Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Juventus ndalet 3-3 nga Chievo, Roma mundi Bologna 2-1

Një tjetër surprizë është realizuar nga Chievo që ka barazuar me Juventus 3-3 ndërsa Roma fitoi 3 pikë me vlerë ndaj Bologna

Është gjendur dy herë në disavantazh por nuk është dekurajuar duke kthyer rezultatin porn ë fund është mbyllur barazim me shifrat 3-3. Skuadra e Juventus ka vendosur zemrën në fushë për të fituar ndaj Chievos por kjo nuk ka mjaftuar pasi veronezët realizojnë një tjetër surprizë.

Heroi i miqve ishte sulmuesi Sergio Pellisier që shënoi 3 herë në portën e Gigi Buffon duke i lënë Juventusit vetëm një pikë. Chiellini, Iaquinta dhe një autogol i Moreros ishin autorët e golave në favor të Juventus që ndalet sërish.

Roma fitoi 2-1 ndaj Bologna por pati shumë fat dhe u ndihmua nga arbitri. Dy herë ishte Totti që shënoi me penallti për vendasit ndërsa Marazzina sigloi barazimin e përkohshëm për ekipin e Mihajlovic.

Sampdoria dhe Napoli u ndanë në një barazim 2-2 kurse skuadra e Palermos mundi minimalisht 1-0 skuadrën e Torinos.


Atalanta 1 - 2 Fiorentina

Roma 2 - 1 Bologna

Cagliari 1 - 0 Catania

Juventus 3 - 3 Chievo

Palermo 1 - 0 Torino

Reggina 0 - 1 Genoa

Sampdoria 2 - 2 Napoli

Siena 2 - 0 Lazio

[Damian1]

Manchester United rimerr kreun, fitore 3-2 me Aston Villa

Skuadra kampione e Manchester United ka rifituar vendin e parë në Premier League pas suksesit 3-2 ndaj Aston Villa

Kampionët e Anglisë rikthehen bindshëm edhe pse për këtë u duhen më shumë se 95 minuta lojë. Manchester United ka rimarrë kryesimin e kampionatit me një pikë më shumë dhe një ndeshje më pak se Liverpool në vendin e dytë.

Fitorja 3-2 ndaj Aston Villa sanksionoi vendin e parë të United. Skuadra e sir Alex Ferguson u tregua superiore ndaj miqve edhe pse ekipi i O’Neill ishte në ditë të mirë. Cristiano Ronaldo shënoi golin e parë ndërsa më pas shifrat u barazuan nga sulmuesi John Carew. Në pjesën e dytë Agbonlahor shënoi golin e avantazhit për Aston Villa.

Më pas Cristiano Ronaldi riktheu barazimin në “Old Trafford” me një gol të bukur dhe një aksion manuali, ndërsa emocionet u rezervuan në minutat shtesë. Talenti Macheda bëri një finte të bukur në zonë duke shënuar golin e fitores për Manchester United që tani ka 68 pikë. Në ndeshjen tjetër Everton shkatërroi 4-0 Wigan.

[Damian1]

Fitojnë Tirana dhe Vllaznia, dorëhiqet trajneri i Elbasanit

Tirana ka fituar në transfertë ashtu si Vllaznia e cila përveç humbjes e ka lënë Elbasanin edhe pa trajnerin Sejdini

Tirana e Vllaznia fituan ne transferte respektivisht me Flamurtarin (1-2) dhe Elbasanit (1-4), duke u binjakezuar serish me kreun, nga 51 pike. Migen Memelli shenoi dy gola per Tiranen (i pari pas 24 sekondave loje, goli me i shpejte i sezonit aktual). Memelli u ngjit ne kuoten e 16 golave. Ne "Ruzhdi Bizhuta", Sinani e Sukaj shenuan secili nga dy gola. Dopieta e trete sezonale e Sukajt. Trajneri i Elbasanit, Faruk Sejdini dha doreheqjen.

