Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Roma në krizë, pa Champions largohen shumë futbollistë

Skuadra e Romës po has vështirësi financiare këtë sezon dhe nëse nuk kualifikohet në Champions, do ikin shumë yje

Tek Roma ka nisur një alarm i dyfishtë. Nuk është vetëm një problem dëmtimesh dhe formacioni por është edhe situate e keqe ekonomike ajoq e po tremb drejtuesit dhe në veçanti presidentin Rosella Sensi.

Eliminimi nga Champions ka komplikuar shumë gjërat dhe në rast të një dështimi për vendin e katërt, do të niste një “eksod” i madh nga skuadra. I pari është Mexes që prej kohësh po joshet nga Milan. Pas tij janë braziliani Juan dhe deri tek Aquilani.

Roma aktualisht është në vendin e gjashtë me 46 pikë duke parë nga poshtë renditjes, Genoa dhe Fiorentina. Këtë situatë skuadra e Spalletti nuk e vuan prej rënies nga kategoria por për të mbetur një fuqi në futbollin italian.

Penalltitë e humbura ndaj Arsenalit nënkuptojnë si fillim 7 milionë Euro të humbura për klubin dhe më pas shtohen sponsorët e munguar si dhe kontratat publicitare.

[Damian1]

"Rafalution" tek Liverpool, Benitez njësoj si Che Guevara

Trajneri spanjoll i Liverpool krahasohet me revolucionarin duke modifikuar klubin anglez. Rezultati: Triumf në Champions League dhe në FA Cup

Mediat angleze e krahasojnë Rafael Benitez me revolucionarin argjentinas Che Guevara, me një fotomontazh të trajnerit të Liverpool në një version rebel.

Dhe e gjithë kjo për të treguar ndryshimet në shtëpinë e “Reds” që do të vijnë pas rinovimit të kontratës nga strategu iberik.

Ambicia e re e Benitez përfshihet në 3 pika: Të marrë futbollistë më të mirë, të shpenzojë më pak në blerje, dhe të sjellë trofe në “Old Trafford”, në një process që është pagëzuar si "Rafalution".
Rafael Benitez e ka transformuar krejtësisht klubin e Liverpool që prej ardhjes në 2004 e deri më sot. Tani janë një hap larg titullit të 19 në Premier League, dhe 1 pikë larg Manchester. Sekretet e Benitez kanë dalë në shtyp nga ish ndihmësi i tij, Paco Herrera, që sot është trajneri i Castellon në Spanjë.

[Damian1]

Ankandi për sulmues, Milani kërkon Kanoute nga Sevilla

Skuadra e Milanos kërkon një sulmues tipik dhe pas problemeve në tratativat me Adebayor, mund të sakrifikojë Borriello

Mediat spanjolle njoftojnë se skuadra e Milanit dëshiron shërbimet e sulmuesit të Sevillas, Frederic Kanoute. Kuqezinjtë janë në kërkim të një sulmuesi për sezonin e ardhshëm, ndërsa më herët janë përmendur emrat e Emmanuel Adebayor (Arsenal) dhe Samuel Eto’o (Barcelona).

Gazeta spanjolle “AS” ka njoftuar se kuqezinjtë janë të interesuar ta transferojnë në San Siro sulmuesin nga La Liga, Frederic Kanoute. Maliani është një përforcim ideal në repartin ofensiv.

“AS” pohon se Adebayor dhe Eto’o vazhdojnë të mbetën në shënjestër të Milanit, por duke llogaritur shanset shumë të vogla për transferimin e tyre, Rossonerët janë orientuar kah Kanoute, të cilit i përfundon kontrata me Sevilla në vitin 2010.

[Damian1]

Juventus, pas “Calciopoli” rilindja e “Zonjës së Vjetër”

Juventus ka njohur vetëm suksese pas largimit nga skandali i trikimit të ndeshjeve dhe këtë më mirë e thonë financat

Ishte fuqia e katërt e futbollit botëror dhe e para në Itali. Për pasuri të mëdha, suksese dhe vlera ekonomike. E gjithë kjo zgjati deri në 2006 dhe më pas mbërriti skandali i trukimit të ndeshjeve “Calciopoli”, një goditje për të gjitha por më shumë ekonomike.

