Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Fabregas hedh poshtë akuzat: Nuk pështyva trajnerin e Hull

Pas akuzave të trajnerit të Hull City, se është pështyrë nga mesfushori spanjoll, ky i fundit ka hedhur poshtë incidentin

Mesfushori i Arsenalit, Çesk Fabregas, ka hedhur poshtë akuzat nga kampi i klubit Hull Siti, se ai pas ndeshjes ndërmjet këtyre dy skuadrave në Kupën e Anglisë, ka pështyrë njërin nga trajnerët e Hull Sitit.

Futbollisti spanjoll për shkak të lëndimit nuk ka luajtur në këtë ndeshje, por eksesi sipas fjalëve të trajnerit të Hull Sitit, Fil Braun ka ndodhur në tunel rrugës drejt dhomave të zhveshjes.

"Në mënyrë kategorike i hedh poshtë akuzat në adresë time. Asnjëherë diçka të tillë as që kam menduar të bëjë. I kuptoj frustrimet e skuadrave humbëse, të cilat shpikin gjëra të tilla", ka thënë Fabregas për mediat angleze.

[Damian1]

Getafe kërkon rikthimin e gjermanit Schuster në pankinë

Skuadra spanjolle tani ka kërkuar të vendosë sërish në stol, teknikun gjerman me të cilin ka njohur shumë suksese

Drejtuesit e skuadrës spanjolle, Getafe, dëshirojnë të rikthejnë në krye të skuadrës strategun gjermane, Bernd Shuster. Para se të kalonte në Real Madrid, Shusteri ka drejtuar me mjaft sukses Getafen nga viti 2005 deri në vitin 2007.

Në radhët e "klubit mbretëror" ai qëndroi 16 muaj, kurse momentalish është i papunë, ngase në fillim të këtij viti u shkarkua nga detyra e trajnerit te Reali i Madridit. "Për Shusterin dyert e klubit tonë gjithmonë janë të hapura.

Shuster është një romantik i futbollit, për të paraja nuk është me rëndësi, por sfidat sportive", ka pohuar presidenti i Getafes, Angel Torres.

Trajneri aktual i Getafes, Viktor Munoz është ballafaqur me shkarkim nga detyra, ngase klubi gjendet në pozitën e 17-të në Primera Divisin, me vetëm dy pikë më shumë nga skuadrat që bien nga Liga spanjolle.

[Damian1]

Milan, Ancelotti do largohet nëse nuk ka të paktën dy blerje

Trajneri kuqezi mund të joshet nga ofertat e mira të Realit apo Chelsea nëse nuk do të plotësohen kërkesat në merkato

Administratori i përgjithshëm i Milanit, Adriano Galliani, deklaroi se klima aktuale ekonomike nuk do t’i lejojë Rossonerët që të shpenzojnë para në blerjen e lojtarëve të rinj gjatë afatit kalimtar veror, ndërsa nëse ndodh kështu atëherë Carlo Ancelotti nuk do të jetë trajner i kuqezinjve në të ardhmen.

“La Gazzetta dello Sport” njofton se nëse nuk ka përforcime te Milanit në fund të këtij sezoni, atëherë Ancelotti mund të largohet në drejtim të Real Madridit. Mësohet se trajneri i Milan dëshiron së paku dy emra të mëdhenj në skuadër, një mbrojtës dhe një sulmues.

Shënjestra kryesore e mbrojtjes thuhet të jetë qendërmbrojtësi i Chelsea, Alex, ndërsa njëri nga sulmuesit, ai i Barcelonës, Samuel Eto’o, ose ai i Arsenalit, Emanuel Adebayor, plotësojnë planet e Ancelottit në sulm.

[Damian1]

Maradona kryqëzohet nga tifozët: Është një tradhëtar

Tifozët e Boca kanë marrë anën e futbollistit Riquelme pas polemikave të këtij të fundit, ndërsa Diego u shpreh i ofenduar

"Të lexoj parullat në stadiumin e Boca, qe Maradona është një tradhtar më ka lënduar shumë dhe nuk e prisja”.

Kështu është shprehur legjenda argjentinase e futbollit që ka kritikuar tifozët pasi kanë mbajtur anën e Juan Roman Riquelme i cili ka lënë kombëtaren latine.

Maradona ka ndarë më dysh tifozerinë e “xeneize”. Gjatë ndeshjes kundër Argentinos Juniors janë dukur në stadium, disa parulla kundër ish “Pibe de Oro”. një prej tyre e cilësonte si një tradhtar dhe pikërisht kjo i ka djegur Maradonës.

