Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Festa e futbollistëve të Chelsea, kalon mes alkoolit dhe gjakut

Një vajzë e cila bënte pjesë në grupin e lojtarëve londinezë është plagosur në kokë pas një zënke në lokalin e natës

Dalin detaje pikante të festës sëorganizuar nga futbollistët e Chelsea, pas arritjes në finalen e “FA Cup”, kur pak orë pasi eliminuan Arsenalin në gjysmëfinale, iu dhanë jetës së shfrenuar. Festa nuk kaloi pa incidente ku një vajzë u plagos në kokë.

Mes emrave të njohur në festën e klubit londinez “Movida”, ishin mesfushori Frank Lampard me të dashurën e tij të re Saskia Boxford, kapiteni John Terry dhe mesfushori ganez Michael Essien.

Lojtarët e bluve kanë festuar deri në orën 4 të mënjgjesit por pija e tepërt ka shkaktuar edhe trazira.

Një vajzë e cila ndodhej me grupin e futbollistëve u plagos në kokë dhe fotoja e saj u shfaq në të gjitha gazetat. Ajo mori një goditje me një shishe gjatë sherit por futbollistët nuk u lënduan.

[Damian1]

Barcelona kërkon portierin e Marseille, Steve Mandanda

Mosmarrëveshjet për kontratën e re të Valdes, kanë bërë që Barcelona të synojë gardianin e portës së francezëve të Marseille

Portieri i Olympique Marseille, Steve Mandanda, është duke u ndjekur me vëmendje nga lideri i La Ligas, Barcelona. “El Mundo Deportivo” njofton se Mandanda është në listën e ngushtë të skuadrës “Blaugrana” si zëvendësues potencial i portierit aktual Victor Valdes.

Portieri aktual Valdes ende nuk është marrë vesh me katalanasit për ta vazhduar kontratën e cila i skadon në vitin 2010, për shkak të kërkesave të larta për pagën vjetore të tij.

Presidenti Laporta ka thënë se shumë shpejt do të gjejnë një akord me portierin por ndërkohë ka nisur ankandi për zëvendësuesin. Mandanda po shkëlqen me Marseille e cila është në vendin e parë në Ligue 1.

[Damian1]

Cana nuk i frikësohet dënimit për incidentin me Lorient

Kapiteni i Marseille, Lorik Cana, nuk mendon që rrezikon të mos luajë në pjesën e mbetur të Kampionatit francez për shkak të kartonit të kuq të cilin e mori në ndeshjen e të dielës mbrëma kundër Lorient

Mesfushori kosovar u përjashtua nga ndeshja në minutën e 88-të si pasojë e një përleshje me lojtarin e Lorientit, Arnaud Le Lan, i cili po ashtu u përjashtua nga ndeshja.

Komisioni disiplinor i Ligës së Parë franceze do ta shqyrtojë incidentin gjatë kësaj jave dhe do të vendosë për dënimin ndaj lojtarit të Shqipërisë. “Nuk mendoj se duhet të jem i shqetësuar. Arnaud dhe unë do të dënohemi, por nuk ka asgjë për t’u shqetësuar”.

“Gjyqtari Olivier Thual më tha se arsyeja që më përjashtoi nga ndeshja ishte për shkak të seriozitetit të incidentit, por unë jam i qetë”.

“Arnaud është një djalë i mirë dhe është personi i fundit të cilin do të dëshiroja ta sulmoj. Mirëpo ne të dy e deshëm topin dhe u përleshëm, sepse gjyqtari anësor tha ‘topi për Lorientin’, ndërsa kryesori tha ‘topi për Marseille’. Ajo që ndodhi ishte më shumë spektakël dhe nuk kishte dhunë”, ka thënë mesfushori kuqezi.