Dinamo fitoi 2-1 me Partizanin, ne nje takim qe te dyja skuadrat e mbyllen me nga dhjete lojtare (Malota, Partizani e Bakaj,Dinamo me karton te kuq). Lushnja barazoi ne Kavaje 2-2, dhe interesant eshte fakti qe si goli i barazimit 1-1 (45', autogol Mancaku) dhe ai 2-2 (90', Kaloti) dukej se ishin me shume dhurate Beses. Teuta fitoi 1-0 me Shkumbinin fale golit te talentit Emiljano Vila. Derbi i "vdekjes" ai midis Apolonisw e Bylisit u mbyll ne barazim 0-0.

Kategoria Superiore Java 26

Besa-Lushnja 2-2 (1-1)

Elbasani-Vllaznia 1-4 (0-1)

Flamurtari-Tirana 1-2 (1-2)

Teuta-Shkumbini 1-0 (1-0)

Partizani-Dinamo 1-2 (0-0)

Apolonia-Bylis 0-0 (0-0)

Golat:

Teuta-Shkumbini 1-0 (1-0)

Golat: Vila 10'

Partizani-Dinamo 1-2 (0-0)

Golat: Babanusta 75'/Bodrusic 68', Poci 76'

KK: Mallota 68' (P), Bakaj 88'(D)

Flamurtari-Tirana 1-2 (1-2)

Golat: Alvizh 19'/ Memelli 1', 39'

Elbasani-Vllaznia 1-4 (0-1)

Golat: Ahmataj 82'/Sinani 20', 61', Sukaj 72', 88'

Besa-Lushnja 2-2 (1-1)

Golat: Haliti 33', Progni 56' /Mancaku 45' (og), Kaloti 90'

[Damian1]

Inter, një dorë tek titulli me autogol në fushën e Udinese

Kampionët e Italisë lanë shtuar në 9 pikë difere
ncën me Juventusin e vendit të dytë, por ndaj Udinese kanë fituar me autogol

Kampionët e Italisë kanë shënuar një fitore shumë të rëndësishme duke e blinduar në këtë mënyrë titullin edhe për këtë sezon. Takimi i zhvilluar në Stadio Friuli, ndërmjet Udineses dhe Interit, ka përfunduar me fitoren e zikaltërve me rezultat minimal 1-0.

I vetmi gol në ndeshje u shënua pas një kombinimi të Ibrahimovicit dhe Vieiras, ku u prodhua edhe autogoli i çmendur i mbrojtësit të Udineses, Mauricio Isla që gaboi duke shënuar në portën e tij.

Këto tri pikë kanë vlerë të madhe, pasi zikaltërit janë distancuar në nëntë pikë nga Juventusi dhe janë më afër se kurrë për ta fituar titullin tjetër në serie A.

[Damian1]

Valencia i afrohet vendit të katërt, turpërohet Atletico

Valencia ka shkatërruar Getafen me një diferencë prej 3 golash duke iu afruar vendit të katërt ndërsa Atletico Madrid humbi në shtëpi

Dy penallti të shndërruara në gol nga David Villa kanë ndihmuar Valencian të shënojë fitore të thellë prej 4-1 ndaj Getafes, që ngrihet në pozitën e pestë të tabelës së La Ligës. Vendasit hapën rezultatin pas 20 minutash lojë në Mestalla me golin e Juan Manuel Mata Garcia. Pesë minuta më vonë rezultatin e dyfishoi David Villa, duke shënuar nga pika e bardhë, pasi David Silva ishte fauluar në zonë nga Lucas Licht.

Pjesa e dytë filloi në të mirë të Getafes, që katër minuta pas pauzës (49’) ngushtoi rezultatin me anë të penaltisë së shndërruar në gol nga Francisco Casquero. Por kjo ishte gjithë çka mundën mysafirët, pasi pas shtatë minutash tjera vendasit shtuan avantazhin me anë të Raul Albiol.

