Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Chelsea avancon në FA Cup, Drogba shkatërron Cardiff 4-1

Skuadra e Ancelotti ka fituar thellësisht 4-1 ndaj Cardiff në FA Cup ku Drogba hapi serinë e golave të ndeshjes

Ka rezultuar gjithçka e lehtë për Chelsea e trajnerit Carlo Ancelotti në 1/8 e FA Cup. Ekipi i Blues ka shkatërruar me shifrat 4-1 Cardiff City, që në palmaresin e tij mund të krenohet për dy finale në këtë kompeticion.

Chelsea ka vuajtur në pjesën e parë kur pësoi një gol nga miqtë por më pas mbylli ndeshjen me një paraqitje të mirë të Drogba. Pas avantazhit të sulmuesit nga Bregu i Fildishtë, Chelsea pësoi golin e uellsianëve që militojnë në Championship me Chopra në 34'.

Në pjesën e dytë Chelsea ishte më konkret në fillim të saj erdhi supergoli i Ballack, pas asistit të Drogba. Në 24' ishte Sturridge që firmosi 3-1 ndërsa një gol i Kalou vulosi shifrat 4-1.

[Damian1]

Juve fiton pas 5 javësh, për suksesin mendon penalltia e Del Pieros

Një penallti mjaft bujare nga arbitri i ka dhënë fitoren e parë trajnerit Zaccheroni në drejtimin e Juventusit

Juventusi ka shënuar fitore me rezultat 3-2 kundër Genoas, në ndeshjen e zhvilluar të dielën në Stadiumin Olimpik të Torinos. Të parët kaluan në epërsi mysafirët me anë të Marco Rossit (16’), ndërsa Amauri barazoi rezultatin (42’), pas një harkimi të bukur të Caceres, për të dërguar skuadrat në pushim me rezultat 1-1.

Pas një lëvizjeje të bukur, Alessandro Del Piero në bashkëpunim me Diegon, kapiteni legjendar i Juventusit kaloi vendasit në epërsi (61’). Mirëpo, Genoa e barazoi shumë shpejt rezultatin (63’), kur një gabimi të portierit Gigi Buffon, e ndëshkoi sërish Marco Rossi.

Fitoren Zonjës së Vjetër ia solli ikona bardhezi, Alex Del Piero, i cili fitoi një penallti shumë bujare nga arbitri, të cilën e shndërroi në gol (78’). Ishte kjo një fitore shumë e rëndësishme e Juves drejt qëllimit për një vend që çon në Ligën e Kampionëve

Cagliari 3 - 1 Bari
Catania 0 - 0 Atalanta
Chievo 0 - 1 Siena
Juventus 3 - 2 Genoa
Livorno 0 - 1 Bologna
Parma 0 - 2 Lazio

[Damian1]

Maicon, Manchester City rrit në 45 milionë Euro ofertën për mbrojtësin

Roberto Mancini duket i bindur per te marre tek Manchester City mbrojtesin brazilian te Interit, Douglas Maicon.

Trajneri italian i 'Citizens', Roberto Mancini duket i bindur per te marre tek Manchester City mbrojtesin brazilian te Interit, Douglas Maicon, te cilin e ka stervitur me pare te kampionet e Italise.

Ish tekniku zikalter qe i njek mire cilesite e lojtarit te krahut, ngul kembe pasi kerkon te blindoje krahet e skuadres “Citizens” dhe per te realizuar endrren eshte i gatshem te kerkoje edhe nje cmenduri nga pronaret arabe te skuadres.

Sipas mediave franceze, oferta me e fundit drejtuar skuadres italiane eshte 45 milione euro. Ndoshta keto jane vetem zera, por heshtja e presidentit Moratti ngjall kureshtje mediatike. Nese transferimi kryhet me kete oferte, atehere Maicon do hyje ne histori si mbrojtesi me i shtrenjte i te gjitha koherave.

[Damian1]

Hiddink anashkalon klubet, trajnerin synon kombëtaren e Turqisë

Pasi ka refuzuar oferta të mëdha nga klube si Juventus apo Bayern, trajneri Hiddink po mendon të ulet në stolin e një kombëtareje tjetër si ajo turke

Trajneri Guus Hiddink do vazhdoje te drejtoje nje skuader kombetare duke kaluar ne pole position per stolin e Turqise. Ai kerkohet edhe nga Nigeria per pankinen.

