Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Kupa UEFA, kualifikohen Manchester City dhe Paris SG

Lotaria e penalltive ka bërë që Citizens të kalojnë në Danimarkë ndërsa është kualifikuar edhe PSG

Pas një drame të zhvilluar të enjten mbrëma në takimin kthyes të vlefshëm për Kupën UEFA, ndërmjet Aalborgut dhe Manchester City, skuadra nga Liga Premier e ka vazhduar garën në çerekfinale. Ndeshja e parë e zhvilluar në Stadiumin e Qytetit në Mançester, përfundoi me fitoren e ‘pasanikëve’ me rezultat 2-0.

Edhe në ndeshjen e zhvilluar të enjten mbrëma në Stadiumin e Aalborgut, vendasit arritën që me dy golat e shënuar në minutat e fundit të kohës së rregullt (84’ dhe 90’), t’i sigurojnë vazhdimet, të cilat përfunduan me të njëjtin rezultat dhe mbeti që penalltitë ta vendosin fituesin. Pas ekzekutimit të penalltive, skuadra e Manchester Cityt u tregua më e saktë nga pika e bardhë duke fituar 4-3.

Skuadra e Paris Saint-Germain është kualifikuar në çerekfinale të Kupës UEFA, pasi ka arritur të shënojë fitore si mysafir i Bragës. Takim i parë i zhvilluar në Francë përfundoi pa gola, ndërsa në këtë ndeshje mjaftoi fitorja minimale e mysafirëve, e cila ua siguroi vizën për garat e mëtejshme. Të vetmin gol në ndeshje shënoi Guillaume Hoarau (81’), për t’ia siguruar skuadrës së tij çerekfinalen e Kupës UEFA.

[Damian1]

Chelsea, Cech: Do të luajmë në finale të Champions League

Gardiani i skuadrës londineze ka besim se do të eliminojnë Liverpool e do arrijnë finalen

Portieri i Chelsea, Petr Cech, është i bindur se Blutë do ta përsërisin suksesin e sezonit të kaluar dhe do të arrijnë sërish deri në finale të Ligës së Kampionëve. Chelsea ka njohur Liverpool si kundërshtar pas shortit në Nyon.

“Pas dy gjysmëfinalesh dhe një finaleje të humbur, mendoj se tashmë është koha që ta fitojmë Ligën e Kampionëve” tha portieri Cech.

“Mendoj se do ta kemi mundësinë që të arrijmë sërish në finale këtë vit. Jam i bindur se mund të arrijmë deri atje ku arritëm sezonin e kaluar, por këtë herë jemi më kualitativ dhe dallojmë nga viti i kaluar”, është shprehur portieri çek.

[Damian1]

Marc Van Bommel rinovon me skuadrën e Bayern Munchen

Mesfushori holandez ka arritur një marrëveshje për rinovimin me klubin kampion të Bundesliga

Kapiteni i klubit të futbollit gjerman Bajern Munih, Mark van Bomel, ka zgjatur kontratën me kampionin aktual të Bundesligës deri në qershor të vitit të ardhshëm.

Menaxheri i Bajernit, Uli Henes, ka thënë të enjten se është arritur marrëveshja me Van Bomel për zgjatjen e kontratës edhe për një vit. “Ne jemi pajtuar dhe unë mbetem në Bajern”, tha 31-vjeçari Bomel.

Futbollisti holandez ka ardhur në klubin gjerman nga Barcelona më 2006. Që prej asaj kohe ai ka patur një vend bazë në mesfushën e bavarezëve.

[Damian1]

Shorti i UEFA, Werder-Udinese, Marseille-Shakhtar

Shorti: Werder-Udinese, Marseille-Shakhtar, Paris SG-Dinamo Kiev ndërsa Hamburg kundër Manchester City

Çerekfinalet e kupës UEFA të cilat u zyrtarizuan pas shortit në Nyon kanë dhuruar 4 përballje të bukura në fillim dhe në mes të muajit Prill

Kështu skuadra e vetme italiane e mbetur në kupat Europiane, ajo e Udineses do të luajë ndaj gjermanëve të Werder Bremen, që më parë kanë eliminuar italianët e Milan dhe Saint Ettiene.

