Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Goli me dorë në derbi, sulmuesi Adriano i shpëton pezullimit!

Gjykatësi sportiv në Serie A, ka vendosur të mos skualifikojë sulmuesin e Interit për golin e shënuar në ndeshjen e së dielës ndaj Milanit.
Gjykatësi sportiv Tosel kundër Adrianos, kapitulli i dytë. Pas grushtit kundër Gastaldello në sfidën Inter-Sampdoria, që i kushtoi sulmuesit 3 javë pezullim, këtë herë prova televizive nuk e ka ndëshkuar brazilianin për golin me dorë të dielën ndaj Milanit në derbi.

Ajo prekje me dorë që mposhti Abbiatin në sfidën e San Siros meritonin një vëmendje shtesë përveç treshes së arbitrave, por edhe kjo nuk ka sjellë asgjë të keqe për Interin. Gjesti i vullnetshëm për tu sanksionuar me pezullim, duhet të jetë i qartë por kjo nuk ka ndodhur në rastin e Adrianos.

Këtë e di mirë Gilardino që u pezullua me dy javë për golin me dorë kundër Palermos dhe kështu fati i buzëqesh Interit. Tekniku Mourinho do të ketë në dispozicion brazilianin në ndeshjen e së shtunës në Bologna.

[Damian1]

Mourinho në sitin e United: Mund të eliminojmë Manchester!

Trajneri i Interit ka shfaqur synimet e tij, pikërisht në adresën zyrtare të klubit anglez në prag të përballjes së Champions League.

Ndeshja spektakolare Inter-Manchester United hyn në fazën kulmore pak ditë nga fërshëllima e parë e arbitrit. Për ndeshjen e parë mes dy gjigantëve të futbollit botëror duhet pritur edhe një javë por për trajnerin Josè Mourinho emocionet kanë nisur me kohë, që pas shortit.

Pas fitores së rëndësishme për klasifikimin dhe moralin, në derbin ndaj Milanit, trajneri portugez i zikaltërve kërkon edhe konfirmimin në Champions League:

"Kur thashë që para shortit se doja të luaja kundër Manchester United, shumë njerëz menduan se isha çmendur” tha Mourinho në sitin zyrtar të “Red Devils”.

“Kjo është ajo që doja pasi është sfidë e vështirë por e bukur për tu luajtur. Manchester United është ekipi më i fortë aktualisht në botë dhe kur luan ndaj të fortit, nuk ke nevojë të stimulosh lojtarët” tha portugezi.

“Skuadra ime ka eksperiencë dhe talent të mjaftueshëm për këto ndeshje dhe e dimë se kemi shanse për të fituar dhe për të eliminuar United” shtoi Mourinho.

[Damian1]

Milani kërkon mbrojtësin e Manchester, Nemanja Vidic

Problemet në mbrojtjen e kuqezinjve janë shfaqur prej kohësh dhe për këtë arsye kërkohet një emër që jep siguri si serbi i United!

Milani po ndjek me interes mbrojtësin serb të Manchester United, Nemanja Vidic. Kuqezinjtë e Milanos kërkojnë të mbyllin hapësirat në mbrojtje dhe për këtë kanë menduar të bëjnë një ofertë të majme për ballkanasin në muajin Qershor.

27 vjeçari serb aktivizohet mes më të mirëve në Premier League që prej 2006, kur ai iu bashkua kampionëve të botës nga klubi rus Spartak i Moskës. Gjithsesi, duke marrë parasysh një pëlqim të mundshëm të lojtarit, është pak e mundur që trajneri Sir Alex Ferguson të lejojë largimin për më pak se 20 milionë Euro.

Pavarësisht blerjeve të brazilianëve Thiago Silva dhe Felipe Mattioni, Milani ende është duke rigjeneruar prapavijën e saj të vjetëruar në moshë. Kapiteni Paolo Maldini do të lërë futbollin në fund të sezonit ndërsa karriera e Alessandro Nesta është në rrezik pas operacionit të fundit.

[Damian1]

Risia italiane, Superkupa do të zhvillohet në Pekin!

Ndeshja mes fitueses së kampionatit italian të futbollit dhe fitueses së kupës do të zhvillohet këtë herë në Pekin në Gusht!

