Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Ancelotti takon Perez, afrohet lamtumira me Milanin

Plani i Perez nëse do të vijë në postin e presidentit tek Reali, nënkupton edhe firmën me shumë emra të njohur mes të cilëve Ancelotti

Trajneri i Milanit, Carlo Ancelotti, është shumë afër Real Madridit, pasi ka pasur një drekë pune me pretendentin kryesor për president të Mbretërve, Florentino Perez.

Kandidati më i mundshëm për presidencën e “galaktikëve”, Perez dhe Ancelotti janë takuar javën e kaluar në Gjenevë, me ç’rast Perez i ka bërë Ancelottit një ofertë tre vjeçare, me një pagë pre 15 milionë Eurosh në vit, por me kusht që t’ua kthejë shkëlqimin “Los Merengues” në Evropë.

Për më shumë, burime pranë Perez pohojnë se kandidati potencial për president të Realit është duke përgatitur të shpenzojë 300 milionë euro për të sjellë në Bernabeu emra të tillë si Kaka, Cristiano Ronaldo, Steven Gerrard dhe talentin francez Karim Benzema.

[Damian1]

Shpenzon Chelsea, 110 milionë Euro për merkaton verore

Skuadra londineze pritet që të kënaqë listën e dëshirave të Hiddink edhe pse ky i fundit me shumë gjasa nuk do vazhdojë me Chelsea

Chelsea pritet te ndermarre nje tjeter “kryqezate” ne merkaton e futbollisteve gjate kesaj vere, duke shpenzuar shumë miliona për të marrë futbollistë, dhe duke larguar krizën ekonomike.

Edhe pse trajneri Hiddink do largohet ne perfundim te sezonit, vendimet e tij duket se do te jene shume te rendesishme per te ardhmen e bluve. Sipas tabloidit “Daily Express”, pronari Roman Abramovich i ka kerkuar trajnerit holandez te ndertoje nje liste me emrat qe i nevojiten me shume skuadres.

Ne dispozicion te Hiddink do te jene 110 milione euro. Sipas burimeve te ndryshme te gazetes britanike, emrat me te mundshem per t’u afruar gjate muajve te veres jane, Zhirkov, Wagner Love, Benzema, Dani Alves dhe Robinho. Tre lojtaret e fundit jane edhe me te veshtiret pasi ata kane kontrata milionere dhe ndihen mire ne skuadrat ku aktualisht luajne.

[Damian1]

Rebelohet Van der Vaart: Jam viktimë e ndryshimeve te Real

Ndeshjet e pakta që po luan kanë bërë që Van der Vaar të rebelohet duke ia vënë fajin trajnerit aktual Ramos

Mesfushori i Real Madridit, Rafael van der Vaart, ka thënë se ai është i pakënaqur me mosaktivizimin e tij tek klubi spanjoll dhe se është viktimë e ndryshimeve në klub. Anesori sulmues holandez ishte ne listen e deshirave t e ish trajnerit Schuster por me largimin e tij ka gjetur pak hapesira.

“Unë jam viktimë e ndryshimeve të trajnerit. Nga Bernd Schuster kalove te Juande Ramos, i cili nuk ka besim tek mua. Ndjehem i gatshëm dhe stërvitem mirë, por siç shihet nuk jam duke luajtur”, ka thënë holandezi i skuadrës “merengues”.

“Me ekipin kombëtar holandez gjërat duket se shkojnë shumë më mirë, ndjej siguri nga stafi teknik. Kjo gjë nuk po ndodh tek skuadra ime Real Madrid”, ka shtuar Van der Vaart i pezmatuar për minutat e pakta në këmbë, që prej ardhjes nga Hamburgu.

[Damian1]

Shtypi anglez krahason Liverpool me famën e "Beatles"

Futbollistët Torres, Gerrard, Alonso dhe Carragher, të famshëm si këngëtarët Ringo, John, Paul dhe George

Fama e futbollistëve të Liverpool mund të rritet ndjeshëm dhe të jetë e ngjashme me grupin legjendar “Beatles”.

Shtypi anglez nuk kursehet me ekipin anglez të futbollit pas rezultateve të mira që po arrin në drejtimin e Benitez.

Ky fotomontazh është një mishërim i futbollistëve Torres, Gerrard, Alonso dhe Carragher, të famshëm si këngëtarët e grupit muzikor Ringo, John, Paul dhe George. I këtij mendimi është edhe mesfushori spanjoll Alvaro Arbeloa.

Ai mendon se nëse Liverpool do fitojë titullin pas shumë vjetësh do të bëhet më i famshëm se “Beatles”. Gjithashtu asnjë nuk mund të bindë mesfushorin spanjoll se Manchester United është favorit për të fituar Champions League.