Skuadra milionere e Manchester City do të luajë me Hamburgun ndërsa Paris Saint Germain do të luajë me Dinamon e Kievit. Skuadra e shqiptarit Lorik Cana, Marseille do të luajë ndaj ukrainasve të Şhakhtar Donetsk.

[Damian1]

Chelsea-Ballack, kontratë e re vetëm me pagë më të ulët

Mesfushori gjerman sipas të gjitha gjasave do të ketë ulje të pagës nëse do që të qëndrojë te blutë

Rihapet ceshtja Michael Ballack ne radhet e Chelsea. Tashme qe mesfushori gjerman e ka lene pas demtimin ne gju dhe ka fituar simpatine e trajnerit Hiddink mund te flitet per rinovim te kontrates.

Lojtari i kombetares se Gjermanise mund te pretendoje te vazhdoje karrieren ne “Stamford Bridge” por vetem nese ai pranon qe rroga te ulet ndjeshem. Sipas burimeve mediatike, presidenti Abramovich nuk ka ndermend ta paguaje me 7.5 milione euro ne sezon ish mesfushorin e Bayern Munchen.
Nese marreveshja bllokohet ne kete pike, atehere Ballack mund te rikthehet ne Gjermani ku nisi karrieren dhe u be i njohur fillimisht me Bayer Leverkusen dhe me pas me Munchen ku arriti edhe kulmin e karrieres. Ai u transferua ne Londer gjate vitit 2006 por qe atehere ai ka shetitur neper klinika per shkak te problemeve te shpeshta fizike.

[Damian1]

Në alarm për talentet, Paris SG: Jo gabime si me Canën

Largimi nga skuadra i Lorik Canës ka bërë që tek parizienët të kihet më shumë kujdes për talentet e rinj

Duke iu referuar të kaluarës së Lorik Canës në skuadrën e Parisit, mediat franceze, kërkojnë që të mos bëhen gabime me futbollistet e rinj. Bëhet fjalë për të riun Klement Shantom, aktualisht 21-vjec, që luan në të njëjtin rol si Cana.

Për këtë futbollist kanë ardhur oferta nga klubet angleze, madje edhe nga Arsenali, por mbi drejtuesit e PSG-së po bëhet presion për të mos gabuar përsëri. Kosovari i kombëtares shqiptare, Lorik Cana, prodhim i pastër i PSG-së, u largua para katër sezonesh tek Olimpiku i Marsejës, ku është shndërruar një nga shtyllat kryesore të skuadrës.

Në takimet mes PSG-së dhe Marsejës, Cana ka shënuar në disa raste në portën e ish-skuadrës së tij, duke u hakmarrë në njëfarë mënyrë për trajtimin që iu bë në kryeqytetin francez.

Rasti “Cana” nuk duhet të përsëritet edhe me 21-vjecarin Shantom, pjesë e skuadrës së parë pariziene që prej vitit 2006, shkruan faqja zyrtare e Paris SG-së në internet.

[Damian1]

Sir Alex Ferguson: Këto humbje mund të na kushtojnë titullin

Skocezi i Manchester United ka thënë se humbje si ajo ndaj Fulham që quhen aksidentale, mund të shkaktojnë humbjen e titullit

Menaxheri i Manchester United, Sir Alex Ferguson, thotë se gabimet në këtë shkallë të sezonit mund t’i kushtojnë ekipit të tij. Pas humbjen nga Liverpooli dhe Fulhami, trajneri skocez duket ca i shqetësuar.

“Siç kam thënë, kur humbni ndeshje në mars edhe prill kjo mund të ju kushtojë. Mbase kemi një kryesim të lehtë për momentin, por kjo nuk është shumë. Shpresoj se pas pauzës së ndeshjeve ndërkombëtare do të rikthehemi në formën më të mirë”, ka thënë Ferguson.

“Kemi edhe një ndeshje kundër Aston Villas në shtëpi dhe mendoj se kjo do të jetë vendimtare”, ka shtuar skocezi i Manchester United.

[Damian1]

Liverpool 1 pikë larg Manchester pas fitores 5-0 me Aston Villa

Skuadra e Liverpool ka shkatërruar 5-0 Aston Villa duke iu afruar kampionëve të Premier League që tani janë 1 pikë më shumë

Liverpool përfiton më së miri nga hapi fals i Manchester United duke mundur me një goleadë 5-0 skuadrën e Aston Villa. Në ndeshjen e luajtur në “Old Trafford” është parë vetëm një ekip në fushë pasi “Reds” kanë dominuar ndaj ekipit të O’Neill.

