Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Kombëtarja dhe Shpresa, miqësore me Gjeorgjinë

Ekipi i Arie Haan dhe 21 vjeçarët shqiptarët do të luajnë respektivisht me dy kombëtaret gjeorgjiane në 10 Qershor

Federata Shqiptare e Futbollit, bën gati miqësoret e 10 qershorit. Shqipëria e futbollit, do të luajë kundër Gjeorgjisë në një sfidë të dyfishtë. Kombëtarja shqiptare dhe ekipi U-21, do të ndeshen me homologët e tyre gjeorgjianë në dy takime miqësore në Tiranë.

Gjeorgjia, megjithëse një kombëtare e re (e formuar pas vitit 1991), është një ndër skuadrat që është ndeshur më shumë me Shqipërinë, në eliminatore, gjatë këtyre dy dekadave të fundit.

Kombëtarja shqiptare është ndeshur 10 herë me Gjeorgjinë, ku ka fituar 3 takime ka barazuar 1 dhe ka humbur 6 ndeshje. Golaverazhi i përgjithshëm i këtyre ballafaqimeve, është 8-16.

Ndërsa ekipi shpresa është ndeshur katër herë me skuadrën gjeorgjiane. Tre nga takimet i kanë fituar gjeorgjianët ndërsa një ndeshje, 21 vjeçarët shqiptarë. Golaverazhi i përgjithshëm është 5-6

[Damian1]

Derbi në Manchester për portierin italian, Gigi Buffon

United dhe City tani përballen jashtë fushës për të marrë shërbimet e portierit të Juventusit dhe kombëtares italiane, Buffon

Manchester United është i gatshëm t’i bashkohet rivalit të qytetit, Manchester City, në garën për të marrë shërbimet e portierit të Juventusit, Gianluigi Buffon. Buffon është pjesë e rëndësishme e biankonerëve, por drejtuesit e klubit mund ta shesin atë nëse do të kishin ndonjë ofertë të lartë për të.

Sipas Tuttosport, City tashmë nuk është i vetmi klubi i interesuar për Buffon, pasi edhe Sir Alex Ferguson dëshiron ta shohë portierin italian në klubin e tij. Juventusi mund të gëzohet më shumë për këtë, pasi konkurrenca mes dy klubeve sigurisht se do të bëjë një oferta të rritet.

Krahas dy klubeve angleze, më herët u spekulua se edhe Barcelona kishte shprehur interesim për italianin, por ende pa bërë një ofertë zyrtare për gardianin e bardhezinjve.

[Damian1]

Superliga, e hapur për titull. Ja ndeshjet e javës së 27

Vllaznia do luajë kundër Partizanit ndërsa skuadra e Tiranës do të luajë në shtëpi ndaj Elbasanit. Interesante edhe Dinamo-Teuta

Java e 27-te e Superliges, e cila do te luhet diten e shtune do te riktheje ne fushen e tyre pretendentet per titullin kampion. Pas fitores se rendesishme 2-1 ne transferte kunder Flamurtarit, kryesuesit e Tiranes do te presin ne shtepi Elbasanin. Rivaliteti mes ketyre dy skuadrave nuk eshte me ai i viteve te fundit dhe bardheblute e kryeqytetit kerkojne te ruajne serine e fitoreve qe do t’i lejonte te ruante vendin e pare.

Nderkohe, skuadra elbasanase vjen ne kete sfide pas doreheqjes se trajnerit Sejdini nje jave me pare. Edhe Vllaznia do te luaje ne “Loro Borici” kunder Partizanit, qe se fundmi i ka thene lamtumire edhe Kupes se Shqiperise. Skuadra shkodrane ka fituar nje jave me pare ne transferte dhe do te kerkoje te ruaje ecurine edhe perpara tifozerise se saj.

Ndjekesja me e afert e kryesueseve, Dinamo do te luaje kunder Teutes. Ndeshje delikate kjo per skuadren e Muces, pasi ekipi durrsak ka bere jo pak surpriza ne ndeshjet jashte fushes se saj. Nje ndeshje tjeter interesante do te jete ajo mes Shkumbinit dhe Beses, dy skuadra keto qe luftojne per vendin e katert te renditjes. Java e 27-te e Superliges eshte shume e rendesishme edhe per skuadrat qe lujtojne per te shpetuar sezonin.

Bylis do te prese ne shtepi Flamurtarin, ndersa Lushnja dhe Apolonia do te kene nje sfide te drejtperdrejte, e cila mund te jete me te vertete percaktuese per kete sezon.

