Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Barcelona ndalet nga acari rus, 0-0 kundër Rubin Kazan

Skuadra kampione e Europës, Barcelona është ndalur nga Rubin Kazan 0-0 duke vënë seriozisht në diskutim kualifikimin

Pas disfatës së pamendueshme në “Camp Nou” të gjithë menduan se fitorja e Rubin Kazan ishte një rastësi në Champions League, por ndeshja e kthimit në tokën ruse vërtetoi se siberianët janë një ekip i fortë.

Ekipi kampion i Europës dhe Spanjës, Barcelona është ndalur nga Rubin Kazan në një barazim të bardhë pa gola duke vënë seriozisht në diskutim kualifikimin.

Tashmë skuadra “blaugrana” ka 5 pikë në grupin F, po aq sa Rubin Kazan dhe të dyja janë me shanse të limituara.

Në një të ftohtë që arriti deri në -7 gradë Celcius, lojtarët e Guardiolës nuk mundën të shfaqin lojën më të mirë, dhe aksionet u bllokuan pa shumë vështirësi nga rusët. Në disa raste Rubin kazan rrezikoi të shënojë dhe në një rast pretendoi penallti.

[Damian1]

Inter fiton mes drithërimave, Liverpool frenohet në fund

Interi ka marrë një fitore emocionuese 1-2 ndaj Dinamo Kiev ndërsa Liverpool u ndal në fund nga Lyon. Kualifikohen Sevilla dhe Fiorentina

Interi ka marrë më në fund nëj fitore në Champions League, duke mundur 1-2 në transfertë Dinamon e kievit. Avantazhi i ukrainasve me Shevchenko është zhvlerësuar pikërisht kur asnjë nuk besonte në përmbysjen e zikaltërve. Milito barazoi rezultatin ndërsa ishte vetë argjentinasi që krijoi edhe golin e dytë nga Sneijder.

Liverpool shpërdoroi avantazhin e Ryan babel për të mundur Lyon jashtë fushës. Francezët barazuan në fund 1-1 me Lisandro Lopez.

Sevilla është kualifikuar pas barazimit me Stuttgart. jesus Navas shënoi për spanjollët ndërsa Kuzmanovic barazoi rezultatin. Unirea barazoi 1-1 me Rangers të cilët kryesonin deri në minutën e 95.

Fiorentina 5 - 2 Debrecen

Lyon 1 - 1 Liverpool

Rubin Kazan 0 - 0 Barcelona

Dynamo Kyiv 1 - 2 Inter Milan

Sevilla 1 - 1 Stuttgart

Unirea 1 - 1 Rangers

Arsenal 4 - 1 AZ Alkmaar

Standard 2 - 0 Olympiakos

[Damian1]

Mourinho kërkon 70 mijë tifozë në stadium kundër Romës

“Do të jem i zhgënjyer nëse nuk do të ketë 70.000 tifozë në stadium, ndaj Romës dhe ndaj Rubin Kazanit” tha Mourinho

Interi dhe Roma takohen të dielën në Giuseppe Meazza për të zhvilluar ndeshjen e javës së 12-të në Serie A, ndërsa trajneri i zikaltërve Jose Mourinho ka kërkuar nga tifozët që të jenë në numër sa më të madh në stadium.

Portugezi ka kërkuar numër të njëjtë tifozësh edhe në ndeshjen e fundit të fazës grupore, të cilën Interi do ta zhvillojë kundër Rubin Kazanit para tifozëve të saj.

“Do të jem i zhgënjyer nëse nuk do të ketë 70.000 tifozë në stadium, në raundin vendimtar të Ligës së Kampionëve kundër Rubin Kazanit dhe po ashtu edhe kundër Romës të dielën”, ka thënë Mourinho për Sky.

[Damian1]

Arsenali, gati ta marre nje pronar jo anglez

Milioneri nga Denveri Stan Kranke duhet te paraqese nje oferte per te blere “topçinjte”, teksa deri tani ka arritur ne kuoten e 29.9 % te aksioneve te klubit

Arsenali i Londres pritet te behet skuadra e 11-te ne Premier League qe do te blihet nga nje biznesmen jo anglez. Pasi kaloi ne kuoten e 29.6 % te marten, manjati amerikan Sten Kranke ka blere edhe 200 aksione, gjysmat e te cilave jane shitur nga presidenti aktual i klubit peter Peter-Hill Ud.