[Damian1]

UEFA: Një skuadër europiane ka fiksuar rezultatin e ndeshjeve

Zyrtarët e UEFA-s do të ngrenë akuzë ndaj një skuadre për fiksim rezultatesh por pa bërë të ditur emrin. Ka luajtur në kupën UEFA

Unioni i Futbollit Evropian (UEFA) ditëve të ardhshme do të marrë masa ndëshkuese kundër një ekipi të futbollit evropian, për shkak se kishte kurdisur ndeshjet, duke mos bërë të ditur se për cilën skuadër bëhet fjalë.

“Ekziston një numër i madh i rasteve që jemi duke i hulumtuar. Është shumë vështirë për të gjetur fakte për kurdisje, por në ditët e ardhshme UEFA do të ngritin akuzën ndaj një klubi evropian”, ka thënë të mërkurën sekretari i përgjithshëm i UEFA-s Dejvid Tejlor, në konferencën për media në Kopenhagë, ku po mbahet kongresi i kësaj organizate.

UEFA në shtator ka lajmëruar se ka kryer hetime në lidhje me dhjetë ndeshje në fazën preliminare të Kupës UEFA, si dhe për 15 ndeshje të kësaj gare, të cilat janë zhvilluar sezonin e kaluar.

“UEFA aktualisht po punon në implementimin e sistemit për zbulimin e mashtrimeve përmes basteve në gjithë Evropën. Kjo përfshin madje 27.000 ndeshje në ligat e para dhe të dyta të të gjitha vendeve. Megjithatë, kemi pasur probleme me vetëm disa takime, por jemi të vendosur në përpjekjet që të zgjidhim këtë problem”, ka shtuar Tejlor.

Por, presidenti i UEFA-s, Mishel Platini, ka thënë në Kopenhagë se problemi i kurdisjes së ndeshjeve paraqet problem të madh dhe rrezik për futbollin evropian.

“Përmes sistemit të ri të cilin dëshirojmë ta vendosim, do të ketë mundësi që të shohim se çfarë bastesh vihen për ndeshjet e futbollit. Do të jemi rigorozë ndaj mashtruesve. Nuk duam lojtarët që merren me gjëra të tilla dhe atyre do t’iu ndalohet të merren me futboll”, ka porositur Platini.

[Damian1]

Adriano organizon megafestë prej 12 orësh në Brazil

Sulmuesi i Interit nuk “tradhton” zakonet duke mos munguar as këtë herë me një festë që mbaroi pas shumë orësh

Adriano nuk e përgënjestron veten kurrë. Kudo që të ndodhet në Milano apo në Brazil për sulmuesin e Interit nuk ka rëndësi. Ai ka qenë sërish protagonist këtë herë pasi menjëherë pas zbritjes në tokën “carioca” ka rënë pre e tensionit.

Adriano ka organizuar një megafestë të gjatë prej më shumë se 12 orësh e cila ka nisur në 17:00 e ka mbaruar në 05:00. Mes miqve të luksit sigurisht nuk kanë munguar futbollistët e tjerë si Robinho apo ndonjë tjetër.

Por futbollistëve të kombëtares i janë shtuar edhe shumë vajza, si dhe modelja e njohur tranvestit, Patricia Araujo. Nuk ka munguar asgjë në festën 12 orëshe të Adrianos në të cilën kanë qarkulluar edhe shumë pije alkoolike, pa thënë diçka tjetër

[Damian1]

Robinho: Më lehtë të luhet për Brazilin sesa për City

Sulmuesi brazilian ka thënë se ai shfaq një formë më të mirë me kombëtaren se me skuadrën angleze të “Citizens”

Futbollisti brazilian Robinho ka dalë në mbrojtje të formës së tij tek Manchester City, por ka pranuar se më lehtë bën paraqitje të mira në fanellën e Brazilit se në fanellën e Manchester City në Angli.

“Vërtet i jam përkushtuar klubit tim. Ndonjëherë e pyes veten pse luaj më mirë për Brazilin se sa për Cityn. Unë kam dëshirë të luaj për të dyja, por Manchester City është një ekip tjetër, ndërsa kombëtarja është tjetër”, ka thënë Robinho.

“Jo se dua të tregoj mos-respekt për lojtarët e Cityt, të cilët vërtet janë të mirë, por të luaj këtu me Kaka dhe Ronaldinho, vërtet është më ndryshe. Këtu luaj mirë, por besoj se luaj mirë edhe në Manchester City. Tashmë kam shënuar 11 gola”, ka shtuar braziliani.

