Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Barcelona interesohet për Rafinha

Kampioni i Spanjës dhe Evropës, Barcelona, raportohet se dëshiron të angazhojë mbrojtësin e Schalke 04, Rafinha.
Sipas Kicker, Barca ka shqetësime për formën e Daniel Alves dhe e sheh Rafinhan si një mbulim ideal për brazilianin tjetër.Schalke është e vetëdijshme për rritjen e interesimit të klubeve për Rafinha, i cili po thuajse iu bashkua Milanit verën e kaluar.Klubi nga Bundesliga do të kërkojë 15 milionë për mbrojtësin e djathtë nëse ndonjë ofertë arin në muajin janar.

[OVES12]

FIFA publikon listën e kandidatëve për Futbollistin e Vitit

Favoriti kryesor për Futbollistin më të Mirë të Vitit 2009, Lionel Messi Institucioni më i lartë botëror i futbollit, FIFA, ka publikuar listën e 23 lojtarëve për të cilët kapitenët dhe përzgjedhësit e kombëtareve do të votojnë për të zgjedhur Futbollistin më të Mirë të Vitit 2009.
Sulmuesi i Barcelonës dhe kombëtares së Argjentinës, Lionel Messi, është favoriti kryesor për këtë shpërblim, si edhe për atë të Topit të Artë që jepet nga France Football, e cila zbuloi listën javë më parë.Më 15 dhjetor FIFA do të publikojë emrat e pesë futbollistëve të cilët kanë fituar më së shumti vota dhe fituesi i shpërblimit Futbollisti i Vitit sipas FIFA do të zbulohet në një mbrëmje gala në Zurich më 21 dhjetor.Lista e ngushtë e FIFA-s për Futbollistin më të Mirë të Vitit 2009: Michael Ballack (Gjermani), Gianluigi Buffon (Itali), Iker Casillas (Spanjë), Cristiano Ronaldo (Portugali), Diego (Brazil), Didier Drogba (Bregu i Fildishtë), Michael Essien (Ganë), Samuel Eto'o (Kamerun), Steven Gerrard (Angli), Thierry Henry (Francë), Zlatan Ibrahimovic (Suedi), Andres Iniesta (Spanjë), Kaka (Brazil), Frank Lampard (Angli), Luis Fabiano (Brazil), Lionel Messi (Argjentinë), Carles Puyol (Spanjë), Franck Ribery (Francë), Wayne Rooney (Angli), John Terry (Angli), Fernando Torres (Spanjë), David Villa (Spanjë), Xavi (Spanjë).

[OVES12]

Chamakh tërheq vëmendjen e Juventusit

Klubi italian Juventus raportohet se ka kthyer vëmendjen kah sulmuesi i Bordeaux, Marouane Chamakh.
Përfaqësuesi i kombëtares së Marokut, i cili verën e kaluar u lidh me një kalim në West Ham United dhe Arsenal, do të mbetet pa kontratë në fund të këtij sezoni.Juventusi raportohet se po ashtu është i interesuar për Chamakh dhe ka kontaktuar me agjentin e tij, Pierre Frelot.“Juventusi është një ekip i shkëlqyeshëm. Ideja për të luajtur atje... jam shumë i interesuar”, ka thënë vetë lojtari rreth interesimit të klubit italian.

[OVES12]

Giovionco: Bëra mirë që qëndrova në Juventus

I riu i Juventusit, Sebastian Giovinco, beson se ai ka bërë mirë që ka qëndruar te klubi italian dhe ka luftuar për vend.
Giovinco shkëlqen kur i jepet rasti të luajë, si në takimin e fundit ndaj Sampdorias, të cilin Juve e fitoi me rezultat 5-1.“Luaj për një prej ekipeve më të mira në botë dhe kam fatin ta bëj këtë në qytetin tim, andaj pse duhej të largohesha? Jam i vetëdijshëm për atë që kam në dollapin tim”, ka thënë Giovinco për Tuttosport.

[OVES12]

Gerrard e Johnson nuk luajnë kundër Fulhamit

Edhe pse është pritur që kapiteni Steven Gerrard të luajë në ndeshjen kundër Fulhamit, megjithatë Liverpooli nuk do të mund të llogarisë në shërbimet e tij dhe të Glen Johnson këtë vikend.
Konfirmimin e ka bërë të premten trajneri i Të Kuqve, Rafael Benitez, duke thënë se dy lojtarët nuk mund të aktivizohen si pasojë e lëndimeve. “Gerrard ende ka problem me ijën, ashtu që nuk do të jetë në gjendje të luajë këtë fundjavë... Johnson ka një lëndim të vogël në pulpën e këmbës, prandaj ai do të mungojë për një javë”, ka thënë Benitez për BBC.

