Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Bruno Senna, nipi i Ayton, debuton ne Formula 1

Nipi i Ayton Senna do te jete ne timonin e nje prej njevendesheve te Formula 1.



Nipi i Ayton Senna do te jete ne timonin e nje prej njevendesheve te Formula 1. Pjesemarrja e tij pritet te filloin nga viti tjeter. Bruno Senna eshte 26 vjec dhe do te drejtoje nje makine Camos Meta.

Skuadra Braziliane sa po ka hyre ne boten e Formula 1 per tu bere pjese te Fota. Organizata qe bashkon skuadrat e F1.

Per kete skuader eshte nje nder i madh qe arin te ktheje emrin Senna ne Formula 1 ka thenje ne nje deklarate nje prej drejtueseve te skuadres.

[supervisor91]

F1: Alonso, "Dua ta mbyll te Renault me rezultat te mire

Dua te ndahem me skuadren Reno me nje rezultat te mire.





Dua te ndahem me skuadren Reno me nje rezultat te mire. Keshtu eshte shprehur ish kampioni i botes Fernando Alonso qe shpreson qe ne garen e Abu Dhabi e fundit ne Formula 1 per kete sezon te dale ne vendin e pare. Do te jete nje gare emocionuese ka then Alonso pasi do te me vijne ne mendje shume kujtime te bukura nga shume miq qe kam ne kete skuader.

[supervisor91]

Felipe Massa konfirmon pjesemarrjen ne Kart 500 milje

Felipe Masa do te garoje ne garen 500 milje Kart qe do te zhvillohet ne pisten e Granja Vanja ne qytetin e San Paolo ne daten 5 Dhjetor.




Felipe Masa do te garoje ne garen 500 milje Kart qe do te zhvillohet ne pisten e Granja Vanja ne qytetin e San Paolo ne daten 5 Dhjetor. Piloti Brazilian edhe pse pati nje aksident te rezikshem ne Hungari kete vere, konfiroi pjesemarrjen ne kete gare. Po bej stervitje fizike eshte shprehur Massa gjithashu po stervitem edhe me Kart. Sot Massa do te niset per ne Abu Dhabi ku dhe do te zhvillohet gara e fundit e ketij boterori te Formula 1.

[supervisor91]

Formula 1: Ross Brawn, "Button me ne edhe ne 2010"

Jenson Button ka 99% mundesi te qendroje tek Brawn Gp.



Jenson Button ka 99% mundesi te qendroje tek Brawn Gp. Mungon firma e pilotit por Ross Brawn eshte i bindur per kete, keshtu shkruan Daily Telegraph sot, "kontrata eshte gati". Nuk diskutohet qe Jenson eshte nje pilot i madh dhe qe shume skuadra duan ta kene si pilot eshte shprehur Brawn por ne duam qe ai te qendroje tek ne dhe besoj se do te arrijme ne nje marreveshje. Po kerkojme nje ekuiliber midis kerkesave te tij dhe mundesive te skuadres

[supervisor91]

Hamilton fiton Pole Position në Abu Dhabi, dështon Ferrari

Ish kampioni i botës, anglezi Lewis Hamilton ka qenë më i shpejti në pistën përrallore në Emirate ndërsa i dyti doli Vettel



Makinat McLaren munden që të fluturojnë në pistën përrallore të Abu Dhabi dhe kjo u pa që në provat e lira të së premtes në Formula 1. Dhe një kampion si Lewis Hamilton nuk la njeri që ti lutej për të rrëmbyer një Pole Position të padiskutueshëm.

Piloti i McLaren ishte 0"667 më i shpejtë sesa gjermani i Red Bull, Sebastian Vettel. Vendi i tretë për makinën tjetër të targuar Red Bull, por që drejtohet nga Mark Webber. Për anglezin Hamilton ky është Pole i katërt sezonal.

Tani në betejën për vendin e tretë në botërorin e konstruktorëve duket se Mclaren është më në avantazh se Ferrari. U eliminuan që në sesionin e parë ndërkohë, Alonso ferraristi i ardhshëm dhe italiani Giancarlo Fisichella.

