Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Toni: Do zhvishem nudo nëse Bayern fiton Champions

Sulmuesi italian Luca Toni ka premtuar një “çmenduri” nëse Liga e Kampioneve do të vijë këtë vit në Bavari

Blerja e Luca Toni-t padyshim qe ka rritur numrin e tifozeve per Bayern Munchen por nese skuadra fiton Champions League, perfitimet e blerjes se sulmuesit italian do t’i shohe edhe qyteti bavarez.

Bomberi nga Modena ka deklaruar se nese skuadra fiton Champioins League ai do vrapoje nudo neper qytet, cka do te thote me shume turiste.

“Nese e sjellim kupen ne Munchen une do vrapoj nudo ne Marienplatz”, shprehet Toni per gazeten “Sportbild”. Ne vijim, ai ka shtuar se objektivi kryesor i tij eshte finalja e Romes.

“Nuk e kam fituar asnjehere kete trofe ne karrieren time dhe cdo dite stervitem per te fituar Champions League. Per t’ia dale nuk nevojiten 11 lojtare por 11 luane”, thekson sulmuesi. Ne cerekfinalen e ketij kompeticioni Bayern Munchen do ndeshet me Barcelonen, kundershtari me i frikshem per cdo klub evropian.

[Damian1]

Dështim i turpshëm, fajtor Hani dhe lojtarët!TURP

Shqipëria humbi thellësisht me Danimarkën, e dyta rresht pas asaj me Hungarinë. Kombëtarja jonë nuk fiton prej pesë ndeshjes, 450 minuta pa shënuar gol

Shqipëria e trajneri Ari Han dëshmuan se janë një ekip i lodhur e i vockël për të përballuar me dinjitet një edicion eliminator, pas humbjes së pastër 3-0 me Danimakën në “Parken Stadium”, e dyta rresht pas asaj me Hungarinë katër ditë më parë në “Qemal Stafa”.

Një ekip sërish i zbehtë, pa forcë goditëse, e për më tepër pa fantazi në fazën ofensive, duke mos rrezikuar asnjëherë portën daneze të mbrojtur nga 32-vjeçari Tomas Sorensen. Edhe pse

Presidenti i Republikës, Bamir Topi ishte në tribunën “Vip” e 2 mijë tifozë mbështetën lojtarët në stadium, kuqezinjtë nuk e gjen asnjëherë frymëzimin e ritmin e duhur për të dhënë të paktën një shenjë të vetme se janë pjesë e futbollit evropian.

Altin Lala nuk arriti të rikuperohet, dhe me Ervin Skelën, për herë të tretë kapiten i Shqipërisë, trajneri Ari Han i besoi rolin e plejmejekërit të dytë, Dorian Bylykbashit, në paraqitjen e tij të tretë me përfaqësuesen.

Sulmuesi danez Soren Larsen, autori i dy golave kundër Shqipërisë në fitoren 3-1 të eliminatoreve të Botërorit 2006, u ndëshkua me karton të verdhë në minutën e 8-të, pas një ndërhyrje të ashpër ndaj qëndërmbrojtësit të Kombëtares sonë, Debatik Curri.

Dy minuta më pas, Denis Romehdal i shpëtoi mbulimit të Ansi Agollit, duke dalë i vëtëm në zonën tonë, por ndërsa e kishte gjithë pasqyrën e 16-shit tonë krejt të hapur, sulmuesi i Nec Najmgen në Holandë, preferoi të pasonte horizontalisht, për shokët e tij. Mbrojtja jonë ndërhyri, duke pastruar zonën.

Romehdal rrezikoi sërish seriozisht portën tonë në minutën e 15-të, por sulmuesi 30-vjeçar (ndeshje e tij e 86-të me përfaqësuesen daneze), lëvizi në mënyrë të gabuar, duke i dhënë mundësinë mbrojtësit tonë, Kristi Vangjeli (ndeshja e 17-e tij) të devijonte topin në goditje këndi. Një punë e bukur e mbrojtësit të Arsit të Selanikut.

