Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Rooney: Largimi i Ronaldos më detyron të përmirësohem

Ylli i Manchester United, Wayne Rooney, pranon se largimi i Cristiano Ronaldos e ka detyruar atë të përmirësojë lojën e tij.
Rooney thotë se ai ende ka nevojë ta ngitë nivelin e lojës në prag të Kupës Botërore, pjesërisht tash që Ronaldo nuk është më në Old Trafford.“Kam ende shumë për t’u përmirësuar dhe shumë për të mësuar. Mund të shënoj më shumë gola. Kam nevojë të shënoj më shumë, pjesërisht pasi tash Ronaldo nuk është më”, ka thënë Rooney.

[OVES12]

Ronaldo nga minuta e parë kundër Barcës

Cristiano Ronaldo, Real Madrid - SportiSOT Pas mungesës në dhjetë ndeshje të Real Madridit, pritet që Cristiano Ronaldo të filloje nga minuta e parë në ndeshjen kundër Barcelonës në Camp Nou.
Më 29 nëntor dy gjigantët spanjollë do të takohen në kështjellën e Barcës për të zhvilluar derbin ‘el Clasico’, ndërsa Marca njofton se superylli portugez do të jetë në fushë nga fillimi i ndeshjes. Mjekët e Ronaldos thonë se trajtimi i nyjës po përparon me sukses, ashtu që anësori portugez pritet të luajë që në ndeshjen kundër Cyrihut në Ligën e Kampionëve.

[OVES12]

Greqia në Botëror

Përfaqësuesja e Greqisë ka shënuar fitore si mysafir i Ukrainës për të siguruar vizën për në Kampionatin Botëror 2010.
Pas barazimit pa gola në ndeshjen e parë në Athinë, helenët e mposhtën Ukrainën në Donbass Arena në Donetsk me rezultat minimal për të zënë një vend në Afrikën e Jugut. Heroi i grekëve këtë mbrëmje ishte Dimitris Salpingidis, i cili në minutën e 31-të shënoi golin e vetëm në ndeshje që ishte edhe goli kualifikues. Është kjo hera e parë që nga viti 1994 që grekët janë pjesë e një Kampionati Botëror.

[OVES12]

Portugalia eliminon Bosnjën

Festa e portugezëve Në të dyja ndeshjet e barashit për një vend në Kampionatin Botëror, Portugalia ka shënuar fitore minimale përballë Bosnje-Hercegovinës, për të siguruar një vend në Afrikën e Jugut.
Me rezultat prej 1-0, portugezët fituan në ndeshjen e zhvilluar të shtunën në Estadio da Luz të Lisbonës, ndërsa me të njëjtin rezultat mposhtën boshnjakët edhe në ndeshjen e zhvilluar të mërkurën mbrëma në Bilino Polje të Zenices. Golin e vetëm për Portugalinë sonte e shënoi Raul Meireles (56’), i cili shfrytëzoi një pasim të Nanit. Pas golit të pësuar boshnjakët duhej të shënonin tri herë për t’u kualifikuar, ndërsa deri në fund të ndeshjes ata nuk arritën të ndryshonin asgjë. Dhe kështu, Portugalia do të jetë në Kampionatin Botëror 2010.

[OVES12]

Sllovenia lë Rusinë në shtëpi

Festa e sllovenëve pas golit të Dedic. Përfaqësuesja e Sllovenisë ka siguruar kualifikimin për në Kampionatin Botëror 2010, falë golit të shënuar në terren mysafir në ndeshjen e parë të barashit kundër Rusisë.
Në përballjen e parë, të zhvilluar në Luzhniki Stadium të Moskës, Rusia fitoi me rezultat prej 2-1, ndërsa në ndeshjen kthyese, sllovenët shënuan fitore prej 1-0 për të qenë pjesë e skuadrave pjesëmarrëse në Kampionatin e ardhshëm Botëror. Njeriu që dërgoi Slloveninë në Afrikën e Jugut ishte Zlatko Dedic, i cili shënoi golin vendimtar në minutën e 44. Duhet përmendur se nga minuta e 67-të, rusët luajtën me një lojtar më pak në fushë, pas përjashtimit të Aleksandr Kerzhakov me karton të kuq. Ndërsa në fund të ndeshjes (90’) edhe Yuri Zhirkov u përjashtua nga ndeshja.

[OVES12]

Franca kualifikohet pas vazhdimeve

Festa e francezëve pas golit të Gallas. Franca ka arritur të sigurojë një vend në Kampionatin e ardhshëm Botëror duke barazuar përballë Irlandës në Stade de France të Parisit me rezultat 1-1.
Në ndeshjen e parë, Les Bleus fituan me rezultat minimal si mysafirë të Irlandës në Croke Park, dhe dukej se do ta kishin shumë lehtë në ndeshjen e kthimit pasi luanin si vendas. Mirëpo nuk ndodhi ashtu. Mysafirët krijuan avantazh në minutën e 33-të me anë të Robbie Keane dhe e mbajtën këtë epërsi deri në fund të kohës së rregullt, prandaj u deshën vazhdimet për t’u caktuar se kusht do të shkonte në Botëror. Në vazhdime, Franca u tregua më efikase duke shënuar me anë të William Gallas (103’), i cili pranoi një top nga 'dora' e Thierry Henry për ta barazuar rezultatin.
Ky gol ishte i mjaftueshëm që Franca të kualifikohej në Kampionatin Botëror 2010 që zhvillohen verën që vjen në Afrikën e Jugut.

