Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Me dogji vetem hollanda dje me nje skedin se doli barazim me tunizin.Ka kap njeri noj skedine dje?I kapa te gjitha skuadrat e medhaja

Dolen shume x-se dje!Nuk e di se si ndodh,por ne pergjithesi gjithmone per nje digjesh ,ato sikur na lexojne mendimet uroj heren tjeter te qellosh

[Damian1]

Afron ora e Milan-Inter, speciale mbi derbin e “Madonnina”

Ndeshja në javën e 24-t të Serie A do të dhurojë edhe derbin e 269-të mes dy skuadrave të qytetit të Milanos.

Sfida mes dy skuadrave më në formë të kampionatit italian ka bërë të ëndërrojnë dhe vuajnë çdo tifoz të Milanit dhe Interit. Por ne kemi stiluar 5 ndeshjet derbi që kanë dhuruar më shumë emocione në 10 vjetët e fundit në Serie A. Bilanci i dy skuadrave duke përjashtuar kupat e ndryshme sheh në avantazh Milanin me 105 fitore, kundër 91 fitoreve të Interit.

I PARI - Milan–Inter 3–2 (21 Shkurt 2004)

Është Milani i titullit por që është vënë në rrezik nga ndeshja me Interin i cili ka mundësinë të pengojë kushërinjtë. Pjesa e parë u mbyll 0-2 për zikaltërit me golat e Stankovic dhe Zanetti por pjesa e dytë solli tronditjen. Tomasson dhe Kakà vendosin barazpeshën me disa aksione prej manuali. Dhe ndërsa ndeshja i afrohej fundit, një goditje e Seedorf në minutën e 86, mund Toldo.

I DYTI - Inter-Milan 3-2 (11 Dhjetor 2005)

Vitin pasardhës ishte Interi që u imponua në minutat e fundit me një goditje me kokë të Adrianos. Ndeshja ishte në 2-2 mbas golave të Adriano e Shevchenko në pjesën e parë si dhe Martins e Stam në të dytën. Perandori mbylli ndeshjen në minutën e 93.

I TRETI - Inter-Milan 0–6 (11 Maj 2001)

Deliri kaloi kufijtë për tifozët e Milanit pas këtij rezultati. Ishte Gianni Comandini që goditi dy herë prapavijën interiste dhe më pas dy gola të Shevës shtuan dhimbjen e zikaltërve. Më pas shënuan edhe Giunti dhe Serginho.

I KATËRTI - Milan-Inter 3-4 (28 Tetor 2006)

Derbi po i afrohej fundit me një avantazh të Interit pasi skuadra e Mancini udhëhiqte 1-4 falë golave të Ibrahimovic, Stankovic, Crespo dhe Materazzi. Tifozët e Milanit ishin të dorëzuar me golin e Seedorf por më pas Gilardino dhe Kakà rihapën ndeshjen. Aty u mbyll gjithçka më pas.

I PESTI - Milan–Inter 2–2 (7 Janar 2001)

Është mbyllur barazim por spektakli në fushë nuk ka munguar. Interi kaloi në avantazh me turkun Hakan Sukur ndërsa barazimi 1-1 erdhi nga Boban. Sërish Interi në avantazh me Di Biagio por pak minuta nga fundi ishte Bierhoff që vendosi barazpeshën.

Derbi me më shumë gola në histori është ai në 6 Nëntor të 1949, Inter-Milan 6-5. Shënuesit e kësaj ndeshjeje ishin: 1' dhe 7' Candiani, 14' Nordahl, 19' Liedholm, 59' Annovazzi (Milan); - 10' Nyers, 39' Amadei, 40' Nyers, 50' Amadei, 58' Lorenzi, 64' Amadei (Inter).

[Damian1]

“I përjetshmi” Ryan Giggs rinovon me Manchester United

Mesfushori uellsian i kampionëve të Anglisë ka larguar zërat për një tërheqje të mundshme të tij, nga futbolli i luajtur duke hedhur të zezën mbi të bardhë .

