Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Bundesliga, barazojnë Bayer Leverkusen dhe Wolfsburg

Dy skuadrat nga Bundesliga, Bayer Leverkusen dhe Wolfsburg, kanë barazuar në përballjet e tyre respektive, kundër Hannoverit dhe Freiburgut

Lideri i tabelës, Leverkusen ka barazuar pa gola si mysafir i Hannoverit, ndërsa kampioni në fuqi, Wolfsburg ka barazuar me rezultat 2-2, si nikoqir i Freiburgut.

Me këtë barazim, Leverkuseni rrezikon të barazohet me pikë në krye të tabelës me Werder Bremeni, nëse Bremeni shënon fitore të dielën përballë Koln. Ky rezultat i shkon mirë edhe Bayern Munichut që tani është vetëm tri pikë larg vendit të parë.

Dortmund 4 - 0 Nurnberg

Hamburger 0 - 0 Hoffenheim

Hannover 0 - 0 Bayer Leverkusen

Stuttgart 1 - 1 Bochum

Wolfsburg 2 - 2 Freiburg

[Damian1]

M.United i pandalshëm mund West Ham 4-0, fiton Arsenal

Kampionët në fuqi të Premier League kanë fituar thellë ndërsa ka marrë 3 pikë edhe Arsenali. Ndalesë e detyruar për Liverpool

Kampioni i Anglisë në fuqi, Manchester United, ka shënuar fitore të lartë si mysafir i West Ham United, duke e mposhtur në Upton Park me rezultat 4-0. Në fund të pjesës së parë (45’+1), veterani Paul Scholes ia dha avantazhin skuadrës mysafire me një gol të shënuar me këmbën e majtë. Me një supergol të Darron Gibson (61’), Djajtë e Kuq dyfishuan epërsinë. Dhjetë minuta më pas Luis Antonio Valencia shënoi golin e tretë, ndërsa rezultatin përfundimtar e vendosi Wayne Rooney një minutë pas (72’).

Topçinjtë kanë shënuar fitore me rezultat 2-0 kundër Stoke Cityt në ndeshjen e zhvilluar të shtunën në Emirates. Në minutën e 21-të, portieri i Stoke mbrojti penalltinë e Cesc Fabregas, ndërsa pesë minuta më pas (26’), Andrey Arshavin krijoi epërsinë. Aaron Ramsey shënoi golin e sigurisë për vendasit (79’) duke ua humbur shpresat mysafirëve për barazim. Pas kësaj fitoreje, Arsenali ngjitet në pozitën e tretë me dy pikë më shumë se Tottenhami që të dielën zhvillon ndeshjen kundër Evertonit.

Të Kuqtë e Liverpool nuk kanë arritur të nxjerrin më shumë se një pikë në ndeshjen e zhvilluar të shtunën kundër Blackburnit. Takimi i zhvilluar në Ewood Park, ndërmjet Blackburn Rovers dhe Liverpoolit, ka përfunduar me rezultat të barabartë, pa gola. Me këtë barazim Liverpooli bie një pozitë më poshtë (në vendin e gjashtë), pasi që Aston Villa e mposhti Hull Cityn me rezultat 3-0.

[Damian1]

Milan show, Sampdoria “një hije”, kuqezinjtë fitojnë 3-0

Në ndeshjen e parë të kësaj jave në serie A, Milani ka shkatërruar Sampdorian 3-0 në një ndeshje të dominuar nga vendasit

Skuadra e Milanit ka shënuar fitore bindëse përballë Sampdorias duke mposhtur në San Siro me rezultat 3-0.

Kuqezinjtë arritën që brenda 24 minutash të shënojnë tre gola dhe kështu e fituan ndeshjen që në pjesën e parë. Me të filluar takimi (2’), Marco Borriello shfrytëzoi një krosim të Ronaldinhos për të mposhtur portierin Castellazzi. Në minutën e 21-të, mesfushori holandez Clarence Seedorf dyfishoi rezultatin ndërsa sërish asistues ishte Ronaldinho.

Tre minuta më pas (24’), Alexandre Pato depërtoi në gjashtëmbëdhjetëmetërsh për ta vulosur ndeshjen duke shënuar golin e tretë të Milanit.

[Damian1]

Chelsea "pengohet" sërish, Tevez i jep fitoren Man. City

Ndaj ekipit të City, ka ardhur edhe humbja e tretë e Chelsea, që tani ndjen Manchester United, vetëm dy pikë larg

Ndeshja kryesore e javës së 15-të në Ligën Premier është zhvilluar të shtunën në stadiumin e qytetit të Mançesterit, ndërmjet Manchester Cityt dhe Chelseat.