Leon Andersen goditi fuqishëm me të djathtën nga një distancë prej 25 metrash, por Isli Hidi reagoi mirë, duke mbyllur çdo diskutim të mëtejshëm. Mikael Jakobsen pati një rast të mirë në minujtën e 20-të, por diagonalja e tij brenda zonës sonë përfundoi fatmirësisht jashtë.

Një goditje predhë nga një distancë e largët, rreth 30 metra, e mesfushorit të Hanoverit, Leon Andreasenit, dhe Isli Hidi jo i përgatitur, edhe pse prek me duar topin, e drejton atë drejt rrjetës në minutën e 31-të, duke “lejuar” edhe pësimin e golit të parë nga ana formacionit të Morten Olsenit. Një gafë e Hidit në ndeshjen e tij të 10-të me përfaqësuesen. Goli i dytë me Kombëtaren daneze në 15 ndeshje për 25-vjeçarin Andersen.

Pa kaluar as pesë minuta, në të 37’, Curri dhe Agolli nuk merren vesh me njëri-tjetrin, duke i dhënë mundësi më pas Soren Larsenit të shënojë golin e dytë të Danimarkës në këtë takim dhe të tretin personal ndaj Shqipërisë, përshirë edhe ato të shënuar ndaj kuqezinjve tre vjet më parë. Pesë gola në këto eliminatore dhe 11 gola në 15 ndeshje për Larsenin me fanellën e kuqe daneze.

Në pjesën e dytë, një tjetër gafë e Isli Hidit, në një dalje të pastudiuar, por dhe përgjumja e mbrojtjes sonë, i dha mundësi Kristian Poulsenit të shënojë golin e tretë të Danimarkës, por dhe të pestin personal në 63 aktivizime të tij me nordikët.

Dy gafa që kushtuan shumë, por që sollën edhe humbjen e dytë rresht e të tretën në shtatë ndeshjet e zhvilluara këtë edicion. Kjo ishte edhe humbja e gjashtë në shtatë takime të zhvilluara kundër Danimarkës, nga ballafaqimi i parë në vitin 1963, të përfunduar 4-0.

Edhe pse i provoi në sulm si Besart Berishën, Hamdi Salihi e në dhjetë minutat e fundit edhe Migen Memellin, Shqipëria që nuk fiton prej pesë takimesh, nuk arrin do të gjejë rrugën e golit në pesë ndeshjet e fundit. Tashmë, duket se mosthirrja e Bogdanit i ka kushtuar shumë trajnerit Ari Han, i cili së fundi bëri edhe një tjetër gafë kur futi mbrojtësin Elvin Beqiri në minutat e fundit dhe në rolin e një mesfushori.

Pas kësaj ndeshjeje, e ardhmja e Ari Hanit në krye të kombëtares është në rrezik, aq më tepër kur në tri ndeshjet e fundit do të përballemi me Danimarkën e Portugalinë në Tiranë e Suedinë në Stokholm.

Hungaria fitoi 3-0 me Maltën, dhe kështu si Danimarka ashtu dhe formacioni hungarez kanë në kuotën e 13 pikëve, me 7 pikë më shumë se Portugalia, Suedia e Shqipëria.

[Damian1]

Lala: Në Botëror nëse e kthejmë kokëposhtë renditjen

Altin Lala ishte i ftuari special i faqes zyrtare të FIFA-s, fifa.com. Në moshën 33 vjeç, kapiteni shqiptar po përjeton fushatën e tij të tretë kualifikuese në Kupën e Botës me “Kuqezinjtë

Pas humbjes ndaj Danimarkës, as nuk mund të guxohet pë të menduar botërorin. Tani ekipi i drejtuar nga Ari Han ndodhet në vendin e parafundit të grupit të tij.