David Villa fitoi dhe shndërroi në gol edhe penaltinë e tretë të akorduar në këtë ndeshje dhe të dytën për Valencian, për të shënuar golin e 21-të këtë sezon. Portieri Jacobo Sanz Ovejero, i cili shkaktoi penaltinë, u përjashtua nga loja për shkak të kartonit të dytë të verdhë.

Në ndeshjen tjetër, Atletico Madrid është turpëruar në Vicente Calderon duke u mposhtur nga Osasuna me rezultat 4-2. Atletico mbetet me 43 pikë dhe humb edhe pozitën e pestë në tabelë, ku ngrihet Valencia, që tash ka 46 pikë.

Edhe Villarreali që mban pozitën e katërt, humbi në fushë të Almerias dhe rrezikon këtë pozitë, pasi tash ka vetëm dy pikë epërsi ndaj Valencias. Barcelona vazhdon të kryesojë La Ligën me 72 pikë, gjashtë më shumë se Real Madridi që ndjek në pozitën e dytë.

[Damian1]

Milani tregon “dhëmbët” 2-0, Lecce mundet vetëm në shtesë

Skuadra e Milanit ka mundur të fitojë vetëm në kohën shtesë ndaj skuadrës së Lecce e cila vuri në vështirësi kuqezinjtë për 90 minuta

Takimi i fundit i javës së 30-të në Serie A, i zhvilluar në San Siro ndërmjet Milanit dhe Lecces, ka përfunduar me fitoren e kuqezinjve me rezultatin 2-0. Kuqezinjtë vuajtën deri në fund të ndeshjes përballë mbrojtjes së paluhatshme të Lecces, mirëpo në minutat shtesë, ata arritën t’i rrëmbejnë tri pikë të plota nga kjo ndeshje.

Golin e parë e shënoi Philippe Senderos i ndihmuar nga devijimi i Ronaldinho me kokë në minutën e 90 pas një krosimi të Andrea Pirlos, ndërsa tre minuta më pas (94), Pippo Inzaghi dyfishoi rezultatin pas një krosimi të Shevas.

Me këtë fitore, Milani është afruar në pesë pikë diferencë me pozitën e dytë, të cilën e mban Juventusi. Në krye Interi me 9 pikë më shumë se Juventus

[Damian1]

Tevez pranon uljen e pagës për të qëndruar me Manchester

Sulmuesi argjentinas Carlos Tevez e ka bërë të qartë dëshirën e tij për skuadrën e së ardhmes dhe për këtë do të sakrifikojë

Ne nje kohe qe lojtari argjentinas nuk ka hedhur asnje firme per sezonin e ardhshem, ai shprehet se do te deshironte te vazhdonte aventuren me Manchester United ku luan aktualisht. Sulmuesi argjentinas e ka kaluar periudhen negative pasi ne pjesen e pare te sezonit ai ngrohu me shume stolin, duke i kerkuar trajnerit Alex Ferguson aktivizim me te madh.

“Mendimi im i vetem eshte te fitoj sa me shume trofe me kete fanele dhe shpresoj qe te qendroj ketu edhe gjate sezonit te ardhshem. Nuk kam deshire te luaj me asnje skuader tjeter. Gjithmone kam ndjekur zemren qe me thote se eshte e pamundur te le futbollin anglez”, shprehet ish lojtari i West Ham.

Carlos Tevez ishte në fushë në suksesin e Manchester United ndaj Aston Villa, duke kontribuar në rikthimin e kampionëve në krye të Premier League. Burime pranë tij thanë se ai do të reduktojë pagën për të qëndruar.