‘Pasanikët’ kanë arritur t’ua shkaktojnë humbjen e tretë të sezonit Bluve, të cilët i kanë mposhtur me rezultat 2-1. Të parët kaluan në epërsi mysafirët, kur sulmuesi i Cityt, Emmanuel Adebayor, gaboi portën (8’).

Mirëpo, i njëjti lojtar përmirësoi gabimin e tij në minutën e 37-të duke barazuar rezultatin në 1-1, dhe me këtë rezultat skuadrat shkuan në pushim. Në pjesën e dytë, vendasit kaluan në epërsi me një gol të shënuar nga Carlos Tevez, i cili e mposhti portierin Cech nga gjuajtja e lirë.

Ky gol rezultoi të ishte goli i fitores për ‘pasanikët’, pasi që mysafirët nuk arritën ta barazonin rezultatin as nga penalltia, kur Frank Lampard dështoi të shënonte nga njëmbëdhjetë metra (83’). Me këtë fitore, City ngjitet në pozitën e gjashtë duke e zhvendosur Liverpoolin në të shtatën, ndërsa Chelsea tash është vetëm dy pikë para Manchester Unitedit.

[Damian1]

Real Madrid dhe Barcelona vazhdojnë me fitore

Barcelona ka shënuar fitoren e radhës në La Liga duke e mposhtur si mysafir Deportivo La Corunan me rezultat 3-1 pak pas fitores së Realit

Blaugranët kaluan të parët në epërsi me anë të Lionel Messi (27’), ndërsa mysafirët barazuan me anë të Adrian (39’). Rezultati 1-1 qëndroi deri në dhjetë minutat e fundit të kohës së rregullt, kur Messi shënoi golin e dytë dhe krijoi sërish epërsinë. Ndërsa fitoren e mysafirëve e vulosi Zlatan Ibrahimovic (88’) pas një krosimi të Abidal.

Real Madridi ka shënuar fitore me rezultat 4-2 në takimin e zhvilluar në Santiago Bernabeu kundër Almerias. Sergio Ramos kaloi Mbretërit në epërsi pas një krosimi të Cristiano Ronaldos (31’), dhe me epërsi minimale të vendasve përfundoi pjesa e parë. Në pjesën e dytë, mysafirët arritën ta barazojnë rezultatin me anë të Sorianos (58’).

Vetëm katër minuta pasi shënuan golin e parë, mysafirët madje krijuan edhe avantazh, ndërsa realizues ishte Kalu Uche (62’). Por ky gol vetëm sa i nevrikosi vendasit. Gonzalo Higuain barazoi rezultatin (73’), ndërsa pas një penalltie të humbur nga Cristiano Ronaldo (82’), Karim Benzema ktheu sërish avantazhin e Los Blancos (83’). Superylli portugez, Cristiano Ronaldo, vendosi rezultatin përfundimtar të ndeshjes në minutën 84, mirëpo pas dy kartonëve të verdhë të njëpasnjëshëm, ai u përjashtua nga ndeshja (89’)

[Damian1]

Manchester United konfirmon interesimin për Edin Dzeko

Asistenti i Manchester Unitedit, Mike Phelan, ka pranuar se sulmuesi i Wolfsburgut, Edin Dzeko, është lojtar i cili tërheq interesin e Djajve të Kuq

Sulmuesi boshnjak kërkohet nga shumë skuadra të mëdha evropiane për shkak të formës së mirë që kaloi sezonin e kaluar në Bundesliga, ndërsa së fundmi është spekuluar edhe për interesimin e United.

“Jam i sigurt se një numër i madh skuadrash e kërkojnë atë. A jemi ne njëra nga ato? Ne po kërkojmë talentë gjatë gjithë kohës dhe ne jemi aty në radhë me të tjerët”, ka thënë Phelan për The News of the World.

[Damian1]

Serie A, arbitri i Juventus-Inter përfundon nën akuzë

Polemika dhe akuza kanë shoqëruar post-ndeshjen mes Juventusit dhe Interit, ku bardhezinjtë arritën të triumfonin 2-1

Bardhezinjtë rihapën kampionatin, duke triumfuar ndaj rivalëve të përjetshëm, falë golave të Kielinit e Marçizios, ndërkohë që Samuel Eto barazoi përkohësisht rezultatin. Por, pas këtij takimi në shënjestër ka përfunduar arbitri Sakani dhe dizenjatori Kolina, që nga episodet e dyshimta e deri tek nxjerrja ndoshta e tepruar me të kuqe e Hoze Murinjos.

Gazzetta Dello Sport e vlerëson me notën 4, Tutosport me 4.5 dhe Corriere dello Sport me 5 gjyqtarin e ndeshjes. Gjithçka nisi me dy penallti të mosdhëna, njëra për ndërhyrjen e Muntarit ndaj Sisokos dhe tjetra për mbajtjen e Kanavaros ndaj Samuel. Por arbitri mund ta kishte kursyer Hoze Murinjon në momentin e golit të parë të Juventusit, pasi ironizimet që bëri trajneri zikaltër janë të shumta në futboll.

