Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Arsenali tronditet nga dëmtimi i sulmuesit Van Persie

Robin Van Persie u zëvendësua pas vetëm një çerek ore lojë, pas një përplasje me Giorgio Chiellini ku u dëmtua

Sulmuesi i Arsenalit, Robin van Persie, mund të qëndrojë jashtë fushe për rreth dy muaj pasi ka lënduar gjurin në barazimin e së shtunës të Holandës ndaj Italisë në Pescara

Van Persie u zëvendësua pas vetëm një çerek ore lojë, pas një përplasje me Giorgio Chiellini. Trajneri holandez Bert van Marwijk ka thënë se Van Persie ka dëmtuar ligamentet, megjithëse të dhënat e sakta do të publikohet gjatë ditës së hënë.

“Diagnoza e parë është një dëmtim i keq i gjurit. Ne presim rezultatet e rrezeve X nga spitali. Është gjë e tmerrshme për Robin dhe një gjë jo e mirë për Holandën dhe klubin e tij”, ka thënë Van Marwijk.

[Damian1]

Reali zhvendos objektivin tek kiliani i Fiorentinës, Vargas

Mbrojtësi i Violas, Vargas, është një prej emrave në agjendën e klubit mbretëror, së bashku me mbrojtësin e Arsenalit, Bacary Sagna

Presidenti i Real Madridit, Florentino Perez, raportohet se është duke kërkuar mbrojtësin e Fiorentinës, Juan Manuel Vargas.

Sipas El Mundo Deportivo, Perez nuk është i kënaqur me paraqitet e ekipit aktual dhe ka urdhëruar Menaxherin Gjeneral, Jorge Valdano, të përshpejtojë planet e afatit kalimtar të verës, për t’i realizuar disa prej tyre në janar.

Mbrojtësi i Violas, Vargas, është një prej emrave në agjendën e klubit mbretëror, së bashku me mbrojtësin e Arsenalit, Bacary Sagna, dhe sulmuesin e Valencias, David Villa. Edhe ylli i Manchester United, Wayne Rooney, së fundi raportohet se është në planet e Perez.

[Damian1]

Gjermani, 45 mijë njerëz në homazhet për portierin Enke

Më shumë se 45 mijë persona ishin prezentë në stadiumin e Hannover për ti dhënë lamtumirën portierit gjerman që vrau veten pak ditë më parë

Emocione të mëdha dhe mallëngjim gjatë ceremonisë funebër për ti dhënë lautmirën Robert Enke, portierit 32 vjeçar të Hannover që vrau veten të martën duke u hedhur në shinat e një treni.

Në AWD Arena, stadiumi që pret ndeshjet e skuadrës, u gjendën më shumë se 45 mijë njerëz në homazhet për portierin Enke. Prezentë edhe shumë personalitete të politikës dhe të sportit.

Para ceremonisë, të gjithë futbollistët e Hannover, mes të cilëve edhe shqiptari Altin Lala që ishte mjaft i mallëngjyer, vendosën një kurorë me lule mbi arkivolin ndërsa televizionet ishin në lidhje direkte me stadiumin. Funerali do të bëhet në formë private në Empede, ku Enke do të varroset pranë së bijës Lara Enke. vdekja e saj ishte shkak i tragjedisë së Enke.

[Damian1]

Manchester United kërkon mbrojtësin e Bayernit, Lahm

Sipas mediave angleze, ekipi i Manchester United në muajin janar do të bëjë ofertë në vlerën e 15 milionë funteve për shërbimet e mbrojtësit të Bayern Munichut, Philipp Lahm

Sir Alex Ferguson po përballet me probleme në pozitën e mbrojtësit të djathtë, pasi Garry Neville për shkak të lëndimit ka humbur në numër të madh të ndeshjeve dhe trajneri është lodhur duke rrotullar disa lojtarë në këtë pozitë në mes të cilëve Rafael, John O’Shea dhe Ëes Broën.

Rafael shihet si një pasues i Neville, por sipas Mirror, Ferguson dëshiron ta angazhojë 25-vjeçarin gjerman, i cili do të ishte mentor i të riut brazilian.

Thuhet se edhe Lahm mendon për largim nga Bayern, pasi u dënua për shkak se kishte shprehur publikisht dyshimet e tij për metodat e Louis van Gaal. Po ashtu Bayerni është në prag të eliminimit nga Liga e Kampionëve dhe kjo mund të jetë edhe një stimulim më shumë për të për t’u larguar.

Mirror thotë se oferta e United to të arrinte shifrën e 15 milionë Paundeve, dhe se Ferguson dëshiron ta përfundojë marrëveshjen para fillimit të Kupës botërore, për të shmangur rritjen e çmimit të lojtarit si dhe konkurrencën

[Damian1]

Play off, Portugalia hedh hapin e parë drejt Afrikës së Jugut

Portugalia hedh hapin e parë drejt Afrikës së Jugut, me fitoren 1-0 kundër Bosnjës në ndeshjen e parë të play-off

Bruno Alves ka shënuar golin vendimtar të takimit në Lisbonë. Portugalia në fakt ka dominuar pjesën e parë të lojës dhe ka patur mundësi të shënojë disa herë. Nani në një formë të shkëlqyer i ka vështirësuar shumë punën Emir Spahic. Pikërisht mesfushori i United, ka krosuar për Alves në minutën e 31 dhe mbrojtësi i pamarkuar ka shënuar me kokë golin e fitores.

