Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Sulmi i Blatter: Liga angleze po dëmton klubet e tjera

Numri 1 i qeverisë së futbollit botëror ka sulmuar sërish futbollin anglez duke e cilësuar si dëm për ligat e tjera

Shefi ekzekutiv i Ligës së parë angleze, Riçard Scudamore ka kritikuar si ksenofobe planet e FIFA-s për të kufizuar numrin e lojtarëve të huaj që luajnë në klubet e futbollit.

Sipas FIFA-s klubet nuk mund të kenë më shumë se pesë lojtarë të huaj. Presidenti i FIFA-s Sep Blater i është kundërpërgjigjur menjëherë Scudamore, duke thënë se kritikat e tij lidhen vetëm me etjen për të fituar sa më shumë para.

Aktualisht Premier Liga angleze ka mbledhur numrin më të madh të lojtarëve më të mirë në botë. Presidenti i FIFA, Joseph Blater ka akuzuar kampionatin anglez se po dëmton klubet e tjera.

[Damian1]

Schuster mund të marrë drejtimin e Atletico Madridit

Trajneri gjerman Schuster mund të rikthehet në Madrid duke marrë këtë herë pankinën e skuadrës së Atletico Madrid

Ish-trajneri i Real Madridit, gjermani Bernd Schuster, është një prej opsioneve për të marrë drejtimin e Atletico Madridit. Pas largimit nga galaktikët Schuster mund të rikthehet në La Liga duke marrë një tjetër ekip kryeqytetas.

Atletico Madrid këtë sezon largoi ish-trajneri Javier Aguirre dhe në vend të tij caktoi ish-legjendën e klubit, Abel Resino. Ky i fundit bëri një punë të mrekullueshme duke e kthyer klubin në mesin e klubeve të kreut, por megjithatë nëse ai nuk përfundon në top-katërshe mund të rrezikojë pozitën e tij.

Emri i Berdn Schuster përmendet si një prej zgjidhjeve të mundshme dhe është krye të dëshirave të klubit. Thuhet se drejtori i Atleticos, Gil Marin, tashmë ka rënë në kontakt me Schuester dhe ka folur për mundësinë që gjermani ta marrë kreun e klubit.

[Damian1]

Kërcënon UEFA, do të vendosë taksa për klubet e pasura

Presidenti i UEFA-s ka përsëritur disa herë që potenciali ekonomik po dëmton aktivitetet futbollistike dhe taksat mund të jenë një lloj çensure

Taksë për klubet e futbollit që janë shumë të pasura në ndihmë të atyre që në arka kanë pak.

Kjo është hipoteza që ka hedhur UEFA që parashikon që ekipet e mëdha t’i paguajnë më të vegjëlve një kuotë shtesë në momentin që i marrin një nga yjet. Lajmin e bën të ditur gazeta ekonomike “Financial Times”.

Taksa e luksit është një nga përpjekjet për të rishpërndarë paratë në botën e futbollit që po përqendrohen gjithnjë e më shumë në klube si Manchester United apo Real Madrid. Modeli është huazuar nga Shtetet e Bashkuara të Amerikës që e përdorin në Ligën Kombëtare të Bejsbollit.

Presidenti i UEFA-s, Michel Platini, ka përsëritur disa herë që potenciali ekonomik i disa skuadrave po dëmton aktivitetet futbollistike. Një ide e trumbetuar e Qeverisë Europiane të Futbollit ka qenë edhe vendosja e një shume tavan për pagesat dhe transferimevet e lojtarëve.

[Damian1]

Detajet e festës së Adrianos, seks, alkool dhe tranvestitë

Mediat braziliane i kanë bërë jehonë megaparty të sulmuesit ku nuk kanë munguar edhe disa të ftuara “pikante”

"Pa dyshim që kishte shumë seks dhe orgji me të gjitha llojet e njerëzve”. Nuk ka përdorur fjalë të mesme një prej personave të ftuar në megaparty e Adrianos e cila zgjati më shumë se 12 orë rresht.

Sulmuesi brazilian Adriano, pak orë nga grumbullimi me kombëtaren për ndeshjen me Ekuadorin u dëfrye me “drita të kuqe”, por festën e thjeshtë që tha futbollisti e kanë mohuar shumë njerëz. Dhe duke nisur nga transeksualja Patricia Araujo.

Kjo e fundit që është bërë e famshme pasi ka qenë e fejuar me një tjetër lojtar të kombëtares braziliane, ka thënë se është kërcënuar për të mos treguar detajet e festës. Në festë sipas saj ndodheshin më shumë burra se femra, dhe shumë nga prostitutat ishin të shtëpisë 'Centauras' që është e famshme për tranvestitët.

[Damian1]

Shqipëria “Under 21” humbet 0-1 me kombëtaren e Skocisë

Kuqezinjtë e vegjël kanë “dhuruar” ndeshjen ndaj Skocisë e cila fitoi me një penallti kur duheshin 5 minuta nga fundi

Një penallti e akorduar nga gjyqtari 5 minuta nga fundi ka ligjëruar humbjen e radhës për kombëtaren e 21 vjeçarëve të drejtuar nga Artan Bushati. Ekipi “Shpresa” është mundur 0-1 nga moshatarët e Skocisë të cilët nuk meritonin 3 pikët.