[OVES12]

Leonardo: Nuk kam asgjë me Ronaldinhon

Trajneri i Milanit, Leonardo, ka reaguar shpejt ndaj spekulimeve kinse ai dhe Ronaldinho kanë mosmarrëveshje me njëri-tjetrin.
“Nuk ka asnjë problem me Ronaldinhon. Unë kam një raport të veçantë me të. Të gjithë kanë pritur performancën e Ronaldinhos. Tash ai është këtu dhe duhet ta bëjë këtë”. “Dëshiroj që ai të japë maksimumin, sepse ai gjithmonë mund të garantojë një kontribut të rëndësishëm”, u ka thënë Leonardo gazetarëve.

[OVES12]

Del Piero optimist për këtë sezon

Kapiteni i Juventusit, Alessandro Del Piero, ka lëvduar bashkëlojtarët e tij për fitoren prej 5-1 përballë Sampdorias, duke kërkuar nga ata ta bëjnë të njëjtën gjë edhe në ndeshjen e të shtunës kundër Napolit.
Ikona bardhezi është rikuperuar plotësisht nga lëndimi, megjithatë ai nuk do të luajë këtë fundjavë, por pritet që ai të jetë në bankën rezervë në ndeshjen kundër Maccabi Haifas në Ligën e Kampionëve. “Çfarë fitore! Ndeshja kundër Samppdorias na bën të shikojmë përpara me optimizëm të madh. Skuadra dha maksimumin dhe tregoi rezultat përballë një kundërshtari të vështirë”, ka thënë Del Piero për faqen zyrtare të Juves. Njëherit, kapiteni i ka uruar punë të mbarë presidentit të ri të Juventusit, Jean-Claude Blanc, ndërsa ka falënderuar presidentin e larguar Giovanni Cobolli Gigli për punën e deritanishme.

[OVES12]

Ronaldo: Do të fitojmë tre trofetë

Superylli i Real Madridit, Cristiano Ronaldo, thotë se është i bindur se skuadra e tij mund t’i fitojë tre trofetë këtë sezon, përkundër krizës aktuale të Mbretërve.
“Ajo ndodhi (humbja nga Alcorcon), u mposhtëm. Skuadra është goditur rëndë nga kjo humbje, por tash atmosfera ka ndryshuar. Këto gjëra ndodhin. Ne jemi më të mirë nga se ç’jemi treguar, por do të nxjerrim rezultat kundër Getafes”. “Largimi i trajnerit nuk është zgjidhje. Nuk është nevoja të ndërrohet asgjë, skuadra do të dalë nga ky moment, jam i bindur se do ta fitojmë Ligën, Kupën (e Mbretit) dhe Ligën e Kampionëve”, ka thënë Ronaldo për AS.

[OVES12]

Leonardo: Do të vijë momenti i Huntelaar

Trajneri i Milanit, Leonardo, i ka dalë në mbrojtje sulmuesit të shumëkritikuar Klaas-Jan Huntelaar, duke thënë se holandezi do t’i kthehet formës së tij më të mirë.
“Huntelaar? Ai është shumë i qetë. Golat janë të domosdoshëm për një sulmues, ndërsa është normale për të pasi që ai sapo ka ardhur këtu. Jam i sigurt se do të vijë momenti i tij”, ka thënë Leonardo për Tuttomercatoweb. Ndërkohë, trajneri i Rossonerëve ka konfirmuar rikthimin e mesfushorit Gennaro Gattuso, i cili do të jetë në fushë kundër Parmës.

[supervisor91]

F1, Williams, se shpejti pilotet e 2010-es



Williams do te beje te ditur javen e ardhshme pilotet e saj te rinj per sezonin 2010. Lajmin e ka bere te ditur nje zedhenes i skuderise angleze.
Nico Rosberg kishte lajmeruar dje se gara e Abu Dhabi do te ishte e fundit me Williams, pa bere te ditur se kush do te jete destinacioni i tij i ardhshem.

Sipas njoftimeve jozyrtare, tek Williams mund te mberrije Rubens Barrichello, aktualisht shok skuadre i Jenson Button ne Brawn Gp, dhe gjermani Nico Hulkenberg.