Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Milan, Gattuso mediton largimin: Dua stimuj të rinj në karrierë

Për mesfushorin kuqezi ndoshta ka ardhur koha e largimit dhe ai ka replikuar ndaj ftesës së klubit për rinovimin

"Milan nuk është një hotel ", kishte thënë ,e ironi administratori i klubit, Galliani në adresë të mesfushorit Gennaro Gattuso. Rreth 20 ditë nga takimi vendimtar me skuadrën dhe drejtuesit, mesfushori Italian iu përgjigj në mënyrën e tij, administratorit Galliani.

Një deklaratë e cila ka lënë një shije lamtumire edhe pse për divorcin ose rinovimin duhet pritur disa muaj.”Meqenëse nuk dua të mbetem në këtë pozicion mediokër, kam nevojë për stimuj të rinj” tha Gattuso.

“Kështu kam bërë në të gjithë karrierën time dhe është normale që në këtë moment të mendohem për të marrë një vendim me shumë rëndësi” tha Ringhio. Për të interesohet Manchester City me një shumë milionere, por në pole position është edhe Chelsea i Ancelotti.

[Damian1]

Juventus merr tjetër goditje, Chiellini do mungojë me Bayern

Mbrojtësi i Juventus ka marrë një dëmtim në pulpë dhe nuk do jetë në përplasjen direkte në Champions ndaj Bayern Munchen

Juventus kishte rikuperuar shumë lojtarë para Interit dhe fitorja premioi më të mirin, por tashmë para Champions League ka marrë një tjetër goditje nga infermieria.

Giorgio Chiellini do të mungojë në sfidën jetike që “Zonja e Vjetër” do të luajë në shtëpi ndaj Bayern Munchen. Mbrojtësi dhe shtylla e prapavijës juventine që shënoi ndaj zikaltërve në atë gol me shumë fat, nuk është stërvitur për shkak të një dëmtimi në pulpë.

Chiellini do të provojë që të rikuperojë forcat për transfertën e vështirë të bardhezinjve në Bari të shtunën. Në vend të tij, ndaj skuadrës gjermane do të luajë Legrottaglie në dyshe me Cannavaro. Juventusit i mjafton një pikë ndaj bavarezëve për tu kualifikuar ndërsa Bayern kërkon fitoren.

[Damian1]

Nga duartrokitjet e deri te heshtja, Mourinho nën akuzë

Inter është ende në krye të kampionatit Italian por trajneri portugez nuk bind dhe tashmë është vënë nën akuzë

Vetëm mbi një gjë kishte të drejtë trajneri portugez Josè Mourinho: Me cfarëdo rezultati kundër Juventusit, Interi do të mbetej në krye të Serie A. Deklarata para ndeshjes nuk diskutohet por paraqitja ndaj bardhezinjve dhe sjellja e teknikut nga Setubal, lënë për të dëshiruar.

Në takimin e dytë të rëndësishëm direct të sezonit, skuadra zikaltër dështoi. Mungesa e Sneijder dhe ajo e brazilianit Maicon janë ndjerë shumë, por nuk mund të përdoren si justifikime. Mesfusha ka pak kualitete:

Muntari vuan për të gjetur ritmin dhe një ndeshje të mirë. Cambiasso është në një formë në rënie dhe Thiago Motta është shumë pak dinamik në brendësi të mesfushës.

Fakti që trajneri Mourinho nuk foli pas ndeshjes ka shtuar radhët e akuzuesve. Të mërkurën ndaj Rubin Kazan në Champions, do të vendosen shumë gjëra.

[Damian1]

Luca Toni qëndron në shtëpi: Tifo për Juve kundër Bayern

Rumenigge:"Nuk e di nëse do të kualifikohemi. Nuk e di cdo të ndodhë”

Sulmuesi italian Luca Toni nuk do të jetë në sfidën e Champions League në Torino, kundër Juventus, një ndeshje vendimtare që vendos kualifikimin mes dy ekipeve.

Futbollisti i Bayern Munchen nuk është grumbulluar fare nga trajneri Lousi Van Gaal, me të cilin raportet bëhen gjithmonë më të vështira. Nuk do të jetë as Franck Ribery, ndërsa bavarezët kanë rikuperuar Robben.