Sipas rregullave financiare milioneri nga Denveri duhet te paraqese nje oferte per te blere “topçinjte”, teksa deri tani ka arritur ne kuoten e 29.9 % te aksioneve te klubit. Amerikani eshte aksionisti kryesor i londinezeve dhe menjehere pas tij vjen rusi Alisher Usmanov me 25%.

Kranke, i cili eshte pronar i skuadres se basketbolliti Denver Nuggets dhe i ekipit te futbollit amerikan Colorado Rapids, te pakten per momentin nuk ka leshuar deklarata ne lidhje me blerjen e ardhshme te tij.

[Damian1]

Europa League, fitojnë Roma, Ajax e Hertha, barazon Valencia

Raundi i radhës në Europa League ka dhuruar ndeshje interesante në sfidat e pasdites ku kanë spikatur përmbysja e Romës dhe ajo e Hertha

Roma ka mundur 2-1 skuadrën e Fulhamit duke marrë 3 pikë të rëndësishme edhe pse ka vuajtur gjatë 90 minutave. Në fillim ishin londinezët që shënuan me anë të penalltisë por më pas në pjesën e dytë golat e Riise dhe Okaka përmbysën balancat.

Ka fituar jashtë fushës Hertha Berlin që ka mundur 2-3 Heerenven. Holandezët kryesonin 2-1 por dy gola të gjermanëve ishin fatalë duke sjellë humbjen.

Skuadra holandeze e Ajaxit fitoi lehtësisht në fushën e Dinamos së Zagrebit kurse Genoa mundi 3-2 Lille.

Rapidi i Vjenës i Hamdi Salihit pësoi një humbje të hidhur 0-3 në shtëpi me izraelitët e Hapel Tel Aviv në Europa League. Sulmuesi shkodran u aktivizua si zëvendësues në minutën e 79-të. Në ndeshjen e parë Rapidi kishte humbur 5-1 në Izrael.

Anderlecht 3 - 1 FC Timisoara

Dinamo Zagreb 0 - 2 Ajax Amsterdam

Genoa 3 - 2 Lille

Slavia Prague 2 - 2 Valencia

Hamburger 0 - 0 Celtic

Rapid Vienna 0 - 3 Hapoel Tel Aviv

Heerenveen 2 - 3 Hertha BSC

Sporting Lisbon 1 - 1 Ventspils

Roma 2 - 1 Fulham

Basel 3 - 1 CSKA Sofia

Dinamo B. 0 - 3 Galatasaray

Sturm Graz 0 - 1 Panathinaikos

[Damian1]

Guardiola: Situata në Champions është komplikuar

“E kemi ditur se ky grup do të jetë shumë i fortë dhe se gjithçka do të jetë e mundshme, por tani kur kanë mbetur dhe dy ndeshje, situata është komplikuar” tha Guardiola

Skuadra kampione e Evropës, Barcelona, nuk ka arritur të marrë më shumë se një pikë në duel me Rubin Kazanin në Rusi dhe në këtë mënyrë gjërat në grupin F në Ligën e Kampionëve janë komplikuar shumë

"Tashmë nuk jemi në kombinim të mirë. E kemi ditur se ky grup do të jetë shumë i fortë dhe se gjithçka do të jetë e mundshme, por tash kur kanë mbetur dhe dy xhiro, situata është komplikuar së tepërmi për ne. Kjo do të thotë se në dy ndeshjet e ardhshme ndaj Interit dhe Dinamos duhet të fitojmë patjetër. Vetëm atëherë mund të jemi të qetë", ka thënë Pep Guadiola.

Ndërkohë, në pyetjen e gazetarëve nëse Barça do të mund t'i mposhtë këto dy skuadra, kur një gjë të tillë nuk e arriti ndaj Rubin Kazanit, Guardiola është shprehur: "Natyrisht që mundet. Kjo skuadër ka kohë që ka dëshmuar se mund të arrijë synimet e saj.

Ndaj Rubinit ishte vështirë, pasi shpesh ata ishin me 10 futbollistë në mbrojtje. Por, na mungoi edhe fati, pasi kishim shumë raste të cilat nuk i konkretizuam. Sidoqoftë, futbolli është i tillë, ndodh që të mos fitoni edhe kur jeni shumë më të mirë se rivali juaj"

[Damian1]

Milan mbyll me sukses blerjen e talentit ganez Adiyiah

Perfundojne me sukses bisedimet mes Milanit dhe te riut ganez kampion bote U-20, Adiyiah.