Sulmuesi holandez Dirk Kuyt ishte autor i golit të parë për Liverpool që në minutën e 8 të lojës.

Më pas shifrat u bënë 2-0 pasi Alberto Riera shënoi një gol të bukur në portën e Frieddle. Goli i tretë erdhi me penallti nga Steven Gerrard në minutën e 39.

Edhe në pjesën e dytë ishte e nhjëjta tablo pasi Liverpool shënoi golin e edhe dy gola të tjerë po me kapitenin Gerrard. në fillim Steven shënoi me goditje dënimi ndërsa më pas ktheu në gol një tjetër penallti.

Manchester City mundi Sunderland në ndeshjen tjetër 1-0. Goli i vetëm erdhi nga Michah Richards ndërsa Robinho humbi penallti. Edhe ndeshja Wigan-Hull City u mbyll 1-0 me golin e Watson.

[Damian1]

Inter mund 3-0 Reggina, fitojnë dhe Genoa dhe Fiorentina

Inter ka shkatërruar 3-0 ekipin e Reggina me dy gola të Ibrahimovic dhe një nga Cambiasso ndërsa kanë marrë 3 pikë edhe Genoa, Fiorentina dhe Chievo

Interi i është përgjigjur me të njëjtën monedhë skuadrës së Juventus e cila ka fituar një ditë më parë me Romën. Armata e trajnerit Mourinho ka shkatërruar 3-0 skuadrën e Reggina në stadiumin “San Siro” duke rimarrë distancën me vendin e dytë dhe të tretë.

Ishte Cambiasso që zhbllokoi rezultatin në 1-0 me nëj gol në portën e Campagnolo në minutën e 6 ndërsa më pas Zlatan Ibrahimovic shënoi sërish me anë të një penalltie të kthyer në gol. Në pjesën e dytë “Ibracadabra” solli një tjetër magji nga ana e tij duke shënuar një supergol që vulosi shifrat 3-0

Genoa ka fituar 2-0 ndaj skuadrës së Udinese duke mos lëshuar vendin e katërt që të dërgon në Champions League. Sculli dhe Diego Milito ishin autorët e golave për Genoa ndërsa Udinese mbylli ndeshjen me 10 lojtarë.

Fiorentina mundi 1-0 Sienën me nëj gol të rumunit Mutu në pjesën e dytë të lojës, ndërsa Cagliari ka kryer befasinë duke mundur Bologna 0-1 me një gol të Acquafresca në fundin e pjesës së parë. ka fituar edhe Chievo 1-0 ndaj Palermos me golin e Luciano.

Bologna-Cagliari 0-1

Chievo-Palermo 1-0

Fiorentina-Siena 1-0

Genoa-Udinese 2-0

Inter-Reggina 3-0

Lecce-Atalanta 2-2

Torino-Sampdoria 1-2

[Damian1]

Real Madrid fiton 3-0 me Almerian në “Bernabeu”

“Galaktikët” kanë patur sukses në ndeshjen e kësaj fundjave duke mposhtur lehtësisht skuadrën modeste të Almerias 3-0

Real Madrid nuk ndahet në ndjekjen e tij ndaj Barcelonës në krye të renditjes. Skuadra “galaktike” ka mundur të fitojë lehtësisht 3-0 me skuadrën e Almerias e cila nuk ka ofruar rezistencë në “Santiago Bernabeu”.

Mbrojtësi brazilian Marcelo ishte ai që shënoi golin e parë të ndeshjes pasi mposhti portierin mik në minutën e 24-t ndërsa pjesa e parë u mbyll me rezultatin 1-0.

Më pas në fraksionin e dytë ishte holandezi Huntelaar që tregoi pse vlen aq shumë në tregun futbollistik.

Sulmuesi holandez shënoi golin e dytë në minutën e 53 të ndeshjes ndërsa skuadra e Almerias nuk dukej në fushë. Jan Klaas Huntelaar shënoi edhe golin e tretë të ndeshjes dhe të dytin personal në minutën e 65 duke vulosur gjithçka.