Mbyllur-Lajme dhe Diskutime per Sportin! Futboll.:.Motosport .:.etj

[Damian1]

"Përralla" Huntelaar, 2 golat e tij çojnë Milan në vendin e dytë

Sulmuesi holandez ka hyrë si zëvendësues por ka shënuar dy golat e fitores së Milanit në fushën e Catanias duke i dhënë vendin e dytë kuqezinjve

Futbolli është i çmendur dhe këtë e ka vërtetuar edhe ndeshja Catania-Milan e vendosur në çastet e fundit. Kur dukej se skuadra vendase e trajnerit Atzori po merrte një pikë të vyer ndaj Milanit, është shfaqur Huntelaar për të ndezur ndeshjen më të shëmtuar të javës në Serie A.

Sulmuesi holandez Klaas-Jan Huntelaar, i futur në lojë në minutën e 84' në vend të francezit Flamini, ka shënuar një dopietë ëndrrash duke vendosur Milanin në vendin e dytë të Serie A, para Juventusit.

Koha shtesë e dhënë nga arbitri rezultoi fatale për vendasit të cilët në fillim pësuan një gol nga goditje nga distanca me faj të portierit ndërsa më pas Huntelar dhuroi nëj parabol të bukur duke fiksuar shifrat 0-2.

[Damian1]

Manuel Pellegrini: Reali ishte ekip më i mirë...

Trajneri i Real Madridit, Manuel Pellegrini, thotë se Barcelona nuk meritoi të shënojë fitore në derbin e mbrëmshëm El Clasico.

Përforcimi i verës i Barcelonës, Zlatan Ibrahimovic, u fut si zëvendësues në pjesë të dytë për t’i dhënë edhe fitoren kampionit të fuqi të Spanjës. Por Pellegrini mendon se vendasit nuk e merituan fitoren.

“Në fakt nuk jam i kënaqur. Kurrë nuk kënaqem kur humbas, por jam i kënaqur me mënyrën se si luajtëm. Ne kishim posedimin dhe e dinim se dëshironim të sulmojmë. Ne kishim shumë shanse, por nuk ishim mjaft të durueshëm kur vinte puna t’i përfundojmë”.

“E dimë se si i pëlqen Barcelonës të luajë. Ata dëshirojnë ta mbajnë topin, por nuk ishin në gjendje kundër Real Madridit që ishte më i mirë se ata në shumë aspekte të ndeshjes. Mendoj se së paku merituam një barazim. Kishim më shumë shanse se ata, veçanërisht në pjesën e parë”, ka thënë mes tjerash Pellegrini.

[Damian1]

Irlanda, kerkese FIFA-s per te qene ekipi i 33-te ne Boteror

Blatter: "Edhe pse mundesia qe nje gje e tille te ndodhe eshte shume e vogel, kjo kerkese do diskutohet ne mbledhjen ekzekutive te dites se merkure. Nese do te pranojme Irlanden duhet ta bejme edhe me Kosta Riken"

Irlanda nuk dorezohet, duke treguar edhe njehere shpirtin e luftes. Pasi u eleminua mes polemikash nga Franca ne takimin “play-off”, Federata Irlandeze e Futbollit i ka kerkuar zyrtarisht FIFA-s te marre pjese ne finalet e kupes se botes ne Afriken e Jugut, si kombetarja e 33-te. Lajmi eshte bere publik nga kreu i organizmit me te larte boteror, Josef Blater, i cili kerkesen do ta diskutoje te merkuren me Komitetin Ekzekutiv Organizator te finaleve te Boterorit. “Kerkesa eshte bere ne baze te gabimit arbitrar ne rastin e prekjes me dore te Henry. Edhe pse mundesia qe nje gje e tille te ndodhe eshte shume e vogel, kjo kerkese do diskutohet ne mbledhjen ekzekutive te dites se merkure”, u shpreh Blatter.

Pasi deshtoi me tentativen per te perseritur takimin e Parisit per nje faull me dore te francezit Henri, Irlanda po provon te gjitha menyrat per t'ia dale mbane. Blater ka deklaruar ne takimin me delegacionin irlandez se keta te fundit kane qene te vetedijshem qe vendimi i arbitrit eshte perfundimtar. “Nuk kane kerkuar asnje sanksion - ka perfunduar kreu i FIFA-s -, por vetem qe te jene kombetarja e 33-te ne Afriken e Jugut. S’di te them se cfare do te ndodhe, por nese do te pranojme Irlanden, do te duhet te pranojme edhe Kosta Riken…”.

Ai theksoi se ekperimenti i dy arbitrave shtese ne linjen fundore mund te aplikohet edhe ne Boteror. “Kontrolli i cdo detaji gjate ndeshjes eshte nje nga prioritetet tona me te medha. Situata si ajo e Henry mund te evitohen vetem me shtimin e dy asistenteve”, thekson presidenti i institucionit me te larte te futbollit boteror.