[Damian1]

Ricardo Kaka’ pranon kalimin tek Reali i Florentino Perez

Sipas mediave spanjolle braziliani Kaka’ është joshur nga kalimi në Madrid kur Perez të marrë presidencën e klubit “galaktik”

Mesfushori i Milanit, Kaka, i ka dhënë pëlqimin kandidatit për president të Real Madridit, Florentino Perez, për transferim në klubin spanjoll. Emri i Kaka sërish është pjesë e thashethemeve rreth të ardhmes së tij dhe edhe njëherë është lidhur me kalim tek Reali i Madridit.

Pas deklaratave të Kaka se nuk është në raporte të mira me drejtuesit e Milanit për shkak të mënyrës se si është trajtuar lëndimi i tij, spekulimet për largim të tij nga San Siro sërish janë bërë aktuale.

Marca ka shkruar se Kaka tashmë i ka thënë “po” Florentino Perezit për kalim në Real Madrid. Spekulohet se klubi mbretëror tashmë e ka caktuar edhe vlerën e dëmshpërblimit me Milanin, e cila thuhet të jetë rreth 60 milionë euro.

[Damian1]

Champions League, startojnë ethet e gjysmëfinaleve

“Ethet” e garës me prestigjioz në futbollin evropian, Ligës se Kampionëve pas disa ditë pushimi rikthehen në këtë mesjave

“Të mëdhenjtë”, e Evropës, Manchester United, Barcelona, Liverpool, Chelsea, Arsenal, Porto e Villareal, më shumë se kurrë janë të përgatitur, e të përqendruar maksimalisht dhe se, më gjithë “arsenalin” e tyre kërkojnë triumfin në këtë gare që tashmë ka hyrë në fazën më joshëse e dramatike.

Tifozë nga mbarë Evropa, e më gjerë këto dy ditë mbase do të kalojnë më sportin më të popullarizuar në botë, futbollin, sepse përballjet e ndeshjeve të para të gjysmëfinales së Ligës së Kampionëve parashikohen te jenë te “nxehta” dhe te paqarta se kush do të vazhdon rrugën drejt stadiumit “Olimpico” te Romës.

Atje do të zhvillohet finalja e madhe e kësaj lige. Të martën mbrëma kampionia e Anglisë, Evropës dhe Botës, Manchester United, në Old Traford, do të ballafaqohet me Porton e Portugalisë.

[Damian1]

Klinsmann: Kundër Barcelonës luhet e ardhmja e Bayern

Në prag të ndeshjeve të Champions League, trajneri i bavarezëve Klinsman, tha se ndaj Barcelonës luhet e ardhmja e klubit

Trajneri i Bajernit të Munihut, Jurgen Klinsman ishte dukshëm i mërzitur pas humbjes së thellë në fundjavë ndaj Volfsburgut, me rezultat 5:1. "Kjo humbje dhemb shumë, veçmas për faktin se në mesjavë kemi ballafaqimin tejet të vështirë dhe të rëndësishëm me Barcelonën në 'Nou Camp'.

Çdo lojtar duhet ta kuptoj se cila është rëndësia e kësaj ndeshjeje. Luajmë për të ardhmen e Bajernit të Munihut”, ka thënë Klinsman, në prag të ndeshjes me Barçën, e cila zhvillohet të mërkurën. “Duhet të bisedojmë për gabimet të cilat i bëmë kundër Volfsburgut, në mënyrë që të mos i përsërisim edhe ndaj Barcelonës”.

“Duhet të shikojmë përpara dhe të besojmë në aftësitë tona. Të gjithë jemi profesionistë, që do të thotë se jemi të aftë që nga ndeshja në ndeshje të rrisim nivelin e lojës sonë. Jam i bindur se kundër Barcelonës do t’i konsolidojmë radhët dhe do të tregojmë një lojë të mirë”, ka përfunduar Klinsman.

“Në prag të ndeshjes me Barçën, Bajerni i Mynihut ka probleme me lëndimin e futbollistëve. Kështu, për këtë ndeshje mund të mungojnë Frank Riberi, Filip Lahm dhe brazilianin Lusio.