Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Britani e Madhe, Dhune ne stadiume 8 te arestuar.

Vazhdojne incidentet ne futbollin Anglez.

Vazhdojne incidentet ne futbollin Anglez. Tete eshte numri i tifozeve te arestuar mbremjen e djeshme gjate takimit Barnsley - Manchester United i cili mbaroi me rezultatin 0 - 2.

Per kater nga tifozet e Red Devils akuza eshte per vjedhje dhe akte vandale te nje lokali brenda stadiumit. Kater te tjeret jane tifoze te Bansley te cilet kane dashur te ndalojne treni e tifozeve te United te cilet ktheheshin ne shtepi te gezuar pas fitores se aritur. Fatmiresisht nuk ka deme ne njerez.

[CR9]

Kristiano Ronaldo: Milan, në "San Siro" dua të jem

Rikthimi


Real Madrid vazhdon të luajë pa një prej diamanteve të tij, Kristiano Ronaldo. Kampioni portugez po provon të heqë qafe dëmtimin në kavilje, por ka filluar të ndihet mungesa e tij në fushë, kështu që lojtari bën të ditur se dëshiron të rikthehet me çdo kusht së më shpejt që të jetë e mundur, dhe si një datë të saktë: më 3 nëntor. Kundër Milanit, në San Siro, CR9 nuk dëshiron të mungojë: Champions League dhe bukuria e të ashtuquajturës klasikja e Europës janë gjëra shumë të mëdha, ndaj do të ishte një gabim i madh të hidhje tutje një mundësi të tillë. "Dëshiroj të luaj kundër Milanit, thotë ai. Është një ndeshje e rëndësishme për ne dhe dëshiroj të jem i pranishëm". Luzitani dëshiron të shkurtojë kohën e rikuperimit për të kërkuar revanshin pas humbjes 2-3 në "Bernabeu". Përgjegjësisë për këtë humbje mes të tjerash ka edhe portieri i madrilenëve, Iker Kasijas. Por Ronaldo saktëson: "dëshiroj të ndihmoj shokët e mi sa më shpejt. Por është e qartë që nuk mund të rrezikoj. Sezoni është i gjatë dhe nuk dua të kem probleme të tjera. Do të rikthehem në fushë vetëm kur të jem në 100%". Parashikimi për rikthimin e "Topit të Artë" ishte bërë 8 nëntorin në derbin me Atletiko Madrid, por nëse forma e tij do të jetë e mirë, ai mund të aktivizohet edhe ndaj Milanit në San Siro.

[CR9]

Morati: Il Milan? Shpresoj të mbetet në -7

Presidenti zikaltër mbron skuadrën dhe i trembet Milanit: "Janë të rrezikshëm"


