Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Mashtrimi i N'Gog, luftë ndaj simuluesve në Premier League

Pas episodit që solli barazimin e pamerituar të Liverpool ndaj Birmingham, tani federata angleze po mendon të ndëshkojë ashpër simuluesit

N'Gog ka mashtruar dhe imazhet filmike vërtetuan se nuk kishte penallti në dëm të Birmingham, që barazoi 2-2 me Liverpool. Por mashtrimi në fushë i sulmuesit të Reds, ka shkaktuar furi ndaj simuluesve që tani mund të ndëshkohen ashpër.

“Football Association” po mendon të ndryshojë rregullat në mënyrë të ashpër si dhe të përdorë imazhet filmike për të skualifikuar simulatorët në futbollin e Premier League. Ndërkohë arbitrat janë thirrur në një mbledhje për ti dhënë direktivat e FA.

David N'gog mund të jetë futbollisti i fundit që shpëton nga dënimi për shkak të një simulimi. Episodi ndaj Birmingham City e ka venddosur tashmë në listën e mashtruesve dhe për të tani do të ketë më shumë vëmendje.

[Damian1]

Menaxheri: Enke ishte në depresion nga vdekja e vajzës

Pak ore pas vdekjes se portierit te kombetares se Gjermanise dhe Hannover-it, Robert Enke, menaxheri i tij zbardh arsyet e tragjedise.



“Ishte nje vetevrasje”, shprehet Neblung, duke thene se 32 vjecari vuante nga nje gjendje e renduar mendore per shkak te vdekjes se vajzes 3 vjet me pare. Ai u hodh ne shinat e trenit dhe u gjet i pajete rreth ores 18:30 te dites se marte.

Kjo ngjarje ka shokuar trajnerin e kombetares Joachim Loew dhe manaxherin Oliver Bierhoff.

“Jemi te shokuar”, kane thene ata, duke mos mundur te nxjerrin asnje fjale me shume nga goja. Nderkohe, kombetarja gjermane ka nderprere stervitjen dhe mund te anuloje miqesoren e se shtunes ne Keln kunder Kilit.

“Eshte nje tragjedi e vertete. Nje gje qe nuk arrij ta kuptoj”, shprehet presidenti i Hannover, Martin Kind. Enke ishte zevendes i Lehman ne Euro 2008, ndersa ne te shkuaren ka luajtur per Benfiken, Barcelonen dhe Tenerifen. Hidherimin e tij per kete ngjarje e ka shprehur edhe kreu i federates Theo Zwanziger

[Damian1]

Guti e ka seriozisht: Ose unë ose Pellegrini te Real Madrid

Për mesfushorin madrilen, janënë garë Inter dhe Milan nëse ky do të vendosë të largohet nga Primera Division

Në ndeshjen e katërt nuk ka duruar më por ka thënë mjaft: José Maria Gutierrez Fernandez, i njohur më mirë si Guti, ka kërkuar një takim me drejtorin e përgjithshëm Real Madrid, Jorge Valdano për të planifikuar shitjen e tij, ose të paktën huazimin.

Arsyeja e kërkesës së mesfushorit Guti është në grumbullimin e munguar të radhës nga Manuel Pellegrini.

“Ose unë ose Pellegrini te Real Madrid” mësohet se i ka thënë mesfushori, drejtuesve të galaktikëve.

Inter dhe Milan kanë nisur që tani që të sondojnë terrenin për të përfituar nga krisja e marrëdhënieve. polemikat më të mëdha shpërthyen para ndeshje së Copa del Rey kundër Alcorcon, që më pas sanksionoi skualifikimin e merengues.

[Damian1]

Shperthen bomba ne klubin grek të Panathinaikos

Ky është sulmi i dytë kundër nje klubi grek, pasi ne javet e kaluara nje akt i ngjashem ishte realizuar edhe ne afersi te klubit tjeter me emer ne futbollin grek, Olimpiakosit

Një shpërthim i fortë i shkaktuar nga një bombë artizanale ka ndodhur mëngjesin e sotëm përpara residences se klubit të futbollit të Panathinaikos në Athinë. Mediat lokale raportojnë për dëme te shumta materiale të shkaktuara nga shpërthimi, qe nuk ka shkaktuar viktima.

