Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Milani “ekzekuton” Juventusin 3-0, është ndjekësi i Interit

Milani ka shkatërruar Juventusin 3-0 duke mos i lënë shumë shpresa për titullin kampion, pasi tani konsolidon vendin e dytë dhe ndjekjen ndaj Inter

Milani është shfaqur në një formë të shkëlqyer në ndeshjen kryesore të kësaj jave në Serie A. Një rezultat 3-0 në “Olimpico” të Torinos, ndaj Juventusit vendas nuk e mendonin të gjithë para fërshëllimës së parë.

Kështu Milani ka mundur bardhezinjtë me një gol në pjesën e parë dhe dy, në të dytën, ndërsa pankina e Ferrarës vihet sërish në rrezik. Minuta e 29 e pjesës së parë kishte sjellë golin e parë të shënuar nga Alessandro Nesta që mundi Manninger.

Në pjesën e dytë, Ferrara hodhi në fushë Del Pieron e kërkuar nga publiku juventin, por ishin miqtë që shënuan sërish. Ronaldinho me pak fat dhe devijim nga mbrojtësit shënoi golin e dytë, ndërsa pak minuta nga fundi ishte sërish braziliani që mposhti për herë të tretë Manninger.

[Damian1]

Gjermania, trajneri Loew lë Frings jashtë Botërorit 2010

Frings ka debutuar në kombëtare në vitin 2001 dhe deri më tani ka regjistruar 79 paraqitje, por për herë të fundit në kombëtare ai luajti në shkurt të vitit 2009

Përzgjedhësi i kombëtares së Gjermanisë, Joakim Lev ka pohuar se mesfushori i Verderit, Torsten Frings nuk do të jetë në mesin e futbollistëve që do të udhëtojnë me kombëtaren gjermane në Botërorin 2010 në Afrikën e Jugut.

Frings ka debutuar në kombëtare në vitin 2001 dhe deri më tani ka regjistruar 79 paraqitje, por për herë të fundit në kombëtare ai luajti në shkurt të vitit 2009. "Ky vendim është i çuditshëm për mua, por nuk kam çfarë të bëjë tjetër veçse ta pranoj atë, megjithëse unë kam një mendim krejtësisht ndryshe me atë të Joakim Levit", ka theksuar Frings në faqen e tij të internetit.

"Unë besoj se kam ende potencial për një paraqitje të fortë në Kupën e Botës. Unë do të vazhdoj ta dëshmojë këtë në Bundesligë", ka nënvizuar Frings. "Është një vendim zhgënjyes nga përzgjedhësi i kombëtares", ka thënë trajneri i Verderit, Klaus Alofs. "Është shumë keq që kapiteni ynë nuk do të ketë mundësinë për të luajtur në Botëror.

Torsten Frings është dhe do të mbetet një lojtar vendimtar për ne, i cili me siguri do të luante një rol të rëndësishëm për kombëtaren, sepse ka përvojë të madhe në ndeshjet ndërkombëtare. Por, Jakim Lev është njeriu përgjegjës në kombëtare dhe ne duhet t'i pranojmë vendimet e tij".

[Damian1]

Manchester City, në sulm për argjentinasin Cristian Ansaldi

Manchester City kerkon te marre lojtarin e krahut Cristian Ansaldi qe aktualisht aktivizohet ne radhet e Rubin Kazan, skuadra kampione e Rusise

Sipas “Daily Mail”, City e deshiron me cdo kusht lojtarin por nuk eshte e vetmja skuader qe interesohet per te, prandaj Roberto Mancini duhet te binde pronaret per te shpenzuar me shume.

“Gjithesesi ne nuk duam ta leshojme lojtarin qe ka nje kontrate me ne deri ne fund te sezonit te ardhshem”, shprehet drejtori sportiv i klubit, Mukhsin Mukhamadiev. Agjentinasi 23 vjecar u ble ne vitin 2008 nga skuadra Newell's Old Boys.

Nderkohe, Mancini ka leshuar sinjale ofensive edhe ne Madrid e Milano nga ku deshiron te marre sulmuesin Gago dhe mesfushorin e Milanit, Flamini.

[kapia]

Shnejder: Derbi përcakton më të fortin

Debutiumi i tij në Serinë A me fanellën zikaltër ka ardhur pikërisht në derbin kundër Milanit në fazën e parë. Hoze Mourinjo ka rrezikuar dhe i ka befasuar të gjithë duke e aktivizuar menjëherë kundër Milanit, edhe pse ai nuk kishte zhvilluar akoma një stërvitje të plotë me Interin. Në fund, si pothuajse gjithmonë, ka patur të drejtë “I Veçanti” pasi Uesli Shnejder ka qenë një nga më të mirët në fushë në atë fitore të thellë 4-0 të arritur kundër Milanit. Që nga ai moment holandezi është kthyer në lojtarin më të rëndësishëm të zikaltërve, sepse me të në fushë Interi nuk ka humbur asnjëherë. Gjithsesi, kur mungojnë pak ditë nga derbi i kthimit ish-lojtari i Realit të Madridit nuk ka dashur të bëjë parashikime: “Kush është më i fortë midis Interit dhe Milanit? Do ta shohim të dielën”.

[kapia]

Perez negocioi ne Tirane per te marre De Rossi-n

Viziten ne Tirane, presidenti i Real Madrid, Florentino Perez e ka shfrytezuar per te hedhur themelet e nje marreveshjeje per italianin e Romes, De Rossi.

Gjate qendrimit ne kryeqytetin tone, Perez ka takuar nderlidhesin me skuadren romane, Ernesto Bronzetti. Ai ka kerkuar qe De Rossi te transferohet ne Madrid gjate muajit qershor.

