Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Lorik Cana, karton të kuq e grushte në fitoren e Marseille

Shqiptari Lorik Cana është ndëshkuar me karton të kuq në ndeshjen Liroent-Marseille pasi u përlesh me një kundërshtar në fund të takimit

Shqiptari Lorik Cana ka treguar gjaknxehtësinë e tij në ndeshjen Lorient-Marsielle të fituar 1-2 nga miqtë. Kosovari është ndëshkuar me karton të kuq pasi është grindur me grushte me Le Lan në minutën e 88.

Skuadra e Olimpique de Marseille ka shënuar fitore të vështirë si mysafir i Lorientit me rezultat prej 2-1. Vendasit krijuan avantazhin që në minutat e para të ndeshjes (7’) me anë të Kevin Gameiro dhe ky ishte rezultati përfundimtar i pjesës së parë.

Mirëpo liderët e Ligës së Parë franceze arritën që në pjesën e dytë ta përmbysin rezultatin dhe të dalin fitues nga kjo përballje. Golat për mysafirët i shënuan Renato Civelli (59’) dhe Brandao (79’). Në këtë përballje gjyqtari tregoi dy kartonë të kuq, njërin prej të cilëve mori kapiteni i Marselles, mesfushori kosovar Lorik Cana (88’).

[Damian1]

Mbrojtësi Cannavaro shumë pranë rikthimit te Juventus

Kapiteni i kombëtares italiane, Fabio Cannavaro mund të largohet nga Real Madrid për një rikthim të bujshëm tek Juventus

Mbrojtësi i Real Madridit, Fabio Cannavaro, do të kthehet te ish-skuadra e tij, Juventus, gjatë afatit kalimtar veror, ku dhe do të nënshkruajë një kontratë njëvjeçare me mundësi vazhdimi edhe për një vit tjetër.

Edhe pse ky lajm nuk është konfirmuar nga asnjëra skuadër, këtë e kanë bërë të njohur mediat më të mëdha italiane, “Sky Sport 24”, “Tuttosport”, “Datasport” dhe “Goal.com”, të cilat pohojnë se marrëveshja është bërë të shtunën mbrëma pas ndeshjes kundër Recreativo në Primera Division.

Kontrata e mbrojtësit italian me galaktikët skadon këtë verë, ndërsa pritet kalimi i tij te Bianconerët ku qëndroi gjatë sezoneve 2004-2006.

[Damian1]

Manchester United jashtë FA Cup, në finale Everton-Chelsea

Skuadra e United është eliminuar në gjysmëfinalen e FA Cup pas penalltive dhe tani në finale do jetë Everton ndaj Chelsea

Skuadra e Evertonit ka siguruar finalen e Kupës FA, pasi i ka eliminuar Kampionët e Ligës Premier dhe Ligës së Kampionëve, Manchester United.

Takimi zhvilluar të dielën në stadiumin Wembley, ndërmjet Manchester Unitedit dhe Evertonit, përfundoi pa gola edhe pas vazhdimeve, ndërsa fituesin është dashur ta vendosin penalltitë.

Pas ekzekutimit të njëmbëdhjetëmetërshave, skuadra e dytë nga Liverpuli doli më e suksesshme duke siguruar finalen e Kupës FA ku do të përballet me Chelsean.

Nga pika e bardhë për Djajtë e Kuq dështuan sulmuesi bullgar Dimitar Berbatov dhe mbrojtësi Rio Ferdinand, ndërsa për Evertonin nuk shënoi vetëm Tim Cahill por suksesi erdhi për ekipin e trajnerit Moyes.

[Damian1]

Super Pippo shënon 3 gola, Milan shkatërron Torinon 5-1

Sulmuesi Filippo Inzaghi ka shënuar 3 herë në portën e Torinos duke ndihmuar Milanin të mundë skuadrën “granata” 5-1

Në ndeshjen përmbyllëse të javës së 32, Milani fitoi thellë ndaj skuadrës së Torinos me shifrat 5-1. Skuadra e Ancelotti u tregua superiore në të gjitha aspektet dhe u ndihmua nga Filippo Inzaghi me 3 gola të shënuar.

Sulmuesi Inzaghi shkatërroi 3 herë mbrojtjen dhe portierin Sereni në minutat 13, 37 dhe 60 ndërsa më pas skena u mbeti të tjerëve.

Më pas braziliani Ricardo Kaka shënoi nga pika e bardhë e penalltisë ndërsa Franceschini ngushtoi distancën në 4-1 për Torinon me nëj devijim me fat. Goli që vulosi ndeshjen në 5-1 erdhi nga Massimo Ambrosini për Milanin.