Legjenda e Manchester United, uellsiani Ryan Giggs, ka vendosur të zgjatë karrierën e tij si futbollist dhe dëshiron të luajë së paku edhe një sezon me Djajtë e Kuq. Ai ka firmusur rinovimin e kontratës me kampionët e botës dhe Anglisë dhe ka arritur akordin që e mban deri në Qershor të 2010 me United.

Ryan Giggs mban rekordin absolut me prezencën te Manchester United. Uellsiani ka veshur 787 herë këtë fanelë që prej debutimit në 1991. “Nuk do të dal në pension kaq shpejt. Po ju them që nuk ka asgjë të vërtetë në shkrimet që flasin për një largim të shpejtë nga futbolli” tha Giggs që po tregohet edhe këtë sezon vendimtar me golat e tij.

“Jam duke e shijuar futbollin më mirë se kurrë më parë. Po luaj në një skuadër me lojtarë të talentuar dhe me shpirt. Qëllimi im është që të vazhdoj të luaj për United” tha mesfushori që ka kaluar moshën 35 vjeç. Ai shënoi golin e fitores për United në ndeshjen e fundit me West Ham.

[Damian1]

Ferguson: Liga e Kampionëve më e rëndësishme se Premier

Trajneri i “Djajve të Kuq” ka vendosur objektivat, në prag të ndeshjes vendimtare ndaj kampiones së Italisë, Interit.

Trajneri i Manchester Unitedit, Sir Alex Ferguson, thotë se mbrojtja e trofeut të Ligës së Kampionëve është më e rëndësishme për të, sesa triumfi i radhës në Premier League.

Djajtë e Kuq janë duke luftuar për katër trofe: Ligën e Kampionëve, Ligën Premier, Carling Cup dhe FA Cup, ndërsa nëse edhe këtë vit e fitojnë trofeun e Ligës së Kampionëve, ata do të jenë skuadra e parë, e cila e ka fituar dy vjet rresht këtë trofe (që nga formati i ri).

Po ashtu nëse arrijnë të shpallen kampionë në Ligën Premier, atëherë ata do të barazohen me Liverpoolin duke fituar 18 tituj.

“Nëse flasim për prioritet, atëherë duhet të them Liga e Kampionëve”. “Mendoj se e kemi mundësinë të barazohemi me 18 tituj me Liverpoolin. Megjithatë nëse shikoni suksesin tonë në Evropë, atëherë mendoj se duhet të jetë më i mirë”.

“Askush nuk ka arritur ta mbrojë titullin e Ligës së Kampionëve që nga formati i ri, prandaj mendoj se kjo është sfida kryesore për ne”, ka thënë Ferguson.

[Damian1]

Pasardhësi i Ancelotti, Milan kërkon trajnerin Donadoni

Nëse Carlo largohet në drejtim të Chelsea në fund të sezonit, atëherë përveç kandidaturës së Leonardos, është edhe ajo e një ishi tjetër, Roberto Donadoni.

Sundimit të Carlo Ancelottit mund t’i vijë fundi te Milani nëse ai dështon edhe këtë sezon ta fitojë titullin, ndërsa njoftohet se njëri nga zëvendësuesit potencialë të tij, është ish-trajneri i përfaqësueses së Italisë, Roberto Donadoni.

Kuqezinjtë aktualisht mbajnë pozitën e tretë në Serie A me tetë pikë diferencë nga lideri Inter, derisa Derby della Madonnina që zhvillohet të dielën ndërmjet dy skuadrave rivale mund të jetë vendimtari për Milanin, i cili ka nevojë vetëm për fitore.

Ndërkohë, Ancelotti është në planet e Chelsea, të cilët pas shkarkimit të Luiz Felipe Scolarit kanë angazhuar përkohësisht Guus Hiddinkun, ndërsa mediat italiane dhe ato britanike spekulojnë se ish-trajneri i Juventusit është kandidati kryesor për ta marrë drejtimin Chelseat në qershor.