Rimëkëmbja për dy vjet e Juventusit ishte një ngjarje pa precedent. Në harkun e dy sezoneve Juventus u rikthye të garojë në turne prestigjiozë si Champions, si dhe ka rikuperuar vlera të mëdha ekonomike. Me 168 milionë Euro të xhiruar si klub në në 2008, Juve është vendosur në vendin e 11 në “Serie $”.

Por nuk ka mbaruar këtu. Një studim i kompanisë “San Paolo-IMI” tregon se me hyrjen në Champions League, këto fitime mund të shtohen me 16%, me një fitim neto që mund të kalojë nga 15 milionë këtë vit, në 30 vitin tjetër.

Sektori ekonomik ndjek një politikë afatgjatë me pak kontrata por të mira për Juventus. Neë Holland Group derdh rreth 11 milionë Euro në vit kurse Nike jep 12,5 milionë për bardhezinjtë.

[Damian1]

Moratti: Nuk do të më bënin keq 100 milionë për Ibrahimovic

Edhe një tjetër herë presidenti i Interit ka thënë se kushdo e ka një çmim në futboll, përfshirë suedezin

Presidenti i Interit, Massimo Moratti, është i hapur ta shesë sulmuesin Zlatan Ibrahimovic për 100 milionë euro. Edhe pse trajneri Jose Mourinho dhe drejtori sportiv i Interit, Ernesto Paolillo, kanë deklaruar se njeriu kryesor i zikaltërve nuk do të largohet nga Giuseppe Meazza, presidenti Moratti ia ka hapur derën sulmuesit duke ia caktuar çmimin.

“Nuk do t’i refuzoja 100 milionë euro për Ibrahimovicin”, ka thënë Moratti për “Il Corriere Dello Sport”. Për më shumë, presidenti zikaltër ka deklaruar se nuk është i nevrikosur me Ibrahimovicin, sepse ai ka dhënë shumë për skuadrën, dhe se nuk mund ta imagjinojë të ardhmen pa të.

Por, nëse ai dëshiron të largohet atëherë Interi do ta lëshojë për një shumë të konsiderueshme parash, sipas Morattit.

[Damian1]

Lippi: Nuk do flas për çështjen “Cassano”, zgjedhjet të miat

Trajneri i kombëtares italiane është vënë në shënjestër për lënien jashtë të sulmuesit Cassano që po kalon një formë të shkëlqyer

Skuadra kampione në fuqi e botës, Italia, para vetës ka dy ndeshje në kuadër të kualifikimeve për Botërorin 2010, ndaj Malit të Zi, më 28 mars dhe ndaj Irlandës, më 1 prill.

Përzgjedhësi i kombëtares italiane, Marçelo Lipi ka pasur probleme të ndryshme në caktimin e emërores së futbollistëve për këto dy ndeshje, ngase për shkak të lëndimeve nuk ka mundur të llogarisë në Tonin, Xhilardinon, Gatuzon, Kamoranezin, Perrotën, Legrotalien dhe Akuilanin.

Por, ai është vënë në shënjestër të kritikave të medias italiane për shkak të mos thirrjes së Antonio Kasanos, i cili gjatë këtij edicioni ka pasur paraqitje mjaft të mira te Sampdoria. "Mund të flas për futbollistët të cilët janë këtu, e jo për ata që nuk janë", ka thënë Lipi, duke shtuar:

"Nuk do t'u jap sqarime për veprimet e mia. Nuk jam në këtë postë për ta bërë një gjë të tillë. Kam arsyet e mia dhe kjo është e gjitha çfarë mund të them për 'çështjen Kasano'. Nuk jam arrogantë dhe të mos u përgjigjem në pyetjen që bëni për Kasanon, por thjesht nuk jam i detyruar të sqarohem para jush", ka pohuar Lippi.