Boshnjakët kanë reaguar menjëherë pas golit dhe vetëm traversa i ka ndaluar në minutën e 43 të barazojnë me Ibricic. Portugal është munduar të mbyllë ndeshjen në pjesën e dytë dhe Liedson ka qenë shumë praën golit në minutën e 55. I shërbyer nga Deko sulmuesi nuk arrin të gjejë kuadratin. Bosnia ka qenë fare e pafat në këtë ndeshje, sepse në minutën e 89 ka patur një mundësi të dyfishtë flagrante, por porta e Eduardos ka qenë e mallëkuar dhe goditja e Edin Dzeko dhe më pas edhe e Zlatan Muslimovic, janë përplasuar në trarët e portës portugeze.

Nuk arrin dot Bosnja të shënojë golin, që do të kishte qenë tepër i vlefshëm në ndeshjen e kthimit në Zenica të mërkurën, ku Portugalia nuk do të ketë sërisht Cristiano Ronaldo të dëmtuar.

[Damian1]

Humbja e dytë, kombëtarja U-19 mundet edhe nga Irlanda

Golat për kundërshtarin janë shënuar nga Doran, në minutën e 56-të, me penallti, ndërsa Henderson, në minutën e 84-t, ka dyfishuar rezultatin

Në stadiumin “Montecchio”, të San Marinos, kombëtarja shqiptare U-19, e drejtuar nga Ramadan Shehu, ka pësuar humbjen e radhës në ndeshjet eliminatore të kampionatit europian të kësaj grup-moshe, grupi 1. Kësaj here ka qenë Irlanda, e cila i ka mundur 2-0 kuqezinjtë tanë. Golat për kundërshtarin janë shënuar nga Doran, në minutën e 56-të, me penallti, ndërsa Henderson, në minutën e 84-t, ka dyfishuar rezultatin.

Kjo ishte ndeshja e dytë e kombëtares shqiptare U-19, luajtur në San Marino, pas asaj me Italinë, të cilën e humbi me rezultatin e thellë 5-0. Pra, në dy ndeshje, kuqezinjtë e Ramadan Shehut kanë pësuar 7 gola dhe nuk kanë shënuar asnjë, një golaverazh mjaft negativ, ashtu si në eliminatoret e shkuara, në fakt.

Ndeshja e radhës për kuqezinjtë do të luhet më 18 nëntor, ndaj San Marinos, në orën 15.00. Në këtë ndeshje, kartonë të verdhë nga lojtarët tanë kanë marrë Guido Tepshi, Renald Shehu dhe Gerald Tushe. Me karton të kuq është ndëshkuar Alvaro Bishaj. Në ndeshjen e humbur 2-0 me Irlandën, trajneri Shehu ka aktivizuar këta lojtarë:

Shqiperia: Fabiol Rexhepi, Gentian Manuka, Renald Shehu, Rustem Hoxha, Guido Tepshi (Gerald Tushe 57’), Erbi Myftaraj, Edon Hasani, Alvaro Bishaj, Ledion Ruço, Armando Vajushi (Xhulio Pulaj60’), Bekim Bala (Erti Koni 82’).

[Damian1]

FIFA pezullon Maradonën 2 muaj, gjobitet 25 mijë Franga

Sharjet dhe reagimi ndaj mediave pas fitores ndaj Uruguajit i kanë kushtuar pezullimin, trajnerit të kombëtares argjentinase

Trajnerit të Argjentinës, Diego Maradona, i është ndaluar për dy muaj çdo aktivitet që ka të bëjë me futbollin dhe është dënuar me 25.000 franga zvicerane, për shkak të reagimit të tij pas kualifikimit në Kampionatin Botëror 2010.

Përfaqësuesja e Argjentinës siguroi kuliafikimin automatik për Kampionatin e ardhshëm Botëror duke e mposhtur Uruguain muajin e kaluar, ndërsa i shumëkritikuari Maradona, në konferencën për shtyp pas ndeshjes, reagoi duke i ofenduar kritikët dhe gazetarët, ndërsa më pastaj kishte refuzuar të kërkojë falje.

Këto komente e detyruan FIFA-n të hetojë veprimet e Maradonas, dhe të dielën ka lëshuar një deklaratë ku thuhet se trajnerit të përfaqësueses së Argjentinës i ndalohet të marrë pjesë në çfarëdo aktiviteti që ka të bëjë me futbollin nga 15 nëntor 2009 deri më 15 janar 2010.

