Mbyllur-Lajme dhe Diskutime per Sportin! Futboll.:.Motosport .:.etj

[duadshala]

nje lajm i ri nga milano per trajnerin carlo anceloti ku thuhet se ai do te qendroj deri ne vitin 2010 ne milano.me pastaj si kusht per ta vazhduar kontraten duhet ta fitoj champions ligen vitin tjeter.
Ne ekipin e milanos ka pasur edhe me heret kesi kushtzime.kur fabio capelos ju ka kushtezuar ne te njejten menyr.

[Damian1]

Mourinho: Jam i shqetësuar për Adrianon, jo i hidhëruar

Trajneri i kampionëve të Italisë ka thënë se nuk duhet të përkeqësohet çështja e Adrianos pasi është mjaft delikate

Trajneri i Interit, Jose Mourinho, është shprehur i shqetësuar për mosparaqitjen e Adrianos në fushën stërvitore. Sipas "Sky Sport Italia", sulmuesi ende gjendet në Brazil, ndërsa askush nuk e di vendndodhjen e saktë të tij.

“Kjo është një situatë shumë serioze për ne. Nuk bëhet fjalë për mungesë disipline, megjithatë nuk dëshiroj t’i komplikoj më shumë gjërat. Jam i pikëlluar jo i hidhëruar, por nuk dua të them asgjë. Do të shtoja problemet”.

“Unë jam i shqetësuar për të si njeri, jo si lojtar. Do të presim të shohim se çfarë do të ndodhë. Në skuadër ka sulmues të tjerë, miro asnjërit nuk i pëlqen kjo situatë”, ka thënë portugezi për “Sky Sport Italia”. Ai ka mohuar polemikat me brazilianin.

[Damian1]

Bayern Munchen në ditë të zezë, humbet 5-1 me Wolfsburg

Skuadra e Bayern është shkatërruar me rezultat të thellë në fushën e Wolfsburgut duke u larguar nga skuadrat e kreuit. Humbje edhe për Hertha

Bayern Munchen ka pësuar një tjetër disfatë të shëmuar duke u nënshtruar 5-1 nga Wolfsburg në ndeshjet e kësaj jave në Bundesilga. Ekipi i Klinsmann nuk ka treguar asgjë në transfertë duke pësuar 5 gola nga vendasit.

Gentner shënoi i pari për Wolfsburgun por Toni barazoi menjëherë shifrat. Më pas shënoi dy herë Dzeko në pjesën e dytë dhe dy herë të tjera Grafite duke kaluar vendasit në ekstazë.

Në ndeshjen tjetër Hertha Berlin u mund në shtëpi 1-3 nga Borussia Dortmund. Frei, Kehl dhe Valdez ishin autorët e golave për miqtë ndërsa Raffael nuk evitoi humbjen e berlinezëve. Ka fituar 1-0 edhe Hamburg ndaj Hoffenheim me golin e Pitroipa.

[Damian1]

Chelsea "rrënon" debutimin e Shearer, Arsenal mund M.City

Skuadra e Chelsea ka fituar 0-2 në fushën e Newcastle duke i shkaktuar disfatën trajnerit të sapoemëruar Shearer. Edhe Arsenal fitoi 2-0 ndaj Manchester City

Chelsea ka shënuar fitore me rezultat 2-0 në St James' Park, si mysafir i Newcastle United, duke ia 'rrënuar' ditën e madhe legjendës angleze, Alan Shearer , i cili zhvilloi ndeshjen e parë si trajner i Newcastle.

Pjesa e parë përfundoi pa gola, ndërsa mysafirët u treguan të vendosur në pjesën e dytë duke arritur ta tundin dy herë rrjetin e Stephen Harper.

Golin e parë e shënoi mesfushori Frank Lampard, i cili me kokë e mposhti portierin vendas (56’), ndërsa mesfushori tjetër Florent Malouda, ishte njeriu i padëshiruar i portierit Harper, i cili dyfishoi rezultatin (65’), pas një pasimi të Lampard.

Takimi i zhvilluar në “Emirates Stadium”, ndërmjet Arsenalit dhe Manchester Cityt, ka përfunduar me fitoren e Topçinjve, me rezultat prej 2-0. Sulmuesi i rikthyer nga dëmtimi, Emmanuel Adebayor, ishte heroi kryesor i ndeshjes, i cili shënoi të dy golat e Arsenalit, por meritë kishte edhe lojtari tjetër i kthyer nga dëmtimi, Cesc Fabregas, i cili dha asistet për golat e Adebayor.


