Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Calderon mund të garojë sërish për president të Real Madrid

Është larguar mes polemikave duke dhënë dorëheqjen në moment krize, por Calderon mund të rikthehet në garë edhe pse formalisht

Ndonjëherë rikthehen. Presidenti i larguar i Real Madridit, Ramon Calderon, do të jetë njëri nga kandidatët për president të Los Blancos gjatë zgjedhjeve që do zhvillohen këtë verë.

“Marca” e kishte cituar Calderonin të ketë deklaruar se ai tashmë “nuk është askush” te Los Merengues, mirëpo njoftimet më të reja pohojnë se Calderon do ta përgatisë kandidaturën për ta marrë sërish udhëheqjen në Bernabeu.

Qëllimi kryesor i Ramon Calderon është që (nëse shpallet president) ta pastrojë emrin e tij pas skandalit në lidhje me manipulimin e votave për presidencën paraprake dhe të dëshmojë se ai ende e ka mbështetjen e tifozëve të Real Madridit.

[Damian1]

Manchester United, akoma pa sponsor, kërkohet “Tata”

Klubi i futbollit Mançester Junajted i ka dërguar kompanisë indiane “Tata Group” ofertën për kontratë sponsorimi, sipas të cilës emri i kësaj ndërmarrjeje do të gjendej në fanellat e kampionit aktual evropian

Mançester aktualisht ka aktualisht kontratë të vlefshme prej 100 milionë dollarë me kompaninë “AIG”, por kjo kompani sigurimesh nga Amerika ka paralajmëruar se nuk do të vazhdojë bashkëpunimin, i cili skadon në maj 2010.

Drejtuesit e skuadrës në janar i kishin dërguar një ofertë kompanisë tjetër indiane “Sahara Group”. “Tata Group” merret me prodhimin e automobilave, por edhe me çelik, teknologjinë e informimit, komunikimin, çajin dhe hotelet.

Kandidatët për sponsor të fanellave të Mançesterit janë edhe kompania ajrore nga Malajzia “Air Asia”, “Telekomi” nga Arabia Saudite dhe shoqata e sigurimeve britanike “Prudental”. Kontratat e sponsorimeve përbëjnë rreth një të tretën e fitimeve të Mançester Junajtedit.

[Damian1]

Maradona zgjedh pasardhësin e tij, Messi më i miri në botë

Trajneri i Argjentinës ka zgjedhur talentin e Barcelonës si më të mirin në botë dhe ka folur për problemet e fundit me Riquelme

Ka debutuar në pankinën e kombëtares në një mënyrë serioze dhe po këtë ka bërë në konferencën e fundit për shtyp. Diego Armando Maradona kërkoi që konferenca të ishte e shpejtë por në fund zgjati 40 minuta duke dhuruar show.

“Messi është futbollisti më i mirë në botë. Në argjentinë, në Kamerun dhe në çdo cep të botës. Ai mbetet pasardhësi im në futboll” tha ish Pibe de Oro. Ai shtoi se dëshironte ti shihte djemtë e tij të dilnin me ovacione nga stadiumi “Monumental” pas ndeshjes me Venezuelën.

“Dua që stadiumi të tronditet dhe të shpërthejë. Kjo do ti ndihmojë futbollistët. Unë mësoj nga ata dhe ata nga mua. Kombëtarja ime është Mascherano dhe 10 të tjerë” tha Maradona duke folur edhe për largimin e Riquelme:

“Bëra të pamundurën për ta mbajtur në ekip dhe skemat e mia bazoheshin edhe tek ai. Por Juan zgjodhi të largohej dhe sigurisht unë nuk do qaj” tha Diego.

[Damian1]

Anglia, Beckham ndjek rekordin e portierit Peter Shilton

Mesfushori David Bekam për kombëtaren angleze deri më tani është paraqitur në 108 takime aq sa ka edhe legjenda Bobby Moore

Të shtunën në ndeshjen miqësore kundër Sllovakisë në “Wembley”, Bekam nëse fiton besimin e Kapelos do të jetë i vetmuar në vendin e dytë për nga numri i paraqitjeve. “Para meje është vetëm portieri, Piter Shilton me 125 paraqitje”.

“Çdo herë kur të luaj për Anglinë ndihem krenar. Besoj se kështu ndihet çdo futbollist. Përkundër numrit të madh të paraqitjeve, unë edhe më tej ndiej kënaqësi kur luaj për kombëtaren”, ka thënë Bekam.

“Çdo paraqitje në të ardhmen do ta përjetoj si bonus. Kur kisha 94, 95 paraqitje nuk mendoja se do ta arrija deri në numrin 100. Kur e arrita atë shifër, menduan se do të tërhiqem, dhe tashmë arrita deri në 108-109 paraqitje.

