Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Lazio mund Romën 4-2 në derbi, Inter ndalet nga Palermo

Derbi roman është fituar bindshëm nga Lazio 4-2 ndërsa Interi veniti fitoren pasi u arrit në barazim 2-2 nga Palermo. Milan fitoi 0-1 ndaj Chievo

Lazio është rikthyer në një mënyrë bindëse tek rezultatet positive dhe këtë e ka bërë me një sukses të merituar në derbin ndaj Romës. Në ndeshjen në “Olimpico” Lazio fitoi 4-2 ndërsa nuk munguan kartonat dhe nervozizmi.

Goran Pandev dhe Mauro Zarate kaluan Lazion në avantazh të dyfishtë ndërsa Mexes ngushtoi në 2-1. Më pas Lichsteiner shënoi golin e tretë për Lazio ndërsa De Rossi mbajti gjallë krenarinë romane me nëj gol me kokë. Më pas Kolarov vulosi dështimin e Romës 4-2

Milani është treguar cinik dhe ka marrë një fitore 0-1 ndaj Chievos në transfertë. Goli i vetëm i ndeshjes u shënua në pjesën e dytë nga Seedorf.

Interi është befasuar 2-2 në “San Siro” nga Palermo por nuk rrezikon kryesimin. Balotelli në të 15’ dhe Ibrahimovic me penallti bënë të duket një formalitet ndeshjen pro në pjesën e dytë ndryshoi llogaria. Sulmuesi Cavani dhe mbrojtësi Bovo shënuan në portën e Toldos për barazimin final në Milano.

Fiorentina mori një fitore karakteri 2-1 ndaj Cagliari ndërsa Bologna pësoi disfatë të thellë në shtëpi nga Siena. Fiton 3 pikë edhe Torino që mposhti 2-1 Catania.

Rezultatet:

Bologna 1 - 4 Siena

Chievo 0 - 1 Milan

Fiorentina 2 - 1 Cagliari

Inter 2 - 2 Palermo

Lazio 4 - 2 Roma

Lecce 1 - 3 Sampdoria

Napoli 0 - 0 Atalanta

Torino 2 - 1 Catania

[Damian1]

Bayern Munchen mund 4-0 Frankfurt, disfatë e Hertha 2-0

Bayern ka shkatërruar në fushën e tij 4-0 ekipin e Eintracht Frankfurt ndërsa Hertha ka humbur 2-0 në fushën e Hannover

Ndeshjet e kësaj jave në Bundesliga kanë rezervuar rezultate interesante për kryesuesit. Bayern Munchen fitoi 4-0 me Frankfurtin në një ndeshje që u vendos që në pjesën e parë. Ribery, Toni, Lucio dhe Schweinsteiger ishin autorët e golave për Bayern.

Hertha Berlin humbi terren në luftën për titullin pasi u nënshtrua 2-0 në Hannover. Hanke dhe Bruggink ishin ndëshkuesit e berlinezëve që humbin vendin e dytë.

Wolfsburg mbetet në krye të renditjes me fitoren 1-2 në fushën e Moenchengladbach. Dzeko dhe Riether shënuan për miqtë ndërsa goli i Dantes shënoi barazimin e përkohshëm për vendasit.

Rezultatet:

Bayern Munich 4 - 0 Eintracht Frankfurt

Borussia Dortmund 3 - 1 Cologne

Energie Cottbus 2 - 1 Arminia Bielefeld

Hannover 2 - 0 Hertha BSC

Hoffenheim 0 - 3 Bochum

Monchengladbach 1 - 2 Wolfsburg

Schalke 2 - 0 Karlsruhe

[Damian1]

Manchester United rimerr kreun, fitojnë Chelsea e Arsenal

Manchester United ka rifituar vendin e parë pas fitores 1-2 ndaj Sunderlandit ndërsa kanë marrë 3 pikët edhe londinezët e Chelsea dhe Arsenal

MANCHESTER - Frederico Macheda edhe një herë doli të jetë heroi i Manchester United, pasi shënoi golin e dytë, atë të fitores përballë Sunderlandit. Djajtë e kuq kaluan në epërsi të hershme me anë të Paul Scholes, i cili shënoi në minutën e 19-të të ndeshjes, pas një harkimi të sulmuesit Wayne Rooney. Por vendasin në anën tjetër nuk u dorëzuan përballë kampionëve dhe dominuan fundin e pjesës së parë, pavarësisht se nuk shënuan. Kjo u shpërblye në pjesën e dytë kur Sundeland barazoi me anë të sulmuesit Kenwyne Jones dhjetë minuta pas fillimit të pjesës së dytë.

