Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Ambrosini: Scudetto objektiv i arritshëm

Kapiteni i Milanit, Massimo Ambrosini, shpreson që Juventusi ta ndalojë Interin në derbin e të shtunës, ashtu që Rossonerët të jenë më pranë kreut.
“Scudetto është një projekt shumë i vlefshëm. Po luajmë mirë, mirëpo duhet të përmirësohemi nëse dëshirojmë ta arrijmë Interin. Njëherit po shpresojmë që (Interi) të ngadalësojë ritmin”. “Do të jemi më pranë nëse Juve mposht Interin dhe atëherë do të mund të flasim për Scudetto”. “Besoj se kjo skuadër (Milani) mund të garojë në të njëjtin nivel sikur gjithë të tjerët”, ka thënë Ambrosini për La Gazzetta Dello Sport.

[Damian1]

Bastet nxjerrin Spanjën, kampione të ardhshme të botës

Spanja, kampionia në fuqi e Europës, është kuotuar si fituese e mundshme me koefiecientin 5.25

Kompanitë më të mëdha të basteve kanë përzgjedhur Spanjën si favoriten kryesore për të fituar Kampionatin Botëror në Afrikën e Jugut.

PARASHIKIMET E KOMPANIVE- Spanja, kampionia në fuqi e Europës, është kuotuar si fituese e mundshme me koefiecientin 5.25.

Brazili, rekordmen i botës përsa i përket kampionateve të fituara, 5 të tilla, është kuotuar (5,5), Anglia (8.0), Argjentina (9.0) dhe Gjermania (11.0). Italia, kampione në fuqi e botës, është e gjashta në parashikimet e kompanive të basteve me koeficientin 13.0.

[Damian1]

Manchester United synon portierin e Schalke, Neuer

Per te zevendesuar Van der Saar, Manchester United po mendon per Manuel Neuer, portierin e Schalke

Lajmin e ka bere te ditur agjenti i ketij te fundit. Megjithate Neuer eshte me kontrate deri ne 2012. “Kemi degjuar se United po ndjek Manuel, por eshte shpejt per te folur per keto gjera”, eshte shprehur Thomas Kroth.

“Sigurisht qe Manuelit i pelqen te jete nen vemendjen e nje klubi te madh si ai i Alex Ferguson”, shtoi ai.

Megjithate skuadra gjermane e Schalke ka theksuar se nuk behet fjale per nje kalim te mundshem deri ne fund te sezonit aktual ne Bundesliga.

[Damian1]

Rendimenti tek Milani, trajneri Leonardo parakalon Ancelotti

Rendimenti që shihet në drejtimin e trajnerit brazilian është më i mirë se në katër vjetët e fundit sipas statistikave që shihen tek Milan

Pas një sezoni që në nisje u duk se do të ishte zhgënjyes, trajneri i Milanit, Leonardo vazhdoi të punojë shumë dhe tani po merr frytet e asaj që ka dhënë, me rezultate pozitive.

Kuqezinjtë kanë marrë 28 pikë në 14 ndeshje dhe ky është rendimenti më i mirë në katër vjetët e fundit. E thënë ndryshe Leonardo po paraqitet më mirë se mësuesi dhe paraardhësi i tij, Carlo Ancelotti që sezonin e kaluar kishte një pikë më pak.

Starti në pankinën e Milanit për teknikun brazilian nuk ishte entuziast. 9 pikë në 7 javë ishin shkatërruese dhe humbja në derbi si dhe në San Siro ndaj Zurich, për pak sa nuk sollën shkarkimin e brazilianit. Por shoqëria i dha kurajo, dhe rezultatet i dhanë të drejtë Milanit.

[Damian1]

Çmimi “Puskas”, FIFA zgjedh 10 golat më të bukur 2008/09

Do të votohet për cmimin Puskas që premion golin më të bukur të sezonit 2008/09, dhe zgjedhja është e vështirë

Ka nisur gara për të vendosur fituesin e cmimit “Puskas", që jepet nga FIFA për golin më të bukur mes Qershorit të 2008 dhe Korrikut të 2009. Një juri e përbërë nga shumë ekspertë ka seleksionuar edhe 10 golat më të bukur në bazë të 4 kritereve:

Estetikë; rëndësia e ndeshjes; mungesa e fatit dhe gabimet e kundfërshtarëve; fair play. Bie në sy mungesa e italianëve qoftë në kampionat apo emra konkretë.

