Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Barcelona luan tenis me Malagën, fitore e spektakël 6-0

Në ndeshjen e zhvilluar në “Camp Nou” vendasit kanë “abuzuar” me Malagën duke shënuar 6 gola në portën e miqve

Barcelona nën drejtimin e trajnerit Josep Guardiola po tregon një formë dhe spektakël të papërsëritshëm këtë sezon. Në vazhdën e rezultateve positive ka ardhur këtë javë edhe një fitore tenistike 6-0 ndaj skuadrës së Malagës.

Në minutën e 19 të ndeshjes spektatorët panë golin e parë të Barcelonës që do të pasohej nga 5 të tjerë. Kapiteni i katalanasve Xavi Hernandez shënoi në portën e miqve. Më pas në minutën e 25 lionel Messi eklipsoi shanset e vendasve për pikë ndërsa Thierry Henry çoi shifrat në 3-0.

Dy minuta para mbylljes së pjesës së parë Samuel Eto’o shënoi golin e 4-0 duke dfërguar skuadrat në pushim, me këtë rezultat. Në minutën e 51 katalanasit rifilluan “avazin” duke shënuar golin e 5-0 me mbrojtësin brazilian Daniel Alves ndërsa kamerunasi Eto´o vulosi ndeshjen 6-0. Tani Barcelona ndodhet 6 pikë larg Realit.

Rezultatet:

La Coruna 1 - 1 Real Betis

Getafe 2 - 1 Recreativo Huelva

Numancia 2 - 1 Sporting Gijon

Osasuna 1 - 0 Espanyol

Santander 0 - 1 Valencia

Real Madrid 3 - 0 Almeria

Barcelona 6 - 0 Malaga

[Damian1]

Milani merr një pikë në barazimin 0-0 ndaj Napolit

Skuadra e Milanit nuk ka mundur të fitojë përballë jugorëve që drejtohen nga trajneri Donadoni duke marrë një pikë

Në premierën e trajnerit Roberto Donadoni në stolin e Napolit, skuadra jugore ka marrë një pikë në barazimin 0-0 me Milanin.

Përballë 70 mijë shikuesve në “San Paolo”, skuadra vendase ishte më e rrezikshme sesa miqtë e Ancelottit.

Në pjesën e parë ishte skuadra e Napolit e cila shënoi një gol kur topi me kokë i Zalayeta erdhi në këmbët e Hamsik por goli i sllovakut u anulua padrejtësisht për pozicion jashtë loje.

Përfundimisht 0-0 dhe me këtë rezultat Milani shkëputet disi nga ndjekja e dyshes kryesuese të kampionatit, Inter dhe Juventus

[Damian1]

Lippi befason Italinë edhe merr 3 të rinj, jashtë Cassano

Trajneri i Italisë ka thirrur për herë të parë Pazzini, Motta dhe Bocchetti ndërsa mbetet sërish jashtë barezi Cassano

Trajneri i përfaqësueses së Italisë, Marcelo Lippi, ka befasuar disi me zgjedhjet e tij për futbollistët e grumbulluar për dy ndeshjet e radhës kualifikuese për Kampionatin Botëror 2010. Italia do të jetë mysafire e Malit të Zi, ndërsa disa ditë pas do të presë Irlandën e Trapattonit në Bari.

Përzgjedhësi italian ka disa probleme për shkak të lëndimeve të Mauro Camoranesit, Simone Perrottas dhe Luca Tonit. Në këto kushte sulmuesi i Sampdorias, Gianpaolo Pazzini, ka marrë një ftesë për herë të parë për të luajtur për kombëtaren e tij, ndërkohë që Antonio Cassano, sërish do të lihet jashtë. Emra tjerë të rinj që do të luajnë për herë të parë janë Salvatore Bocchetti i Genoas dhe Marco Motta i Romës.

Lista e 23 futbollistëve:

PORTIERË: Amelia (Palermo), Buffon (Juventus), De Sanctis (Galatasaray). DIFENSORI: Bocchetti (Genoa), Cannavaro (Real Madrid), Chiellini (Juventus), Dossena (Liverpool), Gamberini (Fiorentina), Grosso (Lione), Motta (Roma), Zambrotta (Milan)

MESFUSHORË: Brighi (Roma), De Rossi (Roma), Foggia (Lazio), Montolivo (Fiorentina), Palombo (Sampdoria), Pirlo (Milan)

SULMUES: Di Natale (Udinese), Iaquinta (Juventus), Pazzini (Sampdoria), Pepe (Udinese), Quagliarella (Udinese), G. Rossi (Villarreal).