"Do të vazhdoj të përkrah Boca Juniors dhe do të shkoj me vajzën time Dalma. Nuk kam gjë kundër tifozëve” tha Maradona duke shtuar se ishte normale që fansat të mbanin anën e Riquelme.

[Damian1]

Trajneri Benitez rinovon edhe për 5 vjet me Liverpool

Spanjolli i skuadrës së Liverpool ka firmosur kontratën e re që do ta mbajë në Angli, deri në vitin 2014

Rafael Benitez u dha fund spekullime rreth të ardhmes së tij, Spanjolli ka nënshkruar kontratën e re me drejtuesit e Liverpulit, që e mban të lidhur me klubin anglez deri në vitin 2014.

“Zemra ime është me Liverpulin, kështu që jam shumë i kënaqur për këtë marrëveshje. E dashuroj këtë skuadër, qytetin dhe tifozët e saj,

Nuk mund t’u thosha jo drejtuesve, kështu që e pranova ofertën. Gjithmonë e kam thënë se kam dëshiruar të qëndroj sa më gjatë në këtë klub. Sipas kontratës së re që kam nënshkruar, i bie të qëndroj më tepër se një dekadë. Liverpuli është i respektuar në të gjithë botën.

Është nder për mua të vazhdoj të punoj për këtë skuadër, aq me tepër që po ndihmoj të krijoj një kapitull të ri. Nuk mund të lë pa falënderuar pronarët, që bën gjithka për të arritur këtë marrëveshje. Të gjithë dëshirojmë të njëjtën gjë: të jemi të suksesshëm, duke fituar sa më shumë trofe”, - është shprehur Rafa Benitez.

[Damian1]

Champions, Laporta kërkon Man. United në çerekfinale

Janë dy nga favoritet kryesore për trofeun por kjo nuk e tremb Laportën të kërkojë më të mirin si kundërshtar

Presidenti i Barcelonës, Joan Laporta, dëshiron që për kundërshtar të radhës në Ligën e Kampionëve t’i ketë kampionët në fuqi të Manchester United.

Arsyeja që Laporta i dëshiron Djajtë e Kuq për kundërshtarë, është që t’iu hakmerret për eliminimin që ia shkaktuan sezonin e kaluar në gjysmëfinale.

Gjithmonë sipas “El Mundo”, arsyeja tjetër që presidenti i Blaugranëve e dëshiron Unitedin është që t’i mbajë të përgatitur të zgjedhurit e Pep Guardiolas deri në fund të garës, pasi që po të ndesheshin kundër Villarrealit apo Portos, ata do të humbnin paksa në kualitet gjatë rrugës drejt finales.

Përcaktimi i çerekfinalistëve dhe përzgjedhja për gjysmëfinalistët e Ligës së Kampionëve, do të bëhet këtë të premte në Nyon të Zvicrës.

[Damian1]

Gerrard: Kushdo që vjen do ta eliminojmë në “Anfield Road”

Kapiteni i Liverpool nuk njeh frik nga asnj kundrshtar dhe beson se presioni i stadiumit do bj t dridhet çdo rival

Të premten hidhet shorti për çiftet çerekfinale të Ligës së Kampionëve, ndërsa simboli i Liverpoolit, Steven Gerrard, thotë se skuadra e tij do ta mirëpresë cilëndo skuadër, pasi që Të Kuqtë nuk ia kanë frikën askujt.

“Ne nuk ia kemi frikën askujt. Ne do ta mirëpresim këdo dhe më besoni se do ta tejkalojmë. Jam entuziast për ndeshjet”.

“Nëse më pyetni për faktorin ‘frikë’ në Ligën e Kampionëve, atëherë mendoj se shtatë skuadrat tjera duhet të shpresojnë që të mos ndeshen me ne”.

“Megjithatë, unë e shikoj në atë mënyrë që herët a vonë ne duhet të përballemi me të gjithë më të fortit, prandaj nuk ka rëndësi kur do të luajmë kundër tyre, më herët ose më vonë”, ka thënë mesfushori anglez për “Belfast Telegraph”.

[Damian1]

Energie Cottbus, trajneri: I bëj gjithmonë llogarit me Skelën

“Unë i bëj llogaritë në ekip, duke u nisur gjithmonë nga ai (Skela). Shpresoj se nuk ka humbur shumë fuqi. Ne kemi nevojë urgjente për pikë. Duhet të ecim në rrugën e duhur dhe të jemi të duruar” tha trajneri i Energie Cottbus

Shqiptari Ervin Skela do të jetë regjisori i Energi Kotbusit në sfidën e vështirë kundër Këlnit.