Fillimisht u mendua Trapattoni si pasardhesi i Fatih Terim te Turqia, por me mosrinovimin e kontrates me Rusine, holandezi afrohet shume me skuadren turke. Sipas gazetes vendase, “Sabah”, trajneri holandez mund te firmose diten e premte ne Stamboll nje kontrate 4 vjecare qe parashikon kualifikimin ne Euro 2012 dhe Boterorin 2014.

Gjate karrieres se tij, Hiddink ka drejtuar klube me emer si Real Madrid, Chelsea por edhe Fenerbahce, cka mund ta ndihmoje te pershtatet edhe me shpejt me futbollin turk.

[Damian1]

Leonardo e Beckham: Është momenti vendimtar, të mundim Manchester

Trajneri i Milanit, dhe mesfushori anglez kanë thënë se do të duhet të japin më të mirën për të fituar të martën ndaj United

“Tani do te japim maksimumin, pasi eshte momenti deciziv”. Neser ne Itali mberrin Manchester Utd dhe Leonardo i jep kurajo skuadres se Milanit.

“Pjesen me te madhe te sezonit kemi luajtur nje futboll te qete dhe teknik. Tani eshte nje provim per te gjithe. Edhe ata qe kane fituar shume, eshte rasti qe te qendrojne ne nivelin maksimal”, shprehet trajneri kuqezi. “Red Devils jane kompakte dhe te rrezikshem dhe pastaj kane Rooney”, shton ai.

Edhe Beckham kerkon fitoren. Shtate vjet pasi ka lene Manchester Utd, per here te pare David Beckham do te gjendet perballe skuadres qe e beri te njohur.

“Per here te pare do te perpiqem te coj Manchester ne humbje”, thote duke qeshur anglezi, qe i rikthehet emocionit te Champions me fanellen e Milanit. Ai ka theksuar se nese shenon nuk do te festoje. “Nje gol do te ishte i pabesueshem, por nuk do te festoj per respektin qe kam per klubin dhe tifozet e Red Devils”, theksoi Beckham.

[Damian1]

Italia kandidohet për Euro 2016 me moton 'You'll feel at home'

“Do ndihesh si në shtëpi” është motoja e Italisë për të fituar organizimin e Euro 2016, ndaj rivalëve të tjerë, Turqisë dhe Francës

Italia, Franca dhe Turqia kanë zyrtarizuar kandidaturat për të organizuar Europianin e vitit 2016 në futboll, duke prezantuar dosierët e tyre në selinë e UEFA-s, në Nyon.

Ra në sy motoja e Italisë 'You'll feel at home', “Do ndihesh si në shtëpi”, e cila do të bazohet te mikpritja për të fituar besimin.

Komiteti ekzekutiv i UEFA-s, do të marrë vendimin final në 28 Maj në Gjenevë, ku do të vendosë mes Italisë, Turqisë dhe Francës, që favorizohet dhe nga presidenti Michel Platini. Pikërisht vendi transalpin është kundërshtari për tu mundur dhe favorit.

Qeveria italiane ka firmosur të gjitha garancitë në 14 letra të cilat iu prezantuan UEFA-s. Edhe Turqia do të bazohet në numrin e madh të tifozëve për të fituar kandidaturën, e cila është më pak e kuotuara nga 3 në total.

[supervisor91]

Formula 1, Ferrari starton me dopiete ne Bahrein

Ferrari kthehet pas shume kohes tek fitorja e nje gare te Formula 1 bashke me spanjollin Fernando Alonso.
Kokekuqja e dy here kampionit te botes ka lene pas gjithe kundershtaret, duke triumfuar ne garen e Bahreinit dhe duke lene pas shokun e skuadres Felipe Massa me britanikun Lewis Hamiliton.

Vetem vendi i katert per gjermanin e Red Bull, Sebastia Vettel, i cili e kryesoi garen gjate gjithe kohes. Nje problem ne makinen e tij i hapi rrugen triumfit te dy makinave kokekuqe.