Në ndeshjen e parë të fushatës eliminatore për “Euro 2011”, skuadra e kuqezinjve të vegjël ka treguar një lojë të mirë por nuk ka mundur të rrezikojë si duhet ndaj ishullorëve. Pjesa e parë u mbyll pa gola ndërsa në të dytën ishin skocezët që guxuan më shumë drejt portës shqiptare të mbrojtur nga Moçka.

Në minutën e 85 ishte pikërisht gardiani kuqezi që kreu një faull në zonë ndaj zëvendësuesit Chris McGuire ndërsa arbitri akordoi penallti. Ishte pikërisht sulmuesi që shënoi në portën shqiptare ndërsa shifrat nuk ndryshuan. Kombëtarja shqiptare ndodhet në grupin 10 bashkë me Skocinë, Austrinë, Bjellorusinë dhe Azerbajxhanin.

[Damian1]

Shqiptari Shefki Kuqi shënon gol në fitoren e Finlandës

Shqiptari Kuqi që luan me kombëtaren finlandeze ka shënuar në suksesin e nordikëve 2-0 ndaj Uellsit

Sulmuesi kosovar me nënshtetësi finlandeze, Shefki Kuqi, ka shënuar golin e dytë të fitoren 2-0 të Finlandës në udhëtim ndaj Uellsit, në kuadër të kualifikimeve për Botërorin 2010.

Uellsi dominoi pjesën e parë të ndeshjes, por dështoi të krijojë shanse të pastra dhe u ndëshkua në fund të pjesës së parë kur Jonathan Johansson i dha avantazhin Finlandës (42’).

Sulmuesi i Crystal Palace, Shefki Kuqi, i futur në lojë si zëvendësues një minutë para fundit të kohës së rregullt, vulosi fitoren në çastet e fundit të ndeshjes, me anë të një goditje fantastike mbi portierin Wayne Hennessey.

Me tre pikët e reja Finlanda shkon në kuotën e shtatë pikëve nga katër ndeshjet, një më shumë se Uellsi. Në grupin 4 favorit për t’u kualifikuar është Gjermania që mban kreun me 10 pikë, si dhe Rusia që aktualisht ka gjashtë pikë.

[Damian1]

Roberto Mancinin e kërkon Chelsea: Gati të rikthehem

Ish trajneri i Interit është shprehur gati për një skuadër të madhe dhe Chelsea mund të përfitojë për të firmosur

Ish-menaxheri i kampiones së Italisë, Interit, Roberto Mancini, thotë se ai synon t’i rikthehet punës në sezonin e ardhshëm. “E kam konsideruar këtë kohë si pushimi, megjithëse një më të gjatë se zakonisht”, ka thënë Mancini për Sky Sport 24.

“Vërtet ka filluar të më mungojë puna e përditshme e të qenit trajner, prandaj do të rikthehem që nga muaji korrik dhe jo gushti”, ka shtuar italiani. Mancini u shkarkua nga kampioni i Italisë në sezonin e kaluar pavarësisht se Interi fitoi titullin e Serie A, dhe u zëvendësua nga trajneri portugez Jose Mourinho.

Tekniku nga Jesi është kërkuar nga shumë ekipe europiane, veçanërisht në Premier League. Chelsea mund të përfitojë për të marrë Mancinin duke zhvendosur Hiddink si këshilltar, por ai kërkohet edhe nga Manchester City.

[Damian1]

Shqipëria merr dështimin e radhës, humb 0-1 me Hungarinë

Një gol i sulmuesit hungarez Torghelle në fundin e pjesës së parë ka bërë që Shqipëria të humbë për herë të dytë brenda pak muajsh me Hungarinë për botërorin 2010

Kombëtarja shqiptare e futbollit ka dështuar sërish në përpjekjet për të ngritur kokë, dhe për të lënë shenjë në këtë sport, pasi është mundur 0-1 nga Hungaria në stadiumin kombëtar “Qemal Stafa”. Edhe trajneri Ari Han u poshtërua sërish nga bashkëkombasi i tij Ervin Koeman, me humbjen 0-1 në “Qemal Stafa” duke bërë pluhur e hi deklaratat e bujshme për fitoren në ndeshjen kyçe të eliminatorëve të Kampionatit Botëror 2010.

Edhe pse hodhi dy sulmues të mirëfilltë në fushë, duke i mbajtur ata të pandryshuar përgjatë gjithë lojës, Salihin e Berishën, Ari Han dëshmoi se nuk e kishte përgatitur fare ndeshjen pas barazimit të turpshëm në Maltë.

Mbrojtja me Lorik Canën, Armend Dallku, Debatik Currin e Kristi Vangjelin ishte në ditë të zezë, por jashtë kritikave nuk mund të mbetet edhe reparti i mesfushës ofensive me Klodian Duron, Ervin Skelën e Gilman Likën. Kapiteni Altin Lala ishte i vetmi që mund të marrë nota pozitive.