Maradona ishte i pranishëm të dielën në Zyrih kur iu dha ndëshkimi, ndërsa komiteti i FIFA-s e ka paralajmëruar se nëse e përsërit të njëjtën gjë, ndëshkimi do të jetë më i madh. Sido që të jetë, fatmirësisht ky vendim nuk do ta pengojë 49-vjeçarin që ta drejtojë Argjentinën gjatë Kampionatit Botëror në Afrikën e Jugut.

[Damian1]

Sunderland, Cana kthehet si titullar kundër Arsenalit

Levizja e pare e drejtuesit te stolit te “maceve te zeza” pas pushimit per ndeshjet nderkombetare, do te jete pozicionimi i kapitenit ne qender te mesfushes

Lorik Cana do te kthehet si titullar te Sanderlendi, nderkohe qe aktivizimi i shqiptarit nga minuta e pare shihet si vendimi me i lehte per trajnerin Stiv Brus per sfiden e fundjaves me Arsenalin. Levizja e pare e drejtuesit te stolit te “maceve te zeza” pas pushimit per ndeshjet nderkombetare, do te jete pozicionimi i kapitenit ne qender te mesfushes. Cana nuk luajti ne takimin e fundit kunder Totenhemit, per shkak te pezullimit njejavor pas pese kartoneve te verdhe te marre ne kampionat.

6-vjeçari i afruar ne fillim te sezonit nga Olimpik Marseja eshte nje prej lojtareve te preferuar te Brus, i cili nuk heziton asnjehere ta theksoje kete. Tekniku tha: “Deri me tani Loriku ka konfirmuar gjithçka qe prisja prej tij ne momentin kur vendosa ta blej, madje edhe diçka me shume. Ai eshte nje futbollist i mire, por shpesh njerezit e harrojne kete fakt, pasi perqendrohen me shume te nderhyrjet e forta te Canes”.

Kete jave, kuqeziu do te perballet me “topçinjte” e Arsen Venger, qe ishin nje prej kandidateve kryesore per te marre sherbimet e mesfushorit, duke e cilesuar pasardhesin e Patrik Vieirase. Perveç Arsenalit, per Canen interesohej edhe Liverpuli i Rafa Benitez. Shqiptari shpreson te jete serish protagonist ne “Stadiumin e Drites”, ashtu sikurse ndodhi ne fitoren 1-0 perballe “Reds”.

[Damian1]

Van Persie kurohet me placentë kali, trajtim special në Serbi

Dëmtimi i pësuar në miqësoren që Holanda zhvilloi me Italinë, ka bërë që Van Persie ti nënshtrohet një trajtimi special

Një trajtim special me hormone kali, saktësisht me placentën e femrës së kësaj kafshme për tu rikthyer në formën më të mirë dhe për të lënë pas dëmtimin në kavilje.

Sulmuesi i Arsenalit, Robi van Persi, duket se do të qëndrojë për një kohë prej dy muajsh larg fushave të lojës pasi trajneri i Hollandës Robert van Marwijk ka konfirmuar se lojtari i “Topçinjve” ka pësuar një dëmtim të rëndë në ndeshjen miqësore të zhvilluar të shtunën kundër Italisë.

Kjo ka bërë që Robin Van Persie ti drejtohet një doktoreshe kontratiktore në Serbi, dhe të detyrohet të injektojë placentë kali në trup. “Më kanë thënë që nuk është e dëmshme, dhe leja e Arsenalit më solli në Beograd. Dua të mos mungoj shumë gjatë” tha Van Persie.

Van Persie ka qenë në formë të shkëlqyer në këtë sezon duke shënuar shtatë gola në kampionat dhe duke ndihuar “Topçinjtë” të kapin vendin e dytë në renditje. Klubi londinez, gjithashtu, nuk ka në dispozicion as Niklas Bentner për shkak dëmtimi.

[Damian1]

Chelsea në sulm për Hamsik, sllovaku pëlqehet në Londër

Trajneri i Chelsea, italiani Ancelotti pëlqen shumë futbollistë të Serie A, mes të cilëve dhe sllovakun Hamsik

Pasi është pezulluar përkohësisht bllokada në merkato, nga gjykata e Lozanës, Chelsea është gati të vendosë duart në portofol, për merkaton e muajit Janar. Shumë objektiva për Blues, që do të duhet të bëjnë një muaj pa Drogba, Essien, Mikel dhe Kalou, të impenjar në kupën e Afrikës.

Tashmë është zgjuar interesi për sllovakun e skuadrës së Napolit, Marek Hamsik.

Mesfushori sipas "Daily Mirror", figuron në listën e shpenzimeve të trajnerit italian Carlo Ancelotti që pëlqen shumë futbollistë të Serie A, mes të cilëve dhe sllovakun Hamsik.

Në listë janë edhe Di Maria, Rodwell, Ribery dh Aguero. Ndërkohë Chelsea është gati të investojë një shumë 56 milionë Euro për sulmuesin e Valencia, David Villa.