Por bardhezinjtë do të kenë një tifoz më shumë, pasi sulmuesi Toni do të shpresojë që Juventus të kualifikohet. Në këtë ndeshje vendoset edhe fati i trajnerit dhe për këtë të fundit, Luca Toni kërkon vetëm shkarkimin.

[Damian1]

Inter rigjen Sneijder dhe Maicon për sfidën ndaj Rubin Kazan

Mesfushori holandez që është pjesë kryesore e skematve të interit, do të jetë në fushë ashtu si mbrojtësi brazilian Maicon

Inter rigjen dy lojtare te cmuar per ndeshjen delikate kunder Rubin Kazan diten e marte ku luhet bilete kualifikimi.

Holandezi Sneijder rikthehet ne grupin zikalter pas nje demtimi, ndersa Maicon i ka kaluar problemet fizike. Holandezi eshte shtylla e skuadres se Jose Mourinho pasi statistikat flasin per te.

Ne 11 ndeshje qe ai ka luajtur, Inter ka siguruar 8 fitore dhe 3 barazime, ndersa ne 3 ndeshjet qe ka munguar Sneijder, Inter ka humbur. I rendesishem eshte edhe rikthimi i Maicon pasi mungesa e tij eshte vene re qarte ne ndeshjen me Fiorentinen.

Rikthimi i dy titullareve do te thote pankine e sigurt per dyshen Muntari-Thiago Motta, pasi mefusha do te perbehet nga Cambiasso e Stankovic.

[Damian1]

Trajneri Gross shkund Stuttgart: Dua fitore ndaj Unireas

Trajneri i ri i Shtutgartit, Kristian Gros, i cili mori drejtimin e kësaj skuadre pas largimit të Markus Babelit, ka kërkuar nga futbollistët e tij që në ndeshjet e ardhshme të japin maksimumin

“Gjatë karrierës sime 20-vjeçare gjithmonë kam kërkuar maksimumin nga lojtarët e mi dhe të njëjtën gjë e kërkoj edhe tash. Do ta pranoja humbjen në rast se ajo vjen nga një kundërshtar i fortë, por nëse humbin nga një kundërshtar i të njëjtit nivel, atëherë ‘eksplodoj’”, ka theksuar Kristian Gros, duke vijuar:

“Do të mundohem që nga futbollistët e mi të nxjerr maksimumin për kënaqësinë e tifozëve. Detyra që më është besuar për mua është nder i madh, por në të njëjtën kohë edhe përgjegjësi e madhe. Kërkoj që skuadra t’i kthehet fitoreve duke filluar nga e mërkura”. Në fakt, Shtutgarti nesër do të takohet me skuadrën rumune Unirea, në ndeshjen përcaktuese për kualifikim në fazën e ardhshme të Ligës së Kampionëve.

Megjithatë, pa marrë parasysh se a do të kualifikohet apo jo në 1/8 e finales në garën elite të futbollit evropian, Gros ka një qëllim. “Dëshira për t’u kualifikuar në fazën e ardhshme të Ligës së Kampionëve është e madhe, mirëpo prioritet për ne do të jetë mbetja në Bundesligë”, ka nënvizuar Gros. Shtutgarti pas 15 javësh në Bundesligë zë pozitën e 16-të, me 12 pikë.

[Damian1]

Ibrahimovic i thotë lamtumirë Suedisë: Kam gjëra të tjera

Sulmuesi i skuadres se Barcelones, Zlatan Ibrahimovic i thote lamtumire Suedise pas deshtimit per te shkuar ne boteror

Sulmuesi i Barcelones, Zlatan Ibrahimovic ka deklaruar se nuk ndihet “me i motivuar per te luajtur me fanellen e kombetares suedeze”.

“Eshte nje nder i madh te luash me kombetaren. Do te pres dhe pastaj te shohim. Per momentin kam gjera te tjera ne mendje”, eshte shprehur ai duke bere te ditur se nuk do te jete pjese e mbledhjes se ardhshme te kombetares suedeze.

Sulmuesi me origjine boshnjake, Zlatan Ibrahimovic, 28 vjec, me Barcelonen ka realizuar 10 gola ne 14 ndeshje te liges spanjolle.

[Damian1]

Steven Gerrard: Nuk jam legjendë e Liverpoolit...

Kapiteni i Liverpoolit, Steven Gerrard, ka mohuar thëniet se ai është legjendë e klubit anglez.

