Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Abramovich do Ancelotti, futbollistët e Chelsea: Mourinho

Ekziston një përplasje mendimesh për trajnerin e ri të Chelsea pasi kanë dështuar përpjekjet për të mbajtur Guus Hiddink

Në rast se Gus Hidink vërtet nuk do të mbetet në postin e trajnerit të Çelsit për shkak të obligimeve që ka në kombëtaren e Rusisë, atëherë pronari i Çelsit, Roman Abramoviç ka gati listën e vogël me emrat e trajnerëve të cilët dëshiron t'i shoh në krye të skuadrës së tij.

Sipas shtypit britanik, pronari rus dëshiron që trajner të skuadrës ta emërojë Karlo Ançelotin, derisa futbollistët kanë dëshirë që të rikthehet portugezi, Hose Murinjo.

Ndonëse të dyja klubet italiane, si Milan ashtu edhe Inter shumë herë kanë demantuar zërat se trajnerët e tyre do të braktisin radhët e tyre, derisa më tani rrallë ka ndodhur që dikush ta refuzojë ofertën e Roman Abramoviçit.

[Damian1]

Kombëtarja, miqësore me Skocinë para eliminatoreve

Institucioni më i lartë i futbollit shqiptar po shqyrton mundësitë për zhvillimin e ndeshjeve miqësore në datat e lira të përcaktuara nga FIFA

Mësohet se është pranuar ftesa për të luajtur me Skocinë në fillim të nëntorit, por para se të merret vendimi përfundimtar, duhet zgjidhur edhe çështja e trajnerit, pra nëse do të qëndrojë apo jo Ari Han.

Propozimi për të luajtur me Skocinë ka ardhur nga sekretari i përgjithshëm i Federatës Skoceze të Futbollit, i cili e ka ndjekur nga afër ndeshjen Shqipëri-Skoci (U 21) në “Ruzhdi Bizhuta”. Nuk përjashtohet mundësia të gjendet një tjetër kundërshtar për miqësore në muajin gusht. “Kemi kontaktuar me 17 shtete, që mund të pranonin zhvillimin e ndeshjeve miqësore në datat e përcaktuara nga FiFA.

Mund të luajmë me Skocinë në fund të tetorit apo në fillim të nëntorit, para ndeshjeve të fundit të grupit tonë. Kemi edhe një datë të lirë në qershor, por është pas ndeshjes me Partugalinë, çka do të thotë se nuk është në funksion të kombëtares, pasi gjithmonë miqësoret bëhen para ndeshjeve zyrtare, por mund të caktojmë një ndeshje tjetër në muajin gusht,” - ka zbuluar Arben Bici, sekretari i përgjithshëm i federatës.

[Damian1]

Henry: Dua të fitoj Ligën e Kampionëve me Barcelonën

Pasi ka fituar titujt e ligave, kupat vendore, si dhe Kupën Botërore dhe Kampionatin Evropian, ylli francez dëshiron të shtojë edhe një trofe të suksesshëm në listën e tij të arritjeve

Thierry Henry ka zbuluar se ambicia e tij kryesore është të fitojë Ligën e Kampionëve, por është i vetëdijshëm se së pari duhet të fokusohet të ndihmojë Barcelonën të eliminojë kundërshtarin e vështirë, Bayernin e Munichut.

“Dua ta fitoj Ligën e Kampionëve. Është një garë të cilën kurrë nuk e kam fituar dhe ende jam i ngazëllyer pas saj. Të jem i sinqertë, jam i kënaqur që shmangëm Arsenalin, pasi është një ekip me të cilin nuk dua të përballem”, ka thënë Henry.

“Por e di nga e kaluara se sa vështirë është të mposhtësh Munichun. Kur kaloni në çerekfinale të gjitha ekipet kundërshtarë janë shumë të vështira dhe Bayerni është një prej më të mëdhenjve në Evropë”.

“Ka lojtarë të cilët mund ta vendosin ndeshjen. E dimë se Miroslav Klose është i lënduar por ata kanë edhe Luca Tonin, Bastian Schweinsteiger dhe, mbi të gjitha Riberyn, Lionel Messin e Bayernit”, ka shtuar francezi.

[Damian1]

UEFA: “Mastercard” mbetet sponsor i Ligës së Kampionëve

UEFA vazhdon të shtojë milionat nga kontratat e majme me sponsorë të ndryshëm dhe një të tillë e ka konfirmuar me Mastercard

Kompania për kartela pagesore “Mastercard” mbetet sponsor i Ligës së Kampionëve evropian edhe për tre vjetët e ardhshëm. Kjo është bërë e ditur nga UEFA, e cila nuk ka publikuar vlerën dhe detajet e kontratës sponsorizuese.