Heroi i ndeshjes së kaluar në Ligën Premier, asaj përballë Aston Villas, Frederico Macheda, doli sërish të ishte pika vendimtare e fitores së Manchesterit. I riu italian u fut në lojë sërish si zëvendësues, kësaj here i Berbatov, dhe arriti të shënojë që në minutën e parë të inkuadrimit të tij, që doli të ishte sërish goli i fitores. Fitorja rikthen Manchesterin në krye të tabelës së Premier League ku për dy orë qëndroi Liverpooli, që tash ka një pikë më pak. Ekipi i Sir Alex Ferguson ka edhe një ndeshje më pak të zhvilluar.

CHELSEA - Blutë e Chelsea kanë arritur të shënojnë fitore me rezultat 4-3, për të vazhduar presionin ndaj Liverpoolit dhe Manchester Unitedit, të cilën gjenden në vendin e dytë dhe të parë, respektivisht. Lojtarët e Chelsea arritën të shënojnë katër gola, para se kundërshtari i tyre të shënojë. Ishte mesfushori gjerman, Michael Ballack, lojtari që filloi serinë e golave, pesë minuta pa përfunduar pjesa e parë (40’).

Sulmuesi nga Bregu i Fildishtë, Dider Drogba, shënoi golin e dytë për vendasit në minutat e para të pjesës së dytë (48’), ndërsa pas saktësisht një ore lojë (60’), mesfushori anglez, Frank Lambard, shënoi golin e tretë për Blutë, nga pika e bardhë. Tre minuta më vonë (63’), Drogba shënoi edhe golin e dytë personal në këtë ndeshje dhe golin e fundit për Chelsean.

Në njëzet minutat e fundit të ndeshjes, mysafirët reaguan dhe filluan të shënojnë gola në portën e Petr Cech, dhe brenda tetë minutash shënuan tri herë. Andy O'Brien shënoi golin e parë për Boltonin (70’), pas katër minutash shënoi Chris Basham, ndërsa rezultatin përfundimtar, 4-3, e vendosi Matthew Taylor në minutën e 78-të.

ARSENAL - Arsenali rikthen rezultatin e pjesës së parë për të marrë 3 pikë në fushën e vështirë të skuadrës së Wiganit. Topçinjtë e Arsenalit kanë arritur të rikthehen nga disavantazhi 1-0 për të fituar në fund me rezultat 4-1, në ndeshjen si mysafir i Wigan Athletic.

[Damian1]

Barcelona vazhdon të jetë “makinë golash” dhe fitoreje

Skuadra e Barcelonës ka fituar edhe këtë fundjavë duke shkaktuar viktimën e radhës, Recreativo Huelva të cilën e mposhti 2-0

Barcelona ka forcuar kreun e tabelës së La Ligës, pasi shënoi fitore me rezultat 2-0 në Camp Nou përballë Recreativo Huelva, përfshirë edhe një penallti të humbur nga Lionel Messi. Andres Iniesta shënoi gol pas vetëm 42 sekondash lojë, për t’i dhënë epërsinë e hershme Barcelonës. Spanjolli shënoi pas një loje të mirë nga Thierry Henry.

Ishte sërish Iniesta protagonist edhe i golit të dytë, goditja e të cilit u devijua nga Nasief Morris dhe përfundoi në rrjetën e Recreativos (68’). Për Barcelonën u akordua edhe një penalti, por Lionel Messi nuk ishte i saktë nga pika e bardhë (81’). Rereativo në anën tjetër shumë shpejt pas penaltisë së humbur të Messi shënoi një gol, që u anulua për shkak të pozicionit jashtë loje.

Tre pikët e reja e çojnë në nëntë epërsinë e Barcelonës ndaj Real Madridit në krye të tabelës së La Ligës. Reali do të mund ta ngushtojë këtë epërsi sërish në gjashtë kur nesër pret në Bernabeu ekipin e Valladolidit.