Shpërthimi ndodhi rreth orës 5:00 sipas orës lokale (4:00. sipas asaj shqiptare) duke shkaktuar dëme edhe në ndërtesat përreth. Ky është sulmi i dytë kundër nje klubi grek, pasi ne javet e kaluara nje akt i ngjashem ishte realizuar edhe ne afersi te klubit tjeter me emer ne futbollin grek, Olimpiakosit. Deri tani askush nuk ka marrë përsipër përgjegjësinë për keto sulme, të cilat pasojnë një sërë të tillash të kryera nga grupet anarkike.

[Damian1]

Sulmuesi Didier Drogba dhuron 3 milionë Paund për bamirësi

Drogba është duke pritur shumën të cilën do ta marrë nga Pepsi, ku është zgjedhur fytyrë e re e kompanisë, për ta dhuruar për një spital

Sulmuesi i Chelsea nuk është shembull vetëm në fushë, por edhe jashtë saj, pasi futbollisti ka dhuruar plot 3 milionë Paund për të ndërtuar një spital.

Sipas Daily Mail, Drogba është duke pritur shumën të cilën do ta marrë nga Pepsi, ku është zgjedhur fytyrë e re e kompanisë.

Burime të afërta me klubin kanë thënë se do të ketë edhe një donacion tjetër të madh nga pronari i Chelseat, Roman Abramovich, si përkrahje personale për Drogban. Projekti i ndërtimit të spitalit do të realizohet në vendlindjen e Drogbas, Bregun e Fildishtë.

[Damian1]

35 mije persona ne kortezh per Enke ne Hannover

Nje kortesh prej 35 mije personash ne nder te Robert Enke portierit te kombetares gjermane

Nje kortesh prej 35 mije personash ne nder te Robert Enke portierit te kombetares gjermane i cili u vetevra te Marten. Turma e njerezve pergjate rrugeve te Hannoverit qytetit ku ai jetonte, priste te bente homazhet ne nje heshte te plote.

Robert Enke luante si portier me skuadren e Hannoverit dhe drejtuesit e kulubit parashikojne nje pjesemarrje prej dhjetra mijera njerezit ndoshta edhe nje ezaurim total te vendeve te impiantit sportiv diten e Diele ku dhe do te mbahet ceremonia mortore e futbollistit.

[Damian1]

Dëmtim i çuditshëm për Frank Lampard, shkak bëhet avioni

Mesfushori londinez ka probleme me muskujt pas udhëtimit të keq drejt Katarit, që zgjati më shumë se 7 orë

I dëmtuar për shkak të...avionit. Është mjaft e pabesueshme aventura që i ka ndodhur Frank Lampard, i cili në Katar pritej të luante në miqësoren e luksit me Brazilin, por është dëmtuar.

Mesfushori i skuadrës së Chelsea dhe kombëtares së Capello, është ndalur që në stërvitjen e parë për një dëmtim në muskuj. Por shkaku ka qenë një udhëtim sfilitës me avion të parehatshëm, me kombëtaren, që ka shkaktuar dhimbje në muskuj dhe mjaft lodhje.

Avioni që ishte zgjedhur nga FA, ishte “low cost” dhe jo një charter si zakonisht. Kjo ngjarje ka shkaktuar edhe furinë nga ana e Chelsea. Klubi i Abramovich 151.000 stërlina (rroga javore e Lampard) për çdo javë që mesfushori do të mungojë nga ky dëmtim.

"Lamps" rrezikon që të mungojë në ndeshjet e Premier League kundër Arsenal, Manchester City, Wolverhampton edhe Everton si dhe në garat e Champions League ndaj Porto e Apoel Nicosia. Në rast të tillë Chelsea mund të fitojë 1 milion Euro.

