Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Argjentinë, ndeshja e futbollit kthehet në arenë boksi

Përleshje mes skuadrave në futbollin argjentinas në qytetin e Misiones, ku nuk munguan të plagosurit lehtë dhe mjaft të arrestuar

Nje ndeshje futbolli ne kampionatin argjentinas eshte kthyer ne nje perleshje te dhunshme mes lojtareve te dy skuadrave dhe tifozeve. Ne perfundimin e takimit mes Guaranit dhe Crucero del Norte, kapiteni i skuadres vendase ka sulmuar arbitrin me pretendimet se kishte ndikuar ne humbjen 3-2.

Menjehere ka nderhyre policia qe ka shoqeruar arbitrin per ne dhomat e zhveshjes. Pas kesaj ne fushen e lojes ka shperthyer dhuna mes lojtareve te dy skuadrave dhe tifozeve qe kishin mundur te hynin ne fushen e lojes.

Per shume minuta, fusha e blerte do te kthehej ne nje ring te vertete dhe policia lokale e ka patur te pamundur te ndaloje kaosin dhe perleshjet mes futbollisteve, stafeve drejtuese te skuadrave dhe tifozeve. Gjakrat jane ulur pas shume minutash dhe disa nga lojtaret kane patur demtimi ne fytyre.

Nderkohe ne reagimin e saj zyrtar, Federata Argjentinase e Futbollit ka bere te ditur se do te analizoje pamjet dhe me pas do te marre nje vendim ne lidhje me kete ngjarje te dhunshme.

[Damian1]

Premier League nuk është “e artë”, të voglat me borxhe

Përveç 4 skuadra të nmëdha në Angli, ekipet e tjera të vogla kanë probleme financiare dhe janë të mbytura në borxhe

Nuk është gjithçka e artë ajo që është angleze në futboll. Superioriteti anglez i sportit më popullor në botë shokohet nga disa të dhëna shqetësuese që japin kompanitë financiare në lidhje me Premier League.

“4 motrat” që po shkëlqejnë: Liverpool, Arsenal, Manchester e Chelsea fluturojnë në lartësi të pakapshme në Angli dhe në Champions League, por pjesa tjetër e kampionatit nuk e kalon aq mirë.

Kriza ekonomike ka hyrë në fushë nga porta qendrore: Bankat. Për shembull, skuadra e Newcastle e cila është në varësi të një modeli anglo sakson, ka mbetur jashtë kupave dhe është më e varfër se 8 vjet më parë. Në të njëjtën linjë edhe Portsmouth që ndodhet në krizë financiare.

[Damian1]

Michel Platini: Do të ndalojmë ndeshjet nëse ka racizëm

Presidenti i UEFA-s ka shfaqur një “dorë të hekurt” ndaj episodeve të racizmit duke thënë se do të aplikojnë norma më të rrepta

“Në rast të koreve raciste në futboll, UEFA do të ndalojë menjëherë ndeshjet, kudo që të luhen” Presidenti i UEFA-s, francezi Michel Platini është treguar i rreptë me episodet e fundit të shfaqura në Itali dhe Francë duke paralajmëruar edhe ndëshkime për klubet në fjalë.

"Do të duhet shumë guxim por sot e tutje vendimi i UEFA-s do jetë të pezullojë ndeshjet për 10 minuta nëse ka kore raciste nga tifozët” tha Platini.

“Në rast se fyerjet me bazë raciste do të vazhdojnë, atëherë ndeshjet do të mbyllen menjëherë” tha presidenti i UEFA-s në një ceremoni në Romë, ku dorëzoi trofeun e Champions League, finalja e së cilës do zhvillohet në “Olimpico”.

Platini i dorëzon Champions League, kryebashkiakut të Romës

[Damian1]

Angli, Parlamenti kundër “dopingut financiar” në futboll

Manchester United, Chelsea dhe Liverpool mund të vihen në lupën e hetimit të Komisionit Parlamentar në Angli, pasi dyshohen për “doping financiar”

Tre skuadrat qe kane dominuar gjate viteve te fundit ne Angli dhe Evrope, duket se nuk i kane mire punet per shkak te borxheve te medha.

Pak kohe me pare autoriteteve futbollistike iu kerkua qe te vene nen fre borxhet. Liverpool dhe Manchester United mendohet se jane klube qe nuk perfaqesojne asgje tjeter vecse dy “vrima te zeza” qe vetem thithin para, respektivisht 350 dhe 750 milione sterlina.

Por ne kete gracke duket se ka rene edhe klubi i Abramovich. Me pak fjale, kjo gje ne Angli mund te quhet nje “pazar i piste”, duke pare se skuadrat forcojne stolin e rezervave me miliona sterlina. Nje akuze te rende ne drejtim te tyre ka leshuar deputeti laburist Alan Keen.

“Mungesa e nje qeverie financiare dhe gjendja e paqendrueshme financiare jane dy pikat me te dobeta ne rrugen e suksesshme te futbollit anglez gjate viteve te fundit”, eshte shprehur Keen, i cili ka kerkuar qe Parlamenti te luftoje “dopingun financiar”. Ky alarm mund te rrenoje gjithe hierarkine e re te ndertuar ne futbollin evropian, ku Anglia mban vendin me te larte.

[Damian1]

Rusi Arshavin “rrënon” shpresat për titull për Liverpool

Talenti rus Andriy Arshavin shënoi katër herë në portën e Liverpool, në një tjetër barazim t”të çmendur” 4-4 të “Reds”

Katër gola të shënuar nga Andrei Arshavin i kanë dhënë një pikë të Arsenalit në derbin e Ligës Premier përballë Liverpoolit në Anfield, që përfundoi me plot tetë gola (4-4), duke prishur kështu edhe planet e Rafa Benitez për të krijuar epërsi pikësh ndaj Manchester United.

