Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Werder shkatërron Stuttgart 4-0, Hamburg mund Cottbus

Werder Bremen nuk ka hasur në rezistencën e Stuttgart duke marrë një fitore të lehtë ndërsa ka patur sukses edhe Hamburgu ndaj Cottbus

Skuadra gjermane e Werder Bremen ka fituar lehtësisht 4-0 ndaj Stuttgart duke mposhtur miqtë në çdo aspekt. Ekipi vendas gjeti golin e parë me brazilianin Diego që shënoi me një goditje dënimi e cila kapi tranversën para se të pushonte në rrjetë.

Goli i dytë erdhi nga sulmuesi peruan, Claudio Pizzarro i cili shënoi me një goditje nga larg me të djathtën. Golat e tjerë erdhën nga sulmuesi danez Marcus Rosenberg.

Në ndeshjen tjetër të Bundesliga, Hamburgu mposhti 2-0 Energie Cottbus. kroati Ivica Olic dhe mesfushori Trochowski ishin autorët e golave.

[Damian1]

Lyon pëson disfatë 0-2 nga Auxerre, tani rrezikon kreun

Kampioni i Francës, Lyoni, vazhdon me paraqitje të dobëta, duke pësuar humbje kësaj here në fushën e tij nga Auxerre dhe duke rrezikuar edhe kreun e tabelës

Pole Ireneusz Jelen solli avantazhin për Auxerre në fund të pjesës së parë të ndeshjes (41’), duke shënuar nga afërsia, para se Dane Thomas Kahlenberg të vulosë fitoren, pasi mposhti portierin Hugo Lloris në kohën shtesë (90’).

Portieri i Lyonit, kishte mbrojtur një penalti të Cedric Hengbart disa minuta më herët. Lyoni nuk ka fituar në gjashtë ndeshjet e fundit. U eliminua nga Barcelona në 1/8 e finales së Ligës së Kampionëve, një javë pasi humbi ndaj Lille në Kupën e Francës.

Me këtë humbje, Lyoni e bën më interesante garën për titullin e Francës e edhe më interesante derbin e sotëm francez, ku ish-ekipi i Lorik Canës, Paris Saint Germain, pret në fushë të vet ekipin aktual të kosovarit, Olimpique Marseille.

Nëse PSG, që mbledh 52 pikë, shënon fitore në ndeshjen e sotme, do të marrë kreun e Ligue 1 nga Lyoni që ka 53 pikë. Në rast se Marseielle shënon, do të marrë pozitën e dytë, me Lyonin që do të vazhdojë të mbajë kreun.

[Damian1]

Irak, futbollisti shënon gol, një tifoz e qëllon dhe e vret

Një futbollist i kampionatit irakian të futbollit është vrarë nga një tifoz pasi ka shënuar një gol në një ndeshje në Hila, rreth 100 kilometër në jug të Bagdadit

Tjetër tragjedi në sport dhe tjetër lumë gjaku mes lojtarëve. Për të qenë protagonist në të keq, këtë herë ka qenë futbolli iraken.

Lojtari i Sinyerit, Heidar Kazem eshte goditur ne koke me arme zjarri dhe ka vdekur ne spital. Vrasesi, nje tifoz i skuadres kundershtare te Al Buhayrat, eshte vene menjehere ne pranga.

Kazem sapo kishte shënuar një gol për skuadrën e Sinyer, në një ndeshje që po luhej në në Hilla, 100 kilometra në jug të Bagdadit. Në këtë pikë, një tifoz i Buhayrat ka nxjerrë pistoletën dhe ka goditur për vdekje futbollistin pasi ishte irrituar për golin.

Burime nga ministria irakene e brendshme thanë se agresori u arrestua menjëherë. Ndërkohë pavarësisht urgjencës për në spital, futbollisti nuk mundi të mbijetojë.