Michael Schumacher ka fituar nje pozicion me shume ne krahasim me provat zyrtare, duke u rnditur ne vendin e gjashte. Nje rezulta pozitiv ky i pilotit te Mercedes GP nese merret parasysh qe ai u ka munguar pistave per 3 sezone.

[supervisor91]

F1, Vettel triumfon në Malajzi


Sebastian Vettel është fituesi i Cmimit të Madh të Malajzisë në Formula 1. Piloti i Red Bull ka lënë pas shokun e tij të skuadrës, Mark Webber dhe Nico Rosberg të Mercedes.
Piloti tjetër i Mercedes, Michael Schumaker ka braktisur garën që në xhirot e para, pas nje difekti mekanik të makinës.

Të njëjtin fat pati edhe Fernando Alonso i Ferrarit i cili ka dalë nga gara 2 xhiro para përfundimit.

Pas kësaj gare, në krye të klasifikimit për pilotët është Massa me 39 pikë dukë lënë pas Fernando Alonso dhe Vettel me nga 37 dhe Button me 35 pikë.

Ndërkohë kreun e klasifikimit të përgjithshëm për konstruktorët e mban Ferrari me 76 pikë, McLaren Mercedes me 66 dhe Red Bull me 41 pikë.

[supervisor91]

Juventus, 16 milionë stërlina për Benitez
27/04/2010 15:40

Momente delikate për të ardhmen e Juventusit pasi në pankinën bardhezi mund të ulet spanjolli Rafa Benitez.
Menaxheri i trajnerit të Liverpool është takuar me presidentin e Juventusit, Blanc dhe mesa duket është arritur marrëveshja për transferimin e Benitez në Torino. Edhe shtypi anglez është i bindur se Benitez do t’i japë fund aventurës në “Anfield Road” për të nisur një eksperiencë të re në Itali.

Juventus i ka ofruar 16 milionë stërlina pëe 4 sezone. Aktualisht Benitez kërkon të jetë i përqëndruar në Europa League ku Liverpool do luajë gjysmëfinalen e dytë përballë Atletico Madrid, ndërsa në fundjavë do përballet me Chelsea.

[supervisor91]

Champions, sot finalisti i parë
27/04/2010 12:55

Bayern Mynchen ose Lyon. Pas pak orësh, njëra nga këto dy skuadra do të jetë finalistja e parë e këtij sezoni në Champions League që do të zhvillohet në “Santiago Bernabeu”.
Fitorja 1-0 në ndeshjen e parë në “Allianz Arena” favorizon më shumë bavarezët, por në këtë ndeshje atyre do t’u mungojnë Ribery, i skualifikuar me karton, Timoshuk i dëmtuar, ndërkohë që vetëm para ndeshjes do të mësohet nëse do të luajnë Demichelis dhe Van Buyten.

“Nuk jemi skuadër që duam barazimin 0-0. Asnjëhërë nuk i kam kërkuar lojtarëve të mi të dalin në fushë për tu mbrojtur dhe këtë gjë nuk do ta bëjmë as këtu në Francë. Kemi disa mungesa të rëndësishme, por edhe në raste të tjera të tilla kemi treguar se dijmë të dalim të fituar nga këto situata. Nëse pësojmë 6 gola do të shënojmë 5, që na jep mundësinë e kualifikimit”, ka deklaruar në konferencën për shtyp trajneri i Bayern, Van Gaal.

Nga ana tjetër, Lyon i ka të gjithë lojtarët në dispozicion, të cilët janë gati të shkruajnë historinë në një stadium ku mbështetja do të jetë më e madhe se kurrë.

“Duhet të fitojmë me 2 gola diferencë dhe për këtë duhet të jemi shumë të kujdesshëm. Shanset janë të barabarta, edhe pse Bayern ka shënuar një gol. Kemi treguar se dime të fitojmë ndaj të gjithëve”, ka pohuar tekniku i Lyon, Pyel.

2.4 është koeficienti në kompanitë e basteve për fitoren e Lyon, kundrejt 2.8 të triumfit të bavarezëve, ndërsa barazimi është kuotuar me 3.3.