Mbyllur-Lajme dhe Diskutime per Sportin! Futboll.:.Motosport .:.etj

[Damian1]

E rrallë Bullgari, akuzohen 261 futbollistë për evazion fiskal

Disa nga futbollistët e kampionatit që paguhen më shtrënjtë kanë deklaruar se marrin një rrogë minimale ose ndryshe rreth 110 euro në muaj

Skandal në futbollin bullgar. Policia tatimore ka vënë nën hetim 261 futbolliste të divizionit të parë të kampionatit kombetar pasi të gjithë akuzohen për evazion fiskal.

Agjencia bullgare e Tatimeve shpjegoi se do të verifikohen llogaritë bankare të futbollistëve si dhe do të kryhet një kontroll në të gjithë pronat e tyre, për të bërë më pas krahasimin e rezultateve me deklaratat e tyre për të ardhurat dhe për të verifikuar kështu parregullsitë e vërejtura.

Mediat lokale tregojnë se si disa nga futbollistët e kampionatit që paguhen më shtrënjtë kanë deklaruar se marrin një rrogë minimale ose ndryshe rreth 110 euro në muaj. Hetimi tregoi për rreth 4 milionë euro evazion.

[Damian1]

Del Bosque deri në 2012 me Spanjën, gati për kupën e Botës

Tashmë tekniku do të ketë përqendrimin e nevojshëm për të përgatitur iberikët në synimin për fronin botëror

Trajneri Vicente del Bosque ka nënshkruar marrëveshje të re me Federatën Spanjolle të Futbollit dhe do të jetë përzgjedhës i kësaj kombëtareje deri në vitin 2012.

Që kur ka marrë drejtimin e kombëtares braziliane, Del Bosque ka rezultate të shkëlqyeshme dhe FSF ka vendosur t’ia vazhdojë kontratën edhe për dy vite të tjera. Spanja arriti pa ndonjë problem dhe me një kampanjë të përkryer të kualifikohet për në Kampionatin Botëror, Afrika e Jugut 2010.

Spanja fitoi 21 nga 22 takimet nën drejtimin e Del Bosque dhe është një prej favoritëve kryesor të kampionatit botëror. Tashmë tekniku do të ketë përqendrimin e nevojshëm për të përgatitur iberikët në synimin për fronin botëror.

[Damian1]

Wenger i kënaqur me 4 vitet e fundit, edhe pse pa trofe

Trajneri i Arsenalit, Arsen Wenger këmbëngul se edicionet e kaluara, edhe pse kanë rezultuar pa ndonjë trofe të fituar, kanë qenë më të mirat në karrierën e tij

Timonieri i "Topçinjve" ka thënë se kënaqet me faktin se ka arritur të bëjë diçka për skuadrën me një buxhet të limituar, e jo siç kanë arritur disa skuadra tjera me buxhet të palimituar dhe me shpenzime marramendëse.

"Katër vitet e fundit ishin vitet më sfiduese në karrierën time. Por, nuk kanë të bëjë me fitimin e trofeve. Kalimi në stadiumin e ri dhe mbajtja e skuadrës në të njëjtin nivel loje për mua ishte periudha më e mirë në katër vitet e fundit”.

“Të kalosh në një stadium të ri dhe të fillosh edicionin e ri pa një buxhet të madh dhe kur keni parasysh se edhe më tej kemi vazhduar të fitojmë nga viti në vit, pa humbur në pozitë ose në cilësi të lojës, atëherë padyshim se ky është një sukses i madh", ka theksuar Venger. Arsenali trofeun e fundit e ka fituar në vitin 2005, kur në finale të Kupës së Anglisë mundi Mançester Junajtedin pas penalltive.

[supervisor91]

Mosley: Vendimi per Briatore, nje cmenduri

Falja e Flavio Briatores nga Gjykata e Larte e Parisit, konsiderohet si nje “cmenduri” nga ish shefi i FIA-s, Max Mosley.
“Do te ishte cmenduri nese ky do te ishte vendimi perfundimtar. Nese nuk mund te denojme dike per nje gje si ajo qe bene Briatore e Symonds, atehere vihen ne dyshim edhe vete objektivat e FIA-s”, thekson Mosley.