Trajneri i Kotbusit, Bojan Pransikar, nuk e fshehu kënaqësinë e rikthimit të mesfushorit 32-vjeçar shqiptar, i cili mungoi për shkak të gripit në ndeshjen e humbur të dielën e kaluar me Hamburgun, e treta rresht.

“Unë i bëj llogaritë në ekip, duke u nisur gjithmonë nga ai (Skela). Shpresoj se nuk ka humbur shumë fuqi. Ne kemi nevojë urgjente për pikë. Duhet të ecim në rrugën e duhur dhe të jemi të duruar”, - citohet nga mediat gjermane trajneri i Energi Kotbusit, Bojan Pransikar.

Ervin Skela, i cili sapo ka rinovuar edhe për dy sezone kontratën me Energi (me kushtin nëse Kotbusi qëndron në Bundesligë) është një nga lojtarët më të rëndësishëm të skuadrës nga ish-Gjermania Lindore.

[Damian1]

Arsenali, “fabrika” e futbollistëve por edhe e parave

“Topçinjtë” fitojnë shifra rekord nga shitja e biletave dhe futbollistëve kudo në botë. Janë kthyer në një industri të vërtetë

Nëse i hedhim një vështrim skuadrës së Arsenalit dhe modelit të saj, është normale të mbetemi të magjepsur nga lehtësia me të cilën ky klub arrin të formojë talente, t’i rrisë ata dhe t’i nxjerrë në fushë me skuadrën e parë dhe sërish të mbetet kompetitive në arenën angleze dhe ndërkombëtare.

Siç ka pohuar kohët e fundit edhe Klaudio Ranieri, për sektorin e të rinjve ky klub harxhon më shumë para sesa disa skuadra të Serisë A harxhojnë në merkatot e tyre. Ja disa shifra: Vjet, sektori i të rinjve të Arsenalit ka shpenzuar thuajse 10 milionë euro për transferimet dhe verën që shkoi kartoni i Aron Ramseit u pagua 7 milionë euro.

Një politikë që po jep frytet e veta, nëse mendohet për lojtarë si Fabregas ose për vetë faktin se në Premier Ligë aktualisht luajnë 44 lojtarë që kanë ardhur nga të rinjtë e Arsenalit. Për të mbetur përherë të rinj sigurisht që duhen edhe para.

Punimet për ndërtimin e “Emirates Stadium” kanë kushtuar mbi 450 milionë euro, por ishte një biznes me leverdi. Që kur Arsenali luan në stadiumin e ri, nga biletat janë nxjerrë mbi 120 milionë në sezon. Asnjë stadium tjetër në Evropë nuk arrin të nxjerrë kaq shumë para nga stadiumi i vet.

Falë stadiumit të ri, Arsenali e ka kthyer në pozitiv bilancin e vet, me 64 milionë euro fitim në dy vjet dhe ka siguruar të ardhmen e skuadrës së parë dhe të të rinjve.

[Damian1]

Champions, Liverpool-Chelsea, Barcelona-Bayern Munchen

Shorti: Villarreal ndaj Arsenalit, Manchester United-Porto, Liverpool kundër Chelsea dhe Barcelona-Bayern Munchen

Shorti i hedhur në Nyon për Champions League ka dhuruar 4 sfida shumë emocionuese që do të përjetohen nga të apasionuarit e futbollit. 4 duele të cilat do të shihen në fushë në 7 dhe 8 Prill në sfidat e vajtjes dhe në 14-15 Prill ndeshjet e kthimit.

Dueli më interesant është derbi anglez mes Liverpool dhe Chelsea. pasi kanë përplasur brirët në kampionat, skuadra e Benitez dhe ajo e Hiddink do të rivalizojnë sërish për një vend më tej në Champions.

Një tjetër ripërjetim emocionesh do të jetë në sfidën Manchester United-Porto. kampionët e botës, në letër kanë shortin më të lehtë por Porto nën drejtimin e Mourinho i ka eliminuar në 2004.

Villarreal do të luajë ndaj skuadrës së ndaj Arsenalit duke tentuar të bëjë të pamundurën për të eliminuar një prej pretendentëve britanikë. Ndërkohë Gunners kanë një ecuri të mirë në Europë dhe pasi kaluan Romën mund të synojnë finalen në po këtë qytet.

Pretendentja për fronin europian Barcelona do të ketë përballë një “kockë” të fortë si gjermanët e Bayern Munchen. Katalanasit do të kenë një provë force ndaj bavarezëve të cilët kanë shumë kohë pa kaluar në fazat finale.