Gerrard luajti ndeshjen e tij të 500-të për klubin në barazimin pa gola të së shtunës ndaj Blackburn Rovers.

“Nuk mendoj se jam legjendë e Liverpoolit. Mund t’i quani lojtarët legjendë vetëm kur ata e përfundojnë karrierën dhe ju shikoni në atë që ata kanë lënë prapa. Shumë njerëz e japin statusin e legjendës shumë herët për të bërat e mia”.

“Nuk e shoh veten si legjendë, i shoh Dalglish, Hansen dhe Rush si legjenda. Ata kanë qenë atë dhe ia kanë dalë. Shpresojmë se një ditë do të shoh prapa në atë që kam arritur dhe të them se jam pjesë e legjendave të klubit, por sigurisht nuk do ta vendosja veten në atë shportë tash”, ka thënë Gerrard.

[Damian1]

Galliani për sfidën e sotme: Champions historia e Milanit

Milani ka një ndeshje shumë të rëndësishme sot, ku do të përballet në Zvicër me Zyrihun, për të siguruar një vend në turin tjetër të Champions League

Kuqezinjtë janë mundur 1-0 në takimin e zhvilluar dy muaj më parë, por tashmë forma e tyre është komplet tjetër. Milani nuk njeh humbje prej 10 ndeshjesh në total, ndërkohë që në Serinë A mban vendin e dytë, vetëm 4 pikë larg Interit kryesues.

“Kampionati është i rëndësishëm, por Champions League është historia jonë”, ka deklaruar administratori Adriano Galiani. Ai ka kërkuar që Milani të fitojë vetë në fushë, për të mos qëndruar me mendjen në Marsejë, ku francezët e Deshamp përballen me Realin e Madridit.

“Tani Milani luan më mirë, kështu që nuk mund të qëndrojmë me zemër të ngrirë, duke pritur që Marseja të mos fitojë. Është e qartë se nëse francezët nuk fitojnë, neve na mjafton ço lloj rezultati në Zvicër, por duhet të mbështetemi te forca jonë”, tha Galiani. Milani do ketë të gatshëm edhe Ronaldinjon në këtë ndeshje, pavarësisht dëmtimit që pësoi ai në ndeshjen me Sampdorian ditën e shtunë.

[Damian1]

Shpenzimet e Manchester, më të mëdhatë në botë

Një dokument zyrtar tregon se 287 kompani të ndryshme janë paguar për një periudhë dyvjeçare me shumën marramendëse prej afro 94 milionë paund

Manchester United është klubi me të ardhurat më të mëdha në botë, por është edhe klubi që shpenzon më shumë nga të gjithë. E përjavshmja londineze “News Of The World” ka zbuluar për herë të parë shpenzimet e klubit të mbajtura sekret për më shumë se 130 vjet. Një dokument zyrtar tregon se 287 kompani të ndryshme janë paguar për një periudhë dyvjeçare me shumën marramendëse prej afro 94 milionë paund. 287 firmat që paguhen nga Manchester United, ofrojnë shërbime të ndryshme: firma ndërtimi, punishte druri, kompani ajrore, pastrime kimike, tregëtarë verërash dhe shampanjë, mësues shkollash, kompani ruajtje fizike, kujdestarë të fushës së Old Traford e deri tek agjentë të pasurive të paluajtshme madje edhe kllounët që argëtojnë futbollistët në festa. Sipas një zëdhënësi të klubit, shpenzimet janë të nevojshme që United të fuksionojë si një klub i Premier Legaue. Pagesat normale arrijnë nga 50 deri në 500 mijë paund. Ato janë të ndara në 7 kategori, shumat më të mëdha nga 1 milione në 6 milionë paund.

91 kompani paguhen nga 50 deri në 100 mijë paund, 103 të tjera nga 100 në 250 mijë. 46 kopmani, ndërto edhe futbollistë marrin nga 250 në 500 mijë paund. Ndërsa 23 të tjera paguhen me më shumë se 500 mijë paund, për të arritur një total prej më shumë se 45 milionë paund në vit, apo më shumë se 50 milionë euro. Janë paguar me shuma të madha nga klubi, deri në 250 mijë paund edhe menaxherët e futbollistëve të cilët I kanë bindur ata të firmosin për këtë ekip. Sipas të përjavshmes nuk ka asnjë shenjë që United, personat apo edhe firmat e paguara të kenë përfituar në mënyrë të paligjshme.