Mund të duket pak e çuditshme, por është e vërtetë. Superkupa e Italisë, e programuar të zhvillohet në muajin gusht, këtë radhë do të luhet në kryeqytetin kinez, Pekin. Vendimi është marrë pas takimit të presidentit të Federatës Italine të Futbollit, Materreze, me homologun e tij kinez Wuang Hui.

Nuk dihet akoma se kush do të jenë dy skuadrat finaliste të kësaj kupe, gjithsesi, njëra pritet të jetë Interi, që i ka të gjitha mundsitë ta fitojë për të tretin vit radhazi titullin, ndërsa skuadra tjetër do të jetë fituesja e kupës.

Nuk është hera e parë që Superkupa e Italisë luhet jashtë Gadishullit Apenin. Në vitin 2003 Superkupa e Italisë u luajt në Uashington, ndërsa në vitin 2002 në Tripoli. Herën e fundit që ky event u zhvillua jashtë Italisë ishte në viin 2003, në Nju Jork.

[Damian1]

Ëndrra e fshehur e Marseille, rikthimi i Didier Drogba!

Presidenti i skuadrës së “Velodrome” nuk e ka fshehur se kërkon prej kohësh që sulmuesi afrikan të vijë në ekipin e tij.

Ka kryer një merkato cilësore në muajin Janar duke sjellë në Marseille, brazilianin Brandao, por presidenti Diouf nuk kënaqet me kaq. Pjesëmarrja në Champions League sipas tij mund të vijë vetëm me emra të mëdhenj dhe ai e di se kë duhet të marrë.

Presidenti i Olimpique Marseille, Pape Diouf, nuk dëshiron të heqë dorë nga ëndrra e tij për ta rikthyer në Velodrome sulmuesin e Chelsea, Didier Drogba. Drogba shpreson se ardhja e Guus Hiddink do t’i ofrojë më shumë mundësi sesa Luiz Felipe Scolari dhe do të luajë më shumë me Blutë.

Por, Diouf vazhdon të shpresojë se 30-vjeçari do ta përfundojë karrierën e tij me një rikthim në Francë. “Tifozët edhe unë kemi dëshirë që Drogba të kthehet, dhe nëse ekziston vetëm një mundësi e vogël që ai të kthehet unë do të bëj gjithçka që ai të vijë këtu. Secilën herë që e takoj, i them: ‘Didier merri plaçkat edhe kthehu prapë te ne”, ka përfunduar Diouf në një apel të qartë për sulmuesin afrikan.

[Damian1]

Edhe Juventusi në sulm për mbrojtësin danez Agger!

Hezitimi për të pranuar kontratën e re me Liverpool, mund të bëjë që Daniel Agger të pranojë më në fund një kalim në Itali.

Beteja për të nënshkruar me Agerin e Liverpulit ishte mes dy skuadrave të Milanos, mirëpo së fundmi ka dalë në skenë edhe Juventusi.

Danezi Daniel Agger e ka kërkuar vetë largimin nga Liverpuli, për shkak se nuk ka gjetur hapësira në formacionin e trajnerit spanjoll të "Reds", Rafael Venitez.

Edhe pse dëshira e tij ishte të largohej që në janar, kjo nuk ndodhi, mirëpo gjasat janë që në fund të sezonit ta shikojmë Agerin me tjetër bluzë veshur. Nuk dihet se çfarë shume do t’i ofrojë Juventusi Liverpulit për Agerin.

Gjithsesi, duhet theksuar se në janar u refuzua shifra prej 8.5 milionë Eurosh e ofruar nga Milani, dhe për këtë Liverpuli nuk do të lejojë mbrojtësin të largohet për më pak se 12 milionë Euro.

[Damian1]

Manchester United rigjen sulmuesin Rooney ndaj Interit!

Sulmuesi anglez do të jetë në fushë në finalen e parakohshme të Champions League kundër kampiones së Italisë, Interit.

Sulmuesi i Manchester United, Wayne Rooney do jete ne dispozicion te Alex Ferguson per ndeshjen delikate te Champions League kunder Interit.

I ndalur qe prej 14 janarit per shkak te nje demtimi, Rooney rikthehet ne grupin e kuq dhe me shume mundesi do aktivizohet qe ne ndeshjen e dites se shtune kunder Blackburn Rovers. Perballja e pare mes Manchester United dhe Inter do zhvillohet diten e marte ne 24 shkurt ne stadiumin “San Siro”.