[Damian1]

Rafa Benitez dhe Gerrard paralajmërojnë Man.United

Dyshja e Liverpool ka thënë se Manchester United dhe Ferguson shumë shpejt do të rrëzohen nga froni i Premier League

Trajneri dhe kapiteni i Liverpool, Rafa Benitez dhe Steven Gerrard kanë qenë mjaft të kënaqur pas 5 golave të shënuar të dielën ndaj Aston Villa. Ata kanë paralajmëruar kampionët e Manchester United se shumë shpejt mbretërimi i tyre do të përfundojë.

Bosi i Liverpool, Benitez ka insistuar se skuadra e tij është në formën më të mirë pasi ka mundur United në kampionat, Real Madrid në Champions dhe ka shkatërruar Aston Villa. “Mund ta ruajmë këtë moment të mirë dhe lojtarët e dinë se mund të fitojnë me këdo”.

“Tani jemi vetëm 1 pikë larg Manchester United dhe do të presim për gabimet e Djajve. Ata janë në vend të parë por ne do të bëjmë presion” tha Benitez. Edhe Gerrard ishte i të njëjtit mendim me trajnerin:

“Është shumë mirë kur fiton bindshëm si ndeshja me Villa. Besimi është i lartë dhe e dimë se mund të fitojmë titullin pavarësisht se United është në gjendje të fitojë ndeshjet”.

[Damian1]

Van Persie nuk dorëzohet: Arsenal mund të dalë kampion

Futbollisti holandez i “Gunners” ka thënë se skuadra e tij ende mund të përfitojë nga gabimet e të shpallet kampione

Arsenali gjendet dhjetë pikë prapa liderit të tabelës në Premier League, Manchester United, ndërsa Robin van Persie mendon se Topçinjtë kanë shanse të shpallen kampionë këtë sezon.

“Mendoj se duhet të mendojmë pozitivisht. Jemi duke treguar formë të mirë dhe secilën ndeshje po japim diçka më shumë. Kjo do të thotë se mund të krijojmë presion në secilën ndeshje dhe secilën javë”.

“Kjo skuadër ka karakter dhe është e vendosur ta tregojë atë deri në fund të sezonit, sepse ne mund të fitojmë shumëçka këtë sezon”, është cituar Van Persie nga “Setanta Sports”. Ai ishte një prej lojtarëve kryesorë në ndeshjen e fundit ndaj Newcastle.

[Damian1]

Amii hakmerret ndaj Pennant: Unaza në shitje në “eBay”

Modelja e njohur angleze ka vendosur të shesë gurin e çmuar që i kishte dhuruar Pennant kur ata ishin bashkë

Kur mbyllet një lidhje dashurie, shpeshherë kërkohen të hiqen qafe të gjitha gjërat që të kujtojnë ish partnerin.

Pikërisht një gjë e tillë ka ndodhur edhe me WAGS angleze (të dashurat e futbollistëve, dhe në veçanti për Amii Grove.

Ish e fejuara e futbollistit të Portsmouth, Jermaine Pennant, është ende e zemëruar me protagonistin e Premier League që e braktisi për të shkuar sërish me Jennifer Metcalfe

Kështu, Amii Grove ka vendosur të shesë në sitin e njohur në internet ”eBay”, unazëm e kushtueshme me diamante që Jermaine i kishte dhuruar pas vdekjes së vëllait të saj, Lee Marley.

[Damian1]

“The Guardian”: Marka “Made in Italy” transformoi Anglinë

Tabloidi britanik “The Guardian” del kundër rrymës së krijuar, duke e cilësuar futbollin italian si një nga më cilësorët në Europë

Pas goditjes se rende qe italianet moren ne Champions League kunder ekipeve angleze, “The Guardian” flet me modesti, duke ia atribuar nje pjese te madhe te merites se rritjes se disa futbollisteve, markes Made in Italy. Sipas ketij tabloidi, eshte merite e shkollles italiane dhe e Fabio Capello-s per rilindjen e disa futbollisteve si, Rio Ferdinand, Wayne Rooney, John Terry, Frank Lampard e Theo Walcott.