[Damian1]

Arshavin: Arsenali duhet të fokusohet në vendin e 4-t

Futbollisti i ardhur nga Zeniti ka thënë se ka pak shanse që londinezët të fitojnë kampionatin, por mund të mbajnë vendin e katërt

Sulmuesi rus Andrey Arshavin thotë se Arsenali duhet më shumë të shqetësohet për të përfunduar në mesin e top katër ekipeve këtë sezon, se sa të ëndërrojë për të fituar ligën.

“Nëse i fitojmë tetë ndeshjet e radhës ne ende kemi shanse të fitojmë Premierligën. Do të përpiqemi ta bëjmë këtë, por vetëm koha do të tregojë se sa reale kjo është për ne. Liverpooli ka luajtur një futboll fantastik së fundi, por është sërish Manchester United favoriti për të fituar titullin”, ka thënë rusi.

“I vetmi klub që mund ta pengojë këtë mendoj se është Chelsea. Lufta për të mbetur në top katërsh mendoj se është më e rëndësishme për ne. Aston Villa ka pasur një periudhë jo të mirë, por ky ekip ka luajtur me të gjithë liderët me të cilët Arsenali tash do të duhet të përballet”, ka shtuar Arshavin.

[Damian1]

Alarmi, dëmtohet portieri i kombëtares, Arjan Beqaj

Gardiani i kombëtares është parë në gjendje të keqe pas një seance stërvitore dhe nuk do jetë në fushë ndaj Hungarisë

Numri 1 i i kombëtares shqiptare, Arjan Beqaj, ka pësuar një dëmtim të rëndë në shpatull gjatë seancës stërvitore.

Lëndimi është aq serioz sa do ta mbajë portierin kosovar jashtë fushe jo vetëm për ndeshjen e të shtunës ndaj Hungarisë, por edhe për atë përballë Danimarkës katër ditë më vonë.

Portieri ka nxjerrë nga vendi shpatullën, por megjithatë nuk ka pasur ndonjë thyerje apo krisje. Ai është parë në ambientet e hotelit me nja krah të fashuar dhe me shumë gjasa nuk do të jetë në fushë.

Në vend të portierit Arian Beqaj në dy ndeshjet e ardhshme portën kuqezi pritet ta mbrojë tiranasi Isli Hidi, i cili ishte në portë edhe në ndeshjen e kaluar me Maltën 0-0

[Damian1]

Cana: Tifozeria na bën të papërmbajtshëm, do të fitojmë

“Dëshira e tifozëve është të sulmojmë, kështu që nuk mund ta presim kundërshtarin në fushën tonë” tha Lorik Cana

E ka hedhur pas krahëve dëmtimin, që e la jashtë ndeshjes më Maltën. E ka përcjellë nga televizioni atë barazim zhgënjyes në La Valetta, ka rezervat e tij për lojën e kuqezinjve në atë 90-minutësh, por sidoqoftë kërkon t’i hedhë sytë përpara. Ky është Lorik Cana, shtylla kryesore e kombëtares shqiptare. Si gjithmonë, i gatshëm për mediat, mesfushori i Olimpikut të Marsejës ka pranuar të japë parashikimin e tij për ndeshjen e së shtunës me Hungarinë, që do të luhet në “Qemal Stafa”. Nuk është thjesht mendimi i mbështetësve të kombëtares, por edhe i specialistëve të futbollit, për të cilët një figurë si Lorik Cana është e pazëvendësueshme, aq më tepër kur mungon edhe kapiteni Altin Lala. Cana ka filluar që dje stërviten me kombëtaren, ndonëse në seancën e parë ka bërë vetëm vrapime shkrydhëse. Prania e tij në skuadër rrit moralin e futbollistëve të tjerë, që ndihen shumë më të sigurt për arritjen e objektivit, që është fitorja.

‑ Lorik, pas dy takimeve më Maltën, ndeshja e kthimit me Hungarinë është më e rëndësishmja për kombëtaren tonë në këto eliminatore…?

‑ Sigurisht, ndeshjet me Malën kanë qenë shumë e rëndësishme për ne, sepse të gjithë shpresonim të merrnim gjashtë pikë me këtë kundërshtar. Tashmë takimi i Maltës i përket së kaluarës. Kuptohet, takimi më i rëndësishëm për ne mbetet sfida e radhës me Hungarinë. Për këtë ndeshje kërkohet angazhimi maksimal i gjithë pjesëtarëve të ekipit kombëtar: futbollistë, trajnerë e drejtues.

‑ Kombëtarja do të ketë këtë radhë shërbimin tuaj dhe të Altin Lalës, që munguat me Maltën. U pa qartë që pa ju kombëtarja e ka shumë të vështirë…?

