Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Diego: Del Piero është gjeni i futbollit

Mesfushori i Juventusit, Diego, e ka lëvduar kapitenin e Zonjës së Vjetër, Alessandro Del Piero, duke e quajtur gjeni të futbollit.
“Del Piero është një lojtar i madh. Ai është një gjeni i futbollit”. “Ai respektohet si në fushë, po ashtu edhe jashtë saj, dhe e meriton këtë gjë. Ai gjithashtu është një person i jashtëzakonshëm”. “Ai është modest dhe ka respekt. Ai më ka ndihmuar shumë gjatë ditëve të para te Juventusi. Është një nder i madh të luaj me të”, ka thënë Diego për Tuttosport.

[OVES12]

Ancelotti: Harroni Liverpoolin

Menaxheri i Chelseat, Carlo Ancelotti, e ka përjashtuar Liverpoolin nga gara për titullin e Ligës Premier këtë sezon.
Italiani mendon se Manchester United dhe Arsenal janë rivalët e vetëm të bluve për titull.“Ne nuk mund të mendojmë për Liverpoolin në këtë moment, pasi ata janë prapa. Titulli nuk është vetëm në mes të Chelseat dhe United. Por mendoj se edhe Arsenali ka shanse të mira për të arritur pozitën e parë. Arsenali ka një ekip shumë të mirë”, ka thënë Ancelotti.“Por ne duhet të përqendrohemi te United. Është një ndeshje shumë e rëndësishme. Ne do të luajmë me ekipin e dytë në Ligën Premier, por është një ndeshje e cila sjell tre pikë, si edhe të tjerat”, ka shuar italiani.

[OVES12]

Wenger: Almunia numër një për momentin

Menaxheri i Arsenalit, Arsene Wenger, planifikon t’i japë portierit Manuel Almunia përsëri hapësirë më të madhe në ekipin e parë.
Almunia qëndroi jashtë fushe për shkak të një infeksioni në gjoks, dhe pastaj u duk sikur mbeti nën hijen e Vito Mannone.“Zakonisht është më mirë të kesh pozitën e portierit të rehatuar, për shkak të faktorit të sigurisë. Kam parë disa klube të cilat kanë dy portierë të të njëjtës vlerë, dhe kjo shkakton probleme”, ka thënë Wenger.“Ata luajnë dy ndeshje një portier, dy ndeshje portieri tjetër. Në fund, ata të dy mund të përfundojnë duke mos ia dalë mirë. Për mua, Manuel është rikthyer sërish në formën e mirë. Sigurisht, ai ka nevojë disa ndeshje për t’u adaptuar të luajë sërish, por nuk jam i shqetësuar për atë”, ka shtuar francezi.

[OVES12]

Sneijder: Me Interin dua t’i fitoj të gjitha trofetë

Holandezi Wesley Sneijder thotë se ai do t’i ndihmojë Interit t’i fitojë të gjitha trofetë dhe shton se suksesi grupor është shumë më i rëndësishëm se ai individual.
“Nuk ka nevojë të thuhet se unë jam lojtar i rëndësishëm. Bashkëlojtarët e mi fituan kundër Palermos dhe Livornos edhe pse unë nuk isha në fushë”, ka thënë Sneijder në një intervistë për Corriere dello Sport.“Kur jam në fushë mundohem të jap maksimumin, pasi qëllimi im është t’i ndihmoj ekipit në çdo ndeshje. Synimi është të luaj mirë me Interin që të mund ta fitojmë Skudeton dhe Ligën e Kampionëve”, ka shtuar holandezi.

[Damian1]

Moggi sulmon Inter: Juventusi shkakton më shumë frikë

Ish drejtori i përgjithshëm i bardhezinjve, Moggi ka shtuar se trajneri Mourinho nuk është më ai që ka qen

Luciano Moggi në kolonat e gazetës së përditshme 'Libero' ka analizuar temat më të fundit në javën e sapozhvilluar të Serie A.

Ish drejtori i përgjithshëm i bardhezinjve, gjithashtu ka vendosur gishtin drejt Josè Mourinho, i zhgënjyer nga Inter dhe i frikësuar nga Juventus që tani poo luan mirë.

“E shoh shumë të ndryshuar portugezin Mourinho, nuk e di nëse vjen nga pasiguria që ka në këtë sezon të dytë me Interin” tha Moggi.

“Ai erdhi në Itali me superioritet, me ironi dhe shumë protagonizëm por tani nga ai Jose nuk ka mbetur më asgjë. Por nuk besoj se Champions i ka lodhur zikaltërit. Impenjimet kanë qenë edhe për Juve, Milan, Fiorentina e Roma. Juventus tani shkakton frikë” tha Moggi.

[Damian1]

Trajneri i Manchester City: Robinho nuk do të largohet

Trajneri Mark Hughes insiston se e ardhmja e brazilianit Robinho do të jetë edhe vitin që vjen me skuadrën e Manchester City

Barcelona është prej kohësh në ndjekje të brazilianit Robinho dhe vetë dëshira e lojtarit është që një ditë të luajë me katalanasit, por pengesa është kontrata me Manchester City. Edhe trajneri i Citizens ka mohuar largimin e sulmuesit.

Mark Hughes insiston se e ardhmja e brazilianit Robinho do të jetë edhe vitin që vjen me skuadrën e Manchester City dhe se ai nuk do të firmosë me kampionët e Europës. lojtari kurrë nuk është stabilizuar që prej transferimit rekord nga Real Madrid dhe nuk luan prej muajsh.