Kontratat e sponsorimit në tri vjet paraprakisht i vazhduan edhe “Heineken” dhe “Sony”, ndërsa sponsor i ri prej vitit të ardhshëm do të jetë banka italiane “Unicredit”. Partnerët e deritanishëm të Ligës së kampionëve, të cilët nuk i vazhduan kontratat janë “Ford”, “Playstation” dhe “Vodafone”.

UEFA paralajmëroi se së shpejti do të firmosë kontrata për sponzorizim me partnerë nga industria automobilistike dhe teknologjike.

[Damian1]

Champions, sot në fushë dy çiftet e tjera çerekfinaliste

Barcelona - Bayern Munich dhe Liverpool – Chelsea do të jenë skuadrat që do të zbresin sot në mbrëmje për spektaklin e Champions

Derbi anglez i Champions mes Liverpool dhe Chelsea pritet të mbrëthejë të gjithë sportdashësit për të parë emocionet e këtij takimi. Lufta mes tyre në Premier League do ti lërë pak vend përballjes në Europë. Benitez dhe Hiddink e presin në një klimë të qetë.

Barcelona do të presë Bayern Munchen në një ndeshje ku nuk përjashtohen surprizat. Ekipi katalanas një prej favoritëve për trofeun do të ketë përballë bavarezët krenarë dhe të mësuar me çdo fushë të botës.

[Damian1]

Federata angleze, akuza 5 lojtarëve për vënie të basteve

Federata angleze e futbollit ka akuzuar pesë futbollistë pasi kanë shkelur rregulloren për vënien e basteve duke vënë shuma të majme

Nën dyshim është takimi Akrington – Bjuri i zhvilluar në maj të vitit 2008 që ka përfunduar me fitoren e mysafirëve 0:2. Ndeshja nuk vendoste për plasman në tabelë, prandaj katër futbollistë të Akringtonit (Xhej Heris, Dejvid Meniks, Robert Viliams dhe Piter Kavano) dhe një i Bjurit (Endru Mangan) akuzohen se kanë vënë bast në fitoren e Bjurit.

Të pestit janë nën kërcënimin e dënime të ashpra duke përfshirë edhe suspendimet. Këta futbollist kanë afat që deri me 23 prill të deklarohen për rastin. Disa nga bastoret duke vërejtur dyshimet rreth mundësisë së kurdisjes së këtij takimi kishin refuzuar të pranojnë pagesat për këtë ndeshje.

"Të gjithë të akuzuarit kanë vënë bast në fitoren e Bjurit. Meniks ka paguar rreth 4 mijë Euro, Mangan 3.5 mijë, Heris 2 mijë dhe Wiliams 1 mijë Euro. Kavano ndeshjes së sipërpërmendur ia ka bashkangjitur edhe disa çifte tjera duke paguar vetëm 5 Euro” thuhet në komunikatën e FA-së

Heris, i cili tashmë luan për Çester Sitin, akuzohet se ka vënë baste edhe në disa ndeshje tjera për klubin e tij të ri, ndërkohë me të njëjta akuza përballet edhe Kavano. Sipas rregullave në fuqi për bastet të Federatës Angleze të Futbollit, të gjithë futbollistëve iu ndalohet vënia e basteve në ndeshjet ku vetë ata janë pjesëmarrës të asaj lige, apo kur kanë ndikim të drejtpërdrejt apo në ndonjë formë tjetër.

[Damian1]

Podolski: Champions League për të harruar Bundesligën

Bajerni i Mynihut nuk do të përsërisë të njëjtat gabime si në kampionat kundër Volfsburgut dhe Podolski kërkon sukses me Barcelonën

Lukas Podolski synon të lërë pas Bundesligën dhe të harrojë kujtimet e humbjes së thellë 5-1 kundër Volfsburgut dhe ta inspirojë Bajernin e Mynihut drejt fitores kundër skuadrës së tij të preferuar në kohën e fëmijërisë, Barcelonës. Të dyja skuadrat do të ndeshen sot për çerekfinalet e Ligës së Kampionëve.

Lojtari 23-vjeçar ka luajtur për 90 minuta kundër Volfsburgut, në humbjen më të thellë të Bajernit këtë sezon. Ndeshja e sotme në “Camp Nou” i ofron Bajernit shansin e menjëhershëm për të treguar se ata janë ende të fortë.

“Kam qenë një tifoz i madh i Barcelonës prej vitesh, edhe pse e di se nuk ka vend për mëshirë kur të ndeshemi”, ka thënë Podolski. “Do të shkojmë në Barcelonë për të marrë të paktën një barazim. E vetmja mënyrë për të harruar humbjen 5-1 në Bundesligë është të luajmë mirë kundër Barcelonës. Ky është edhe synimi im”, ka shtuar ai.