“Rooney do jete gati dhe jemi shume optimiste. Mund te kete edhe nje mundesi te vogel per ta nisur ndeshjen nga pankina diten e merkure ndaj Fulham, por ende nuk kemi vendosur”, qarteson Alex Ferguson.

Ndeshja ndaj Interit do jete nje nga me te veshtirat per Manchester United pasi italianet jane skuadra me e forte e momentit ne Serie A dhe kete e kane treguar edhe ndaj Milanit ku fituan 2-1.

[Damian1]

Eduardo fshin makthin në fushë, 2 gola për të “fluturuar” sërish

Një vit më parë dëmtimi “horror” që pësoi braziliani shkaktoi shumë bujë në Angli dhe Europë.

Por tani ai është kthyer në mënyrë magjike Në më pak se një vit nga dëmtimi i tij i frikshëm që rrezikoi Eduardon ta linte me nje këmbë, sulmuesi brazilian është prezantuar sërish para tifozëve të Arsenalit me një dopietë të paharrueshme.

“Është dita më e bukur e jetës time” tha braziliani Eduardo që u bë protagonist në Kupën e Ligës në ndeshjen ndaj Cardiff.

Falë dy golave të tij dhe Nicklas Bendtner si dhe Robin Van Persie, “Gunners” fituan nëj biletë në 1/8 e. Gëzimi pas golit për sulmuesin Eduardo që luan me kombëtaren kroate, iu rezervua përgatitësit atletik të Arsenalit, Tony Colbert.

“Duhet të falenderojmë Colbert pasi në 12 muajt e fundit ka kaluar më shumë kohë me Eduardon sesa me gruan e tij” tha trajneri Wenger.

[Damian1]

Revolta te Chelsea, Ballack: Nuk e shkarkova unë Scolarin!

Mesfushori gjerman ka pranuar se flet rregullisht me bosin Abramovich, por ka mohuar që të ketë këshilluar për largimin e Scolarit.

Michael Ballack nuk ka patur gisht në shkarkimin e trajnerit brazilian Scolari nga skuadra e Chelsea. E thënë nga vetë mesfushori gjerman kjo tingëllon pak e besueshme, duke parë relatat mes palëve por intervista e fundit e tij ka këtë sintezë.

Kapiteni i kombëtares gjermane ka pranuar se është në kontakt të rregullt me manjatin rus të Chelsea, Roman Abramovich por sipas Ballack ai nuk ka këshilluar shkarkimin e Scolarit.

Ballack ishte një prej lojtarëve të akuzuar se kanë ngritur një revoltë ndaj trajnerit, bashkë me lojtarët e tjerë Petr Cech dhe Didier Drogba. “Jam surprizuar kur e dëgjova këtë pasi unë nuk kam patur konflikte me Scolarin. Unë flas me Abramovich por në një klub si Chelsea, është normale të flasësh me drejtuesit” tha Ballack.

Ballack insistoi se nuk ka patur probleme me trajnerin, edhe pse ky i fundit kishte vështirësi me gjuhën dhe shumë nga fjalët e tij nuk kuptoheshin saktë nga futbollistët.

[Damian1]

Spanja, sulmuesi Raul Gonzales rikthehet në kombëtare!

Rekordmeni dhe shënuesi më i mirë i kampionëve të Spanjës, tani ka rifituar një vend tek kombëtarja iberike Sulmuesi i Real Madrid, Raul Gonzales Blanco me ne fund ka rimarre nje ftese per t’u rikthyer ne kombetaren e Spanjes.

Shenuesi me i mire ne historine e klubit “merengues” me 309 gola, do te jete i pranishem ne miqesoren qe Spanja do luaje ne muajin nentor per 100 vjetorin e krijimit te Federates Spanjolle te Futbollit. Sipas radios “Cadena SER”, kete e konfirmon drejtori sportiv i Federates se Spanjes, Fernando Hierro.

Raul numeron 102 ndeshje me fanelen e “Demave te kuq”, me te cilen ka shenuar 44 gola. Sulmuesi madrilen nuk grumbullohet me kombetaren qe prej vitit 2006 kur nuk u perfshi ne liste nga ish trajneri Luis Aragones.