[Damian1]

Genoa mund Juventus 3-2 duke e larguar më shumë nga kreu

Skuadra e Genoas ka fituar me meritë ndaj Juventus në stadiumin “Ferraris”. Tani titulli është mision i pamundur për bardhezinjtë e Ranierit

Ndeshja e mbrëmjes e javës së 31-të në Serie A, e zhvilluar në Stadio Ferraris ndërmjet Genoas dhe Juventusit, ka përfunduar me fitoren e skuadrës vendase, me rezultatin 3-2 në stadiumin "Ferraris".

Ish- lojtari i Juventusit, Raffaele Palladino, ka shënuar golin e fitores 3-2 në portën e ish-skuadrës së tij, për t’i shuar shpresat e Zonjës së Vjetër për një rihapje të mundshme të garës për titull.

Motta shënoi dy herë në portën e Juventus por po aq herë arritën bardhezinjtë të barazojnë me anë të Del Pieros me penallti dhe të Iaquinta. Më pas Palladino ndëshkoi ish skuadrën e tij duke i shkaktuar humbjen.

[Damian1]

Juventus me mendjen te Interi. Del Piero mund të jetë në stol...

Bardh e zinjte jane stervitur ne Vinovio per sfiden kunder Interit. Gjate ndeshjeve stervitore Ranieri ka provuar dyshen Trezege - Iakuinta. Ndersa kapiteni kishte si shoke taktik Iagon. E veshtire qe Amauri te jete titullar ne kete takim.

Juventus - Inter, Del Piero ne Stol? Kjo mund te jete e mundur pasi duke pare stervitjet qe po zhvillon Ranier, Del Piero eshte pare ne kopje me te riun Iago. Ne ndeshjen stervitore keta te dy kishin pergalle dyshen Trezege - Iakuinta. Duke pere kete lloj stervitje mund te hipotizojme qe Del Piero mund te jete rezerve per kete takim. E veshtire te mendohet qe Amauri do te jete pjese e 11-shes duke pare qe ai nuk eshte as ne formen e tij me te mire.

Persa u perket te tjereve ishin te gjithe ne dispozicion te Ranierit, me perjashtim te Salihamidic dhe Sisoko. Gjithesesi ata jane paraqitur ne qendren sportive dhe kane asisturar ne stervitjen e skuadres. Bufon e ka nderpreje ndeshjen pas pak minutash duke preferuar keshtu ta vazhdoje stervitjen ne palester, gjendja e tij eshte e mire. Ne mesfushe duke ditur dhe skualifikimet e Marcisio dhe Kamoranesit mendohet se do te jene Tiago - Poulsen dhe ne anesore Markioni - Nedved.

[Damian1]

Cristiano Ronaldo: Mos kini frikë, do eliminojmë Porton

Fituesi në fuqi i “Topit të Artë”Cristiano Ronaldo ka thënë se të mërkurën do të fitojnë në Oporto dhe do eliminojnë portugezët

Lojtari i ekipit të “Manchester United”, Cristiano Ronaldo, është i bindur se skuadra e tij do ta mposhtë ekipin e “Portos” në ndeshjen kthyese, e cila zhvillohet nesër Estadio do Dragao.

“Ndjehem mirë, kam vetëbesim, ndeshjet më të mira po vijnë dhe unë jam i gatshëm për to. Kur është hedhur shorti dëshiroja që të luaja kundër Portos. Mendoj se jemi skuadër shumë më e mirë se Porto, mirëpo duhet të kemi respekt për ta, sepse për momentin ata janë ekipi më i mirë në Portugali”, ka thënë ai.

Duke shtuar se ekipi i “Portos”, ka një trajner të mirë dhe disa lojtarë të jashtëzakonshëm, por gjithsesi “Manchester United” i mbetet roli për të dëshmuar se mbetet ekip i mirë.

“Ne dëshirojmë të fitojmë gjithçka. Dëshiroj ta përfundoj sezonin duke fituar Premier Ligën, Kupën FA dhe Ligën e Kampionëve. Të njëjtën gjë e dëshirojnë edhe bashkëlojtarët e mi”, ka thënë fituesi në fuqi i “Topit të Artë”.