Ish shefi i FIA-s ka qene armiku kryesor i ish drejtuesit te Renault, i cili urdheroi aksidentin e qellimshem te Piquer Jr ne garen e Singaporit per te favorizuar Fernando Alonson. “Perpara nje fakti te tille as qe duhet te mendojme se gjithcka eshte ne rregull. Do te ishte fundi i besueshmerise se Formula 1, pasi nuk mendoj se mund te kete nje rast me te rende se ai i Singaporit”, shton Mosley ne nje interviste dhene per gazeten “Times”.

Ai ka pohuar se Briatore fitoi nje beteje por jo luften. Me tej, ai hedh poshte zerat se konfilkti me Briatoren nisi per shkak te mosmarreveshjeve personale.

[supervisor91]

Rossi i hap deren Ducati-t dhe Ferrari-t

Pasi ka siguruar edhe titullin e nente kampion, Vale Rossi mendon per te ardhmen, duke lene te hapur mundesine per ndryshime radikale.
“Doktori” nuk e sheh te pamundur enderren e shume tifozeve te tij per t’u bashkuar me skuderine italiane Ducati por edhe kalimin ne Formula 1 me skuderine Ferrari.

“Idene time per te garuar ne Formula 1 e dine shume mire, prandaj nese kane dicka ne mendje do me njoftojne. Une dua te garoj edhe per 4-5 vjet te tjere por gjithcka do varet nga paraqitja ime. Tashme u be shume kohe qe garoj ne Moto GP dhe motivimi eshte i ndryshem”, sqaron Rossi.

Ai shton se nje vendim perfundimtar per te ardhmen do ta marre gjate muajve te veres.

[Damian1]

Napoli mund Sampdorian,edhe Fiore, Genoa, Livorno fitojnë

Napoli iu fal një goli të sulmuesit Denis për të mundur Samp, ndërsa 3 pikë kanë marrë edhe Fiorentina, Livorno dhe Palermo

Në një stadium të tejmbushur dhe mitik si “San Paolo” tifozët kanë mundur të shijojnë vetëm një gol, por kjo ka mjaftuar për ti dhënë 3 pikë vendasve. Napoli ka mundur Sampdoria 1-0 me një gol në të 70’ nga Denis, ndërsa Cassano& Pazzini kanë qenë në hije.

Fiorentina mundi Barin 2-1 në një ndeshje mjaft të vështirë ku ishin miqtë që shënuan të parët, por më pas dominoi ekipi viola. Barretto shënoi për Barin ndërsa Fiorentina shënoi me Mutu dhe Castillo.

Ka marrë 3 pikë skuadra e Gasperinit, Genoa që më në fund ka lënë pas serinë negative dhe këtë e ka bërë në dëm të Catanias të cilën e mundi 2-0.

Bologna 0 - 1 Cagliari

Fiorentina 2 - 1 Bari

Genoa 2 - 0 Catania

Livorno 2 - 1 Parma

Napoli 1 - 0 Sampdoria

Palermo 1 - 0 Atalanta

Udinese 1 - 1 Lazio

[Damian1]

Kosovari Valon Behrami kërkohet nga Manchester United

Kosovari 24-vjeçar u bashkua me West Ham para 18 muajsh nga Lazio për 5 milionë Paund por ka vuajtur nga disa demtime

Futbollisti kosovar me nënshtetësi zvicerane, Valon Behrami është vënë në shënjestër të Mançester Junajtedit, ka bërë të ditur e përditshmja angleze "Daily Star".

Ndonëse timonieri i "djajve të kuq", Aleks Ferguson disa ditë më parë ka thënë se nuk e ka ndërmend të përforcohet gjatë afatit të janarit, duket se ai do të bëjë përjashtim në rastin e Behramit. Kosovari 24-vjeçar u bashkua me Uest Hemin para 18 muajsh nga Lacio për 5 milionë Paund.