[Damian1]

Wenger: Arsenali do ta mposht Chelsean nëse takohemi sërish

Pavarësisht humbjes në gjysmëfinale të Kupës FA, menaxheri i Arsenalit, Arsene Wenger, thotë se ekipi i tij është i aftë të mposhtë Chelsean.

Dëshira për të marrë hak ka filluar të sillet në mëndjen e Wenger, i cili është i bindur se ekipi i tij ka fuqinë të mposhtë rivalin londinez nëse të dy ekipet eventualisht takohen në finale të Ligës së Kampionëve.

“Do të doja të luajë me Chelsean sërish. Ne mund të hakmerremi pasi besoj se jemi mirë të pjekur. Ishim ca të lodhur të shtunën dhe u ndjemë ca të pafat”.

“Por tashmë i kemi mposhtur ata njëherë dhe mund ta bëjmë këtë sërish, megjithëse së pari duhet të përballemi edhe më një ekip tjetër, të luajmë së pari me Manchester United”, ka thënë Wenger.

[Damian1]

Milan: Ancelotti lavdron Inzaghin...

Menaxheri i Milanit, Carlo Ancelotti, është i ngazëllyer nga Pippo Inzaghi pas hat-trickut të shënuar në fitoren e mbrëmshme prej 5-1 ndaj Torinos, fitore që ndihmoi rosonerët të marrin vendin e dytë të tabelës së Serie A.

“Kam punuar me Inzaghin për 10 vite, nuk mund ta largoj shikimin nga ai. Është kënaqësi ta shohësh duke luajtur kështu. Ai ndoshta mund të jetë 36-vjeçar, por ka një entuziazëm të fëmjës dhe ky është sekreti i tij”, ka qeshur Ancelotti.

“Ky ekip ka ende për të dhënë, edhe pse paraqitjet këtë sezon kanë qenë të paqëndrueshme. Sonte treguam të dyja, rezultatin dhe një futboll të mirë, të cilin së fundi e kemi menaxhuar gjithmonë“, ka shtuar italiani.

[Damian1]

Sacchi jep votat: Barça e Guardiolës më mirë se Milani im

Trajneri i njohur italian, Arrigo Sacchi nuk e fsheh faktin se është tifoz i Barcelonës në pjesën përfundimtare të Ligës së Kampionëve, ku kanë mbetur tri skuadra angleze dhe skuadra e drejtuar nga Pepe Guardiola

Përveç krahasimit me Barcelonën e Krojfit nga fillimi i viteve të 90-ta, Saki Barcelonën e tashme e ka krahasuar edhe me Milanin e tij të para 20 vjetëve, e cila ishte kampione e dyfishtë e Evropës, e në të cilën luanin holandezët Van Basten, Gullit, Rajkard dhe trajneri i tashëm Ançeloti.

"Kjo Barcelonë e vë lehtë në siklet rivalin e saj, di ta kthejë shpejt në zotërim topin e humbur, sulmon me cilësi të lartë në kundërsulm dhe i përshtatet lojës së çdo rivali", ka thënë Saki, i cili më pas i ka dhënë komplimente Mesit dhe bashkëlojtarëve të tij.

"Teknikisht kjo skuadër është më superiore se sa Milani im dhe është më spektakulare për sy. Megjithatë, mendoj se skuadra ime fizikisht ishte më e fortë, e përbërë nga futbollistë të fortë. Gjëja më e rëndësishme është se suksesi i tyre ka lindur nga brendësia e klubit, në saje të aktivizimit të Guardiolës në postin e trajnerit.

“Edhe më herët Barcelona kishte një trajner të madh si Rajkard, por atëherë kjo skuadër fitonte për shkak të futbollistëve yje, kurse tash ajo fiton sepse luan futboll kolektiv, gjë e cila atëherë nuk ndodhte. Shpresoj që Barcelona do ta fitojë Ligën e Kampionëve, sepse ajo të dhuron kënaqësi duke e shikuar. Megjithatë në gjysmëfinale kundër Çelsit duhet të përshtatet dhe të bëjë një qasje tjetër taktike, sepse do të jetë një sfidë tejet e komplikuar për ta. Por, sidoqoftë unë e favorizoj Barçën", ka përfunduar Sacchi.

[Damian1]

Beckham paralajmëron Ancelottin: “Mos ik te Chelsea”

Mesfushori anglez David Beckham, pas fitores së thellë 5-1 ndaj Torinos, ka kërkuar nga trajneri i Milanit, Carlo Ancelotti, të qëndrojë me klubin italian

Beckham këshillon trajnerin Ancelotti të mos shkojë tek skuadra e Chelsea sezonin tjetër. Mesfushori në huazim tek Milani ka thënë se nuk do të ishte lëvizja e duhur për trajnerin nëse ky do të kalojë në “Stamford Bridge” në muajin qershor.