[Damian1]

Kupa UEFA, Marseille humbet në fushën e Shakhtar Donetsk

Ekipi i mesfushorit kosovar, Lorik Cana, Olimpique Marseille, ka humbur me rezultat 2-0 në ndeshjen e parë çerekfinale të Kupës UEFA në fushë të Shakhtar Donetsk

Marseille humbi 2-0 ndeshjen e parë dhe rrezikon kualifikimin ndaj ukrainasve të Shakhtar, të cilët më parë eliminuan edhe CSKa e Moskës me shumë kampionë në të.

Ukrainasit shënuan nga një gol në secilën pjesë, për t’u siguruar se do të udhëtojnë më të qetë në ndeshjen e kthimit, që do të zhvillohet pas një jave në Velodrome.

Golin e parë për Shakhtar Donetsk e shënoi mbrojtësi çek Tomas Hubschman, gjashtë minuta para fundit të pjesës së parë (39’), derisa rezultatin e vulosi mesfushori brazilian Jadson pas 20 minutash lojë në pjesën e dytë (65’).

[Damian1]

Interi i jep fund kontratës me sulmuesin Adriano

Interi po përgatit përfundimin e marrëdhënieve me sulmuesin Adriano, të cilit do t’ia shfuqizojë kontratën në fund të sezonit

“Il Corriere Dello Sport” njofton se kampionet e Italise dëshirojnë t’i japin fund bashkëpunimit me brazilianin, i cili ka thyer shumë rregulla disiplinore të klubit italian.

I njëjti burim pohon, se Interi do t’i japë fund kontratës së Adrianos në maj, ndërsa përveç kësaj mësohet se zikaltrit do t’ia kufizojnë brazilianit mundësinë për të luajtur, dhe se atij do t’i lejohet të luajë vetëm për ndonjë skuadër braziliane.

Për brazilianin Adriano është hedhur kohët e fundit hipoteza për largimin përfundimtar nga futbolli. Ndërkohë skuadra e Botafogos ka kërkuar shërbomet e “Perandorit” të dikurshëm.

[Damian1]

Wenger: Manchester United është në garë për pesë trofe

Tekniku francez i Arsenalit ka lavdëruar ambiciet dhe formën e Manchester United duke thënë se mund të fitojë të gjithë trofetë këtë vit

Trajneri i Arsenalit, Arsene Wenger, beson se Manchester Unitedi ende është në garë për t’i fituar pesë tituj këtë sezon, pavarësisht barazimit 2-2 kundër Portos në ndeshjen e parë çerekfinale të Ligës së Kampionëve të zhvilluar në Old Trafford.

“Nuk është një mision i pamundur, sepse Unitedi ka aq shumë kualitet për të shkuar te Porto dhe thjeshtë të shënojë fitore”.

“Ata janë të vetëdijshëm se do ta kenë shumë të vështirë atje, sepse Porto ka një kulturë që vazhdimisht të Luajë në Ligën e Kampionëve, mirëpo për Manchester Unitedin, asgjë nuk është e pamundur”, ka thënë Wenger.

[Damian1]

Hiddink: Në fund të edicionit do largohem nga Chelsea

Trajneri aktual i Chelsea, Guus Hiddink ka kondfirmuar largimin në Qershor për t’u rikthyer në stolin e Rusisë

Në futbollin anglez ende janë duke u përfolur ata 90 minuta të shkëlqyeshëm të futbollistëve të Çelsit në ndeshjen e parë çerekfinale të Ligës së Kampionëve ndaj Liverpulit në “Anfield”. Çelzi me fitoren 3:1 ka bërë një hap të rëndësishëm drejt gjysmëfinales.

Futbollistët e Çelsit shumë më herët kanë folur me entuziazëm për strategun holandez, Gus Hidink, i cili erdhi në krye të këtij klubi si “shpëtimtar i përkohshëm”.

Është thuajse plotësisht e qartë se nivelin e lojës së skuadrës së ‘kaltër’ e ka ngritur pikërisht Hidink. Ndonëse holandezi ka ardhur te Çelsi për një periudhë të shkurt, në mediat angleze përmendet mundësia që Hidink të mbetet në krye t klubit londinez edhe më gjatë, në rast se Rusia (e cila drejtohet nga Hidink) të mos kualifikohet në Botërorin 2010.

Megjithatë, një gjë të tillë Hidink e ka hedhur poshtë gjatë konferencës për shtyp: “A do të qëndroj te Çelsi edhe pas përfundimit të këtij edicioni? Jo. Në fund të edicionit largohem dhe këtë vendim timin nuk do ta ndryshoj as suksesi në Ligën e Kampionëve”, ka thënë shkurt, Hidink.