Megjithëse pak i vërejtur në pjesën e parë, kur shënoi njërin gol, rusi ishte i saktë në të gjitha rastet në pjesën e dytë, duke shënuar katër gola të cilën goditën shpresat e Liverpoolit në garë për titullin e ligës.

Pika e fituar e ngrit Liverpoolin në krye të tabelës së Ligës Premier me 71 pikë, sa ka edhe Manchester United që sot pret Portsmouth në Old Trafford. Arsenali vazhdon të mbajë pozitën e katërt me 62 pikë.

[Damian1]

Tottenham me një ëndërr “të ndaluar”, kërkon Beckham

Skuadra angleze e Tottenham ka vënë sërish në shënjestër futbollistin Beckham për një rikthim të bujshëm në Premier League

Me gjithë atë lodhje për të firmosur, të heqësh dorë nga Beckham tani për tani është e pamundur por futbolli ka treguar prapaskena të mëdha në histori.

Për të tentuar nuk kushton asgjë dhe këtë e ka menduar edhe trajneri i Tottenham, Harry Redknapp për të joshur David Beckham.

Interesimi i Tottenham për David Beckham ka anashkaluar Milanin pasi anglezët kanë kontaktuar direct me pronarët aktualë të lojtarit, Los Angeles Galaxy. Ndoshta është edhe “fantamerkato” futbollistësh por londinezët kanë konfirmuar interesimin.

Në Los Angeles, ideja për të fituar para me David Beckham dhe për të befasuar Milanin, i kënaq të gjithë. Mbetet për tu parë nëse “Posh Spice” do të pranonte rikthimin në Premier League, aq më tepër në Londër, për 45 milionë Euro.

[Damian1]

Wenger: Liverpool ende në garë për titullin...

Menaxheri i Arsenalit, Arsene Wenger, thotë se shpresat e Liverpoolit për titull nuk kanë mbaruar pas barazimit të mbrëmshëm prej 4-4 në Anfield.

“Liverpool është ende në garë për të titull, pavarësisht një ndeshje më pak që ka të zhvilluar United. Gjithçka ende është e hapur”, ka thënë francezi.

“Manchester United kishte disa probleme të vogla para ndeshjes së Ligës së Kampionëve, andaj kjo do të varet nga ajo se si do të rikthehen ata”, ka shtuar Wenger.

Manchester United do të mund të krijojë tri pikë epërsi ndaj Liverpoolit nëse shënon fitore në ndeshjen e sotme ndaj Portsmouth.

[Damian1]

Rooney i gatshëm të luajë në të gjitha pozitat...

Wayne Rooney është në gjendje të luajë në cilëndo pozitë për trajnerin aktual të Manchester United, Sir Alex Ferguson.

“Kam luajtur në disa pozita të ndryshme gjatë disa javëve të kaluara. Ndonjëherë nuk mund të presësh shumë nga vetja, aq sa do të dëshironit, por duhet të bëni detyrën tuaj për ekipin”, ka thënë Rooney.

“Për mua është e lehtë ta shoh një pamje më të madhe. Ndoshta lojtarët tjerë në botë nuk dëshirojnë të mundohen shumë. Kurrë nuk i shihni lojtarët e mëdhenj të rikthehen dhe të ndihmojnë mbrojtjen. Për mua është gjithçka në favor të ekipit. Nuk e kam problem këtë”.

“Kënaqem në futboll. Futbolli është sporti më i mirë në botë. Çdo ditë shikoj futboll ose luaj. Kur nuk i bëj këto, luaj lojëra të kompjuter, dhe zgjedh SHBA-të ose Anglinë, patjetër”, thotë sulmuesi anglez.

[Damian1]

Grafite i lumtur me interesimin e Milanit...

Milani raportohet se është duke ndjekur sulmuesin brazilian të Wolfsbourgut, Grafite.

Sulmuesi 30-vjeçar ka qenë në një formë të shkëlqyeshme me klubin gjerman, duke e ndihmuar të ngritet në maje të Bundesligës, gjë që ka tërhequr vëmendjen e klubit italian.

“Jam një admirues i Serie A, ku ka shumë brazilian. Milani është një klub i shkëlqyeshëm. Kam kontratë deri në viein 2011 dhe jam i lumtur të luaj këtu, por në të ardhmen nuk i dihet... Familja ime është adaptuar mirë dhe jemi të lumtur në Wolfsburg”, ka thënë Grafite.

[Damian1]

Gerrard: “Gara vazhdon. Jemi optimistë për titullin!”

Kapiteni dhe inspiruesi i Liverpool ka thënë se pavarësisht barazimit 4-4 me Arsenalin, lufta për titullin ende nuk është mbyllur

Liverpooli aktualisht mban pozitën e parë në Premier League me pikë të barabarta me Manchester Unitedin, mirëpo kampionët në fuqi kanë dy ndeshje më pak të zhvilluara. Mirëpo, përkundër kësaj, kapiteni i Redsave, Steven Gerrard, nuk heq dora nga ëndrra për t’u shpallu kampion këtë sezon.

“United ka lojtarë fantastikë, mirëpo ne duhet të vazhdojmë dhe të presim ku do të lëshojnë pikë. Një pikë e fituar kundër Arsenalit mund të jetë shumë e madhe në momentet vendimtare, prandaj do të ishte shumë më keq po ta kishim humbur ndeshjen”.

“Ne duhet të ‘lobojmë’ që Unitedi të mposhtet, gjë që vështirë se do të ndodhë, megjithatë unë besojë se do të ketë luhatje deri në fund të kampionatit”, ka thënë simboli i “Reds”.