"Jam shumë i sigurt se Robinho do të qëndrojë me ne. E ardhmja e tij është me City," tha trajneri Hughes. “Njerëz nga jashtë klubit përhapin lajme mbi argimin por kjo nuk është e vërtetë” tha trajneri i City.

[Damian1]

Shitja e bluzave, Cristiano Ronaldo larg David Beckham

Të paktën deri tani sulmuesi portugez ka shitur më pak bluza të prodhuar nga sponsori tekni i Real Madrid, Adidas, se sa anglezi

Blerja e vitit e Real Madrid, Cristiano Ronaldo, nuk po arrin t’i bëjë tifozët madrilenë të ëndërrojnë për bluzën e tij, ashtu siç ia doli David Beckham.

Të paktën deri tani sulmuesi portugez ka shitur më pak bluza të prodhuar nga sponsori tekni i Real Madrid, Adidas, se sa anglezi.

[Damian1]

Messi: Inter, ne “Kamp Nou” nuk ke nga t’ia mbash!

"Duhet te sigurojme tre pike dhe kaq. E kemi te ndaluar te bejme gabime te tjera ne “Kamp Nou”, pas pikeve te humbura kunder Rubin Kazani", thote argjentinasi i Barcelones

Dy jave nga sfida direkte (24 nentor), argjentinasi Lionel Messi paralajmeron Interin. Barcelona ne Champions kerkon vetem suksesin, sidomos ne ndeshjen shtepiake kunder zikalterve. “Duhet te sigurojme tre pike dhe kaq – ka deklaruar asi katalanas -. E kemi te ndaluar te bejme gabime te tjera ne “Kamp Nou”, pas pikeve te humbura kunder Rubin Kazanit. Perndryshe rrezikojme te mos skualifikohemi per te tetat e finaleve. E respektojme Interin, qe eshte nje skuader e madhe dhe do te vije ne Barcelone per te fituar. Ne duhet te jemi te afte per te shfrytezuar cdo gabim qe do te bejne”. Messi nuk duket se i trembet zikalterve, edhe per faktin se lojtarin qe bente diferencen tek Interi, tashme ai e ka perkrah:

“Marreveshja ime ne loje me Ibrahimovic permiresohet gjithmone e me shume, sa here qe luajme bashke. Ai eshte nje lojtar i madh, edhe jashte fushes. Nga Interi, gjithsesi, duhet te kemi kujdes Eto, i cili eshte rreziku kryesor”.

Pese dite pas duelit me Interin, Barca do te luaje edhe klasiken e famshme ne kampionat kunder Realit: “Sfida me madrilenet eshte gjithmone speciale dhe jam i bindur se ata do te luftojme deri ne fund ne te gjithe frontet. Madje do te arrijne te permbysin edhe kater golat e pesuar nga Alcoron ne Kupen e Mbretit”, ka perfunduar Leo.

[Damian1]

Real Madridi lejon K.Ronaldon te bashkohet me perfaqesuen

Dorezohet klubi madrilen. Kristiano Ronaldo do te shkoje ne Kombetaren per t’u vendosur ne dispozicion te stafit mjekesor te Federates portugeze

Mes klubit spanjoll dhe teknikut te perfaqesues luzitane Karlos Keiroz ka nisur nje duel pas grumbullimit te fituesit te “Topit te Arte” per “play-off’-in e Boterorit, qe do te shohe Portugaline kunder Bosnjes ne dy ndeshje, te shtunen e te merkuren e ardhshme.

Klubi madrilen ka derguar ne Lisbone certifikatat mjekesore dhe raportin e kirurgut holandez Van Dijk, i cili e ka vizituar mesfushorin gjate javes se kaluar ne Amsterdam. Madje, mjeku doli ne perfundimin se lojtari duhet te qendroje pushim edhe per nje periudhe tjeter prej te pakten dy javesh. Megjithate, Keiroz nuk deshiron te heqe dore nga futbollisti me talent te madh.

Federate portugeze ka bere te ditur se te grumbulluarit qe vijne nga Spanja, ku sot e neser luhet Kupa e Mbretit, mund te bashkohen me pjesen tjeter te kombetares ne Obidos gjate ketyre diteve, maksimumi deri te enjten. Me pas do t’i nenshtrohen analizave mjekesore, per te kuptuar se cili mund te luaje e kush jo, gjate sfidave me Bosnjen.

[Damian1]

Florentino Perez mbështet Manuel Pellegrinin...

Presidenti i Real Madridit, Florentino Perez, ka ripërsëritur mbështetjen e tij për trajnerin Manuel Pellegrini.

Pas eliminimit nga Kupa e Mbretit nga ekipi i divizionit të tretë Alcorcon, Perez thotë se nuk duhet të bëhet panik në Real.

“Nëse Real Madrid nuk fiton një trofe këtë sezon, nuk është dështim. Fabio Capello tha së fundi se ekipi i ri ka nevojë të zhvillohet. Ne kemi nevojë për stabilitet”.

“Ne nuk do të shqetësohemi në vitin e parë të projektit. Jemi shumë komfort me ekipin që kemi. Kemi nevojë për kohë që trajneri të stabilizohet me lojtarët. Sigurisht se Pellegrini do ta përfundojë sezonin këtu”, ka thënë Perez.