[OVES12]

Raikkonen tërhiqet nga Formula 1

Ish-kampioni i botës në Formula 1, Kimi Raikkonen, sezonin e ardhshëm nuk do të jetë pjesë e garës më prestigjioze automobilistike, pasi që nuk ka mundur të gjejë një skuderi të përshtatshme.
Agjenti i finlandezit, David Robertson, ka thënë për BBC Sport se klienti i tij ishte munduar të arrinte një marrëveshje me McLarenin, mirëpo drejtuesit e kësaj skuderie nuk ishin pajtuar ta paguanin aq sa kishte kërkuar 30-vjeçari. Robertson ka thënë se aktualisht klienti i tij është duke kërkuar të jetë pjesë e Kampionatit Botëror në ‘rally’, edhe pse ende nuk është arritur ndonjë marrëveshje. Agjenti i Raikkonen, ka thënë se piloti megjithatë do të kthehet në Formula 1 në vitin 2011, për të tentuar ta fitojë Kampionatin Botëror.

[OVES12]

Button pilot i McLarenit

Kampioni i botës në Formula 1, Jenson Button, nga sezoni i ardhshëm do të vozisë krahas Lewis Hamiltonit, pasi që ka nënshkruar për McLarenin.
Njoftimi për këtë transferimi është bërë të mërkurën, me ç’rast McLareni do të ketë pilotët më të mirë në dispozicion. “Edhe pse e fitova Kampionatin Botëror me Brawn GP sezonin që shkoi- dhe nuk do ta harroj kurrë këtë- isha i vendosur që ta vendosja veten para sfidave të freskëta”. “Lewis është një pilot i talentuar, i cili ka siguruar respektin e të gjithë pilotëve të Formula 1, dhe jam sigurt se ka shumë gjëra që mund të mësojmë nga njëri-tjetri”, ka thënë Button.

[Damian1]

Pas eliminimit te Rusise, e ardhmja e Hiddink e dyshimte

Marrëveshja e Guus Hiddink skadon në verën e ardhshme dhe moskualifikimi i ruseve per ne Afriken e Jugut 2010, sigurisht qe pritet të lëkundë edhe stolin e tij

Mbetet të tregojë koha nëse Guus Hiddink do të vazhdoje te qendroje në pozitën e përzgjedhësit të kombëtares ruse. Perfaqesuesja e drejtuar nga tekniku holandez u llogarit si favorit para ndeshjes së “play-off”-it përballë Sllovenisë, e vlefshme për kualifikim në Botërorion 2010, por befasisht u eliminua.

Marrëveshja e Guus Hiddink skadon në verën e ardhshme dhe moskualifikimi i ruseve per ne Afriken e Jugut 2010, sigurisht qe pritet të lëkundë edhe stolin e tij. “Kam marrëveshje deri në fund të Kampionatit botëror, në qershor të vitit 2010. Pyetja nëse do të mbetem përzgjedhës për Kampionatin Evropian 2012, kërkon kohë per t’u menduar”, ka thënë Hiddink.

Hiddink është përzgjedhës i kombëtares ruse nga vitit 2006 dhe arriti ta kualifikojë atë në Euro 2008, në grupin e të cilit ishin Anglia dhe Kroacia, ndërsa më pas arriti deri në gjysmëfinale.

[Damian1]

Ministri irlandez i Drejtesise: Te riluhet sfida me Francen!

Federata Irlandeze e Futbollit ka derguar nje shkrese ne FIFA, me te cilen kerkon te riluhet ndeshja e shumediskutuar: “Vendimi i gabuar i gjyqtarit per akordimin e golit ishte i dukshem"



Ministri irlandez i Drejtesise, Dermot Ahern ka kerkuar qe ndeshja e “play-off”-it midis Frances dhe Irlandes te luhet serish, pasi nje gol i ardhur nga nje prekje e dukshme e topit me dore u ka dhene mundesine francezeve te sigurojne kualifikimin per ne Boterorin e vitit 2010. “Per mendimin tim, ndeshja duhet luajtur serish - ka deklaruar ministri -. Ndoshta FIFA nuk do te na e jape kete mundesi, sepse ne jemi nje peshk i vogel ne panoramen e futbollit boteror, por duam t’u bejme presion”, ka shtuar Ahren. “Ky eshte minimumi qe u detyrohemi mijera fansave ne te gjithe vendin. Nese rezultati do te mbetej po ai, lehtesisht mund te dilnim ne perfundimin se fitohet duke mashtruar”.

Episodi me protagonist Henri qe solli golin vendimtar te eliminimit te Irlandes dhe kualifikimin e Frances solli menjehere ne mendje te famshmen “Dore te Zotit” te Diego Armando Maradonas, i cili shenoi nje gol me grusht ne cerekfinalet mes Anglise dhe Argjentines ne Boterorin e Meksikes ne vitin 1986. Edhe Liam Brady, asistenti i teknikut Italian Xhovani Trapatoni, ka kerkuar perseritjen e ndeshjes. "Jemi te gatshem te kthehemi ne Paris dhe te luajme serish. Nuk besoj se do te ndodhe, por ne jemi te disponueshem te luajme ende ne fushen e tyre, derisa te kete nje sukses te paster”, ka deklaruar Brady.

Ne kete situate, Federata Irlandeze e Futbollit ka derguar nje shkrese ne FIFA, me te cilen kerkon te riluhet ndeshja e shumediskutuar e se merkures. “Vendimi i dukshem i gabuar i gjyqtarit per te akorduar golin – shkruhet ne letren e Federates se Dublinit – ka demtuar integritetin e sportit. Per kete arsye, ne i kerkojme FIFA-s, qe eshte organi qeverises i sportit boteror, te beje te mundshme perseritjen e ndeshjes”.