Goli erdhi nga një gafë fatale e Armend Dallkut, i cili i dhuroi me kokë topin golashënuesit hungarez Torghele. Edhe pjesa e dytë ishte shumë e zbehtë, në një tjetër ndeshje pa emocione dhe e më dobëta në “Qemal Stafa”. Të mërkurën, Shqipëria do të përballet me Danimarkën në Kopenhagen. Danimarka fitoi 3-0 në Maltë dhe kryeson grupin së bashku me Hungarinë me nga 10 pikë secila. Ky ishte dhe një mesazh për tifozët të cilët tani më shumë se kurrë duhet të besojnë se futbolli ynë është vite dritë larg, nga finalet në aktivitetet ndërkombëtare.

[Damian1]

Eliminatore interesante, fitojnë Italia edhe Gjermania

Skuadra e Lippi doli fituese me Malin e Zi ndërsa Gjermani pati nëj goleadë ndaj skuadrës modeste të Lihtenshtejnit

Italia është treguar mjaft cinike duke marrë 3 pikë me vlerë në stadiumin e Buduçnostit duke fituar 0-2 ndaj Malit të Zi. Skuadra kampione e botës ka hasur vështirësi ndaj ballkanasve por ka mundur të dalë me sukses. Golat e ndeshjes erdhën me një penallti të Pirlos dhe të sulmuesit Pazzini që shënoi në debutimin e tij në kombëtare.

Sukses edhe për Gjermaninë që nuk e pati të vështirë me Lihtenshtejnin. Në fillim ishte Ballack që shënoi për vendasit ndërsa më pas Jansen, B. Schëeinsteiger dhe Podolski kompletuan 4-0.

Rezultatet:

Russia 2 - 0 Azerbaijan
Wales 0 - 2 Finland
Armenia 2 - 2 Estonia
Luxembourg 0 - 4 Latvia
Moldova 0 - 2 Switzerland
N Ireland 3 - 2 Poland
Cyprus 2 - 1 Georgia
Israel 1 - 1 Greece
Romania 2 - 3 Serbia
Germany 4 - 0 Liechtenstein
Malta 0 - 3 Denmark
Albania 0 - 1 Hungary
Belgium 2 - 4 Bosnia & Herzegovina
Ireland 1 - 1 Bulgaria
Lithuania 0 - 1 France
Montenegro 0 - 2 Italy
Netherlands 3 - 0 Scotland
Slovenia 0 - 0 Czech Republic
Portugal 0 - 0 Sweden
Spain 1 - 0 Turkey

[tironci]

Shqipëria merr dështimin e radhës, humb 0-1 me Hungarinë

Një gol i sulmuesit hungarez Torghelle në fundin e pjesës së parë ka bërë që Shqipëria të humbë për herë të dytë brenda pak muajsh me Hungarinë për botërorin 2010

Kombëtarja shqiptare e futbollit ka dështuar sërish në përpjekjet për të ngritur kokë, dhe për të lënë shenjë në këtë sport, pasi është mundur 0-1 nga Hungaria në stadiumin kombëtar “Qemal Stafa”. Edhe trajneri Ari Han u poshtërua sërish nga bashkëkombasi i tij Ervin Koeman, me humbjen 0-1 në “Qemal Stafa” duke bërë pluhur e hi deklaratat e bujshme për fitoren në ndeshjen kyçe të eliminatorëve të Kampionatit Botëror 2010.

Edhe pse hodhi dy sulmues të mirëfilltë në fushë, duke i mbajtur ata të pandryshuar përgjatë gjithë lojës, Salihin e Berishën, Ari Han dëshmoi se nuk e kishte përgatitur fare ndeshjen pas barazimit të turpshëm në Maltë.

Mbrojtja me Lorik Canën, Armend Dallku, Debatik Currin e Kristi Vangjelin ishte në ditë të zezë, por jashtë kritikave nuk mund të mbetet edhe reparti i mesfushës ofensive me Klodian Duron, Ervin Skelën e Gilman Likën. Kapiteni Altin Lala ishte i vetmi që mund të marrë nota pozitive.

Goli erdhi nga një gafë fatale e Armend Dallkut, i cili i dhuroi me kokë topin golashënuesit hungarez Torghele. Edhe pjesa e dytë ishte shumë e zbehtë, në një tjetër ndeshje pa emocione dhe e më dobëta në “Qemal Stafa”. Të mërkurën, Shqipëria do të përballet me Danimarkën në Kopenhagen. Danimarka fitoi 3-0 në Maltë dhe kryeson grupin së bashku me Hungarinë me nga 10 pikë secila. Ky ishte dhe një mesazh për tifozët të cilët tani më shumë se kurrë duhet të besojnë se futbolli ynë është vite dritë larg, nga finalet në aktivitetet ndërkombëtare.

Leje se o bo me mos i pa neshjet e kombetares,vetem me u acaru e stresu kot.


Na falni se jom jasht teme