[Damian1]

Nisma e Villarreal, hyrje falas për tifozët e larguar nga puna

Skuadra spanjolle e Primera Division, Villareal ka ndërmarrë një nismë shumë të veçantë për të ndihmuar tifozët e prekur nga kriza ekonomike

Shoqeria qe ka ne pronesi “Nendetesen e verdhe” ka marre nje vendim per te futur falas ne stadium te gjithe abonentet qe kane humbur vendin e punes per shkak te krizes globale.

Ne rajonin e Kastelonit ku ben pjese edhe qyteza e Villareal, vetem gjate vitit te fundit papunesia eshte rritur me 10 % dhe parashikimet per 2009-en jane te zeza. Per kete arsye, klubi ka menduar t’u vije ne ndihme tifozeve qe i kane perkrahur edhe ne dite te veshtira.

“Ideja eshte per t’u qendruar prane personave qe kane humbur vendin e punes. Duam t’u japim atyre mundesine per te ardhur serish ne stadiumin El Madrigal. Te gjithe ne shoqeri duhet te kontribuojne me nje fond te perbashket per te mbeshtetur ata qe kane ngelur pa pune, duke filluar qe nga drejtuesit, punetoret e thjeshte, lojtaret dhe sponsoret”, ka deklaruar presidenti Fernando Roig.

[Damian1]

Milan kërkon Van Basten, Ajax mohon tratativat për teknikun

Ish sulmuesi i Milanit tani është mes emrave për zëvendësimin e Ancelotti por Ajax bllokon tratativat me asin holandez

Menaxheri i klubit Ajax, David Endt, beson se Marco van Basten do ta respektojë marrëveshjen me klubin dhe nuk do të kalojë në Milano në sezonin e ardhshëm.

Ish-lojtari i Milanit, Marco van Basten, është lidhur kohët e fundit me vendin e trajnerit të Milanit si zëvendësim për Carlo Ancelottin, nëse ky i fundit largohet nga ekipi italian në fund të sezonit. Ai ka patur një të kaluar të lavidshme me Milanin dhe mund të rikthehet në mënyrë të bujshme.

Por Ajax mohon gjithçka: “Nuk besoj se Van Basten mund të jetë trajneri i ardhshëm i Milanit. Jam i bindur se ai do të qëndrojë tek ne, ka marrëveshje katërvjeçare dhe një projekt teknik i cili duhet të respektohet dhe implementohet”, ka thënë Endt.

[Damian1]

Evra, sulm vendlindjes: Francezët pa kulturë futbolli

Mbrojtësi i Manchester United dhe kombëtares transalpine ka kryqëzuar tifozët dhe futbollin pasi sipas tij nuk kanë kulturë

Mbrojtësi francez, Patris Evra, ka kritikuar tifozët e “trikolorëve”, duke thënë se fërshëllimat e tyre drejtuar ekipit kombëtar, janë mungesë e kulturës së futbollit. Evra, i cili luan në Mançester Junajted, ka thënë të martën se ka pasur ndjenjën se po luan si mysafir kur ka veshur fanellën e Francës.

“Kam qenë shumë i dëshpëruar me sjelljen e tifozëve. Kur luajmë në stadiumet e Francës, kam ndjenjën se po luajmë si mysafir”, ka thënë 27-vjeçari Evra, i cili deri më tash 17 herë ka mbrojtur ngjyrat e kombëtares.

Transalpinët aktualisht po përgatiten për ndeshjen kundër Lituanisë, në kualifikimet për Kampionatin Botëror 2010. Franca ndodhet në vendin e tretë në grupin e shtatë. Ndeshja e parë zhvillohet në Kaunas, të shtunën, ndërkaq revanshi është të mërkurën në Paris. Ekipi i Rajmond Domenekut është përcjellë me fërshëllima nga terreni, pas takimit me Uruguain (0:0) dhe humbjes 2:0 nga Argjentina, në stadiumin “Velodrom” në Marsej, muajin e kaluar.

“Nuk e kuptoj. Tifozët do të duhej të na ndihmonin. Kur luani në stadiumet e Francës, shpesh dëgjoni fërshëllimat vetëm pas pesë minutash. Kjo duhet të ndalet. Ndoshta ata nuk e pëlqejnë futbollin”, tha Evra.