Krahas skuadrës së tij të zemrës, Këlnit, Podolski pranon se ka qenë gjithnjë tifoz i skuadrës katalanase. “Vite më parë unë isha tifoz i dy klubeve: i Këlnit dhe i Barcelonës. Mbaj mend kur Barça kishte lojtarë të shquar si Hristo Stoiçkov, Rivaldo dhe Romario. Kur luaja në shkollë, unë doja të isha Rivaldo i ri, madje e thërrisja veten ashtu. Secili fëmijë ka lojtarët e tij të preferuar dhe unë kisha Rivaldon”.

[Damian1]

Kaka’ kërkon 12 milionë Euro në sezon nga Real Madridi

Vazhdon të trumbetohet me të madhe akordi mes brazilianit edhe skuadrës së Realit edhe pse palët mohojnë gjithçka

Zëvendëspresidenti i Milanit, Adriano Galliani, ka thënë se super-Kaka nuk është në shitje, mirëpo “AS” njofton se kaka dhe përfaqësuesit e tij tashmë i kanë bërë të ditura kërkesat e ish-futbollistit më të mirë në botë

Braziliani Kaka kërkon 12 milionë euro bruto për sezon, ose nëntë milion neto, që do të thotë afër tre milionë më shumë sesa paga neto e tij te Milani (6.2 milionë).

Florentino Perez i ka ofruar Milanit 60 milionë euro për brazilianin, ndërsa Rossonerët kërkojnë 85 milionë, derisa pritet që të caktohet një vlerë e mesme prej 70 milionë eurosh, dhe pastaj Kaka do ta vishte fanellën e Los Blancos.

[Damian1]

Adebayor: Nuk e di si e realizova golin, dua kualifikimin

Sulmuesi togolez Adebayor ka thënë se nuk e priste një eurogol të tillë në Spanjë por tani kërkon kualifikimin e Arsenalit

Skuadra e Arsenalit përkundër lojës së dobët në pjesën e parë në "El Madrigal" arriti që të nxjerrë një barazim të vlefshëm ndaj Vilarealit, në ndeshjen e parë çerekfinale të Ligës së Kampionëve. Protagonisti kryesor i kësaj ndeshje pa dyshim ishte Emanuel Adebajor, i cili shënoi një gol vërtet të bukur, i cili vlerësohet të jetë njëri nga golat më të mirë në Ligën e Kampionëve.

Shumë më interesante ishte deklarata e vetë futbollistit togolez, i cili nuk është i sigurt se si e ekzekutoi atë goditje akrobatike. "Jam i kënaqur me lojën time, por nuk e di se si arrita të shënoj një gol të tillë. Gjëja më e rëndësishme është se topi përfundoi në rrjetë dhe unë ia sigurova barazimin skuadrës time”.

“Ne arritëm të nxjerrim një rezultat të mirë nga ndeshja e parë dhe mendoj se ia arritëm qëllimit. Tani në ndeshjen e kthimit do të japim maksimumin për të kaluar në gjysmëfinale", ka pohuar Adebajor.

"Ishte një gol i papritur. Adebajori e bëri atë goditje në mënyrë të përkryer. Në momentin e parë nuk ishte aspak në pozitë për të shënuar, por ai arriti që gjithçka ta kthejë në avantazhin e tij dhe të dërgoi atë gjuajtje magjike", ka theksuar trajneri i Arsenalit, Arsen Venger.

[Damian1]

Dy disfatat radhazi, Shqipëria humbet 11 vende në FIFA

Kuqezinjtë shqiptarë tani ndodhen në vendin e 91-të të renditjes së FIFA-s pasi dy humbjet radhazi u kanë kushtuar shumë

Nga vendi i 80, në vendin e 91-të. Një rënie të madhe prej 11 vendesh ka pësuar kombëtarja shqiptare e futbollit në klasifikimin e zyrtarizuar sot, nga qeveria e futbollit botëror, FIFA.

Shqipëria ka humbur me Hungarinë 0-1 në stadiumin kombëtar “Qemal Stafa” dhe 4 ditë më pas ka pësuar një disfatë të thellë ndaj Danimarkës në Kopenhagen. Kombëtarja ndodhet tashmë në vendin e 91 me 399 pikë dhe larg rivalëve të të njëjti kalibër si Bjellorusi apo Slloveni.

Në majën e klasifikimit gjendet sërish Spanja e cila nuk njeh humbje që prej 31 ndeshjesh dhe vazhdon të jetë në formë edhe me trajnerin Del Bosque. Pas saj ndodhet Gjermania dhe Holanda. Për Brazilin vendi i katërt.