[Damian1]

Kakà: Së shpejti do të rikthehem në formë të mirë

Mesfushori i Milanit, Leite Kakà, thotë se është duke punuar me ngulm për të rikthyer formën e tij më të mirë, pasi muajve të fundit është përballur me probleme.

Braziliani Kakà pësoi lëndim në këmbë, që e mbajti atë larg nga fusha shumë më gjatë se sa u parashikua. Kaka ngadalë po rikthehet në formë për ekipin e parë të rosonerëve, por forma e tij fizike nuk është në nivelin e duhur.

“Jam duke punuar me ngulm dhe nuk do të më duhet shumë kohë para se të rikthehem në top-formë. Dua të kthehem në formën më të mirë dhe t’i ndihmoj Milanit në realizimin e qëllimeve të tashme dhe të ardhshme”, ka thënë Kaka.

Kohët e fundit janë shtuar lajmet për një akord të tij me Real Madrid, ku nuk kanë munguar as fotomontazhet por Ricardo ka shtuar se ëndërron të jetë kapiteni i ardhshëm i Milanit, dhe do të jetë përjetë në klub.

[Damian1]

Ferguson: Tërhiqem nga futbolli vetëm pas dy Champions

Trajneri i Mançester Junajtedit, Aleks Ferguson, ka pohuar se përfundimisht do të largohej nga pankina e "Djajve të Kuq" në rast se do të fitonte edhe dy herë Ligën e Kampionëve

Edhe dy Champions League dhe më pas do të vijë fjala “Stop”. Kjo është ajo që parashikon Ferguson për të ardhmen e tij në krye të kampionëve të botës.

Mançester Junajtedi në ndeshjen e parë çerekfinale ka barazuar para tifozëve të vet 2:2 me Porton, që do të thotë se në ndeshjen e kthimit në Portugali, sigurisht do t'i duhet fitorja, ose barazimi 3:3 apo me më shumë gola për të kaluar në gjysmëfinale.

"Nuk ka rëndësi se çfarë ndodhi të martën në 'Old Trafford'. Ende jemi në Ligën e Kampionëve dhe kemi gjasa për ta fituar këtë trofe. Nëse ekziston edhe ndonjë sfidë e veçantë në karrierën time, atëherë do të dëshiroja që edhe dy herë ta drejtoj skuadrën time deri te trofeu i Ligës së Kampionëve, sepse mendoj se në këtë garë nuk kemi fituar aq trofe sa është dashur të fitojmë", ka theksuar Ferguson.

[Damian1]

Premier League, Liverpool shkatërron 4-0 Blackburnin

Skuadra e Liverpool ka lënë pas humbjen në mesjavë në Champions për të shfaqur një goleadë ndaj ekipit të Blackburn

Liverpool u rikthye nga humbja e të mërkurës kundër Chelseat, për të shënuar edhe një fitore të thellë me rezultat 4-0 në Anfield, kësaj here ndaj Blackburnit. Dy golat e parë për ekipin e Rafael Benitez i shënoi Fernando Torres, të dyja në pjesën e parë të ndeshjes, ndërsa nga një gol tjetër shënuan Daniel Agger dhe Davide N’Gog, të dy në pjesën e dytë.

“Reds” hapën rezultatin pas pesë minutash lojë, kur Torres pranoi një top të gjatë nga Jamie Carragher, e kontrolloi atë me gjoks dhe pas një rrotullimi dërgoi topin në rrjetë. Edhe goli i dytë u shënua nga spanjolli, i cili kësaj here dërgoi topin në rrjetë me kokë, pas një harkimi nga gjuajtja e lirë.

Edhe pse me dy gola epërsi, Liverpooli nuk ndaloi së sulmuari dhe shënoi edhe gola të tjerë në shtatë minutat e fundit të ndeshjes. Së pari Agger goditi nga largësia për të shënuar një gol spektakolar në minutën e 83-të të ndeshjes, ndërsa në minutën e fundit të lojës, Lucas asistoi shumë bukur me kokë për N’Gog, i cili vulosi rezultatin po me gol të shënuar me kokë.

Kapiteni Steven Gerrard, i cili ishte në dyshim për ndeshjen e sotme, u mbajt në stol nga trajneri Benitez, duke e ruajtur për ndeshjen e radhës të Liverpoolit, sfidën kthyese të Ligës së Kampionëve përballë Chelsea.