Në pjesën e dytë Interit mund t’i ishte akorduar një penallti pas ndërhyrjes së Kaseres kundër Militos, ndërsa pak minuta më vonë gjyqtari mbylli sytë duke mos i nxjerrë kartonin e dytë të verdhë Valter Samuel, pas ndërhyrjes ndaj Del Pieros.

Arbitri ishte i pavëmendshëm edhe në sherrin e minutave të fundit. Felipe Melo duhej ndëshkuar me karton të kuq direkt, ndërsa arbitri fali Kristian Çivun, që goditi me kokë Sisokon. Akuzat shkojnë edhe për dizenjatorin e arbitrave Kolina, i cili zgjodhi jo një ndërkombëtar për të gjykuar ndeshjen më të tensionuar në Serinë A në këto momente.

[Damian1]

Quagliarella jep spektakël në Napoli, fiton dhe Fiorentina

Dy gola të sulmuesit dhe një asist i kanë dhënë Napolit fitoren ndaj Barit ndërsa ka fituar dhe Fiorentina ndaj Atalantës

Napoli ka dhuruar një ndeshje spektakolare në stadiumin San Paolo, duke mundur vetëm në minutat e fundit 3-2 Barin. Dy gola u shënuan nga Quagliarella i cili dha edhe një asist për Maggio ndërsa puljezët mbyllën ndeshjen me 9 lojtarë.

Fiorentina ka shënuar fitore të rëndësishme përballë Atalantas për t’u ngjitur në vendin e pestë në tabelë.

Takimi i zhvilluar në Stadio Franchi ka përfunduar me fitoren e vendasve prej 2-0. Juan Manuel Vargas kaloi Violan në epërsi (26’), ndërsa një minutë pa përfunduar koha e rregullt e takimit, Alberto Gilardino vendosi fitoren.

Pas kësaj fitoreje, Fiorentina ka pikë të barabarta me Sampdorian që gjendet në vendin e gjashtë, dhe një pikë më pak se Parma që gjendet në vendin e katërt. Parmezët kanë barazuar me rezultat 2-2 si mysafirë të Genoas për të mbajtur pozitën e katërt në tabelë.

Bologna 2 - 1 Udinese

Fiorentina 2 - 0 Atalanta

Genoa 2 - 2 Parma

Livorno 0 - 2 Chievo

Napoli 3 - 2 Bari

Palermo 2 - 1 Cagliari

Siena 3 - 2 Catania

[Damian1]

“Topi i Artë 2009”, Lionel Messi shijon trofeun në duar

Sulmuesi argjetinas i Barcelones arriti te marre nje shumice derrmuese votash ne krahasim me rivalin portugez, duke u shpallur lojtari me i mire i ketij viti.



Talenti argjentinas Lionel Messi ka marre sot ne Paris trofeun “Topi i Arte 2009”, duke zbritur zyrtarisht nga froni kundershtarin e tij, Cristiano Ronaldo.

Sulmuesi argjetinas i Barcelones arriti te marre nje shumice derrmuese votash ne krahasim me rivalin portugez, duke u shpallur lojtari me i mire i ketij viti.

“Dua ta ndaj kete trofe me shoket e skuadres”, ishin fjalet e para te sulmuesit shtatshkurter gjate ceremonise. Trofeun e ka dorezuar drejtori i “France Football”, Denis Chaumier.

[Damian1]

Brazil, Flamengo fiton titullin, Adriano golashënues

Pas 17 vjetësh pritje, Flamengo ka fituar titullin kampion në futbollin brazilian ndërsa Adriano është shpallur shënuesi më i mirë bashkë me Tardelli

Flamengo, nje nga klubet me historine me te madhe ne Brazil, ka arritur te beje mrekulline duke u shpallur kampione e vendit edhe pse kryesimin e mori vetem pak jave nga fundi.

Skuadra nga Rio De Janeiro qe ka ne grupin e saj edhe “Perendorin” Adriano, ka arritur te munde Gremion 2-1 ne ndeshjen e fundit me gola te David dhe Ronaldo Angelim, duke fituar titullin e gjashte ne historine e saj.

Flamengo e mbylli kampionatin me 67 pike, 2 me shume se Internacional di Porto Alegre. Ne fund te ndeshjes Adriano nuk ka mundur t’i permbaje lotet per kete sukses pasi ai ka shenuar 19 gola duke i dhene nje dore te madhe skuadres ne rrugen drejt titullit. Ai fitoi kuroren e golashenuesit bashke me Diego Tardelli