[Damian1]

Lionel Messi merr në duar Topin e Artë, fiton thellë në votime

Argjentinasi i Barcelonës ka marrë 473 pikë në votimet për Topin e Artë duke zyrtarizuar çmimin e France Football

Argjentinasi Lionel Messi ka fituar Topin e Artë të 2009, çmim që jepet nga revista e njohur France Football, përmes votave të gazetarëve në të gjithë botën.

Fantazisti i Barcelonës ka marrë 473 vota në total, ndaj 233 të portugezit Cristiano Ronaldo dhe 170 të spanjollit Xavi Hernandez në vendin e dytë dhe të tretë.

Talenti argjentinas është një prej lojtarëve më të rinj qnë histori që merr këtë trofe, dhe kalohet vetëm nga Ronaldo që mori këtë çmim në 1997 kur ishte 21 vjeç, dhe nga Michael Oëen, që e fitoi në 2001 kur ishte në moshën 22 vjeçare.

"Ky çmim për mua është një nder i madh dhe fakti që jam argjentinasi i parë që e marr, më emocionon shumë. Ia dedikoj këtë sukses familjes që më ka qëndruar gjithmonë pranë” tha Messi.

Klasifikimi:

1. Lionel Messi (Argjentina, Barcelona), 473 pikë

2. Cristiano Ronaldo (Portugali, ManUtd/Real Madrid), 233

3. Xavi (Spanja, Barcelona), 170

4. Andres Iniesta (Spanja, Barcelona), 149

5. Samuel Eto'o (Kamerun, Barcelona/Inter), 75

6. Kakà (Brazil, Milan/Real Madrid), 58

7. Zlatan Ibrahimovic (Suedi, Inter/Barcelona), 50

8.Wayne Rooney (Anglia, Manchester United), 35

[Damian1]

Në Angli insistojnë: Mourinho do rikthehet në Premier League

Mediat britanike vazhdojnë të publikojnë lajme mbi kalimin e Mourinho në kampionatin anglez në muajt e verës. Portugezi: Gjej punë brenda javës

Sipas "Daily Mail", tekniku portugez, Mourinho është lodhur me futbolin italian dhe në verë do të jetë me Liverpool, Manchester City ose Manchester Utd. Ferguson e ka zgejdhur si pasardhës por kërkon të shtyjë vitet tek Red Devils.

Trajneri i Interit, Hose Murinjo duket se nuk është aspak i shqetësuar për të ardhmen e tij në klubin zikaltër. Madje, ai ka thënë se në rast se do të shkarkohej nga Masimo Morati, brenda javës do të gjente një punë të re.

“E çfarë nëse shkarkohem nga Interi? Nuk ka asgjë të keqe. Më besoni, se nëse ndodh diçka e tillë nuk do të kalojnë as shtatë ditë të plota dhe unë do të jem në një detyrë të re”, ka theksuar Murinjo. Më pas portugezi ka folur edhe për humbjen ndaj Barcelonës në Ligën e Kampionëve.

“A ishte ajo humbje e keqe për futbollin italian? Po, por jo aq e keqe sa humbjet e Milanit dhe Juventusit. Të humbësh nga Zyrihu në shtëpi është vërtet zhgënjyese. Pastaj, Juventusi përveç humbjes në Bordo, nuk arriti as në shtëpi ta mposht skuadrën franceze. Ju lutem, mos ma nxirrini gjuhën”, u ka thënë Murinjo gazetarëve italianë.

[Damian1]

Presidenti i Barcelonës pas El Classico, verë + femra në disko

Avokati Joan Laporta është “çmendur” pas fitores 1-0 ndaj Real Madrid dhe fotot në një disko e tregojnë të larë me alkool

Që presidenti i Barcelonës, Joan Laporta do të ishte më shumë entuziast se kurrë pas fitores në superndeshjen ndaj Realit të Madridit, të fituar 1-0, kjo pritej. Por ajo që përbën lajm është mënyra sesi ka festuar avokati katalanas suksesin dhe vendin e parë në Primera Division.

Një person larg gossip dhe jetës së natës si Laporta ka shkarkuar tensionin mes alkoolit dhe femrave në një disko në kryeqenndrën katalanase. Fotoja ku duket padroni i skuadërs Blaugrana flet më shumë se të gjitha:

Një dolli me shishe në dorë dhe këmisha e lagur nga vera ka qenë ajo çka ka ofruar Laporta. Ndoshta tani nëse fiton botërorin e klubeve, do të rezervojë tjetër festë të veçantë.

[Damian1]

"Topi i artë", historia përmes emrave të mëdhenj të futbollit

Lojtari i parë që e fitoi ishte legjenda Stenli Methjus, në vitin 1956. Lionel Mesi është fituesi i fundit, ai i vitit 2009



Lojtari i parë që fitoi i pari “Topin e Artë” apo Futbollisti Europian i Vitit, ishte legjenda Stenli Methjus, në vitin 1956. Gazetarët u lejuan të votonin vetëm për lojtarët europianë në klubet evropiane, që do të thoshte se legjenda të tilla braziliane si Pele e Garinça, të cilët nuk mund të ishin të vlefshëm për te fituar.