Për rekordin e Shiltonit nuk mendoj fare. Për mua preokupim janë vetëm ndeshjet e ardhshme. Shumë lehtë dhe shpejt mund të bëhen kthesat dhe për këtë duhet të shfrytëzojë çdo rast të ardhshëm”, ka përfunduar futbollisti i famshëm në huazim te Milani, Dejvid Bekam.

[Damian1]

Analizë në ligat europiane, Barça ekipi me spektakolar

Barcelona është skuadra më spektakolare në të gjitha ligat në Evropë. Ekipi katalanas është ai që ka shënuar më shumë gola në primera Division

Edhe sulmuesit e saj Eto’o, Henry e Messi janë më të spikaturit. Deri tani të tre këta futbollistë kanë shënuar 59 gola për skuadrën e tyre, ndërkohë që pjesa tjetër e skuadrës ka shënuar 25 gola. me 84 golat e shenuara deri tani barcelona ka mesataren me te larte ne Evrope me 3 gola per ndeshje. Shumë e distancuar nga Barcelona, në vendin e dytë ndodhet Reali i Madridit, i cili me ardhjen e Huntelaar e ka rritur mesataren e golave për ndeshje në 2.36.

Në Bundesligën Gjermane, skuadrat që kanë një mesatare me të lartë golash në krahasim me të tjerat e këtij kampionati janë Bajerni i Mynihuit dhe Volfsburgu që kanë realizuar 2.12 gola për ndeshje. Ky binom ndiqet në vendin e tretë nga surpriza Hofenhajm me 2.08 gola për ndeshje.

Në Angli, skuadra që ka shënuar më shumë gola në Premier Ligë është Liverpuli me një mesatare 1.8 gola për ndeshje e ndjekur nga kampionët aktualë të Mançester Junaitid me 1.69 gola dhe Çelsi me 1.63 gola të shënuar. Në Itali, skuadra që ka shënuar më shumë gola është Interi me një mesatare 1.86 gola për ndeshje, i ndjekur nga Juventus e Milan me 1.76 gola për ndeshje.

[BIG BOBI]

damian1,na jep naj lajm nga sporti ne shqiperi se na u thane syt e burri dheut!
kemi dy neshje nderkombetare (kombetarja dhe shpresat)edhe nuk dime asgje!

[interisti_12]

damian1,na jep naj lajm nga sporti ne shqiperi se na u thane syt e burri dheut!kemi dy neshje nderkombetare (kombetarja dhe shpresat)edhe nuk dime asgje!

bobi lajme nga sporti shqiptar, ok portieri i pare beqaj eshte demtuar ne shpatull dhe shqiprija do te luaj me ish portierin e tirenes HIDI,si gjithnje shqiperia do te lauj me nje sulmues,bogdani seshte thirur ne kombtare per arsye teknike sipas tranierit HAN,por jan kthyer dy lojtaret me kyesor per shqiperin canaj dhe lala.dhe nje fakt tieter dhe pak per te qeshur do te thoshia sot i eshte lejuar kombtares te bej nje seance stervitore ne stadiumin qemal stafa, se drejtorit te stadiumit nuk i desh tra...... qe te bente stervitie kombtaria shqiptare, kur se ajo hungarese dyert ishin te hapura , njekohesisht drejtori i stadiumit beri nje deklarat duke then qe un e kam per te miren tuaj qe te mos beni stervitie ne qemal stava se fusha do te prishet dhe seshte ne gjendie per juve per te luajtur,( jemi ne shqiperi ),dhe* komenti i fundit le te shpresojm te marim ndonje rezultat te mire ne kete ndeshie

[BIG BOBI]

sot ne oren 20.15 SHQIPERI-HUNGARI live ne internet ketu http://www.shqiperia.tv/
edhe ketu;http://livetv.ru/en/allupcoming/
edhe ketu;http://it.justin.tv/albtv

[Damian1]

FORCA SHQIPERIA

Shqipëria, për revansh dhe rekord kundër Hungarisë

Dy trajnerët holandezë, Han e Koeman, kanë kërkuar fitoren e ekipeve të tyre. Shqipëria ka shansin të regjistrojë fitore e golin e parë kundër hungarezëve

Shqipëria është e motivuar si kurrë më parë për të fituar me Hungarinë në “Qemal Stafa”, marrë revanshin e humbjes në Budapest (2-0, e vetmja në pesë ndeshjet e para) e për të kapur vendin e dytë (me 9 pikë) në grupin 1 eliminator të zonës europiane në kuadër të kualifikueseve të Kampionatit Botëror “Afrika e Jugut 2010”.

