Mbyllur-Lajme dhe Diskutime per Sportin! Futboll.:.Motosport .:.etj

[tironci]

Interi fitoi me Milanin 2-1,kjo do ishte me e sakte,te thuash qe e shkaterroi me duket pak si e ekzagjeruar,kjo pasi Interit pjesen e dyte po i binte infrakt nga rastet e Milanit.Kurse shkaterrimi eshte komplet tjeter gje.Kur Milani fitoi me Interin 6-0 atehere te gjithe shkruajten qe Milani e shkaterroi Interin,ai po mund te quhet SHKATERRIM

Ja ku doli llafi fikut per punen e tifozave.Persa i perket ndeshjes pjesen e pare lujtet i cik ma mir se ne,por per te dyten skeni ca te thoni se vetem adriano ka dal 3 vetem me portierin.Gjithsesi nuk po e zgjas mo se na bertet fiku :)

[pleshina]

Mendoj se inter e meritoj fitoren,luajten si dragoj me gjith energjin me shum forc edhe pse nuk jam tifoz i interit me pelqeu loja te cilen e aplikuan

[Damian1]

Inter fiton derbin me forcë dhe zemër të madhe, Milani KO

Adriano me “Dorën e Zotit” dhe një tjetër gol i Stankovic kanë qenë të mjaftueshëm për të mundur Milanin në ndeshjen që pushtoi vëmendjen e të gjithë mediave botërore!

Inter me forcë dhe zemër, Milan KO. Interi nuk njeh rivalë në kampionat, dhe vendos diKtatin e tij edhe kur përballë ka një rival dhjetëra vjeçar si Milani. Kampionët në fuqi të Italisë kanë mundur kushërinjtë e tyre 2-1 në prani të 80.018 tifozëve dhe 500 gazetarëve të pranishëm në “San Siro”.

Historia e ndeshjes u duk që në minutat e para kur iniciativa ishte pronë e Interit me synimin për të likujduar kushërinjtë e tij. Vetëm pas 40 sekondash Ibrahimovic e pa veten përballë Abbiatit por goditja me kokë e tij përfundoi shumë lart.

Rasti i parë për gol erdhi në minutën e 17 kur Cambiasso vendosi Stankovic të vetëm përballë portës por serbi u hipnotizua nga Abbiati ndërsa Ambrosini largoi topin. Replikimi i milanit erdhi me Pato që evitoi edhe Julio Cesar, por mbrojtja e Interit largoi rrezikun.

Minuta e 29 do të ngjallë shumë diskutime. Adriano shënon me dorë pasi u la i vetëm në zonë dhe pavarësisht protestave goli është i vlefshëm. Në limitin e pjesës së parë vjen edhe dyfishimi interist me një kombinim të shkëlqyer: Asist i Ibrahimovic, dhe goditje e Stankovic ndërsa portieri nuk mund të bëjë gjë.

Intervali i dytë nis me një gabim trashanik të Adrianos që nuk përfiton përballë portës së Milanit.

Në minutën e 67 thirret nën armë Pippo Inzaghi që zëvendëson Beckham dhe nga ai do të vijnë dridhmat më të mëdha.

Milan rihap ndeshjen kur Pato transformon në gol një top të Jankulovskit ndërsa derbi regjistron shumë raste dhe spektakël.

Inzaghi shënoi golin e 2-2 por nuk është i këtij mendimi anësori që anulon gjithçka.

Në fundin e ndeshjes ishin vendimtare disa pritje të Julio Cesar. Inter tani largohet me 9 pikë nga Juventusi edhe me 11 nga Milani.

[Damian1]

Real Madrid dhuron një goleadë 0-4 ndaj Sporting Gijon

Skuadra “merengues” është shfaqur në një formë të shkëlqyer duke iu afruar me 3 pikë Barcelonës kryesuese pas kësaj fitorje!

Kampioni në fuqi i Spanjës, Real Madrid, ka shënuar fitore të thellë prej 4-0 në udhëtim tek ekipi i promovuar këtë sezon në La Liga, Sporting Gijon, duke ngushtuar kështu edhe epërsinë ndaj liderit, Barcelonës, në dhjetë pikë.

Real Madridi duket se ka marrë stimulim nga barazimi i djeshëm i Barcelonës, dhe ka shkatërruar në tërësi ekipin e Sporting Gijonit me dy gola të Raul dhe nga një të Huntelaar dhe Marcelo.