Emmanuel Adebayor (Villarreal-Arsenal 1-1, Champions League, 7 Prill 2009)

Eliran Atar (Bnei Yehoda-Maccabi Netanya, Ligat Ha-Al, 7 Shkurt 2009)

Michael Essien (Chelsea-Barcelona 1-1, Champions League, 6 Maj 2009)

Luis Angel Landin (Morelia-Cruz Azul 1-1, Clausura messicana, 12 Prill 2009)

Andres Iniesta (Chelsea-Barcellona 1-1, Champions League, 6 Maj 2009)

Grafite (Wolfsburg-Bayern Monaco 5-1, Bundesliga, 4 Prill 2009)

Cristiano Ronaldo (Porto-Manchester United 0-1, Champions League, 15 Prill 2009)

Fernando Torres (Liverpool-Blackburn 4-0, Premier League, 11 Prill 2009)

Katlego Mphela (Spanja-Afrika 3-2, Confederations Cup, 28 Qershor 2009)

Nilmar (Corinthians-Internacional 0-1, Brazil, 10 Maj 2009).

Shiko golat me te bukur:

http://www.fifa.com/classicfootball/...ard/index.html

[Damian1]

Gattuso refuzon rinovimin deri në 2012, në sfond Anglia

Sipas mediave në Itali, Gennaro Gattuso ka refuzuar të nënshkruajë marrëveshjen e re e cila i është ofruar nga Milani

Italiani Gattuso është i pakënaqur nga minutat e pakta që i jepen në San Siro dhe mediat e kanë lidhur atë me një largim nga Milani. Me qëllim që rosonerët të tregojnë se kanë besim në aftësitë e tij, klubi i kishte ofruar marrëveshje të re deri në qershor të vitit 2012.

Rino Gattuso nuk dëshiron të lidhet për një kohë më të gjatë përderisa nuk i bëhet e qartë se ai është pjesë e planeve të ekipit të parë të Leonardos.

Me Kupën Botërore 2010 që vjen në verën e ardhshme, Gattuso dëshiron një kohë më të shumtë loje për të siguruar vend në përbërjen e Marcelo Lippit. Në mesin e ekipeve që janë lidhur me italianin janë edhe dy angleze, Chelsea dhe Manchester City.

[Damian1]

Mourinho: Derbi ndaj Juventus? Ndeshje si të tjerat

“Ata e dinë se presioni është mbi ta, pasi që dy ndeshjet e radhës janë vendimtare për ta”, ka thënë portugezi në një konferencë për shtyp para sfids me Juven

Për trajnerin e Interit, Jose Mourinho, ndeshja kundër Juventusit nuk ka ndonjë rëndësi të veçantë, pasi që cilido të jetë rezultati, zikaltrit do të mbeten në krye të tabelës.

“E vërteta është se do të kthehemi nga Torino me diferencë pikësh ndaj Juventusit. Për mua është thjesht një ndeshje që vlen tri pikë, sikur të gjitha të tjerat. Unë nuk jam nga Italia, prandaj nuk ka ndonjë rëndësi të veçantë për mua”.

“Ata e dinë se presioni është mbi ta, pasi që dy ndeshjet e radhës janë vendimtare për ta”, ka thënë portugezi në një konferencë për shtyp.

[Damian1]

Reagimet e para për shortin, Dunga: Grup i “vdekjes”

Trajneri i Brazilit Karlos Dunga e ka quajtur “grup vdekje” grupin G, ku bëjnë pjesë veç skuadrës së drejtuar prej tij edhe Bregu i Fildishtë, Portugalia e Koreja e Veriut

Brazilianët, 5 herë kampionë të botës, do të ndeshen me Portugalinë e Kristiano Ronaldos dhe Bregun e Fildishtë të Didier Drogba, ndërsa Koreja e Veriut do të mundohet t’i prishë punë ndonjërës prej këtyre 3 superfuqive. “Grupi ynë është më i vështiri, - deklaroi trajneri i Brazilit Karlos Dunga. – Gjithsesi, skuadrat kanë një nivel aq të përafërt me njëra-tjetrën sa nuk ka më ndeshje të lehta.

Sfida me Portugalinë do të jetë si Brazili A kundër Brazilit B, pasi ka shumë brazilianë që luajnë me kombëtaren luzitane”, shtoi ai. Shorti ka qenë i mëshirshëm me Anglinë e Kapelos, që e ka vendosur me Shtetet e Bashkuara, Algjerinë dhe Slloveninë. “Asnjë prej ndeshjeve që duhet të luajmë nuk është e lehtë, - tha Kapelo. – Algjeria mundi Egjiptin, kështu që nuk është e lehtë. Gjithnjë ka patur grupe që duken të lehtë, por në fund komplikohen”. Edhe për Devid Bekham, asgjë nuk është e lehtë. “Është grup interesant, në Kupën e Botës asnjë ndeshje s’është e lehtë. Gjithsesi, jemi të nderuar që marrim pjesë në këtë eveniment”, deklaroi Bekham.

Ndërkohë Italia kampione bote ka rënë në një grup të lehtë me Paraguajn, Zelandën e Re dhe Sllovakinë. “Mund të kishte shkuar më keq, - deklaroi trajneri italian Marçelo Lipi. – Kam shumë respekt për kundërshtarët tanë, por natyrisht që ky është një grup i kalueshëm”, shtoi ai.