Sulmuesi 20 vjecar do nenshkruaje nje kontrate 5 vjecare me 500 mije euro ne sezon. Ai u ble nga klubi norvegjez Fredrikstadt ku do arketohen rreth nje milione e gjysme euro.

Lojtari do jete ne dispozicion te Leonardos duke filluar qe nga muaji janar dhe do zere vendin e fundit si ekstrakomunitar tek Milani.

Marreveshja mund te kishte deshtuar pasi sulmuesi kerkonte 1 milione euro ne sezon por ne fund iu desh te kenaqej me gjysmen e shifres. Adiyiah shenoi 7 gola ne finalet e Kupes se Botes Under 20 qe u zhvillua ne Egjipt dhe ku Gana u shpall kampione bote.

[Damian1]

Cristiano, çdo ditë dëmtimi i kushton Realit 83 mijë Euro

Cristiano Ronaldo është i sëmuri që vlen ar, pasi çdo ditë mosaktivizimi i kushton Realit më shumë se 83 mijë Euro

Më shumë se 80.000 Euro në ditë. Kaq është shuma që i kushton Realit të Madridit, dëmtimi misterioz i Cristiano Ronaldos. Sipas llogarive të së përditshmes spanjolle AS, duke llogaritur 94 milionë Euro të shpenzuara për blerjen e portugezit, dhe kontratën 9 milionë Euro, çdo ditë inaktiviteti kushton 83.051 Euro.

Cristiano Ronaldo nuk luan me Real Madrid oprej dy muajsh, që nga 30 Shtatori ku pak ditë më vonë ishte rikthimi i pakujdesshëm me kombëtaren që rëndoi gjërat. Me shumë gjasa, Ronaldo nuk do të rikthehet as këtë muaj.

Nëse ai do të mungojës ashtu siç parashikohet, për galaktikët kostoja do të kalojë 1.6 milionë Eurot për të mos folur më pas për dëmin teknik. Me Ronaldon në fushë, skuadra e Pellegrini kishte fituar të 7 ndeshjet e luajtura.

[Damian1]

Chelsea i hiqet bllokada e FIFA, tani mund të blejë lojtarë

Gjykata sportive e Lozanës ka pezulluar përkohësisht bllokadën e FIFA, të vendosur ndaj Chelsea për merkato

Një lajm i mirë për Chelsea dhe trajnerin Carlo Ancelotti, që mund të vazhdojë të ndjekë objektivat e tij të merkatos, Sergio Aguero dhe Giampaolo Pazzini. Gjykata arbitrare sportive e vendosur në Lozanë, ka pezulluar përkohësisht bllokadën e FIFA, të vendosur ndaj Chelsea për merkaton.

FIFA kishte pezulluar Chelsea deri në vitin 2011, për çështjen polemizuese të firmës me talentin Gael Kakuta, francezi që dyshohet se u ble ilegalisht. Kjo manovër për Chelsea, bëhet deri në vendimin përfundimtar.

Sanksioni i FIFA-s erdhi në 3 Shtator pas një ankese të bërë nga skuadra franceze e Lens, në dëm të Blues dhe talentit Gael Kakuta. Klubi francez akuzoi Chelsea për manovra të gabuara dhe joshje, ndaj lojtarit të ri.

[Damian1]

Trajneri Ancelotti: Interi mbetet favorit për Serie A

Strategu i Chelsea, italiani Carlo Ancelotti, thotë se Interi mbetet ekipi favorit për të fituar kampionatin italian këtë sezon

“Jam mirë në Londër, por këtu në Angli ka një konkurrencë më të madhe. Ka një ambient më të mirë, presion më të vogël rreth punës tuaj dhe futbolli shihet si spektakël. Stadiumet janë shumë të bukura, komforte. Kam shumë mbresa të mira në katër muajt e parë”, ka thënë Ancelotti.

Pasi ka folur për ish-klubin e tij Milanin, ku ka lavdëruar sulmuesin Alexandre Pato, Ancelotti ka përmendur Interin si favorit për të fituar Serie A.

“Interi mbetet ekipi që duhet të fitohet, pasi ka një përbërje më konkurruese. Po ashtu ata kanë një trajner të shkëlqyeshëm, i cili në Chelsea kujtohet me shumë dashuri”, ka shtuar mes tjerash italiani.