Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Mourinho synon rindërtimin e Interit me lojtarë italianë

Trajneri i skuadrës kampione në fuqi të Italisë, Jose Mourinho, ka zbuluar një pjesë të planit të tij për të ardhmen e Interit. ai dëshiron të bazohet në lojtarët e rinj

Interi është njëra nga skuadrat e rralla italiane, e cila shpesh paraqitet në fushë pa pasur asnjë italian në përbërjen e parë. Murinjo është i vendosur që ta ndryshojë këtë gjë. "Nuk guxojmë të mendojmë vetëm për të tashmen, por duhet të shikojmë edhe drejt të ardhmes. Për këtë arsye do t'i kthejë sytë drejt shkollës tonë të futbollit, ndonëse skuadra do të humb diçka në përvojë, sigurisht se do të përparojë në disa aspekte tjera. Baza e skuadrës duhet të ndërtohet nga lojtarët vendorë, qoftë edhe me kusht të mos fitimit të trofeve për dy apo tre vjet”.

“Kur ta ndërtojmë skuadrën me më shumë italian, atëherë sigurisht se edhe rezultatet do të jenë të shkëlqyeshme", ka shpjeguar Murinjo. "Ka disa vite që Interi shkon drejt kësaj rruge, ku në skuadër janë vetëm disa futbollistë italian, kurse askush nuk ka bërë shumë llogari për lojtarët e rinj. Nuk dua që kjo të vazhdojë më, prandaj muajt e ardhshëm do të jenë tejet të rëndësishëm në ndërtimin e mënyrës së përbashkët të të menduarit.

“Tifozët do ta kuptojnë këtë gjë, kurse dëshmi për këtë është David Santon, i cili vetëm për dy muaj zuri vend të rëndësishëm në zemrat e tyre", ka shtuar Murinjo. Në fakt, Santon është vetëm 18-vjeç, kurse së bashku me 19-vjeçarin, Mario Balotelli gjithnjë e më shpesh po luajnë si titullarë te Interi.

"Merrni shembull futbollin portugez. Atje është vështirë të mbahen futbollistët e rinj të talentuar, kurse në Itali nuk kemi të bëjmë me një rast të tillë. Santoni dhe Balotelli mund të qëndrojnë në Interi një kohë shumë të gjatë", ka përfunduar Murinjo.

[Damian1]

Ancelotti: Liverpool, rivali më i vështirë në Europë

Trajneri i Milanit, Carlo Ancelotti beson se Liverpooli është kundërshtari më i vështirë në Evropë për të gjithë ekipet

“Reds” në vitin 2005 arritën të riktheheshin nga disavantazhi 3-0 për të barazuar në 3-3 ndaj Milanit, dhe për të fituar finalen e Ligës së Kampionëve në penallti. Këtë sezon Liverpooli shkatërroi Real Madridin për tu kualifikuar në çerekfinale të garës më të famshme evropiane, ku do të përballet me Chelsean.

“Liverpooli është kundërshtari më i vështirë në Evropë. Benitez është një trajner i madh. Ai ka një mbrojtje shumë mirë të organizuar dhe një kundërsulm perfekt. Gjithmonë jeni në rrezik kur luani kundër tyre. United janë të fuqishëm por ata ju lejojnë të luani. Liverpooli jo”, ka thënë Ancelotti.

Trajneri Carlo Ancelotti ka folur edhe për të ardhmen e tij tek Milani duke sqaruar se dëshira e tij është të vazhdojë me kuqezinjtë edhe pas vitit të 8-të me ta.

[Damian1]

Braziliani Ronaldo shënoi golin e pestë me Corinthians

Sulmuesi Ronaldo vazhdon me formën e mirë duke shënuar golin e pestë në 7 ndeshje me skuadrën e Corinthians

Skuadra e Korinthiansit ka shënuar fitore para tifozëve të vet në kuadër të javës së 18të të kampionatit të Sao Paulos kundër Ituanës, me rezultat 3:0, kurse golin e dytë në këtë ndeshje e ka realizuar braziliani, Ronaldo, në minutën e 27-të. Për ish-futbollistin më të mirë në botë ky ishte goli i pestë për këtë skuadër, që kur u kthye në fushën e gjelbër nga lëndimi.Një javë para mbylljes së kampionatit, Korinthiansi zë vendin e dytë, me tri pikë më pak se skuadra kryesuese, Palmeiras.

"Nuk mund të them se kam arritur formën time më të mirë. Më duhet ende të heq edhe tre kilogram, për t'ia arritur këtij qëllimi. Tashmë kam hequr tetë kile që kur jam kthyer në fushën e gjelbër, por këto tri kilet e fundit asesi nuk po arrij t'i heq. Gjithmonë kam kujdes në ushqim, por kilogramët më shtohen shumë shpejt kur jam në procesin e shërimit nga ndonjë lëndim. Gjithmonë më ka ndodhur kjo, që nga fillimi i karrierës", ka theksuar Ronaldo.