“Marcello Lippi eshte kampion bote. Capello ka marre nje grup zhgenjyes duke i transformuar ne menyre te pabesueshme.

Giovanni Trapattoni po ben te njejten gje me Irlanden, ndersa Carlo Ancelotti ka bere gjera te pabesueshme me Milanin dhe tashme kerkohet nga Chelsea e Real Madrid”, nenvizon tabloidi qe kujton edhe Gianfranco Zola-n, Roberto Di Matteo-n e Claudio Ranieri-n.

Sipas “The Guardian” sekreti qendron ne shkollen stervitore ne Coverciano, e njohur ndryshe edhe si Casa Azzurri. “Eshte nje shkolle qe Anglia as mund ta enderroje”, theksohet ne analizen ku i thuren elozhe italianeve.

[Damian1]

Talenti francez Gourcuff në radarin e Realit të Madridit

Mesfushori i Milanit por i huazuar në Francë tek Bordeaux, Yohan Gourcuff është objektivi i ri i klubit mbretëror, Real Madrid

Talenti francez Yohan Gourcuff, i cili ende është në pronë të Milanit, këtë sezon është i huazuar në radhët e ekipit francez Bordeaux, ku francezi është një lider dhe po shkëlqen këtë sezon.

Bordeaux do të mund ta blejë kartonin e Gourcuff nëse paguan shumën e caktuar para fundit të afatit kalimtar. Por për shërbimet e të riut janë të interesuar edhe shumë ekipe evropiane, mes të tjerave edhe Bayern Munich.

Shkrimet e fundit në mediat franceze e lidhin mesfushorin me një kalim në kampionatin spanjoll, tek Real Madridi. L’Equipe ka shkruar se Gourcouf dhe babai i tij gjatë vikendit ishin takuar me agjentin Alain Migliaccio, i cili ka raporte të mira me Realin, ku është diskutuar mundësia e kalimit të tij tek kampioni i Spanjës.

[Damian1]

Gigi Buffon: Interi e meriton vendin e pare në renditje

Gardiani i Juventus ka thënë se diferenca prej 7 pikësh me vendin e dytë tregon vlerat e Interit kryesues

Interi gjendet në krye të tabelës në Serie A me shtatë pikë diferencë nga Juventusi, ndërsa portieri bardhezi, Gianluigi Buffon, pohon se zikaltrit e meritojnë vendin e parë në tabelë.

“Tani për tani Interi meriton të jetë i pari, sepse edhe në momentet e vështira ata arritën t’i fitojnë ndeshjet me lehtësi. Ashtu si u ndodh të gjitha skuadrave të mëdha, edhe ata e patën një pjesë të fatit në anën e tyre”.

“Shpresoj që Juventusi ta fitojë së paku një trofe këtë vit. Titulli i Kampionatit është shumë i rëndësishëm, por duket aq i largët. Ndërsa Kupa e Italisë është një trofe që mund ta fitojmë më lehtë”, ka thënë Gigi Buffon.

[Damian1]

Sulmuesit europianë, bollëk golash në Itali dhe në Spanjë

Shumë nga golat e realizuar këtë kampionat në Serie A mbajnë firmën e sulmuesve, ashtu si dhe Spanja, ndërsa Anglia është më prapa

Termi “catenaccio” në kampionatin italian ka humbur kuptimin e tij, pasi sulmuesit po shënojnë sa më s’ka. Mbrojta e hekurt ekipeve në Serie A nuk është më si dikur. Renditja e golashënuesve po kryesohet nga 9 lojtarë të repartit ofensiv këtë sezon, aq sa në majë janë me 19 gola, Di Vaio dhe Ibrahimovic.

Pas tyre deri në pozicionin numër 10 janë vetëm sulmues të mirëfilltë. Gjithësesi në Serie A po shënohen shumë gola edhe nga lojtarë të tjerë ku edhe Mellberg një mbrojtës që realizon rallë, këtë sezon ka tundur 2 herë rrjetën.

Në kampionatet e tjera më të rëndësishme në Europë rendimenti më i ulët i sulmuesve është në Angli ndërsa për bollëk shquhet Spanja ku Eto’o udhëheq me 25 gola në 28 javë.