[Damian1]

Interi mund 2-0 Fiorentinën me dy “magji” nga Ibrahimovic

Skuadra zikaltër ka fituar pastër ndaj skuadrës viola, pasi iu fal sulmuesit suedez që shënoi dy gola në “San Siro”

Interi ka rivendosur distancën me Juventusin e vendit të dytë, duke mos i dhënë aspak shpresa bardhezinjve. Skuadra e Mourinho ka fituar pastër 2-0 ndaj Fiorentinës me dy gola të sulmuesit suedez Zlatan ibrahimovic.

Goli i parë për skuadrën e Mourinho erdhi pas një gabimi të portierit të Fiorentinës, që solli edhe rrjetën me kokë nga Ibrahimovic. më pas miqtë tentuan të barazojnë dhe u shfaqën rrezikshëm.

Në minutën e pestë shtesë ishte sërish Zlatan Ibrahimovic që me një predhë jashtë zonës shënoi një supergol me një shpejtësi 109 kilometra në orë.

[Damian1]

Cana, Bogdani e Berisha, golat premtojnë sukses me Hungarinë

Futbollistët shqiptarë janë bërë protagonistë këtë fundjavë duke shënuar gola, si një sinjal i mirë për sukses me Hungarinë

Në fillim ishte Bogdani që shënoi në fitoren e Chievos, dhe më pas Besart Berisha në suksesin e Horsens. Futbollistët shqiptarë në Europë janë bërë protagonistë me lojën dhe golat e tyre në prag të ndeshjes së kombëtares ndaj Hungarisë.

Mesfushori kosovar Lorik Cana ka shënuar edhe një herë kundër ish-ekipit të tij Paris Saint German, në fitoren 3-1 të Olimpique Marseille, ekip që kështu ngrihet në pozitën e dytë me një pikë më pak se lideri, Lyoni.

Kështu Arie Haan i gjen legjionarët shqiptarë në një formë optimale, për ndeshjen e fund muajit kundër Hungarisë që mund të vendosin shumë për fatet e kombëtares për botërorin 2010.

[Damian1]

Huntelaar beson te titulli: Barça duhet të vizitojë Realin

Futbollisti holandez i Realit ka thënë se munden të arrijnë Barcelonën në krye pasi kanë një ndeshje në Bernabeu

Sulmuesi i Real Madridit, Klaas-Jan Huntelaar, shpreson se ata do të mund ta arrijnë liderin e La Ligës, Barcelonës. “E di se duhet të luftojmë, por jemi aq afër, veçanërisht nëse e marrim parasysh se Barcelona duhet të na vizitojë në Bernabeu. Këtë mund ta fitojmë pa dyshim”, ka thënë Huntelaar.

“Gjëja më e rëndësishme është të luajmë si ekip, siç ndodhi kundër Athletic Bilbao, pasi atëherë jemi më të fuqishëm. Nëse qëndrojmë të bashkuar, mund t’i fitojmë të 11 ndeshjet e mbetura në ligë”, ka shtuar holandezi.

Ai është zbuluar si një përforcim i fuqishëm pas dëmtimit në Van Nistelrooy por çuditërisht u la jashtë Champions League, dhe për këtë Reali vuajti pasojat.

[Damian1]

Cristiano Ronaldo do largohet nëse vjen Mourinho te United

Futbollisti portugez nuk do të qëndrojë në “Old Trafford” nëse vjen bashkëkombasi i tij pas lamtumirës së Ferguson.

Portugezi i Manchester United, Cristiano Ronaldo, ka dhënë shenja se zënka e tij me menaxherin e Interit, Jose Mourinho, ende nuk ka përfunduar. Kur ishte ende në Chelsea në vitin 2007, Mourinho kishte një fjalosje publike me Ronaldon dhe ylli i Manchester United tha se ‘ai nuk di si t’i pranojë dështimet e tij”.

“Nuk dua të flas për Jose Mourinhon. Nëse më pyesni për Sir Alex do të ju them diçka, por nuk më intereson çfarë ndodh me Mourinhon”, ka thënë Ronaldo për Sunday Mirror duke konfirmuar se nëse portugezi do të ulet në stoline Djajve, fatet do të jenë të ndryshëm.