[Damian1]

Champions, Chelsea barazon 4-4 me Liverpool, kualifikohet

Në një ndeshje spektakolare në ”Stamford Bridge”, Chelsea ka mundur të mbijetojë ndaj Liverpool, ku edhe pse ka barazuar 4-4 është kualifikuar falë ndeshjes së parë

Një natë magjike në stadiumin londinez ”Stamford Bridge” i ka dhënë Chelsea kualifikimin në dëm të skuadrës tjetër angleze, Liverpool. Ndeshja e mbyllur 4-4 nuk ka mundur ti japë trajnerit Benitez më shumë kënaqësi pasi Chelsea kishte fituar ndeshjen e parë 1-3 në “Anfield Road”.

Avantazhi i Liverpool erdhi me një goditje të zgjuar dënimi nga Fabio Aurelio i cili befasoi portierin Cech duke dërguar topin në krahun e kundërt. Pas 9 minutash nga goli i parë, tifozët e Liverpool nisën të ëndërrojnë kur arbitri akordoi një penallti e cila u kthye në gol nga spanjolli Xabi Alonso.

Por në pjesën e dytë ishte një tjetër Chelsea. Didier Drogba shënoi në portën e Liverpool 5 minuta nga rifillimi i lojës ndërsa mbrojtësi Alex barazoi 2-2 me goditje dënimi ndërsa spektakli dhe adrenalina shtoheshin ndjeshëm në stadium.

Më pas ishte Frank Lampard ai që kaloi për herë të parë në avantazh Chelsea me shifrat 3-2 por Lucas Leiva riktheu për të tretën herë barazimin në ”Stamford Bridge”. Liverpool kaloi sërish në avantazh në minutën e 82 me një gol me kokë të Dirk Kuyt, por ishte Frank Lampard që sanksionoi kualifikimin me barazimin final 4-4. Tashmë në gjysmëfinale Chelsea kundër Barcelonës.

[Damian1]

Rossi i gatshëm për ta dënuar Arsenalin.

Sulmuesi i Villarrealit, Giuseppe Rossi, shpreson që tifozët në Emirates do ta fishkëllejnë atë (për shkak se ka luajtur për rivalët e Manchester Unitedit), sepse kur ai nevrikoset atëherë e kërkon më shumë golin.

“Unë e di si është të luash kundër Arsenalit nga koha që kam kaluar te United dhe jam i sigurt që tifozët e tyre do të më fishkëllejnë për këtë gjë”.

“Por kjo nuk është problem për mua, sepse kur nevrikosem, atëherë insistoj më shumë për të shënuar”.

“Megjithatë mendoj se atmosfera nuk do të ketë ndikim të madh në lojën tonë. Tifozët në Londër nuk mund të krahasohen me ata në Athinë (Panathinaikos) dhe mendoj se do të festoj më gol atje”, ka thënë italiani për “The Sun”.

[Damian1]

Ferguson: Nuk kemi frikë nga Porto, besojmë te fitorja

Trajneri i Manchester United tha se beson tek fitorja në fushën e Portos e cila mund të sjellë kualifikimin e kampionëve në fuqi të Champions

Në prag të takimit të sotëm mes të Portos dhe Manchester United në stadiumin Dragao, Sir Alex Ferguson thotë se portugezët mund të mposhtën edhe në fushën e tyre.

Historia tregon se United do të ketë një punë të vështirë për të siguruar vend në gjysmëfinale pas barazimit të parë 2-2 në Old Trafford, por Feguson beson në triumf të ekipit të tij. Porto nuk ka asnjë humbje në fushë vendore nga ekipet angleze dhe i ka fituar të gjitha tetë përballjet në Evropë pas barazimeve në ndeshjet e para.

“Porto është një ekip shumë agresiv, veçanërisht në fushën e saj. Përvoja e brazilianëve dhe argjentinezëve në ekip iu jep kreativitet dhe forcë e cila veçanërisht mund të shihet në fushë vendore”, thotë Ferguson.

“Por ata mund të kenë edhe një ditë kur nuk luajnë mirë. Ata humbën në fushë vendore ndaj Dinamo Kievit në fazën e grupeve dhe po ashtu u mposhtën nga Arsenali në Emirates”, ka shtuar skocezi.