka hequr dore nga shpresa per te marre Lorik Canen tek Arsenali i tij, pavaresisht se shqiptari u transferua veren e fundit te Sanderlendi.

Lorik Cana ka qene nje nga deshirat e Vengerit ne sezonin e kaluar dhe tekniku i Arsenalit pritet te beje nje tjeter tentative gjate merkatos se veres se ardhshme.

Lajmin e ka bere te ditur dje e perditshmja angleze “Daily Mail”. Ish-kapiteni i Marsejes, i cili eshte edhe futbollisti i pare shqiptar qe shkeli ne Premier League ka bere pershtypje te madhe me kalimin e tij per 5.8 milione euro “Macet e Zeza” te Anglise, ku ka formuar nje dyshe te pathyeshme me Li Katermole ne qender te mesfushes.

Si vleresim trajneri Brus i ka dhene shiritin e kapitenit. Arsenali eshte ne kerkim te nje mesfushori qendre, qe te mbeshtese dyshen Fabregas-Arshavin. Vana eshte i pelqyeri. Por ne kete gare pritet te futen edhe Everton e Liverpul, te cilet e kane ne liste emrin e shqiptarit qe veren e kaluar.

[Damian1]

Sir Alex Ferguson: Antonio Valencia po përshtatet mirë

Antonio Valencia ka filluar të përshtatet mirë në Manchester United, sipas menaxherit të klubit anglez Sir Alex Ferguson.

Ekuadoriani, i cili erdhi në Manchester nga Wigan Athletic gjatë kësaj vere, shënoi golin e parë me United në Ligën Premier në fitoren ndaj Boltonit gjatë vikendit dhe e përsëriti atë duke shënuar edhe golin e fitores në takimin e mbrëmshëm të Ligës së Kampionëve ndaj CSKA Moskës.

“Ai ka qenë disa pikë plus në dy javët e fundit. Ai është duke u adaptuar në klub, vetëbesimi i tij është më i fuqishëm dhe ai ka vlera të larta, fuqi, ekuilibër, këmbë dhe një harkim të mirë të topit”.

“Ajo ku ai nuk ishte dëshmuar ishte aftësia për të shënuar gola. Kemi thënë kur nënshkruam me të se kjo do të ishte sfida e tij për t’u përmirësuar si futbollist. Tash ai ka shënuar dy gola në dy ndeshje dhe kjo do t’i ndihmojë atij”, ka thënë trajneri skocez.

[Damian1]

Leonardo entuziast për fitoren: Ky është Milani që dua

Pas suksesit te ndeshjes ne Madrid me fitoren e Milanit ndaj Realit vendas me rezultatin 3-2, trajneri kuqezi, Leonardo eshte shprehur entuziast per skuadren e tij.

“Beme dicka te pabesueshme, gjigande. Ky eshte Milani qe kam deshiruar qe nga fillimi i ketij sezoni me te gjithe elementet cilesore ne fushe. Pas perfundimit te ndeshjes kunder Romes thashe, ja cfare dua dhe shoqeria me mbeshteti”, eshte shprehur Leonardo.

Pas perfundimit te ndeshjes dhe trepikeshit te marre ne Bernabeu Milani i trajnerit brazilian, megjithese me nje golavarazh me te dobet se ai i Real Madrid e shikon veten ne krye te grupit B me 6 pike.

[supervisor91]

FIA, Jean Todt president me shumice votash



Federata Nderkombetare e Automobilizmit tashme ka nje president te ri pas 16 viteve te Max AMosley ne krye te ketij institucioni.
Asgje nuk ka dale jashte parashikimeve pasi kandidati me i kuotuar Jean Todt eshte zgjedhur me shumice votash nga anetaret e Asamblese se Pergjithshme te FIA-s.

Ish drejtori i Ferrarit ka arritur te mposhte konkurrencen e finlandezit Ari Vatanen, disa here fitues i garave Rally. Francezi ka marre 135 vota, ndersa kundershtari i tij 49, cka tregon qarte mbeshtetjen e madhe qe kishte Todt ne qarqet me te rendesishme te FIA.

[OVES12]

Raul barazon rekordin e Gerd Muller

Sulmuesi veteran i Real Madrid, Raul Gonzales eshte bere pjese e historise me golin e shenuar dje ndaj Milan pasi ka barazuar rekordin e gjermanit Gerd Muller per gola te shenuar ne kompeticione europiane.

Raul arriti te zhbllokoi rezultatin ne minuten e 19 pas atij gabimi fatal te portierit Dida duke arritur keshtu ne kuoten e 66 golave te shenuar ne kompeticione europiane.

Nderkohe legjenda gjermane Gerd Muller i cili eshte ne te njejten koute golash, ka marre pjese ne 11 kupa europiane duke ndihmuar skuadren e tij Bayern Munich te kishte sukses ne tre sezone rradhazi 1974, ‘75, ‘76.

Nga ana tjeter Raul i ka shenuar te 66 golat ne kompeticionin me te rendesishem europian, ate te champions league. Ai ka marre pjese ne 14 sezone cka do te thote se ka shenuar me shume se dy here ne sezon