Dy fitoret e fundit kanë nxjerrë në pah një Milan, i cili mund të jetë një rival i Interit në kampionatin italian. Presidenti zikaltër, Masimo Morati, nuk është aspak i befasuar nga ky fakt, por shpreson që kuqezinjtë të mbeten deri në fund në distancën aktuale, që do të thotë në 7 pikë dizavantazh nga kreu. "Shpresoj që Milani të jetë një nga rivalët tanë në kampionat, por do të dëshiroja që të mbeteshin në të njëjtën distancë për gjatë gjithë kampionatit, ka shpjeguar Morati gjatë ndarjes së çmimit "Faketi" për trajnerin Çezare Prandeli, gjithsesi ne e dinim që nga fillimi, se kjo është një skuadër e rrezikshme".
Duke u rikthyer tek Interi i tij, Morati nuk e fsheh, se do të ishte më i qetë, nëse vlerat e shprehura do të ishin të njëjtat me ato në kampionat. "Është normale, por për fat të keq në jetë nuk mund të kesh gjithçka, ka vazhduar ai. Megjithatë, unë besoj se përtej anës psikologjike, siç ka thënë Murinjo, një nga sekretet është edhe ‘turn over‘, i cili na mundëson të kemi lojtarë të freskët për ndeshjen e Champions League". Për numrin një të zikaltërve "janë të paarsyeshme" kritikat ndaj Interit, dhe është një gënjeshtër lajmi se ai është irrituar me skuadrën pas barazimit me Dinamon e Kievit: "Ndoshta janë ngatërruar në lidhje me barazimin e vitit të kaluar kundër Mançester Junajtid, ka buzëqeshur ai. Këtë herë nuk kam bërë asnjë lloj reagimi, sepse në fund të fundit e kam kuptuar se ndeshja kishte ecur shumë mirë. Dhe pastaj nuk është ende momenti deciziv, ka ende kohë për të reaguar në mënyrën e duhur". Megjithatë tashmë ka arritur edhe lajmi i keq për Murinjon. Alarmi Shnajder. Pas problemeve për Militon, Kambiason dhe Tiago Motan në prag të ndeshjes së të shtunës, vjen dëmtimi muskolar në kofshë për mesfushorin holandez në pjesën e dytë të ndeshjes ndaj Katanias. Mbrëmjen e djeshme ai u është nënshtruar kontrolleve dhe vetëm sot do të mësohet diagnoza e saktë. Vetë Shnajder është shprehur në përfundim të ndeshjes se: "E ndjeva që pata një tërheqje muskuli dhe mendoj se ndalova në kohë, shpresoj se nuk do të jetë për ekzaminimet". Ndërkohë që shpreson që Shnajder të mos mungojnë në ndeshjen ndaj Dinamos së Kievit.

[OVES12]

Benitez i kënaqur me debutimin e Aquilanit

Trajneri i Liverpoolit, Rafael Benitez, është i kënaqur me debutimin e mesfushorit të ri të ekipit, Alberto Aquilani, në takimin kundër Arsenalit.
Të kuqtë mbrëmë u mposhtën me rezultat 2-1 nga Arsenali në takimin e Kupës Carling, por e mira e Liverpoolit ishte debutimi i shumëpritur i italianit Alberto Aquilani.“Gjëja më e keqe sonte ishte rezultati, por ka shumë anë pozitive. Futbollistët treguan pasime, karakter dhe kualitet në fusë. Aquilani ishte një prej atyre futbollistëve”, ka thënë Benitez pas takimit të mbrëmshëm.“Ai i tregoi kualitete, duhet të përmirësohet në kondicion, por mund të shihni se ai mund ta pasojë topin dhe të bëjë një dallim të madh në treshen e fundit (sulmuese). Ai do të jetë një lojtar i rëndësishëm për ne”, ka shtuar spanjolli.

[OVES12]

Wenger: Merida është futbollist fantastik

Trajneri i Arsenalit, Arsene Wenger, ka vetëm fjalë të mira për të riun spanjoll Fran Merida.
Talenti 19-vjeçar, kontrata e të cilit me Arsenalin skadon në fund të sezonit, befasoi në Emirates mbrëmë kur shënoi golin e parë të takimit, derisa të rinjtë e Arsenalit mposhtën dhe eliminuan Liverpoolin nga Kupa Carling.“Ai është një lojtar kualitativ. E kam mbajtur pasi llogarita se në të ka kualitet për të depërtuar në ekipin e parë. Ai erdhi në Arsenal në një moshë shumë të re, por shkolla jonë iu përgjigj mënyrës me të cilën ai është mësuar”.“Ai është një shembull i përkryer se si duam t’i kemi futbollistët tjerë. Mendoj se kishim kualitet në mesfushë dhe në ndeshje të tilla kjo është e rëndësishme”, ka thënë Wenger.