Gazetarët brazilianë e kanë pyetur edhe rreth mundësisë për t'u kthyer në kombëtare, pas paraqitjeve të mira te Korinthinasi dhe ai është përgjigjur: "Kur jam rikuperuar nga lëndimi kthimi në kombëtare ishte njëri nga synimet që ia kam vendosur vetës dhe kjo më ka motivuar edhe më shumë. Megjithatë, tash për tash kombëtarja ende nuk është në plan të parë. Prioriteti im në këtë moment është Korinthiansi dhe paraqitjet e saj sa më të mira në kampionatin brazilian".

[Damian1]

Premier League, sulmuesi Cissé arrestohet për agresion

Futbollisti francez që luan me skuadrën e Sunderlandit është i fundit në radhë që ka përfunduar pas hekurave

Telashe në dukje për futbollistin e Premier League, Djibril Cissé. Sulmuesi i skuadrës së Sunderland është arrestuar nga policia pasi ka dhunuar një grua pas një mbrëmjeje në një lokal lap-dance në Newcastle.

Cissé është liruar pak orë më vonë në pritje të hetimeve por pritet të shkojë sërish në polici. Francezi është i fundit në listën e zezë të telasheve për futbollistët.

Në kohët e fundit figurojnë edhe Dalmat që ka sulmuar gruan e tij dhe një agjent policie, dhe Muntari që është grundur me forcat e sigurisë.

Djibril Cissé është huazuar nga Marseille tek skuadra e Sunderlandit dhe po luan një rol thelbësor në sulmin e skuadrës angleze.

[Damian1]

Tifozët votojnë sulmuesin Wayne Rooney si më të mirin

Sulmuesi i Mançester Junajtedit, Uejn Runi, është shpallur futbollisti më i mirë i kombëtares angleze për vitin 2008

Rooney më i miri për 2008 sipas votave të tifozëve në Nritani. Lajmi është publikuar edhe nga Federata e Futbollit Anglez e cila nuk ka njoftuar sa për qind të votave i ka fituar Runi, ndërsa ka bërë të ditur se pas tij janë renditur Geret Berri dhe Thio Uollkot.

Sulmuesi i “Djajve të Kuq”, me dy golat që i shënoi kundër Sllovakisë, ka arritur në kuotën e 21 golave, ndërsa për kombëtaren e tij është paraqitur në 49 ndeshje. Në ndeshjen ndaj kundër Ukrainës, e vlefshme për kualifikimet në Botërorin e vitit 2010, Runi do të ketë paraqitjen e tij të 50.

“Jam i uritur për trofe dhe për paraqitje të reja në kombëtare dhe për gola të tjerë. Një ditë, kur të kem përfunduar karrierën time, dëshiroj t’i kujtoj këto momente, por derisa jam lojtar aktiv nuk më preokupojnë shumë gjëra të tilla”, ka thënë Runi, i cili në katër ndeshjet e fundit me kombëtaren angleze, ka shënuar shtatë gola.

[Damian1]

Rikthimi i Zinedin Zidan ne boten e fubollit...

Zidan do ti rikthehet futbollit te luajtur.

Kjo do te behet e ditur sot ne nje konference per shtyp ne Paris.Nuk mund te qendroj dot me large fushes se gjelbert eshte shprehur fenomeni ne faqen e tij te internetit. Dhe jam gati te filloj te luaj ne Ligen 1.

Sipas zerave qe degjohen Zidan do te vesh fanellen e Marsejes per sezonin e ardhshem.

Eshte gati dhe kontrata 1 vjecare dhe kampioni eshte shprehur qe tifozet e Marsejes e kane mbeshtetur gjithmone. Gjithashtu Zidan ne Marseje ka nje qender sportive.

Rikthimi ne futbollin e luajtur do ta ndihmoi lojtarin te harroje ate largim te hidhur nga futbolli ne vitin 2006 qe erdhi si rezultat i nje incidenti ne finalen e kupes se botes ne ndeshjen kunder Italise.

[Damian1]

Alan Shearer pranon pankinën e skuadrës së Newcastle

Ish-kapiteni i kombëtares angleze Alan Shearer është caktuar si menaxheri i ri i Newcastle United, të cilin ekip do ta menaxhojë për pjesën e mbetur të sezonit

Alan Shearer, 38-vjeçar, i cili ka punuar si ekspert televiziv në BBC, merr detyrën e trajnerit të Newcastle nga Chris Hughton, i cili pasoi ish-menaxherin Joe Kinnear.

