Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Braziliani Maicon zgjedh Balotellin para talentit të Patos

Mbrojtësi i Interit, braziliani Dagllas Maikon ka thënë se nuk do ta ndërronte bashkëlojtarin e tij te skuadra zikaltër, Mario Balotelli, me bashkëkombësin Alessandre Pato

“Të dy janë futbollistë të jashtëzakonshëm, të cilët dolën në skenë papritmas. Por, unë jam përkrahës i Mario Balotelit sepse luaj përkrah tij. Sidoqoftë, edhe Pato do të përmirësohet gjithnjë e më shumë”, ka pohuar Maikon.

Ai dhe Pato pritet të udhëtojnë së bashku me Brazilin në finalet e Kupës së Botës në Afrikën e Jugut në verën e ardhshme, por ish-futbollisti i Monakos këmbëngul se ai mbetet i përqendruar në detyrat e tij te Interi.

“Ajo që dua në këtë moment është që të mbesim lider në renditjen e Serisë A, në mënyrë që të mund të udhëtoj i qetë në Brazil dhe të festoj Krishtlindjet. Sa për Botërorin 2010, ne u kualifikuam me stil, por atje ka shumë skuadra, prandaj të shohim se çfarë do të ndodh”, ka përfunduar Maicon.

[Damian1]

Botërori i klubeve, arbitri Rosetti në shënjestrën e Pohang

Akuza të rënda nga trajneri i Pohang Steelers ndaj arbitrit italian që sipas tij donte me çdo kusht të çonte Estudiantes në finale

Botërori i klubeve që po zhvillohet në Abu Dhabi po dhuron spektakël por në sfidën e fundit nuk kanë munguar edhe polemikat. Trajneri i Pohang Steelers, Farias ka kritikuar drejtimin e arbitrit Roberto Rosetti gjatë gjysmëfinales së koreanëve të humbur 2-1 ndaj Estudiantes.

“Ai kishte nëj plan të saktë në mendjen e tij. Duhet të dërgonte medoemos argjentinasit në finale dhe këtë e bëri” tha trajneri Farias. Ai ka përdorur dy standarde pasi ndëshkonte futbollistët e mi, në faullin e parë” shtoi tekniku i Pohang.

“Erdhëm këtu me idenë se FIFA do të garantonte kredibilitetin e turneut por me 3 kartona të kuq ndaj nesh vërtetuan të kundërtën. Do të ishim kualifikuar nëse nuk do kishim këtë arbitër” tha trajneri i Pohang Steelers.

[Damian1]

Camoranesi rrezikon botërorin 2010 pas dëmtimit ndaj Bari

Është diagnostikuar si më i rëndë se parashikohej, dëmtimi i italo-argjentinasit Camoranesi në Bari, dhe kjo i rrezikon botërorin

Mauro German Camoranesi rrezikon pjesëmarrjen në botërorin e futbollit në 2010. Mesfushori me origjinë argjentinase por që luan për Italinë, u dëmtua në ndeshjen e Juventus të humbur ndaj Barit.

Por është diagnostikuar si më i rëndë se parashikohej, dëmtimi i italo-argjentinasit në Bari, dhe kjo i rrezikon botërorin. Goditja në kofshën e djathtë ka bërë që muskuli të dëmtohet dhe për ta kthyer në normalitet duhen rreth 3 muaj. Vetëm atëherë ai do të kthehet në stërvitje.

Në ditët në vazhdim priten ekzaminime të tjera për të patur diagnozën finale ndërkohë që Camoranesi ka filluar fizioterapinë. Nëse ai qëndron 3 muaj jashtë fushave do të humbte formën e tij dhe këtë rrezik Marcello Lippi nuk mund ta marrë me vete, nëse do të mbrojë titullin.

[Damian1]

Beckham flet si milanist: Dua Manchester Utd në Champions

Mesfushori anglez që në Janar do të rikthehet në huazim tek Milani, ka thënë se dëshiron nëj short me ish skuadrën e tij Manchester United

Ai është larguar prej vjetësh nga “Old Trafford” por sërish ndjen nostalgjinë për skuadrën e zemrës dhe nëse nuk mund të luajë me të, shpreson ta ketë kundërshtare.

David Beckham shpreson të ketë Manchester United në shortin e Champions League kur ti bashkohet Milan pas pak javësh.

“Vërtet do të doja që të luaja ndaj ish skuadrës time në raundin tjetër të Champions League. Që kur u largova nga Manchester United në 2003, nuk jam rikthyer më në Old Trafford” tha Beckham.

"Unë kundër Manchester, a nuk do të ishte e bukur"!. Mesfushori anglez e fitoi Champions League me skuadrën e United në 1998, dhe kaloi një dekadë me Red Devils para se të transferohej te Real Madrid.

[Damian1]

Capello: Owen më intereson por duhet të luajë më shumë

Përzgjedhësi i Anglisë, Fabio Capello ka fajësuar trajnerin e Mançester Junajtedit, Aleks Ferguson se po ia humb formën Michael Owen

"Oueni është një lojtar të cilin e ndjek dhe më intereson. E kam parë në ndeshjen e fundit në Ligën e Kampionëve nëpërmjet televizorit dhe ai shënoi tre gola, por në ndeshjen e ardhshme në kampionatin anglez ai nuk luajti fare. Pyes vetën përse ndodh një gjë e tillë?

Pse Runi luan gjithmonë, kurse Oueni jo? Ai është një lojtar shumë i rëndësishëm për Anglinë", ka thënë Kapelo, i cili në këtë mënyrë sikur ka paralajmëruar mundësinë që Ouen të jetë pjesë e kombëtares së Anglisë në Botërorin 2010, natyrisht në rast se arrin të gjejë më shumë hapësirë në skuadrën e Mançester Junajtedit dhe vazhdon të tregojë formë të mirë, ashtu siç dëshmoi në ndeshjen ndaj Volfsburgut, kur shënoi tre gola.