Trajneri Ari Han pohoi i bindur se formacioni që do të hedhë në fushë e ka të qartë detyrën e tij, duke besuar se tifozeria shqiptare do të largohet e kënaqur në përfundim të takimit nga impianti ndërkombëtar, ashtu siç e përjetuan edhe në dy ndeshjet e fundit të zhvilluar në “Qemal Stafa”, në barazimin e madhe kundër Suedisë (0-0, 6 shtator 2008) dhe në fitoren 3-0 kundër Maltës katër ditë më pas.

Kombëtarja ka mundësinë për të arritur vendosur disa rekorde statistikore, nëse do të fitojë kundër “magiarëve”, pasi kundër kundërshtatëve të radhës jo vetëm që do të regjistronim fitoren e parë në pesë ndeshje kundër Hungarisë, do të shënohej goli i parë historik, kur Shqipëria ka pësuar 17 të tillë në katër ndeshjet e para, por dhe do të grumullonte për herë të parë 9 pikë në gjashtë ndeshjet e parë të eliminatoreve të një kompeticioni të madh.

Shqipëria e Hungaria rikthehen për herë të dytë pas 61 vjetësh në tapetin e “Qemal Stafës”, teksa në takimin e parë të vlefshëm për eliminatoret e Kampionatit të Europës Qëndrore e Lindore, në vitin 1948, patën barazuar pa gola.

Entuziazmi në radhët e drejtuesve më të lartë të Federatës Shqiptare të Futbollit, përfshirë presidentin Armand Duka, por dhe lojtarët, duke filluar nga dy kapitenët e Kombëtares, Altin Lala e Lorik Cana, mbrojtësit Debatik Curri e Armend Dallku, mesfushorët e avancuar Klodian Duro e Ervin Skela e deri te sulmuesit e Hamdi Salihi.

[Damian1]

FORCA-SHQIPERIA

Formacioni shqiptar: Cana në mbrojtje, Salihi vetëm në sulm

Janë zhdukur dilemat në mendjen e Arie Haan që në sulmin anti-Hungari pritet ti besojë vetëm Salihit. Cana në mbrojtje

Tashmë nuk ka dilema. Ari Han e ka fiksuar në mendjen e tij formacionin kuqezi, me të cilin do të nisë ndeshjen e së shtunës mbrëma në stadiumin kombëtar “Qemal Stafa”. Pavarësisht se i duhet fitorja, pavarësisht se ka folur e punuar gjatë tërë javës përgatitore në emër të saj, edhe ndaj Hungarisë, holandezi do të luajë vetëm me një sulmues të deklaruar, me Hamdi Salihin. Pra, nuk bëhet fjalë për ndryshim skeme.

Në mbështetje të tij, me detyra sulmuese do të jenë edhe Klodian Duro me Ervin Skelën. Këta dy të fundit i përkasin repartit të mesfushës, ku Skela ka për detyrë të organizojë lojën e kuqezinjve, ndërsa Duro të bëjë rolin e “pistonit” në krahun e djathtë, edhe për të dalë në fundore e për të krosuar topat drejt zonën kundërshtare, por edhe për të ndihmuar mbrojtjen në krahun e tij. Në krahun e majtë të mesfushës do të aktivizohet Gilman Lika, i cili, mesa duket, pas atij përfaqësimi dinjitoz në ndeshjen paraardhëse, me Maltën, ka fituar një vend titullari në kombëtare.

Edhe ai, ashtu si Duro, duhet ta marrë krahun e tij dhe të shërbejë nga e majta me krosime. Qendra e mesfushës u është besuar Lalës dhe E.Bulkut, që do të kenë për mision kryesor prishjen e manovrës sulmuese hungareze që në startin e saj. Prapavija kuqezi do të përbëhet nga katër lojtarë, të vendosur para portierit Isli Hidi, i cili do të mbrojë kuadratin e kombëtares në mungesë të Arjan Beqajt, që pësoi një dëmtim të rëndë në stërvitje.

Në qendër të mbrojtjes ka vend për Canën dhe Beqirin, ndërkohë që krahët do të plotësohen, në të djathtë nga Dallku, dhe në të majtë, nga Debatik Curri. Sikurse shihet, skema e Ari Hanit nuk ka ndryshuar, cka tregon se do t’i kushtojë vëmendje të vecantë mbrojtjes, për të kundërsulmuar me shpejtësi dhe befasi, duke shfrytëzuar më së miri nuhatjen e Salihit drejt portave kundërshtare, i cili do të qëndrojë në majë të sulmit.