Ai ka shtuar se kurrë nuk ka ndodhur një gjë e tillë në Mançester që kur luan për këtë skuadër, nga viti 2006, madje as në takimin kur Junajted pësoi humbje në “Old Traford” para dhjetë ditësh nga rivali i madh, Liverpul 4:1. “Kur kemi humbur, janë dëgjuar duartrokitjet. Kjo është çështje kulture. Francezët nuk kanë kulturë futbolli, si brazilianët, argjentinasit ose anglezët”, tha Patris Evra.

[Damian1]

Franca në krizë, trajneri Domenech pranë “gijotinës”

Një sondazh tregon se francezët nuk besojnë te kualifikimi për në botëror, teksa djali i Zidane “rrezikon” që të bëhet spanjoll

Pesimistë dhe me një fajtor në mendje. Francezët nuk besojnë se kombëtarja e tyre do të kualifikohet për në Kupën e Botës 2010. Natyrisht që fajtori mbetet “i zakonshmi”, Rajmond Domenek, trajneri i “bluve”. Dhe sikur të mos mjaftonte, Franca, që vazhdon ende të ndjejë mungesën e Zinedin Zidanes, sheh me shqetësim nga Spanja. Atje ku, Enco, djali i “Zizusë”, mund të pranojë ftesën e kombëtares U-16 të Spanjës. Në fund të fundit, kampionët e Europës janë më terheqës se “gjelat”.

SONDAZHI - Një sondazh i publikuar dje nga prestigjozja “France Football”, tregonte se si rrallë ndonjëherë 35% e francezëve nuk besonin te kualifikimi i përfaqësuses, ndërsa 18% nuk ishte në gjendje të fliste me siguri. Kjo do të thotë se 53% e francezëve nuk kanë shpresa te skuadra e Domenekut. Sipas revistës, e dhëna më alarmante është se një nga tre francezë, të interesuar apo jo pas futbollit, nuk ndihet krenar nga skuadra kombëtare. Ky sondazh i hedh benzinë zjarrit në prag të dy sfidave me Lituaninë në harkun e katër ditëve, të vlefshme për eliminatoret e Kupës së Botës. Ngushëllimi i vetëm është se 63% e francezëve mendojnë se në të ardhmen gjërat do të përmirësohen.

FAJTORI - E ardhmja e lumtur mund të përkthehet ndryshe: kur të largohet Domeneku. Pas dështimit në Euro 2008 trajneri nuk arriti të fitojë sërish zemrat e francezëve. 43% e tifozëve “blu” e kanë cilësuar qëndrimin e Domenekut në stol si problemi më i madh për skuadrën franceze. Sipas tyre, ai është përgjegjësi për situtën në grupin e 7-të eliminator, ku Franca ndodhet në vendin e tretë me katër pikë, pesë pikë më pak se dyshja kryesuese Serbi-Lituani.

SHPETIMI - Pastaj, sipas 70% të francezëve, Domeneku nuk ka ndryshuar sjellje, pavarësisht se Federata Franceze e Futbollit ia vuri kusht diçka të tillë, kur i dha votëbesimin në muajin korrik. Trajneri duhet të kishte ndryshuar stil për të bindur kritikët, por nuk ia doli dhe misioni mund të quhet i mbyllur.

Në këtë mënyrë, Franca i falet këmbëve të Riberisë. 67% e francezëve mendojnë se fantazisti i Bajernit është i vetmi që mund ta shpëtojë “anijen” nga mbytja. 33% kanë votuar për Tierri Henrinë.

“ZIZU” - Shtypi francez është i shqetësuar edhe për një arsye tjetër.Enco Zidan, djali i “Zizusë”, po bën hapat e para të karrierës në Madrid. Vitin e ardhshëm do të jetë 15-vjeç dhe e pret ftesa e kombëtares U-16 spanjolle. Për momentin, fanella e kuqe është më në modë se bluja. Spanjollët janë kampionët e Europës dhe favoritë për në botëror, ndërsa Franca ngjason me një “shumëkombëshe” në krizë identiteti.