[Damian1]

Nani: Nuk kam probleme me Sir Alex Ferguson

Mesfushori i Mancheseter United, Nani, ka thënë se ai nuk ka kurrfarë problemi me trajnerin e ekipit Sir Alex Ferguson dhe i pranon të gjitha vendimet e tij

Nani rrezikoi të futet në një zënkë të madhe me Ferguson, pasi deklaroi se ai është mjaft i komplikuar dhe kishte shpjeguar sjelljen e tij ndaj futbollistëve. Por portugezi ka qenë i shpejt të mbulojë gjithçka.

“Shpesh flas me trajnerin për paraqitjet e mia. I pranoj vendimet e Ferguson, por dua të luaj më shpesh. Gjërat të cilat ndodhin në futboll duhet të qëndrojnë brenda zhveshtores”.

“Pas largimit të Cristiano Ronaldos doja të kem më shumë rol në ekip, por trajneri e bën formacionin. Doja të fitoj shans kundër Chelseat, por nuk arrita. Duhet t’i pranoni momentet e vështira, nuk kam problem me trajnerin”, ka thënë Nani.

[Damian1]

Rusia, Guus Hiddink i druhet vetëm mbrojtjes së Sllovenisë

“Sllovenia ka një nga mbrojtjet më të mira, ata kanë pësuar vetëm 4 gola në 10 ndeshje”, tha Hiddink

Gus Hidink ka një rekord që e bën krenar përpara ndeshjes me Slloveninë të shtunën në Moskë, megjithatë tekniku holandez është nga ata që i merr gjërat me radhë. Ai nuk ka dështuar asnjëherë për ta çuar një skuadër kombëtare në turnetë e mëdha.

Hidink e kualifikoi Holandën në Botërorin e vitit 1998 dhe më pas e përsëriti këtë me Australinë në 2006, përpara se të kualifikonte Rusinë në Euro 2008. “Nuk shqetësohem shumë për rekordet personale, - deklaroi Hidink, që në 2002 udhëhoqi edhe Korenë e Jugut drejt gjysmëfinaleve të Botërorit.

– Ne kemi një objektiv më të madh për të arritur dhe duhet të bëjmë gjithçka mundemi për t’u kualifikuar në Afrikën e Jugut”, shtoi ai. Pas ndeshjes së të shtunës, Rusia dhe Bosnja do të përballen të mërkurën në Maribor. Kapiteni Andrei Arshavin tha se rusët kishin qenë më fat në short, duke u përballur me një ekip që mban vendin e 49-të në FIFA, por Hidink mendon ndryshe. “Sllovenia ka një nga mbrojtjet më të mira, ata kanë pësuar vetëm 4 gola në 10 ndeshje”, tha ai.

[Damian1]

Kombëtarja, tjetër ditë e kaluar në “ngujim” në Estoni

Punë të diferencuar ka zhvilluar vetëm Emiljano Vila, që gjithsesi duket e ka kaluar gjendjen gripale

Kombëtarja shqiptare ka vijuar me ditën e dytë të përgatitjeve për ndeshjen me Estoninë, ndonëse kushtet atmosferike kanë kushtëzuar jo pak programin e hartuar më parë nga trajneri Kuzhe. Ditën e enjte skuadra ka zhvilluar vetëm një seancë stërvitore, atë të pasdites në aneksin e stadiumit, ndërsa paradite lojtarët kanë punuar në palestër.

Punë të diferencuar ka zhvilluar vetëm Emiljano Vila, që gjithsesi duket e ka kaluar gjendjen gripale. Në Talin, ku është grumbulluar kombëtarja, dëbora duket se ka paralizuar çdo gjë. Futbollistët shqiptarë kanë qëndruar gjithë kohës në hotel, duke pirë kapuçino dhe duke naviguar në internet.

Edhe trajneri Kuzhe, që ka patur probleme shëndetësore, ka qenë disi më mirë. Ndeshja Estoni-Shqipëri është e fundit për këtë vit për kombëtaren shqiptare dhe do të zhvillohet të shtunën në orën 15.00 me orën shqiptare.