Një burim ka thënë për Reuters se Shearer do të mbajë një konferencë shtypi gjatë të enjtes dhe se klubi nuk do të bëjë komente të tjera. Newcastle aktualisht është në pozitën e tretë nga fundi në Premierligë dhe rrezikon të eliminohet nga kjo ligë që kur ishte futur në garën më të mirë të futbollit në Angli, në vitin 1993.

Klubi tashmë ka pasur tre menaxherë këtë sezon. Kevin Keegan u shkarkua në shtator, kur Hughton u kujdes për ekipin për tre javë. Kinnear më pastaj u caktua menaxher dhe drejtoi ekipin që nga shtatori deri në shkurt, kur u dërgua në spital për shkak të problemeve me zemër. Shearerit i ishte ofruar pozita e trajnerit edhe më herët, kur Keegan mori drejtimin e klubit në fillim të vitit 2008, por ai e kishte hedhur poshtë.

Shearer luajti për Newcastlen nga viti 1996 deri në vitin 2006, kur shënoi 206 gola brenda 404 ndeshje, që është rekord i klubit. Ai kishte shënuar 30 gola në 63 paraqitje për kombëtaren angleze, para se të hiqte dorë nga futbolli ndërkombëtar në vitin 2000.

[Damian1]

Vieri braktis Atalantën, një lamtumirë para kohe

Ish futbollisti i kombëtares italiane ka vendosur të ndërpresë kontratën me klubin e Bergamos e cila ishte paralajmëruar

Raporti mes Bobo Vieri dhe skuadrës së Atalantës është mbyllur para kohe. Asnjë largim i befasishëm, asnjë grindje me shokët e skuadrës apo tifozët dhe trajnerin. Kjo është një zgjedhje e vetë futbollistit që ka vendosur në akord me shoqërinë, një divorc që dihej.

Zgjidhja formale e kontratës do të bëhet në ditët në vazhdim megjithëse tashmë fatet janë ndarë. Por Vieri ka thënë se nuk ka ndërmend të largohet nga futbolli dhe aim und të bjerë pre e joshjeve milionere jashtë Italisë.

Bobo Vieri është aktivizuar shumë pak këtë vit me Atalantën pasi trajneri Del Neri nuk e ka konsideruar. Sulmuesi do të stërvittet vetëm në pritje të një skuadre të re.

[Damian1]

Hiddink: Ndihmova Wenger të firmosë me Andriy Arshavin

Trajneri i Chelsea dhe kombëtares ruse ka thënë se ishte arkitekti i transferimit të Arshavin në Premier League, tek Arsenali

Menaxheri i Chelsea, Guus Hiddink, ka zbuluar se ai kishte luajtur një rol kyç në transferimin e Andrey Arshavin tek Arsenali. Në janar, ai bindi trajnerin e topçinjve Arsene Wenger se Arshavin do të jetë sukses në Premierligë, dhe francezi transferoi rusin për 15 milionë funte nga Zenit St Petersburg.

“Unë dhe Wenger jemi njohur nga takimet e mëhershme, kur Arsenali ka luajtur kundër ekipit tim PSV në Ligën e Kampionëve. Dhe ai më kontaktoi për të më pyetur më shumë për Andrey si person”, ka thënë Hiddink për Daily Mail.

“Wenger dëshironte të dinte opinionin tim, nëse Arshavin do të përshtatej me strukturën e re. Sigurisht që ishte vendimi i Wenger, por unë mbase kam ndihmuar që ai të marrë vendimin”, ka shtuar holandezi

[Damian1]

Barcelona, Laporta: Valdes është portieri më i mirë në botë

Presidenti i klubit të Barcelonës ka thënë se do të arrijnë një marrëveshje me portierin aktual të skuadrës, Victor Valdez

Presidenti i Barcelonës, Joan Laporta, ka bërë një deklaratë tepër ambicioze duke e quajtur Victor Valdesin "portieri më i mirë në botë". “Valdes është portieri më i mirë në botë dhe ai do të marrë atë pagë që e meriton”.

“Unë mendoj se ai dëshiron të vazhdojë të luajë për Barcelonën dhe ne do të jemi të sinqertë kur do ta caktojmë pagën të cilën e meriton dhe mendoj se do të arrijmë një marrëveshje”, është cituar Laporta nga “Marca”.

Për më shumë Laporta ka shprehur dëshirën e tij që ta sjellë në Camp Nou yllin e Arsenalit, Cesc Fabregas. “Do të më pëlqente shumë që Fabregas ta vesh fanellën e Barcelonës, megjithatë i mbetet trajnerit që të vendosë nëse i duhet një lojtar si ai apo jo”, ka shtuar presidenti i “Blaugrana”.