Milani tashmë ka përpiluar listën me emrat e trajnerëve, të cilët mund ta zëvendësojnë Ancelottin, ndërsa listës i prin Roberto Donadoni.

[Damian1]

Trajnerët e gjysmës së Europës, me valixhe në dorë

Shumë nga emrat e njohur në klubet europiane nuk e kanë vendin e sigurt në ekipet e tyre pasi mungojnë rezultatet pozitive.

Efekti domino. Ky mund të jetë në muajin Qershor në pankinat e shumë nga klubet BIG në Europë. Nëse trajnerë të tillë si Sir Alex Ferguson tek Manchester apo edhe tekniku Pep Guardiola te Barcelona, mund të bëjnë një gjumë të qetë, nuk mund të thuhet e njëjta gjë për teknikët e tjerë në kontinentin e vjetër.

Po e nisim me Rafa Benitez që ende ka probleme me kontratën e tij te Liverpool. Tratativa për rinovimin ka nisur prej kohësh por nuk është mbyllur për disa mosmarrëveshje me pronarët.

Nëse ai largohet e presin pankinat e Juventus dhe Real Madrid. Klubi galaktik nuk do ti besojë projektin e ri trajnerit Juande Ramos dhe mund të bëjë të pamundurën për Benitez.

Kapitulli Chelsea. Këtu pankina është e lirë dhe klubi i Roman Abramovich ka nisur gjetjen e një trajneri me nivel. Duke e quajtur të mbaruar largimin në Qershor, të Guus Hiddink, emrat më të përfolur janë Roberto Mancini, Frank Rijkaard dhe Ancelotti.

Situatë e paqartë edhe tek Arsenal dhe Manchester City. Wenger pas 13 vjetësh mund të largohet ndërsa Mark Hughes nuk e bind ende sheikun Mansour. Tek Milan është shfaqur hija e Donadonit por edhe të ishëve të tjerë si Rijkaard, Van Basten dhe Leonardo.

[Damian1]

Rosetti do drejtojë Inter-Milan, në dyshim edhe Maicon

Është zbuluar edhe emri i “xhaketës së zezë” që do drejtojë derbin e Madonnina. Ndërkohë Maicon mund të mungojë për dëmtim.

Frikë për Interin pak orë nga ndeshja e së dielës ndaj Milanit. Derbi i Madonnina mund të zhvillohet pa brazilianin Maicon që ka lënë stërvitjen në qendrën e Appiano Gentile për një problem fizik dhe mund të mos luajë në San Siro.


Ndërkohë ndeshja e shumëpritur do të drejtohet nga Roberto Rosetti dhe dhe asistentët nga Torino, Calcagno e Ayroldi.


Opinionistët e njohur të cilët janë të paduruar për të parë ndeshjen kanë nisur të japin parashikimet dhe një prej tyre është Giovanni Trapattoni.


“Derbi për Milanin dhe titulli për Interin”. Ky është vendimi që jep Trapp, për ndeshjen mes dy kushërinjve milanezë. Sipas tij Inter është skuadra më e fortë dhe do të marrë kampionatin por në derbi fiton Milan. Një mendim ka dhënë Trapp edhe për Champions ku sipas tij kush do kalojë mes Inter dhe Manchester United do fitojë trofeun.

[Damian1]

Scolari sulmon Chelsea: Nuk ka kampionë që bëjnë diferencën

U shkarkua para pak ditësh dhe nuk ka munguar për të akuzuar ish lojtarët që e tradhtuan. Sipas tij gjendja tek blutë mbetet e keqe.

Një skuadër pa kampionë, ku askush nuk di të bëjë diferencën. E pamundur të luashmë skemën 4-4-2….. plot me burokratë”. Këto janë fjalët e ish-trajnerit të Çelsit Luis Felipe Skolari, që kritikon hapur disa lojtarë, në veçanti Didie Drogbanë dhe Florent Maludanë, që “kur luante te Lioni bënte diferencën.”