Alex Ferguson ka paralajmëruar largimin nga futbolli pas më shumë se dy dekadash nën drejtimin e Manchester United.

[Damian1]

Kakà rikthehet në infermieri, probleme me këmbën e majtë

Ndeshja ndaj Sienës u kthye në makth për Milanin, pasi pavarësisht fitores janë dëmtuar Ricky dhe portieri Abbiati

Nuk ka paqe në shtëpinë e Milanit edhe kur skuadra arrin të fitojë me një goleadë 1-5 si ajo ndaj Sienës, të dielën. Sfida e fituar në transfertë ndaj toskanëve ka sjellë disa “fraktura” tek kuqezinjtë të cilët do të bëjnë sërish pa Kakà dhe Abbiati.

Rasti i brazilianit është mister, pasi pasi luajti për 27 minuta, Kakà u godit në këmbën e majtë dhe është rikthyer në infermieri. Nuk dihet ende koha e rikuperimit apo nëse do duhet operacion.

Më keq është gjendja e portierit Abbiati që tani ka humbur edhe kombëtaren. Këputja e ligamenteve do të bëjë që futbollisti të mungojë për 6 muaj. Ai do të operohet Brenda kësaj jave nga profesori Martens në Belgjikë.

[Damian1]

Lyon interesohet për Trezeguet, por çelësi është Benzema

Sulmuesi i Juventus mund të rikthehet në vendlindje por kjo do të varet nga qëndrimi ose jo, i Karim Benzema

Presidenti i Lyonit, Jean-Michel Aulas, thotë se ekipi i tij mund të sjellë sërish në Francë sulmuesin e Juventusit, David Trezeguet. Trezeguet nuk është shumë i kënaqur nga hapësira që i jepet në klub pas rikthimit të tij nga rikuperimi, dhe kjo pakënaqësi ishte e dukshme edhe në ndeshjen kundër Chelsea, kur u nxor nga loja.

“Ne e kemi kërkuar atë edhe para dy vitesh. Nuk është e fshehtë që e duam Trezeguet. Nuk kam folur me trajnerin për këtë, as me Juventusin, por ne e duam atë futbollist. Ai është një futbollist i jashtëzakonshëm, por ne e kemi Bezneman...”, ka thënë Aulas.

David Trezeguet nuk është në marrëdhënie të mira edhe me klubin italian. Ai me shumë mundësi do të gjobitet për polemikat me Ranierin.

[Damian1]

Grabitja e 16 ndaj futbollistëve, frikë në Premier League

Tani ka ardhur radha e futbollistit brazilian Afonso Alves për të qenë në shënjestrën e grabitësve. Vjedhja e 16 ndaj lojtarëve në 3 vjet

Viktima më e fundit e këtyre vjetëve në Premier League është sulmuesi i skuadrës së Middlesbrough, Afonso Alves.

Futbollisti brazilian ka qenë në shënjestrën e grabitësve të cilët kanë hyrë në banesën e tij dhe pavarësisht prezencës së familjarëve, ata kanë marrë sendet me vlerë në shtëpinë në Yarm, në zonën e Teeside.

Kriminelët morën një shumë të madhe parash, gurë të çmuar dhe pajisje shtëpiake me nëj vlerë prej mijëra Paundësh. Futbollisti brazilian Alves është i 16-ti në Premier League që grabitet në harkun e 3 vjetëve.

Më parë kanë qenë emra të tillë si Roque Santa Cruz, Emile Heskey, Steven Gerrard, Dirk Kuyt, Pepe Reina, Daniel Agger dhe Lucas Leiva. Dhe pas tyre Robbie Keane, Peter Crouch, Jerzy Dudek, Jermaine Pennant, Ashley Young, Florent Sinama-Pongolle dhe Andy van der Meyde. Ky i fundit dy herë.