[Damian1]

Ronaldo rikthehet “Fenomen”, Corinthias arrin në finale

Braziliani Ronaldo ka udhëhequr sërish skuadrën e Corinthias drejt fitores së radhës duke shënuar golin e 2-0 që çon ekipin në finale

Ish “fenomeni” ka zhvilluar nje ndeshje mbreselenese ne Morumbi kunder San Paolos te fituar 2-1 nga skuadra e tij.

Ronaldo pati nje rol vendimtar ne te dy golat ku dha ssistin ne te parin dhe shenoi te dytin ne loje. Ne golin e pare dha nje asist perfekt per Jorge Henrique, i cili goditi traversen dhe Douglas shenoi.

Ne golin e dyte, Ronaldo kaloi mbrojtesin Bosco ne nje kundersulm, duke i dhuruar fitoren skuadres se tij. Me kete fitore, Corinthias arrin finalen Paulista. Ne ndeshjen finale te turneut, Corinthias do ndeshet me skuadren legjendare te Santosit qe eleminoi Palmeirasin e trajnerit Luxemburgo.

[Damian1]

Lampard ka frikë nga Barça: Është më e mira në botë

Futbollisti i Chelsea, Lampard mendon se Barcelona është më e mira në botë aktualisht dhe ka frikë për daljen nga Champions

Mesfushori i Çelsit, Frenk Lampard, i cili po luan një edicion të shkëlqyer në fanellën e Çelzit, ka folur për kundërshtarin e radhës në Ligën e Kampionëve, Barcelonën. "Barcelona është skuadra më e mirë në botë në këtë moment.

Të luash në 'Nou Camp' në gjysmëfinalen e Ligës së Kampionëve është vërtet një ëndërr për çdo futbollist. Ajo fushë është magjike dhe të jeë një ndjenjë të bukur. E presim me shumë dëshirë dhe vullnet atë sfidë , por edhe me një farë frike, më saktësisht me një respekt për kundërshtarin", ka theksuar Lampard për "El Mundo".

Ai më pas ka folur edhe për atë që ndodhi para dy edicionesh, kur ai ishte i lidhur me një kalim te Barcelona. "Jo, kurrë nuk kam menduar ta braktis Çelsin. E dua këtë klub dhe tifozët e tij", ka nënvizuar Lampard.

[Damian1]

Arsenal privohet nga dyshja sulmuese Adebayor-Van Persie

Vazhdojnë problemet për Arsenalin, që do të privohet nga dyshja sulmuese Adebayor-Van Persie në sfidën ndaj Liverpool

Arsenali do të jetë pa dyshen sulmuese Robin van Persie dhe Emmanuel Adebayor në derbin e të martës mbrëma kundër Liverpoolit. Të dy lojtarët ishin zëvendësuar pas pjesës së parë në ndeshjen gjysmëfinale të FA Cup kundër Chelsea të shtunën, dhe tani duket se do të mungojnë në udhëtimin në Anfield.

Pritet që në sulm të startojë sulmuesi kroat Eduardo, i cili është përfshirë në listën e lojtarëve që do të udhëtojnë në Liverpul, ndërsa edhe mbrojtësi Bacary Sagna pritet të jetë në fushë.

Polaku Lukasz Fabianski do të qëndrojë në portë, pasi që Manuel Almunia do të mungojë së paku deri të shtunën. Ndërsa trajneri Arsene Wenger nuk mund të llogarisë as edhe te mbrojtësit Gael Clichy, William Gallas dhe Johan

[Damian1]

Barcelona është makinë golash, Guardiola: Duam 3 trofe

Trajneri i Barcelonës, ka lavdëruar skuadrën e tij për fitoren e 25 por ka theksuar se duan të fitojnë 3 trofe këtë sezon

Trajneri i Barcelonës Pep Guardiola deklaroi se trofetë janë më të rëndësishëm se thyerja e rekordeve, pas fitores së 25-të që skuadra e tij arriti në kampionatin spanjoll këtë sezon.