Para se të shkarkohej, Skolari i kishte kritikuar lojtarët e tij në një intervistë të dhënë për “France Footboll”, duke shprehur vështirësitë që kishte hasur në “Stemford Bridge”. “Nuk kemi lojtarë të aftë për ta bërë vetë diferencën. Në të kaluarën këtu kishte lojtarë si Roben, por tani nuk është më kështu. Robinjo do të kishte qenë ai lloj futbollisti për të cilin ka nevojë Çelsi, pasi është nga ata që merr përsipër edhe rreziqet. Përkundrazi, Çelsi është mbushur me burokratë.”

Skolari gjithashtu është shprehur më parë se nuk ka pasur kohën e mjaftueshme për t’u mësuar futbollistëve futbollin dhe për të ndërtuar marrëdhëniet e duhura edhe jashtë fushës së blertë. “Nuk i kam futbollistët për të luajtur me skemën 4-4-2. Është shumë e vështirë që Anelka dhe Drogba të luajnë bashkë. Drogba, pasi dëmtimeve që ka pësuar, ka humbur edhe besimin në vetvete.” Ndërsa për Maludanë tekniku portugez shprehet: “Është vetëm një kujtim i zbehtë i të kaluarës, që bënte diferencën kur luante me Lionin.”

[Damian1]

Perez me listë shpenzimesh: Ancelotti, Kakà e C. Ronaldo

Në 29 Mars do të vendoset edhe data për zgjedhjet presidenciale. Perez është në “Pole Position” dhe tifozët e presin si Mesia. Priten 3 goditje të mëdha.
Ai do të vazhdojë që të mbetet në heshtje por rikthimi i tij i pritshëm mund të sjellë mjaft ndryshime.

Florentino Perez është presidenti i Real Madrid që të gjithë e duan në krye të klubit, e presin dhe e adhurojnë. Ardhja e tij tek galaktikët pritet si Mesia për të rikthyer lavdinë tek klubi mbretëror i njollosur me skandale dhe fatura të mëdha borxhesh.

Dhe pavarësisht heshtjes, Florentino Perez po përgatit projektin e tij të madh me 3 supergoditje: Cristiano Ronaldo, Carlo Ancelotti, dhe Kakà. Topi i Artë është sërish praën kalimit tek Reali ndërsa trajneri i Milanit udhëheq një miniklasifikim të presidentit të ardhshëm duke lënë pas Wenger, Benitez e Mourinho.

Për brazilianin Kakà mund të jetë një paramarrëveshje që ndoshta mund të vlejë për Milanin më shumë se milionat e Manchester City, por për këtë do të pritet 29 Marsi.

[Damian1]

Sacchi: Me Mourinho, një Inter shumë më i fortë në derbi

Në zemër është milanist por pranon fortësinë e rivalëve. Arrigo Sacchi ka thënë se forca e Interit qëndron tek trajneri Mourinho.

Ish-trajneri i Milanit, i madhi Arrigo Saki, është i mendimit se Hoze Mourinjo ka bërë që Interi të jetë shumë më i fortë. Mourinjo, sikurse paraardhësi i tij Mançini, vazhdon të mbizotërojë në Serinë A, mirëpo qëllimi i itj është të arrijë majat edhe në Ligën e Kampionëve, aty ku Mançini nuk mundi të shprehte asgjë.

“Si shumë të tjerë, mendoj që Mourinjo është një trajner i madh. Jam shumë i bindur që ai do të arrijë shumë më tepër se çka bërë deri tani. Në këtë periudhë Mourinjo ka e përmirësuar skuadrën, që tashmë nuk mund të varet nga individë të veçantë. Ai e ka kuptuar që për të triumfuar në Europë nuk mjaftojnë individët, por fryma e grupit”, - është shprehur Saki.

Interi është në krye të renditjes me shtatë pikë më shumë se vendi i dytë Juventusi dhe tetë më shumë se Milani. Pas dy javësh Mourinjo do të përballet me Fergusonin në Ligën e Kampionëve, ku do të kërkojë të shkojë më larg se Roberto Mançini, që nuk arriti kurrë deri në gjysmëfinale të këtij kompeticioni.