“Pas debutimit premtues, ku u arrit një barazim i shquar 0-0 kundër Suedisë e një fitoreje 3-0 me Maltën, përfaqësuesja ballkanike dha menjëherë shenja lodhjeje”, - shkruhet në hyrjen e intervistës së Lalës. “Shqipëria ka një seri të trishtueshme me katër ndeshje pa fitore (dy humbje e dy barazim). Megjithatë, asgjë nuk duket e humbur përfundimisht. Nëse Danimarka e Hungaria (10 pikë) ndodhen në krye të grupit, Portugalia, Suedia e Shqipëria (6 pikë) qëndrojnë në pritë”.

Lala, që prej 11 vitesh vesh ngjyrat e Hanoverit, nuk e fsheh se nuk dëshiron të heqë dorë prej ëndrrës që një ditë të luajë në një fazë finale të Kupës së Botës. Lala u rikthye në Kombëtare pas një mungese të shkurtër kundër Maltës, pikërisht në ndeshjen e humbur me Hungarinë. “Shanset tona u kompromentuan me barazimin kundër Maltës e humbjen përballë Hungarisë”, - thotë Lala në lidhje me shanset e një kualifikimi të mundshëm të Shqipërisë në Botërorin e Afrikës së Jugut, që e justifikon me faktin se Shqipërisë kundër Maltës e Hungarisë i munguan disa lojtarë të rëndësishëm. “Çfarë duhet të ndryshojë Shqipëria për të qenë vitin e ardhshëm në Afrikën e Jugut? Nuk e di..., ndoshta duhet të kthejmë përmbys renditjen”, - i është përgjigjur me të qeshur gazetarit të FIFA-s, Altini.

Për Lalën, kualifikimi i Shqipërisë për herë të parë në një Kampionat Europian apo Botëror do të ishte një gjë shumë e fortë, por Altini shton se gara në kontinentin europian po bëhet gjithmonë edhe më e ashpër. “Edhe ne kemi bërë progres në këto vitet e fundit”, - theksoi kapiteni i Kombëtares shqiptare. “Por Shqipëria duhet të ndryshojë shumë gjëra. Kampionati ynë është shumë i brishtë. Nuk ka mjaftueshëm lojtarë të mirë”, - dha argumentet e tij “xhuxhi”, i cili shton se në Shqipëri futbolli është popullor. “Të gjithë e ndjekin në tv dhe në disa familje thuajse nga mëngjesi në darkë”.

[Damian1]

Mourinho e merr mbarë, akuza për Mancini dhe Ancelotti

Nuk është kursyer për asnjë koleg në Itali, trajneri i Interit që në një intervistë ka sulmuar paraardhësin e tij dhe rivalin milanez

“Mancini pas humbjes me Liverpool kërkoi dorëheqjen. E kundërta ndodhi me mua pas Manchester. Unë kërkova mbledhje për të fituar dhe për të gjetur shkaqet e eliminimit” tha Mourinho.

Por ai nuk është ndalur këtu: “Ancelotti ka hyrë në historinë e futbollit pasi është i vetmi trajner që ka humbur finalen e Champions League kur ishte në avantazh 3-0” tha Mourinho.

Trajneri portugez i futbollit Hoze Morinjo ka paralajmëruar se mund të vijë në Spanjë, pasi t’i skadojë kontrata me Interin. “Ëndrra ime është që të fitoj në tri liga evropiane. Kam fituar kampionatin anglez me Çelsin, po bëj çmos të fitojmë në Itali dhe do të doja ta bëj këtë edhe në Spanjë”, ka shpjeguar eksperti portugez.

Kohë më parë, Morinjo pati deklaruar se do të mund të kthehej në Angli, pasi t’i skadojë kontrata trevjeçare me Interin. Inter prin në tabelën e ligës italiane me shtatë pikë epërsi ndaj Juventusit, që ndodhet në vendin e dytë.