Katalanasit fituan 1-0 në fushën e Getafes, por pavarësisht rezultatit të ngushtë, e dominuan totalisht takimin, duke ruajtur të paprekur diferencën prej 6 pikësh nga Realit të Madridit.

“I vetmi rekord që më shqetëson është fitimi i titullit. Lojtarët e dinë mirë këtë dhe pas atij sezoni që kaluam vjet, të gjithë janë të uritur për të fituar”, deklaroi trajneri Guardiola që ka luajtur edhe si lojtar me katalanasit.

Barcelona mund të bëhet klubi i parë në Spanjë që fiton tre trofe brenda një sezoni, duke qenë se ajo është në vend të parë në kampionat, në gjysmëfinale të Ligës së Kampioneve dhe në finale të Kupës së Mbretit. Për momentin, ajo është skuadra më e mirë e botës, duke dhuruar një futboll spektakolar ndeshje pas ndeshje.

[Damian1]

Mascherano: Do të luftojmë për titull deri në fund...

Mesfushori i Liverpoolit, Javier Mascherano, thotë se të kuqtë do të luftojnë me të gjithë fuqinë për të arritur deri tek titulli i Ligës Premier këtë sezon.

“E dimë se është gara e vetme në të cilët duhet të luajmë për momentin dhe do të luftojmë për të arritur tek titulli. Duhet të vazhdojmë më tej dhe ndoshta, nëse Manchester United mund të humb pikë, ne do të jemi aty”, ka thënë Mascherano.

“Duhet të shohim përpara, të përpiqemi të fitojmë gjashtë ndeshjet tona të ardhshme dhe do të shohim se çfarë do të ndodhë”, ka shtuar argjentinas.

[Damian1]

Wenger: Pozita e katër jo edhe aq e mirë...

Menaxheri i Arsenalit, Arsene Wenger, thotë se topçinjtë nuk do të jen plotësisht të kënaqur me pozitën e katërt të tabelës këtë sezon.

“Duhet ta pranojmë atë që ndodhi të shtunën, të përballemi me të dhe të mos e përsërisim. Kemi shumë ndeshje të mëdha në vijim dhe ndjejmë se mund t’i fitojmë ato”, ka thënë Wenger.

“Të fitojmë, kjo është arsyeja pse jetojmë. Nuk mund të jemi të kënaqur vetëm me venin e katërt. Duam t’i afrohemi kreut dhe kemi mundësi t’i afrohemi në gjashtë pikë Liverpoolit. Pozita e tretë është e rëndësishme, e dyta është po ashtu e rëndësishme dhe pse jo e para? Kurrë nuk i dihet”, ka shtuar francezi.

[Damian1]

Agjenti Bronzetti: Real Madrid do firmosë me Cristiano

Agjenti italian Enzo Bronzetti, është i bindur se kampioni i Spanjës, Real Madrid, do të arrijë të marrë shërbimet e yllit të Manchester United, Crsitiano Ronaldon

Ka treguar se është mes atyre që lëvizin lojtarët në mënyrë të befasishme në Europë, dhe ka luajtur një rol thelbësor në kalimet e Beckham dhe Ronaldinho. Tani bronzetti jep mendimin edhe për Cristiano

“Ronaldo do të shkojë në Real Madrid për një shumë që do ta kalojë shifrën e 80 milionë eurove. Në Real, lojtari më i paguar tash është Raul, 6.5 milionë në vit. Për Cristiano Ronaldon ata do të paguajnë më shumë. Ai do të zhvendoset në Madrid: Po, e pohoj se kjo do të ndodhë“, ka thënë Bonzetti, i cili ka raporte të mira me Realin.

Po ashtu, kapiteni i Arsenalit, Cesc Fabregas, dhe mesfushori tjetër spanjoll, ai i Liverpoolit, Xabi Alonso, janë dy emrat tjerë në listën e ngushtë të Realit, sipas agjentit italian.