Për të siguruar shërbimet e kosovarit që luan edhe në kombëtaren e Zvicrës, sipas mediave angleze Fergusoni është i gatshëm të jap më shumë se 6 milionë funte, shifër të cilën sigurisht se Uest Hemi nuk do të mund ta refuzonte duke ditur krizën nëpër të cilën po kalon klubi.

[Damian1]

Bosët e Premier League, paralajmërojnë Afrikën

Drejtuesit e kampionatit anglez u kanë kujtuar futbollistëve që luajnë në Kupën e Kombeve, se janë shënjestër e terrorizmit

Yjet e futbollit të Premier League, vazhdojnë të paralajmërohen nga drejtuesit e klubeve dhe ata të Federatës, se janë shënjestër e terrorizmit gjatë aktivitetit në Angola, në kupën e Kombeve.

Ndërsa Emmanuel Adebayor dhe kombëtarja e Togos u larguan nga vendi organizator, rebelët thanë se nuk do të ndalen por do të sulmojnë sërish. Tani janë futbollistë si

Didier Drogba, Michael Essien dhe Kolo Toure, që bëhen shënjestër e terrorit, në ndeshjet që do luajnë në Cabinda.

“Ne jemi në luftë, dhe në këto situatë mund të ndodhin të gjitha të mundshmet” tha një zyrtar për Frontin e Lirimit të Enklavës së Cabinda (FLEC). Edhe Manchester City konfirmoi tërheqjen e Adebayor ndërsa portieri i kombëtares së Togos, Kodjovi Obilale ndodhet në gjendje të rëndë.

[Damian1]

Bosët e Premier League, paralajmërojnë Afrikën

Drejtuesit e kampionatit anglez u kanë kujtuar futbollistëve që luajnë në Kupën e Kombeve, se janë shënjestër e terrorizmit

Yjet e futbollit të Premier League, vazhdojnë të paralajmërohen nga drejtuesit e klubeve dhe ata të Federatës, se janë shënjestër e terrorizmit gjatë aktivitetit në Angola, në kupën e Kombeve.

Ndërsa Emmanuel Adebayor dhe kombëtarja e Togos u larguan nga vendi organizator, rebelët thanë se nuk do të ndalen por do të sulmojnë sërish. Tani janë futbollistë si

Didier Drogba, Michael Essien dhe Kolo Toure, që bëhen shënjestër e terrorit, në ndeshjet që do luajnë në Cabinda.

“Ne jemi në luftë, dhe në këto situatë mund të ndodhin të gjitha të mundshmet” tha një zyrtar për Frontin e Lirimit të Enklavës së Cabinda (FLEC). Edhe Manchester City konfirmoi tërheqjen e Adebayor ndërsa portieri i kombëtares së Togos, Kodjovi Obilale ndodhet në gjendje të rëndë.

[Damian1]

Real Madrid mund pastër Mallorca, del 2-0 në “Bernabeu”

Galaktikët kanë fituar 3 pikë me vlerë në ndeshjen e së dielës ndaj Mallorca duke u imponuar me dy gola

Real Madrid ka mundur 2-0 Mallorcën në stadiumin “Santiago Bernabeu” nën një borë të imët. Skuadra e drejtuar nga Pellegrini ka ofruar një provë bindëse ndaj skuadrës mike të drejtuar nga Manzano.

“Blancos” e Pellegrinit shpërthyen që në minutën e shtatë kur Higuain shkarkoi në rrjetë një goditje që nuk mund të evitohej as nga portieri Aouate, nga më të mirët në Spanjë. Një gol i shkëlqyer për një futbollist po aq të shkëlqyer.

Kakà, i rikthyer në eficencë fizike, ka kombinuar gjatë gjithë lojës me Cristiano Ronaldo, duke krijuar mjaft rrezik. Mallorca vuajti por nuk lëshoi pe, deri në minutën e 4 të pjesës së duke. Granero u shërbye nga Higuain duke shënuar golin e dytë.