[OVES12]

Ferrara: Ishte një paraqitje e përkryer

Trajneri i Juventusit, Ciro Ferrara, është më se i kënaqur me paraqitjen e ekipit të tij në fitoren e mbrëmshme prej 5-1 ndaj Sampdorias.
“Ishte më e mirë se fitorja jonë në Romë ose barazimi 2-2 në Genoa. Gjithçka funksionoi në mënyrë të përkryer. Djemtë dhanë më të mirën dhe golat janë të rëndësishëm, por më shumë se gjithçka tjetër isha i kënaqur të shoh kualitet të futbollit dhe një vendosmëri të qëndrueshme”, ka thënë Ferrara.“Mbase kishim nevojë për një shkëndijë të na ndezë. Ne vinim nga një seri rezultatesh negative dhe kjo ndikoi në gjithë ekipin. Ne po rikthehemi në rrugë të duhur dhe shpresojmë të vazhdojmë në këtë drejtim”, ka shtuar italiani.

[OVES12]

Agjenti: Raul ka shpirt të trajnerit

Agjenti i kapitenit të Real Madridit, Raul, e sheh sulmuesin spanjoll në rolin e trajnerit pasi ai të heqë dorë nga loja aktive.
Gines Carvajal ka qenë i afërt me Raul për disa vite dhe është i bindur se brenda lojtarit është një ‘shpirt trajneri’.“Seriozisht, besoj se ai vërtet dëshiron të jetë trajner. Raul ka shpirt të trajnerit dhe ndoshta do t’i përkushtohet kësaj kur të largohet nga loja aktive e futbollit”.“Raul kalon ditën duke shikuar ndeshjet e futbollit në shtëpi. Ai e përcjell Ligën Premier, Calcio, Bundesligën. Ai pëlqen gjithçka. Kjo është jeta e tij”, ka shtuar agjenti.

[OVES12]

Pedro sërish hero i Barcelonës

Sulmuesi i Barcelonës, Pedro Rodriguez, vazhdon të jetë në mesin e golashënuesve edhe në garën e Kupës së Mbretit.
22-vjeçari shënoi të dy golat e fitores 2-0 të Barcelonës në takimin e Copa del Rey ndaj ekipit Cultural Leonesa.“Jam i lumtur që isha në gjendje të shënoj sot dhe që kam shënuar po ashtu në disa gara. Por kurrë nuk do të mund të kisha sukses pa bashkëlojtarët e mi”, ka thënë Pedro pas takimit të mbrëmshëm.

[OVES12]

Roma ofron Juan për Van Nistelrooy

Roma ka ringjallur interesimin për sulmuesin e Real Madridit, Ruud van Nistelrooy.
Holandezi refuzoi një zhvendosje te Roma gjatë verës, por është rikthyer sërish në vëmendje të gjigantit italian pasi trajneri i ri Claudio Ranieri është duke kërkuar të përforcojë ekipin në muajin janar.Sipas ‘Il Romanista’, Roma është e gatshme të diskutojë edhe një shkëmbim lojtarësh me Realin ku do të përfshihej Van Nistelrooy.Braziliani Juan, një cak i kamotshëm i Realit, është përmendur si një opsion për shkëmbim në afatin kalimtar të janarit. Mbrojtësi sapo ka nënshkruar marrëveshje të re, e cila e lidh me Romën deri në vitin 2013.

[OVES12]

Reina vazhdon marrëveshjen me Liverpoolin

Sipas mediave angleze, ekipi i Liverpoolit është në negociata për të vazhduar marrëveshjen me portierin Pepe Reina deri në vitin 2014.
27-vjeçari tashmë e ka plotësuar gjysmën e marrëveshjes pesëvjeçare, të cilën e nënshkroi në vitin 2007, sipas të cilës fiton 60 mijë funte në javë, por interesimi i ekipeve nga Spanja ka bërë që të Kuqtë të mendojnë vazhdimin e besimit të portierit të tyre.Mendohet se Barcelona është duke shikuar mundësinë për ta sjellë atë në radhët e veta. Për të shmangur një largim të tij, Liverpooli raportohet se i ka ofruar një marrëveshje të re nga e cila ai do të fitojë 95 mijë funte në javë.Reina që nga arritja e tij në Ligën Premier nga Villarreali në vitin 2005 e ka ngritur veten në një prej portierëve më të mirë në Evropë.