[Damian1]

Joan Laporta dëshiron Fabregas tek skuadra e Barcelonës

Presidenti i skuadrës “bblaugrana” nuk është fshehur në objektivat e tij për merkaton e ardhshme të Barcelonës

Presidenti i Barcelonës, Joan Laporta, beson se kapiteni i Arsenalit, Cesc Fabregas, do të ishe një plotësim i shkëlqyeshëm për klubin e tij dhe shpreson se një ditë ai do të veshe fanellën e klubit katalanas.

“Do të dëshiroja pa masë ta shoh Cesc në fanellën e Barcelonës, por mendimi i stafit teknik është ai që merret parasysh në vendime. Ne jemi të vetëdijshëm se ai është një lojtar i talentuar dhe e njeh në mënyrë të përkryer stilin e Barcelonës”, ka thënë Laporta.

“Gjithçka mund të ndodhë, por stafi trajnues duhet të vendosë. Me siguri se ai do të adaptohej në sistemin tonë. Ai është një lojtar i rritur këtu, i cili është i lumtur në Arsenal dhe do të ishte mungesë respekti ndaj këtij klubi të flasim për këtë”, ka shtuar presidenti i klubit spanjoll.

[Damian1]

Santon flet per dy shoket e tij te skuadres.

David Santon: "Sherimi" i Interit e ka nje emer dhe nje mbiemer "Maikon, Baloteli".

Pas demtimit te Maikon, Murinjo tani duhet te mendoje mire se me ke ta zevendesoje fenomenin Brazilian. Alternativat mund te jene dy: ose ta terheq Zanetin si mesfushor te djathte ose ta dergoi Santon ne rolin e tij natyral.

"Kalamani" ashtu si e therret tekniku portugez eshte treguar i gatshem. por nuk e di cfare do te vendose Murinjo, mund te me spostoj mua me Maksuell ne te majte dhe te vere dike tjeter ne te djathte.

Si ishte miqesorja me Kombetaren.

Per mua nuk ekziston fjala miqesore, une luaj gjithmone per te fituar. Me erdhi keq vetem per nje gje qe ju aforva golit dy here dhe nuk shenova dote.

Persa i perket Balotelit shokut tim te skuadres por edhe ne jeten e perditeshme: Ceshtja Emanuelso e shqeteson, eshte nervoz por duhet te ndryshoje qendrim, per te tjerat eshte talent. Do te merrem personalisht me te qe ta kaloje kete pengese.

[Damian1]

Jennifer, ish e dashura e Gerrad është një bombë e vërtetë

Në disa foto për revistën “Nuts” bjondina e njohur për lidhjen me Gerrard ka shfaqur bukurinë e saj

Ajo quhet Jennifer Ellison, është vetëëm 25 vjeç, ka forma të cilat të lënë pa fjalë dhe konsiderohet duke marrë parasysh gjoksin e saj, si pasardhësja më e denjë për Pamela Anderson.

Bjondina dhe modelja e njohur, që mori spunton në publik nga një lidhje me kapitenin e Liverpool, Steven Gerrard, ka pozuar për revistën e njohur “Nuts”.

Është hera e dytë që Jennifer fotografohet nga kjo revistë dhe suksesi nuk mund të fshihet.

Servisi fotografik është vërtet i hatashëm në të cilin Jennifer Ellison tregon të gjithë repertonin e saj që është i madh. Ana e saj “B” vitin e kaluar u zgjodh si më e bukura në botë.

[Damian1]

Maradona: Çdo gol i Bolivisë ishte si goditje thike për mua

Humbja e Argjentinës, 6:1 ndaj Bolivisë nuk ishte shaka e 1 prillit, edhe pse Maradona dhe miliona argjentinas do të dëshironin që të ishte kështu

Hoakin Botero, golashënues i trefishtë në këtë ndeshje të zhvilluar në praninë e 40.000 shikuesve ishte 'xhelati' kryesor i argjentinasve dhe heroi i Bolivisë, e cila me këtë fitore ka ngjallë shpresat për kualifikim në Botërorin 2010.