Kapiteni i Los Merengues çoi në epërsi mysafirët me golin e shënuar pas 15 minutash lojë, derisa rezultatin që në pjesë të parë e dyfishoi përforcimi i ri i klubit mbretëror, holandezi Klaas Jan Huntelaar, për të cilin ky ishte goli i tij i parë me ekipin e ri (37’).

Me fillimin e pjesës së dytë mbretërit trefishuan avantazhin me golin e Marcelos (49’), ndërsa fitoren e vulosi sërish Raul me golin e dytë të tij, 15 minuta para fundit të kohës së rregullt.

Me tre pikët e reja Reali ngushton në 10 diferencën e pikëve ndaj liderit, Barcelonës, e cila dje nxori vetëm barazim 2-2 në fushë të Real Betisit.

Rezultatet: 15-02-09

Almeria 3 - 2 Valladolid

Atl Bilbao 1 - 1 Recreativo Huelva

Numancia 0 - 1 Mallorca

Santander 1 - 1 Villarreal

Sp Gijon 0 - 4 Real Madrid

Atl. Madrid 1 - 1 Getafe

[Damian1]

Bundesliga, Bayern Munchen zbret në vendin e tretë

Skuadra e Jurgen Klinsmann humbi 2-1 me Hertha Berlin duke u zhvendosur në vendin e tretë pas Hertha dhe Hoffenheim!

Bayern Munchen ka humbur terren në luftën për fitimin e titullit në kampionatin gjerman pasi skuadra e Jurgen Klinsmann ka zbritur në vendin e tretë dhe tashmë “Meisterschale” duket më larg. Në ndeshjen jashtë fushës ndaj Hertha Berlin, skuadra bavareze u ndesh me fatin e keq dhe portierin e vendasve që priti gjithçka në fitoren 2-1.

Hertha Berlin shënoi e para në portën e Bayern Munchen pasi sulmuesi ukrainas Andrey Voronin u tregua i saktë para portës së miqve.

Në pjesën e dytë ishte sulmuesi i kombëtares gjermane, Miroslav Klose që shënoi me kokë në portën e Hertha. Më pas ishte sërish Andrey Voronin që shënoi në portën e Rensing dhe pavarësisht përpjekjeve të Ribery dhe Toni, humbja nuk u evitua.

Werder Bremen nuk shkoi më shumë se barazimi 1-1 ndaj Moenchengladbach. pas një pjese të parë pa gola shënuan Pizarro për vendasit dhe Michael Bradley për miqtë. Ka humbur edhe Schalke 2-1 në fushën e Bochum ndërsa Hannover barazoi 3-3 me Stuttgart.

Rezultatet e ndeshjeve!

Köln - Karlsruhe 0-0

Bochum - Schalke 2-1

Frankfurt - Wolfsburg 0-2

Hannover - Stuttgart 3-3

Hertha Berlin– Bayern Munchen 2-1

Werder Bremen - Moenchengladbach 1-1

[Damian1]

Moratti: Titullin e humbim vetëm ne, derbi i merituar

Presidenti i Interit ka thënë se skuadra e tij do të fitonte edhe pa golin me dorë të Adrianos. Tani titulli është në dorën e tyre
Massimo Moratti është rikthyer edhe një herë tek suksesi në derbi ndaj Milanit, duke lavdëruar skuadrën e tij Interin:

"Ka të drejtë Mourinho, pasi titullin mund ta humbim vetëm ne dhe jo ta fitojnë të tjerët”

Numri 1 i zikaltërve ka folur edhe për golin me dorë të brazilianit Adriano që zhbllokoi ndeshjen. “Mund të ketë qenë prekje e vullnetshme por vendosmëria e skuadrës do të sillte fitoren edhe pa atë gol” tha Moratti.

Për Inter po afrohet një superimpenjim i vlefshëm për Champions League kundër Manchester United ku do të duket forca e vërtetë: "Është ende shpejt por duhet të kemi të njëjtin përqendrim si në derbi” tha Moratti”.

[Damian1]

Milan “i plagosur” rinis përgatitjet për Werder Bremen

Pas disfatës që ende djeg në derbi, kuqezinjtë do të luajnë në kupën UEFA me gjermanët e Werder Bremen të mërkurën!