Blackburn 2 - 1 Tottenham H.

Arsenal 2 - 0 Manchester C.

Bolton W. 4 - 1 Middlesbrough

Hull C. 0 - 0 Portsmouth

Newcastle U. 0 - 2 Chelsea

West Bromwich 0 - 2 Stoke C.

West Ham U. 2 - 0 Sunderland

[Damian1]

Bayern Munchen vëzhgon dyshen kosovare Curri dhe Dallku

Pas publikimit të lajmit në mediat ukrainase, një gjë e tillë u konfirmua zyrtarisht nga Debatik Curri. “Po, është e vërtetë”, pohoi mbrojtësi kuqezi.

E bujshme. Debatik Curri dhe Armend Dallku do të jenë sot nën vëzhgimin e një skauti të famshëm, që përfaqëson, as më pak e as më shumë, por Bajernin e Mynihut. Pas publikimit të lajmit në mediat ukrainase, një gjë e tillë u konfirmua zyrtarisht nga Debatik Curri. “Po, është e vërtetë”, pohoi mbrojtësi kuqezi, nëpërmjet linjës telefonike nga qyteti i Polltavës.

Më pas, Curri sqaron: “Kemi mësuar nga klubi, që në ndeshjen kundër Ilitçivets Mariupolit, do të na ndjekë një menaxher i njohur, i cili është përfaqësues i Bajernit të Mynihut. Kaq mund të them, pasi nuk është se ka ndonjë gjë konkrete. Personalisht di vetëm që menaxheri i Hamburgut më ka vëzhguar në dy ndeshjet e Kombëtares. Tani shpresoj që të fitojmë dhe natyrisht të bëj një paraqitje të mirë.”

Vorskla Polltava, ku aktivizohen prej vitesh dy kuqezinjtë, përballet në fushën e vet kundër Ilitçivets Mariupolit. Në tribunën “VIP” do të jetë “skauti” bavarez, Egon Kurdes. Sipas uebsajtit “football.ua”, ky i fundit ka marrë kontakte me klubin e Vorsklës, në mënyrë që të shtunën t’i rezervohej një vend. Kujtojmë që interesim konkret për Currin dhe Dallkun kanë pasur klube turke e ruse. Vlen për t’u përmendur Dinamo e Moskës dhe Gallatasarai. Ndërkohë, kontrata e tyre me Vorsklën përfundon në fillimin e vitit 2010.

Tashmë gjërat janë bërë më serioze dhe ata janë afër nënshkrimit të një parakontrate me klube të Bundesligës. Duke parë edhe interesimin e fundit, do të ishte diçka e madhe nëse një prej tyre bëhet pjesë e një klubi të famshëm, si Bajerni i Mynihut. Ekipi që drejtohet nga Jurgen Klinsman është interesuar gjithashtu edhe për Lorik Canën, që aktualisht është pjesë e Olimpikut të Marsejës, teksa mban shiritin e kapitenit.

[Damian1]

Liverpool merr fitore dramatike, në krye të Premiership

Pas një morie sulmesh edhe 5 shtyllash të goditura, më në fund ishte izraeliti Benayoun ai që shënoi golin e vetëm të Liverpool ndaj Fulham

Një gol i shënuar nga Yossi Benayoun në minutën e dytë shtesë të ndeshjes i ka dhënë tri pikë të rëndësishme Liverpoolit në përballje me Fulhamin, duke e ngritur kështu në maje të tabelës së Premierligës.

Liverpool dominoi si në raste po ashtu edhe në posedim të topit, por nuk arriti të gjejë portën e Mark Schwarzer gjatë 90 minutave të rregullta, për të shënuar fitore vetëm në kohën shtesë, rasti i tetë këtë sezon për të Kuqtë.

Liverpooli preku shtyllën katër herë me anë të Andrea Dossena, Xabi Alonso dhe Fernando Torres, por asnjëri rast nuk ndryshoi rezultatin. Kur u mendua se ndeshja do të përfundonte me ndarje pikësh, Benayoun, i cili zëvendësoi Dirk Kuyt në minutën e 75-të, dërgoi topin në rrjet për të vulosur fatin e ndeshjes.

Ekipi i Rafa Benitez tani gjendet dy pikë mbi Manchester United, por edhe me dy ndeshje më shumë të zhvilluara. Manchester United nesër do të mund të rimarrë kreun, kur pret në Old Trafford ekipin e Aston Villas.