Kësisoj, përzgjedhësi i Argjentinës, Diego Maradona ka përjetuar humbje të thellë në ndeshjen e tij të dytë zyrtare në krye të Argjentinës. "Ndjej keqardhje për tifozët e Argjentinës. Çdo gol ishte një goditje me thikë në zemren time. Nëse do ta mendonim një humbje të këtillë para ndeshjes, sigurisht se do të thoshim se është e pamundur", ka theksuar Maradona, duke shtuar:

"Nuk ka çfarë të thuhet për këtë ndeshje. Na gjunjëzuan dhe ne duhet të fillojmë nga e para". Për dallim nga Argjentina, kombëtarja e Brazilit ka shënuar fitore si mysafire ndaj Perusë, me reziltat bindës, 3:0.

[Damian1]

Spanja, Del Bosque: Futbollistët me motivim të lartë

Trajneri i kombëtares së Spanjës ka thënë se nuk ka nevojë të motivojë kampionët e Europës pasi ata janë në formë të shkëlqyer

Kombëtarja e Spanjës nuk njeh humbje. Ajo në Stamboll ka realizuar fitoren e gjashtë në kuadër të kualifikimeve për Botërorin 2010 ndaj Turqisë, me rezultat 2:1. Në këtë mënyrë spanjollët kanë zgjatur serinë pa humbje në 31 ndeshje. Humbjen e fundit spanjollët e kanë përjetuar nga Rumania, më 15 nëntor të vitit 2006 dhe atë si mysafirë në një ndeshje miqësore.

"Është e pabesueshme se çfarë motivi të madh kanë futbollistët e mi. Neve na konvenonte barazimi në sfidën me turqit dhe në prag të ndeshjes të gjithë ishim të kënaqur nëse do të merrnim një pikë. Pa dyshim të jesh mysafir në Turqi është njëra nga sfidat më të vështira. Por, pas barazimit të rezultatit futbollistët e mi u vërsulën në sulm dhe askush nuk mundi t'i ndal drejt realizimit të golit të dytë", ka pohuar përzgjedhësi i Spanjës.

Visente del Boske ka shtuar: "Futbollistët e mi kanë motivim të paparë dhe në këtë moment është vërtet vështirë t'i ndalë dikush. Jemi shumë në formë".

[Damian1]

Humbjet e kuqezinjve, Haan: Nuk largohem nga kombëtarja

Trajneri i ekipi kombëtar shqiptar, holandezi Arie Haan tha se problemi nuk qendron tek ai ne rastet e humbjes se kombetares kuqezi

Trajneri i ekipit kombëtar të futbollit, Ari Han, edhe pse ekipi zhvilloi një ndeshje të dobët dhe humbi 3-0 me Danimakën në “Parken Stadium”, e dyta rresht pas asaj me Hungarinë katër ditë më parë në “Qemal Stafa”, dëshiron të vazhdojë të qëndrojë në drejtimin e ekipit.

Trajneri i ekipi kombëtar shqiptar, holandezi Ari Han tha se “nga ana ime nuk ka asnjë problem. Unë dua të vazhdoj akoma t'i jap idetë e mia kësaj skuadre. Takohem me futbollistët vetëm dhjetë ditë për grumbullim dhe kjo është e vështirë për t'u arritur”.

“Lojtarët shqiptarë duhet të luajnë më shpejt topin, ashtu siç bënin danezët, të cilët luanin me një prekje të topit. Këtë futbollistët shqiptarë duhet ta mësojnë tek klubet e tyre dhe jo në ekipin përfaqësues”, ka sqaruar trajneri Han.

Sipas tij, “futbollistët shqiptarë ishin të lodhur në ndeshjet deçizive të këtyre eliminatoreve. Ndaj Maltës kishim shumë mungesa, ndërsa ndaj Danimarkës nuk jemi ekipi i parë që mundemi në Kopenhagen”.