[supervisor91]

Dinamo e papërmbajtshme, Apolonia ngec me Flamurtarin

U luajtën tri ndeshjet e tjera të javës së 9-të të superligës, e cila e ngriti siparin e saj të premten, me sfidën e zhvilluar në “Loro Borici”, mes Vllaznisë dhe Tiranës, e fituar nga miqtë 1-0, me gol të Muzakës


Në ditën e dytë të kësaj jave spikat goleada e Dinamos kryesuese, 4-0 ndaj Gramozit debutues në superligë, edhe pse ka luajtur më shumë se 50 minuta me 10 lojtarë, pas daljes me karton të kuq të portierit Kotorri.

E papritur, që mund të konsiderohet hap fals, ishte barazimi i Apolonisë në Fier, me Flamurtarin. Skuadra e drejtuar nga Karishik ka kaluar e para në epërsi, me anë të shkodranit Kaci, por është barazuar në fundin e lojës nga vlonjatet, falë golit të Sakajt. Apolonia vërtet ruan vendin e tretë në renditje dhe ka 6 ndeshje pa humbur, por mund të thuhet se ka lënë dy pikë në shtëpi, ndërkohë që Flamurtari ka marrë një barazim morali, më shumë se në aspektin e pikëve.

Ndeshja tjetër, e luajtur në Peqin, mes Shkumbinit vendas dhe Lacit është mbyllur me fitoren e bardhekaltërve, 1-0, me gol të shënuar nga Roland Dervishi. Një 90-minutësh i hapur ky, i luftuar fort nga të dyja skuadrat, por që u ka buzëqeshur vendasve, që kanë bërë diferencën falë golit të Dervishit, i cili përkthehet në tri pikë të çmuara.

Të dielën do të luhen edhe dy ndeshjet e fundit të kësaj jave, në Durrës Teuta-Skënderbeu dhe në Krujë, Kastrioti-Besa. Ndeshje delikate kjo për kavajasit, që mbajnë hapin e Dinamos kryesuese deri tani, pasi krutanët janë kundërshtar tepër i fortë në fushën e tyre. Në mënyrë telegrafike, ja edhe pasqyra e javës së 9-të, me ndeshjet e zhvilluara deri tani dhe dy të tjerat, që do të luhen të dielën.

[supervisor91]

Juventus çfarë humbjeje, Napoli fiton me përmbysje 2-3

Skuadra e Juventus është mundur në fushën e saj 2-3 nga Napoli edhe pse ka kryesuar me shifrat 2-0 në Olimpico


Juventus edhe pse ishte në epërsi të dyfishtë në takimin e sotëm ndaj Napolit të zhvilluar në Olimpico, në fund ka pësuar disfatë me rezultat 3-2. Bardhezinjtë kaluan në epërsi që në pjesë të parë me golin e David Trezeguet, të shënuar në minutën e 35-të të takimit, ndërsa rezultatin e dyfishoi Sebastian Giovinco nëntë minuta pas fillimit të pjesës së dytë.

Por djelmoshat e trajnerit Ciro Ferrara nuk ishin në gjendje ta ruajnë rezultatin. Marek Hamsik shënoi pas gati një ore lojë për të ngushtuar disavantazhin për Napolin, para se goli i Jesus Datolo të barazojë rezultatin.

Hamsik ishte heroi i mysafirëve duke shënuar edhe golin e tretë të fitores, që erdhi tetë minuta para fundit të takimit. Sulmuesi brazilian Amauri u dërgua jashtë loje me karton të kuq në çastet e fundit të takimit.

[supervisor91]

Liverpool pëson tjetër disfatë, Chelsea dhuron goleadë

Skuadra e Liverpool ka vuajtur një tjetër humbje këtë herë ndaj Fulha, mbëdras Chelsea ka shkatërruar Boltonin 0-4


Liverpool ka pësuar humbje me rezultat 3-1 në takimin e sotëm të Ligës Premier në udhëtim ndaj Fulhamit, duke iu kthyer teposhtës vetëm një javë pasi mposhti Manchester United në Anfield. Të kuqtë u përballen me një varg problemesh në ndeshje, me Fernando Torres, i cili shënoi golin e vetëm për mysafirët në takimin e sotëm, që u nxor jashtë i lënduar, derisa Jamie Carragher dhe Philip Degen u ndëshkuan me kartonë të kuq.