‑ Fatkeqësisht, kemi munguar të dy me Maltën, megjithatë, gjithmonë kam menduar se edhe me mungesa kombëtarja jonë i ka forcat për ta mundur këtë ekip. Takimin në fjalë e kam ndjekur në televizor dhe kam vënë re se ndeshja nuk ka shkuar mirë. Edhe unë nuk e kam pasur të lehtë jashtë fushës, kur i kam parë shokët e mi të skuadrës që nuk po fitonin. Të gjithë futbollistët që luajnë më kombëtaren kërkojnë të japin maksimumin. Unë kam rreth një muaj që jam kthyer në fyshën e blertë dhe dita‑ditës po arrij formën më të mirë, ndërkohë që kam dëgjuar se edhe Lala është rikthyer, madje që ka luajtur në ndeshjen e fundit. Rikthimi i lojtarëve me eksperiencë është diçka shumë e mirë për kombëtaren, pasi edhe nëse nuk do të jenë në fushë, mbështetja e tyre është e nevojshme edhe jashtë saj. Pra, prania e tyre ka një impakt psikologjik.

‑ Në ndeshje me skuadra të një niveli apo edhe më të dobëta hasim shumë vështirësi. Pse ndodh kështu?

‑ Është e vërtetë që hasim shumë vështirësi me këto lloj skuadrash. Sepse, kur je në të njëjtin nivel, vendosin disa detaje të vogla. Për shembull, me Hungarinë ekipi ynë u tregua paksa naiv. Pra, u shfaqëm një skuadër pa përvojë. Mendoj se në atë takim duhej të kishin treguar vazhdimësi në lojë dhe të mos lëshonim në ato momente kur u ndëshkuam. Akoma vazhdoj të mendoj se mund të kishim fituar në Hungari. Të paktën duhej të kishim marrë barazimin. Ne pjesën e parë kemi luajtur shumë mirë, ndërsa në të dytën e humbëm përqendrimin dhe u ndëshkuam në dy raste. Humbja në ndeshjen e parë me Hungarinë duhet të na shërbejë si eksperiencë për të mos gabuar në ndeshjet e ardhshme. Mendoj që Hungaria nuk është ekip më i mirë se yni, kështu që duhet patjetër të fitojmë. Për ta arritur këtë na duhet mbështetja e madhe e publikut. Në “Qemal Stafa” dhe me mbështetjen e madhe të publikut tonë ne jemi shumë të fortë për çdo kundërshtar. Nëse nuk kemi mbështetjen e duhur të publikut, bëhemi kundërshtar më se i zakonshëm.

‑ Hungaria është ekipi i vetëm që na ka mundur në këto eliminatore. Mendoni se është momenti për t’u hakmarrë?

‑ Humbja ka ardhur më shumë për dobësinë tonë, sesa për meritë të kundërshtarit. Me skuadrat më të forta kemi luajtur me një skemë lojë për të mos u lënë hapësira në mbrojtje, kurse me Hungarinë kemi pasur një dëshirë plus për të fituar. Kjo mënyrë loje ka bërë që të hapemi më shumë e si rrjedhojë të ndëshkohemi nga Hungaria. Kjo ka qenë arsyeja pse jemi mundur me Hungarinë. Gjithçka ka ardhur nga dëshira e madhe që kishim për fitore.

‑ Pra, kombëtarja shqiptare e ka shumë më të vështirë të fitojë sesa të barazojë?

‑ Kjo është e vërtetë dhe tregon që nuk i kemi lojtarët për ta vënë në vështirësi kundërshtarin. Kombëtarja duhet t’u përshtatet kushteve dhe lojtarëve që ka. Deri tani kemi arritur rezultate të mira duke u mbrojtur fort dhe duke shfrytëzuar kundërsulmet apo ato raste që na ofrohen.

‑ Ndoshta Shqipëria duhet të guxojë më shumë në lojën sulmuese?

‑ Në këtë ndeshje nuk kemi rrugë tjetër. Edhe dëshira e tifozëve është të sulmojmë, kështu që nuk mund ta presim kundërshtarin në fushën tonë. Megjithatë, e theksoj, nuk duhet të bëjmë gabime në fazën mbrojtëse, që kundërshtari të mund të na ndëshkojë. Kemi një javë kohë për t’u përgatitur dhe për të analizuar disa gjëra që nuk kanë shkuar mirë në skuadrën tonë.

‑ Deri ku mund të arrijë kombëtarja jonë, duke besuar te fitorja e radhës?

‑ Kryesorja është të marrim maksimumin me Hungarinë, pastaj duhet të synojmë sa më shumë pikë. Mund të them se pas dy‑tre vjetësh do të kemi një kombëtare më të mirë, me një mesatare 25‑26 vjeç. Atëherë do të mund të pretendojmë edhe më shumë.