Sidoqoftë, problemi më i madh i sulmuesit 30-vjeç është mos paraqitja e vazhdueshme me fanelën e "djajve të kuq". Për momentin Kapelo thotë se ka në mendjen e tij 30 lojtarë, të cilët do të konkurrojnë për 23 vende për Botërorin 2010.

"Unë i zgjedh lojtarët që do të jenë të aftësuar për lojë, por që do të luajnë sa më shumë ndeshje gjatë kësaj periudhe. Në mendjen time kam 30 lojtarë, ngase dikush mund të lëndohet, kurse për 23 futbollistët që do të udhëtojnë me mua në Afrikën e Jugut do të vendos në momentin e fundit. Jam duke i ndjekur të gjithë lojtarët dhe do të shoh nëse ata do të përmirësohen apo jo", ka nënvizuar Kapelo

[Damian1]

Barcelona në finalen e botës, hyn Messi dhe mund Atlante

Finalja e kupës së botës për klube tani do të diskutohet mes Estudiantes dhe kampionëve të Europës që eliminuan ekipin meksikan, Atlante

Kupa e botës për klube, dhuron sërish një përballje mes Europës dhe Amerikës së Jugut. Barcelona arrin Estudiantes në finalen e kupës së botës pasi në ndeshjen në Abu Dhabi mbyllet 3-1 për katalanasit në dëm të meksikanëve të Atlante.

Skuadra e Amerikës Latine provoi të besonte tek finalja dhe pas 5 minutash lojë gjeti golin e avantazhit me Rojas duke shënuar në pozicion të vështirë. Por Atlante gaboi duke u rreshtuar në mbrojtje dhe më pas erdhën 3 gola të Barcelonës.


Në fillim ishte Busquets i cili barazoi shifrat ndërsa në pjesën e dytë Lionel Messi shënoi golin e avantazhit pak sekonda pas hyrjes në fushë. Mbyll garën, mesfushori Pedro që u shërbye nga një pasim i artë nga Iniesta. Të shtunën në finale, pengesa do të jetë Veron dhe Estudiantes i tij.

[Damian1]

Europa League, kualifikohen Panathinaikos, Hertha e Fulham

Skuadra greke e Panathinaikos ëhstë kualifikuar në raundin tjetër pas një fitoreje të thellë ndërsa spikatën edhe sukseset e Romës dhe Fulham

Ekipi grek i Panathinaikos nuk ka zhgënjyer tifozët në stadiumin e Athinës duke arritur një kualifikim të merituar me fitoren 3-0 ndaj Dinamos së Bukureshtit. Kjo fitore e ekipit grek i vendos ata në vendin e dytë me 12 pikë, një më pak se galatasaray që humbi pa rrezikuar 1-0 me Sturm Graz.

Edhe Roma ka fituar 3-0 në Sofie ndaj CSKA, duke siguruar vendin e parë në grup. Ekipi tjetër i kualifikuar është Fulham që mundi jashtë fushës Basel, duke lënë jashtë aktivitetit zviceranët.

Skuadra e Fulham e drejtuar nga Roy Hodgson ka qenë superiore ndaj Basel dhe ka përfituar nga avantazhi i shpejtë që u krijua në minutat e para.

Hertha BSC 1 - 0 Sporting Lisbon

Heerenveen 5 - 0 Ventspils

Basel 2 - 3 Fulham

CSKA Sofia 0 - 3 AS Roma

Panathinaikos 3 - 0 Dinamo Bucuresti

Sturm Graz 1 - 0 Galatasaray

[emiljano]

bravo panathinaikos

[Damian1]

Ferrari, dita e dyte e provave ne Mugello per Massen

Sot eshte dita e dyte e provave per Felipe Massen i cili po garon me nje Ferrari F2007.

Sot eshte dita e dyte e provave per Felipe Massen i cili po garon me nje Ferrari F2007.

Braziliani ka filluar te provoje me makinen e tij kete mengjes ne pisten e Mugellos. Kete gje e ben te ditur faqja zyrtare ne internet e skuadres.

[Damian1]

Higuain: Nuk dua që Barça të fitojë Botërorin e klubeve

"E dimë se Barcelona është duke luajtur në një nivel të lartë dhe ka mundësi të madhe për të fituar këtë garë, por unë shpresoj se megjithatë ata nuk do të kenë fatin me vete” tha Higuain

Sulmuesi i Realit të Madridit, Gonzalo Higuain, gjatë ceremonisë së prezantimit të topit "Jabulani", nuk ka hezituar që para gazetarëve të shprehë pikëpamjet e tij mbi fatin e Barcelonës në Kupën e Botës për klube.

"Ne të gjithë e dimë se Barcelona është duke luajtur në një nivel të lartë dhe ka mundësi të madhe për të fituar këtë garë, por unë shpresoj se megjithatë ata nuk do të kenë fatin për ta fituar këtë trofe", ka theksuar Higuain. Ndërkohë, sulmuesi u shpreh optimist rreth gjasave të Argjentinës në Botërorin e Afrikës së Jugut.

"Shpresoj të arrijmë në gjysmëfinale, të luajmë ndaj Spanjës dhe në fund edhe ta fitojmë titullin e kampionit të botës", ka thënë Higuain. Ai ka vlerësuar Spanjën si skuadër tejet cilësore, por njëherësh ka përmendur edhe Brazilin si njërën prej skuadrave më të mira në botë. Sidoqoftë, ai shpreson se Argjentina do të vazhdojë traditën e paraqitjes së mirë në aktivitetet e mëdha edhe në Afrikën e Jugut.