Milan dhe Carlo Ancelotti janë në ditë të vështira. Humbja në derbin ndaj Interit duhet të përtypet shpejt nga kuqezinjtë pasi të mërkurën ata do të jenë mysafirë të gjermanëve të Werder Bremen, për kupën UEFA që tashmë është kthyer në objektiv primar.

Tekniku ka rikuperuar David Beckham që la fushën në San Siro për një dëmtim, si dhe ukrainasin Shevchenko. Ndërkohë Alessandro Nesta do të operohet sërish mbrëmjen e së martës.

Lista e zezë tek Milani është ende e gjatë Tribuna e San Siros, tregoi Kakà që nuk po e pëlqente ndeshjen ndaj Interit dhe pas tij Marco Borriello që do të mungojë deri në Qershor. Alarmi për në Bremen ka nisur. Milani duhet të fitojë

[Damian1]

Juventus shënjestron barezin Cassano për sezonin që vjen

Skuadra e bardhezinjve ka vendosur edhe sulmuesin e Sampdorias mes objektivave që mun dtë finalizohen në muajin Qershor!

Antonio Kasano do të jetë i Juventusit, duke filluar që nga sezoni ardhshëm. Është një nga transferimet virtuale të merkatos, që duke u bazuar në deklaratat e presidentit bardhezi, Kobolo Xhilji, nuk duket shumë virtuale.

“Kasano po bëhet një njeri shumë simpatik, zbavitës dhe një futbollist shumë i mirë. Me sa di unë, Alesio Seko ka folur edhe më parë për mundësitë tona në merkato dhe Kasano është një nga ata për të cilin po arsyetojmë.” Për sa u përket objektivave të tjerë të merkatos për sezonin që vjen presidenti bardhezi ka shtuar:

“Sigurisht Juventusi duhet të mendojë për dy-tri blerje cilësore, për të rritur nivelin teknik për sezonin që vjen.” Duke përjashtuar Kasanon, Xhilji ka mohuar zërat për blerjen e Akuilanit.

Por nuk kanë munguar fjalët e ëmbla për Xhovinkon (është një kampion i vogël) dhe vlerësimet për Ranierin. E ka përmirësuar shumë lojën e Juventusit në planin teknik. Ka një kontratë me ne, që do të respektohet nga të dy palët.

[Damian1]

Hannover kërkon Hamdi Salihin nga austriakët e Ried

Te Hannoveri luan kapiteni i përfaqësueses shqiptare, Altin Lala. Vlera e kartonit të Salihit me 16 gola në kampionatin austriak, është 750 mijë Euro!

Sulmuesi shkodran Hamdi Salihi, aktualisht në forcë me SV Ried në Austri (Superligë), mund të transferohet në Gjermani te Hanoveri (Bundesliga 1) gjatë merkatos së verës.

Lajmi jepet nga faqja e specializuar e merkatos tuttomercatoweb.com. Te Hanoveri luan kapiteni i përfaqësueses shqiptare, Altin Lala. Vlera e kartonit të Salihit (16 gola në kampionatin austriak) është 750 mijë euro.

Ai ka luajtur më parë në kampionatin shqiptar me skuadrat e Vllaznisë dhe të Tiranës ndërsa është aktivizuar në Greqi edhe me Panionios.

[Damian1]

Van der Vaart ndez përballjen me Liverpool: Na kanë frikë!

Mesfushori holandez i Realit të Madridit ka thënë se Liverpool ka frikë nga eliminimi në prag të ndeshjes ndaj spanjollëve
Ylli i Real Madridit, Rafael Van der Vaart, thotë se Liverpooli do të jetë i frikësuar nga udhëtimi në Bernabeu gjatë javës së ardhshme.

“Reds” do të përballen me Real Madridin në kuadër të 1/8 së finales së Ligës së Kampionëve, me ndeshjen e parë që zhvillohet javën e ardhshme në “Santiago Bernabeu”.

“Ne jemi Real Madrid dhe për këtë mendoj se Liverpooli ka frikë prej neve. Kemi lojtarë të shkëlqyeshëm dhe do të jetë një ndeshje e mrekullueshme”, ka thënë 26-vjeçari.

“Jemi të padurueshëm të nxjerrin një rezultat të mirë në Evropë dhe nëse bëhemi kampionë do të jem i aftë për gjithçka. Do të bëj gjithçka për ta fituar Ligën e Kampionëve”, ka shtuar holandezi, i cili së fundi lidhet me një rikthim tek ish-klubi i tij, Hamburgu.