Nje oferte 30-35 milioneshe mund ta tundoje Romen e presidentes Rosela Sensi, por Perez mund te arrije deri ne 40 milione per ta marre ne skuader yllin italian te mesfushes.

[Damian1]

Real Madrid ofron Kakà për të marrë Diegon dhe Chiellinin

Kaka po kalon nje moment jo te mire ne Spanje me Real Madrid dhe kjo vjen si pasoje e problemeve fizike qe ai po kalon.

Kakà nuk ka rendiment! Atëherë ta nxjerrim në merkato. Kjo është ideja e çmendur e Real Madrid që, pasi shpenzoi 65 milionë për Riccardino , tani është gati ta përdorë si pjesë këmbimi për të marrë Diego e Giorgio Chiellini.

Momenti i keq që Kaka’ po kalon, ka bërë që disa media të cilat citojnë burime nga klubi madrilen, të nxjerrin në pah një hamendësim merkatoje, që vështirë të realizohet.

Sipas mediave vendase, sulmuesi brazilian duhet te vuaje deri ne fund te karrieres nga dhimbja ne ije dhe per kete duhet te trajtohet perdite pasi dhimbja eshte bere kronike.

Lajmin e jep gazeta “Marca”, sipas se ciles, Kaka vuan prej nje muaji e gjysme nga ky problem dhe ai duhet te kryeje gjysme ore me shume stervitje se shoket e skuadres.

[Damian1]

Inter, “Special One” ka një ëndërr…quhet Steven Gerrard

Pavaresisht se tani drejton nje nga skuadrat me te forta ne bote, Jose Mourinho nuk do heqe dore nga merkatoja edhe ne muajt e veres

Endrra e madhe e teknikut portugez te Interit eshte mesfushori i Liverpool, Steven Gerrard. “Special One” nuk synon te beje leshime ndaj presidentit Massimo Moratti, te cilit i kerkon kapitenin e “The Reds” me cdo kusht.

Por nga ana tjeter, nese Inter kerkon te beje nje goditje kaq te madhe ne merkato, eshte i detyruar te lejoje shitjen e ndonje elementi te vlefshem. Behet fjale per mbrojtesin brazilian Maicon, i cili eshte nje nga pikat kyce te kesaj skuadre.

Mbrojtesi Douglas Maicon kerkohet prej kohesh nga Manchester City dhe vera mund te jete periudha e duhur per largimin e tij drejt nje tjeter kampionati.

[Damian1]

Barcelona interesohet edhe për Emmanuel Eboue

Krahas interesimit për Fabregas, Barcelona raportohet se është e interesuar edhe për një futbollist të Arsenalit, Emmanuel Eboue.

The Sun shkruan se Barcelona është e interesuar për shërbimet e Emmanuel Eboue, krahas kapitenit të topçinjve që mbetet caku kryesor i blaugranëve.

Barcelona është duke kërkuar portier, një mbrojtës të djathtë dhe një mesfushor dhe ata janë të gatshëm ta testojnë Arsenalin duke ofruar 40 milionë funte për Fabregas, ndërsa apo ashtu kanë edhe Eboue është në radarin e tyre.

Eboue do të jetë lojtar i lirë në fund të sezonit dhe është një opsion joshës për katalanasit.

[kapia]

nese lueht ndeshja VLLAZNI- SKERNDERBEU me nje shkoder qe nuk po kalon nje moment te mire dhe me nje skenderbe qe vjen nga vendi i funditi por totalisht i rigjeneruar!
presidenca korcare ka akorduar 15 milion lek per fitore dhe 5 milion per barazim(ne total)

[Damian1]

Van Nistelrooy shkëlqen në transfertë me Hamburg, shënon dy gola

Ish-sulmuesi i Real Madridit, Ruud van Nistelrooy ka gjetur portën dy herë për të ndihmuar ekipin e tij të ri, Hamburg, të shënojë fitore me rezultat 3-1 në fushë të Stuttgart

Holandezi, i cili debutoi për Hamburgun vetëm disa minuta në ndeshjen e kaluar kundër Koln, u fut në lojë si zëvendësues në pjesën e dytë të takimit të sotëm dhe shpërtheu duke shënuar dy gola (75’ dhe 77’) të shpejt që i dhanë edhe fitoren ekipit të tij në derbin e Bundesligës.

Hamburg kishte kaluar në epërsi që në pjesë të parë me golin e Marcus Berg, ndërsa vendasit e Stuttgart barazuan 10 minuta në pjesë të dytë me anë të Christian Trasch (55’), para se Nistelrooy të shënonte dy golat e fitores. Nistelrooy është golashënuesi i dytë më i mirë në Ligën e Kampionëve, ndërsa ka qenë golashënues më i mirë në tre kampionate të ndryshme, holandez, anglez dhe spanjoll.

Bayer Leverkusen fitoi me rezultat 2-1 ndaj kampionit në fuqi, Wolfsburg. Pas pjesës së parë pa gola, lideri i tabelës kaloi në epërsi përmes Stefan Reinartz me të filluar pjesa e dytë (48’), për të dyfishuar epërsinë 20 minuta më pas me anë të Andre Lenz (68’). Edin Dzeko shënoi për Wolfsburg 11 minuta para fundit të kohës së rregullt, por kjo nuk mjaftoi për tu sjellë kampionëve ndonjë pikë.

Bayer Leverkusen 2 - 1 Wolfsburg
Bochum 2 - 1 Hoffenheim
Hannover 1 - 5 Werder Bremen
Hertha BSC 1 - 1 Mainz
Stuttgart 1 - 3 Hamburger SV