Bobby Zamora iu dha epërsinë nikoqirëve pas 23 minutash lojë, por Liverpool dominoi në posedim dhe barazoi me anë të Torres pak para fundit të pjesës së parë. Por, pas zëvendësimit të Torres (64’), Erik Nevland, i cili u fut si zëvendësues riktheu epërsinë për Fulhamin në minutën e 73-të të takimit. Largimi i Degen dhe Carragher brenda dy minutash (79’ dhe 81’) përkeqësoi edhe më tej situatën e të kuqve, të cilët pësuan edhe një gol tjetër të shënuar nga Clint Dempsey tre minuta para fundit të takimit. Humbja është e pesta në 11 takime në Ligën Premier për Liverpoolin.

Blutë e Chelsea kanë shfrytëzuar epërsinë e një lojtari në fushë për të shënuar fitore 4-0 në udhëtim ndaj Bolton Wanderers. Boltoni i rezistoi mirë presionit të Chelseat deri në çastet e fundit të pjesës së parë kur Lloyd Samuel ndërhyri nga prapa ndaj Didier Drogba mu para golit të Jussi Jaaskelainen, për t’iu dhuruar mysafirëve një penalti dhe për t’u ndëshkuar me karton të kuq. Frank Lampard ishte i saktë nga pika e bardhë për t’ia dhënë epërsinë Chelseat.

Të mbetur e dhjetë lojtarë vendasit nuk arritën të mbrojnë portën as në pjesën e dytë kur pësuan tre gola të tjerë. Pas një ore lojë Deco dyfishoi epërsinë me anë të një kundërsulmi. Shtatë minuta para fundit të takimit Zat Knight shënoi autogol ndërsa rezultatin e vulosi Didier Drogba në kohën shtesë të takimit.

Arsenal 3 - 0 Tottenham

Bolton W. 0 - 4 Chelsea

Burnley 2 - 0 Hull

Everton 1 - 1 Aston Villa

Fulham 3 - 1 Liverpool

Portsmouth 4 - 0 Wigan

Stoke C. 2 - 2 Wolverhampton

Sunderland 2 - 2 West Ham

[mamurrzaku]

Mamurrsi eshte ne ven te pare ne grupine vete.

[Damian1]

Real Madrid fiton 2-0 ndaj Getafe, Barça befasohet 1-1

Reali i Madridit edhe pse me dhjetë lojtarë në fushë ka arritur të shënojë fitore kurse katalanasit u ndalën në barazim 1-1

Reali i Madridit edhe pse me dhjetë lojtarë në fushë ka arritur të shënojë fitore me rezultat 2-0 në takimin e kampionatit spanjoll përballë Getafes të zhvilluar në Bernabeu. Mbretërit mbetën me një lojtar më pak në fushë që nga minuta e 27-të pas përjashtimit me karton të kuq të mbrojtësit Raul Albiol.

Por sulmuesi argjentinas Gonzalo Higuain nuk e ndjeu mungesën e tij dhe ndihmoi ekipin duke shënuar të dy golat e fitores, që të dyja në pjesën e dytë dhe brenda tre minutash (53’ dhe 56’). Fitorja lehtëson presionin e trajnerit të Realit, Manuel Pellegrini, i cili ishte kritikuar dhe madje u vu në pikëpyetje e ardhmja e tij pas disfatës së fundit në Kupën e Mbretit ndaj ekipit të divizionit të tretë, Alcorcon.

Barcelona nuk ka shkuar më shumë se një barazim 1-1 ndaj Osasunës në transfertë. Pjesa e parë u mbyll pa gola kurse në të dytën mesfushori goleador, Seydou Keita shënoi për miqtë. Por skuadra e trajnerit Pep Guardiola u befasua në minutën e 93 kur Gerard Pique shënoi në portën e tij.