Metju, atëherë 41 vjeç, ishte një nga lojtarët më potent të Blekpullit e Anglisë, fitoi duke mposhtur konkurrencën me legjenda të tilla si sulmuesi i Realit të Madridit, Alfredo di Stefano dhe francezin Rajmond Kopa. Gjithsesi, Di Stefano triumfoi në vitin 1957 e 1959, dhe Kopa e ngriti trofeun në vitin 1958.

[Damian1]

Del Piero: Juve rikthehet duke filluar nga e shtuna

"Periudha me e keqe ishte para disa vitesh me skandalin e shperthyer. Arritëm ta kapercenim atë, prandaj mund te kapercejme edhe këtë moment", shprehet kapiteni bardhezi

Kapiteni i Juventusit, Alessandro Del Piero beson se skuadra e tij do të dije te reagojë në mënyrën më të mirë pikërisht të shtunën në mbremje ne “derbin e Italise” perballe Interit, për të kapercyer momentin e keq qe po kalon . “Kjo perpara Juve-Inter do te jete një javë e vështirë për ne. Jo vetem sepse duhet të ndeshemi me Interin, por edhe sepse pastaj në Ligën e Kampionëve do te kemi kundër Bayernin e Munichut. Na duhet të dalim nga ky moment i vështirë, gje qe mund ta arrijme me punë”.

Sulmuesi italian beson se bardhezinjte kane forca per ta hedhur prapa kraheve krizen aktuale: “Ka pasur momente të këqija për të gjithë te Juventusi. Më i keqi ishte para disa vitesh me skandalin e shperthyer. Arritëm ta kapercenim atë, prandaj mund te kapercejme edhe këtë. Është përgjegjësi e të gjithëve, edhe e lojtarëve, sepse ne jemi ata që dalim në fushë. Keshtu qe une bashke me shoket e mi kemi deshire të reagojmë.

Kemi folur për këtë gjë dhe synojmë të dalim nga ky moment delikat, pse jo duke nisur qe nga sfida e se shtunes. Une ndihem ne forme te mire pas demtimit, keshtu qe jam gati per gjithcka”, ka thënë Del Piero, duke shtuar se ende shpreson që të luajë në Botëror me Italinë.

[Damian1]

Moratti ve veton: Arsenal? Balotelli nuk është në shitje

“Mario nuk është në shitje dhe as që do të jetë”, ka thënë Moratti për mediat italiane, qe kane folur me ngulm se ne mendjen e sulmuesit te ri zikalter eshte transferimi ne Londer

Presidenti i Interit, Massimo Moratti, ka reaguar për të thënë se sulmuesi Mario Ballotelli nuk është në shitje, duke mohuar kështu spekulimet që e lidhin atë me Arsenalin. “Balotelli nuk është në shitje dhe as që do të jetë”, ka thënë Moratti për mediat italiane, te cilat gjate dites se sotme kane folur me ngulm se ne mendjen e sulmuesit te ri zikalter eshte transferimi ne Londer, nen urdherat e trajnerit Arsene Wenger.

Mesa duket presidenti zikaltër është ne dijeni te mosmarrëveshjeve te fundit ndërmjet lojtarit dhe trajnerit Jose Mourinho, i cili e la sulmuesin ne tribune per ndeshjen e fundit ndaj Fiorentines, duke paralajmeruar lenien jashte ndoshta edhe per sfiden e se shtunes ndaj Juventusit. Mirëpo, numri nje i klubit interist është i bindur se bisedimet ndërmjet dy paleve do të japin rezultat pozitiv për të përmirësuar raportet, gje qe si rrjedhoje do te sjelle qendrimin e Balotelli ne Milano.

[Damian1]

Galliani: Bravo Huntelaar por Van Basten është shumë larg

Administratori i Milanit ka lavdëruar sulmuesin holandez pas dy golave në Catania, por ka thënë se është shumë larg van Basten

Adriano Galliani është rikthyer të flasë për pakënaqësitë e Rino Gattuso që ka kërkuar largimin dhe për Klaas Jan Huntelaar, protagonist absolut me dy golat e shënuar në shtesë, në Catania.

"Nuk hyjmë në asnjë lloj merkatoje për Rino Gattuso, pasi besoj se do qëndrojë tek Milani. Është shpresa ime dhe e klubit edhe pse futbollistët vuajnë kur nuk aktivizohen” tha Gallliani.

Pakënaqësitë e Gattuso, vijnë në një moment pozitiv për Milanin. Është zhbllokuar më në fund edhe Klaas Jan Huntelaar. “Kishim besim tek kualitetet e tij dhe në Catania vërtetoi që është talent. Por nuk mund ta krahasojmë me Van Basten. Për të arritur te Marco, duhet shumë...”