“Shpresoj që ai të qëndrojë, pasi është i duhuri për të drejtuar këtë ekip. Për mua ai është një prej trajnerëve më të mirë me të cilët kam punuar dhe kudo që shkon ai do të jetë i suksesshëm për shkak vetë personalitetit dhe profesionalizmit. Ai kujdeset shumë për ndeshjen”, ka thënë Beckham për Sky Italia.

Mesfushori, i cili është i huazuar nga Los Angeles Galaxy, krijoi dy nga tre golat e shënuar nga Pippo Inzaghi dhe ka thënë fjalë të mira edhe për sulmuesin italian.

“Çdokush e di se ai është në prej golashënuesve më të mirë dhe gjithmonë do të shënojë gola. Ju e dërgoni topin në vendin e duhur dhe ai shënon”, ka shtuar anglezi.

[Damian1]

Alex Ferguson lë pas eliminimin: Duhet të përqendrohemi

Eliminimi në “Fa Cup” nga Evertoni, i ka kushtuar një finale prestigjioze skuadrës së Manchester United, por tani trajneri Ferguson kërkon përqendrim

Shpresat e Mançester Junajtedit për t'i fituar të gjitha trofetë e këtij edicioni kanë marrë fund të dielën, kur në "Wembely" pësuan humbje nga Evertoni pas ekzekutimit të penalltive në kuadër të gjysmëfinales së Kupës së Anglisë. Megjithatë, trajneri i "Djajve të Kuq", Aleks Ferguson nuk është shprehur shumë i zhgënjyer pas kësaj humbjeje. Ai në këtë ndeshje nuk kishte zbritur në fushë skuadrën e tij më të fortë.

"Përbërjen e skuadrës e kam zgjedhur të mërkurën, por kur të shtunën e pashë gjendjen e fushës, nuk kam dashur të rrezikoj futbollistët e mi më të mirë. U desh të marrim një vendim të guximshëm dhe të përfshijmë në skuadër futbollistët e rinj, të cilët kanë energji, vetëbesim dhe karakter", ka thënë trajneri skocez, duke shtuar:

"Nuk kam parë mënyrë në të cilën Evertoni do të mund të na shënonte gol". Është interesant fakti se kjo është humbja e parë e Fergusonit në gjysmëfinale të garës më të vjetër të futbollit anglez dhe humbja e parë e Mançester Junajtedit pas vitit 1970.

"Duhet të harrojmë sa më parë këtë ndeshje dhe të përqendrohemi në sfidat e tjera tejet të rëndësishme, sepse kemi një orar shumë të ngjeshur. Tashmë aspak nuk dyshoj se futbollistët e mi të ri mund të bartin presionin e ndeshjeve të ardhshme, përkatësisht të fundit të edicionit”.

“Makeda dhe Uelbek ishin të shkëlqyeshëm", ka nënvizuar Ferguson, i cili rreth dështimit për të fituar pesë trofe ka shtuar: "Ishte joreale të pritej që ne do të mund të arrinim një gjë të tillë".

[Damian1]

Fyerjet raciste ndaj Mario Balotelli, Moratti i xhindosur

Presidenti i Interit Massimo Moratti ka thënë se mund të tërhiqte skuadrën nga fusha e lojës për koret e shëmtuara ndaj sulmuesit me ngjyrë

Fyerjet raciste gjatë shumicës së ndeshjes Juve-Inter kanë provokuar reagimin e ashpër të drejtuesve të kampiones së Italisë, dhe në veçanti presidentit Moratti:

"Nëse do të kasha qenë në stadium, do të arrinte një pikë ku do të kisha braktisur tribunën, do të shkoja në fushë dhe do tërhiqja skuadrën në dhomat e zhveshjes”.

“Prisja menjëherë falje nga Federata italiane dhe nga Juventus” tha presidenti Moratti. Tashmë stadiumi “Olimpico” rrezikon një pezullim dhe gjobë të majme. Nuk është hera e parë që Mario Balotelli vendoset në shënjestrën e tifozëve kundërshtarë, madje edhe në “San Siro”.

Në rrjetin e njohur “Facebook” ekzistojnë më shumë se 400 grupe kundër sulmuesit të Interit, dhe shumica janë shumë ofenduese. "Balotelli ha banane”, "Balotelli është turpi i Italisë" etj, janë disa nga to.