[Damian1]

Barcelona fiton 0-1 në fushën e Valladolid, vendos Eto’o

Sulmuesi kamerunas Samuel Eto’o ka shënuar golin e vetëm të katalanasve në transfertën në fushën e Valladolid

Barcelona ka rimarrë marshin e fitueses pas pauzës së ndeshjeve të kombëtares. Skuadra e Guardiolës nuk është ndalur as këtë javë pasi ka fituar 0-1 në fushën e Valladolid duke shkuar në kuotën e 72 pikëve pas 29 javësh të luajtura në Primera Division.

Në ndeshjen ndaj Valladolid, Barcelona është imponuar me një gol të sulmuesit kamerunas Samuel Eto’o në minutën e 40-të.

Ka fituar 0-1 edhe Sevilla që në ndeshjen ndaj Recreativo Huelva mori 3 pikë shumë të rëndësishme me anë të golit të sulmuesit Malian Kanoute. Futbollisti afrikan ktheu në gol një penallti në minutën e 33.


Almeria 3 - 0 Villarreal

Athletic Bilbao 2 - 1 Mallorca

Real Betis 3 - 3 Numancia

Recreativo 0 - 1 Sevilla

Valladolid 0 - 1 Barcelona

[Damian1]

Trajneri brazilian Dunga: Milani po e shkatërron Kaka’

Seleksioneri i kombëtares “Selecao” ka sulmuar klubin e Milanit duke thënë se është duke shkatërruar Kaka’ si lojtar

Trajneri i kombëtares së Brazilit, Carlos Dunga, sërish ka shprehur zhgënjimin e tij me stafin mjekësor të Milanit.

“Milani ka një mënyrë tjetër veprimi, ne kemi tjetër. Kaka gjithmonë është i lënduar në Milan dhe kjo është hera e dytë që ne ua kthejmë të shëruar. Gjithçka patëm nevojë ishin tri ditë që ai të mund të luajë 30 minuta, ndërsa në Milan nuk mund të luante aspak”, ka thënë Dunga.

“Ronaldinho është një lojtar tjetër i rëndësishëm për ne dhe dëshirojmë që ai të rikthehet në formën më të mirë për Botërorin 2010. Ai është një kampion i madh dhe do të përpiqemi ta rikthejmë në rrugë të duhur”, ka shtuar trajneri brazilian.

[Damian1]

United kërkon Ribery si zëvendësues të Cristiano Ronaldos

"News of the World" njofton se edhe Manchester Unitedi i është bashkuar garës për të fituar shërbimet e anësorit të Bayern Munich, Franck Ribery

Barcelona ështa jo që e kërkon me ngulm por një ndërhyrje e Manchester United, mund të zhvendosë në Angli, të ardhmen e mesfushorit Franck Ribery. Largimi i Cristiano Ronaldos mund të bëjë që paratë e fituara të investohen menjëherë.

Tabloidi britanik "News of the World" njofton se kampionët anglezë do të konkurrojnë me Barcelonën dhe Interin, për ta transferuar në Old Trafford francezin 25-vjeçar që militon në Bundesliga me Bayern Munchen.

I njëjti burim pohon se Djajtë e Kuq tashmë kanë filluar bisedimet me Ribery, i cili konsiderohet si zëvendësues i denjë i Cristiano Ronaldos, i cili sipas të gjitha gjasave do të largohet në drejtim të Real Madridit këtë verë.

[Damian1]

Fiorentina, përmbysje e denjë për Champions ndaj Atalantës

Skuadra e Fiorentinës ka fituar 1-2 në fushën e Atalantës duke mbajtur ritmin për një vend që të kualifikon në Champions League

Në ndeshjen e parë të javës në Serie A, ndeshja mes Atalantës dhe Fiorentiës është mbyllur me fitoren e miqve 1-2. Një 3 pikësh i rëndësishëm për skuadrën e Prandelli që tani afrohet më shumë drejt vendit të katërt në klasifikim.

Në ndeshjen e luajtur në Bergamo, pjesa e parë ka qenë nën ritëm dhe ku mbizotëroi shiu. Më pas me fillimin e pjesës së dytë ishin vendasit e Atalantës që kaluan në avantazh me anë të Plasmatit.

Por Fiorentina ngulmoi dhe Gilardino në zonë fitoi një penallti ndërsa Atalanta mbeti me 10 lojtarë pas përjashtimit të Pelusos.

Barazimi nga pika e bardhë erdhi me Jovetic. Në fundin e ndeshjes Gilardino, pasi më parë i ishte anuluar nëj gol, shënoi rrjetën e fitores ndaj bergamaskëve.