Ndërsa, Gjermania nuk do ta ketë edhe aq të lehtë, pasi shorti e vuri në një grup me Australinë, Serbinë dhe Ganën. Gjermanët fituan 6-1 ndaj ganezëve në ndeshjen e vetme mes tyre më 1993, por tashmë afrikanët janë ekip tjetër. “Tani ata ndodhen në një fazë tjetër, janë të disiplinuar dhe me mentalitet ndryshe, - tha tekniku i Gjermanisë Joakim Lëv. – Ganezët kanë shumë dhunti teknike, gjë që i bën të rrezikshëm”. Gjithsesi, Gjermania duhet thënë se nuk ka humbur asnjë ndeshje në grup që prej asaj të vitit 1986, 0-2 me Danimarkën.

[Damian1]

Botërori, Capello dhe Beckham nuk shqetësohen pas shortit

"Nëse dëshiron të arrish larg në Botëror, atëherë duhet t'i mposhtësh skuadrat më të mira” thanë dy protagonistët e Anglisë

Trajneri i përfaqësueses së Anglisë, Fabio Capello, nuk është zemëruar nga shorti që u ka rënë Tre Luanëve, të cilët do të përballen ndaj SHBA-ve, Algjerisë dhe Sllovenisë në Grupin C.

“Nuk është keq. Kemi luajtur kundër SHBA-ve dhe Sllovenisë së fundmi në shtëpi, dhe kemi luajtur mirë, dhe i kemi mposhtur. Mirëpo, kur do të luajmë këtu (në Afrikën e Jugut) në qershor do të jetë ndryshe”.

“Algjeria mposhti Egjiptin dhe është një skuadër e mirë. Secili kundërshtar do të jetë i fuqishëm, sepse kur luan në Kampionatin Botëror, asnjë ndeshje nuk është e lehtë”, ka thënë Capello për BBC.

Mesfushori i kombëtares angleze, Dejvid Bekam, është i bindur se Anglia është e aftë për të mposhtur çdo skuadër. "Fabio Kapelo dhe pjesa tjetër e stafit të tij na kanë sjellë mentalitetin që mund të mposhtim këdo. Një gjë të tillë e dëshmuam edhe në kualifikime. Ishim bindshëm më të mirë se të tjerët dhe çdo ndeshje e filluam me besim të plotë për fitore", ka theksuar Bekam.

Futbollisti i Los Anxhelos Galaksisë, së shpejti do t'i bashkohet sërish Milanit në formë huazimi, nuk brengoset aspak edhe në rast se Anglia në Botërorin 2010 do të përfshihet në të ashtuquajturin "grupi i ferrit" me Brazilin dhe Portugalinë. "Nëse dëshiron të arrish larg në Botëror, atëherë duhet t'i mposhtësh skuadrat më të mira. Në këtë moment kur vetëm sa ke filluar të përgatitesh për Botëror, nuk mendon shumë se kundër kujt do të luash", ka nënvizuar Bekam.

[Damian1]

Guardiola dhe Messi shpallen më të mirët e vitit nga "Onze"

Trajneri i cili arriti që në vitin e tij të parë në drejtim të Barcelonës të fitojë gjithçka që i doli përpara, normalisht që nuk do të mbetet pa fituar mirënjohjet të cilat i meriton

Kështu, lexuesit e revistës franceze të futbollit ‘Onze Mondial’ kanë zgjedhur atë trajnerin më të mirë, ndërsa lojtari më i mirë është zgjedhur, Lionel Mesi. Guardiola fitoi çmimin si trajner i edicionit 2008\2009 duke fituar 62.56% të votave.

Në pozitën e dytë doli Aleks Ferguson, me 19.41%, kurse në pozitën e tretë Hose Murinjo me 11.46%. Përveç përzgjedhjes së trajnerit gjithashtu u zgjodh edhe njëmbëdhjetëshi më i mirë si dhe lojtari më i mirë. Ashtu siç pritej më i miri u zgjodh Lionel Mesi me 69.96% të votave. Ronaldo doli në pozitën e dytë me 11.82%, ndërsa Iniesta i treti me 5.98%.

Ndërkaq në njëmbëdhjetëshin më të mirë janë përfshi këta futbollistë: Iker Kasilas (Real Madrid), Daniel Alvesh (Barcelona), Xhon Terru (Çelsi), Karles Pujol (Barcelona), Evra (Mançester Junajted), Lasana Diarra (Real Madrid), Çavi Hernandez (Barcelona), Majkëll Esien (Çelsi), Andres Iniesta (Barcelona), Kristiano Ronaldo (Real Madrid), Lionel Mesi (Barcelona).