Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Rebelohet Clarence Seedorf: Mjaft më me fyerje raciste!
Mesfushori holandez Clarence Seedorf është treguar i rreptë në lidhje me koret raciste të shfaqura së shumti kohët e fundit

Futbollisti me ngjyrë i Milanit, Klarens Sedorf, mendon se Juventusi ka bërë gabim duke u ankuar në vendimin e Federatës italiane të futbollit në lidhje me fyerjet raciste të tifozëve të klubit torinezë. Komisioni disiplinor i federatës italiane e ka dënuar Juventusin me një ndeshje pa praninë e tifozëve, sepse në derbin e fundjavës së kaluar ndaj Interit, tifozët bardhezi kanë dërguar fyerje raciste në drejtim të Mario Balotellit.

"Mendoj se ankesa e Juventusit është një gjë e gabuar. Nëse dëshirojmë një porosi të qartë se nuk do të tolerohen fyerjet raciste, atëherë duhet të ndërmarrim aksione të tilla kundër skuadrave të mëdha. Federata italiane e futbollit ka marrë vendimin e vet dhe Juventusi nuk guxon të ankohet", ka thënë Sedorf, duke shtuar:

"Rastet e tilla janë të njohura, mirëpo ky i fundit ishte i dukshëm dhe shumë i shprehur", ka thënë Sedorf. Disa prej futbollistëve edhe vetë kanë ndërmarrë hapa kundër fyerjeve raciste. Shembulli më i freskët është ai i sulmuesit kamerunas të Barcelonës, Samuel Eto, i cili e braktisi fushën gjatë ndeshjes, pasi ishte vënë në shënjestër të fyerjeve raciste.

"Veprimi i Etosë ishte një mesazh shumë i fortë. Gjithçka varet nga personi në person, por qëndrimi duhet të mirret. Ne jemi futbollistë dhe pa ne futbolli nuk do të ekzistonte. Kështu ne kemi edhe përgjegjësinë e shoqërisë

[Damian1]

Arsenal, Wenger lavdëron Arshavin: Ka mentalitet fituesi

Trajneri francez i Arsenalit, ka thurur elozhe për futbollistin rus Arshavin duke thënë se po përmirësohet dita ditës dhe ka mentalitet fituesi

Futbollistët e Arsenalit kanë arkëtuar një pikë në duelin tejet interesant të javës së 33-të në Premier Ligën ndaj Liverpulit në "Anfield", duke luajtur baras, 4:4. Protagonisti kryesor i kësaj ndeshjeje ishte sulmuesi rus, Andrej Arshavin, i cili realizoi katër gola për 'topçinjtë'. "Ai ishte i shkëlqyeshëm.

Pas pjesës së parë në të cilën ishte i heshtur, por më pas ai hyri në ritmin e duhur dhe kur e bënë një gjë të tillë gjithmonë është i rrezikshëm. Arshavin ka personalitet dhe mentalitet fituesi", ka pohuar trajneri i Arsenalit, Arsen Wenger.

Sulmuesi rus u bashkua me 'topçinjtë' në ditën e fundit të afatit kalimtar të dimrit për 15 milionë Paund, kurse deri në sfidën me Liverpulin ai kishte shënuar vetëm dy gola në shtatë ndeshje të zhvilluara.

"Kjo ndeshje ka mundur të mbyllet me fitoren e cilësdo skuadër, sepse ishte një ndeshje tejet cilësore. Megjithatë, kënaqësinë e kësaj pike të fituar e prish paksa pësimi i katër golave, sidomos goli i pësuar në momentet e fundit të ndeshjes kur ishim në epërsi 4:3", ka përfunduar Wenger.

[Damian1]

Iker Casillas sulmon Pepen: Turpëroi fanelën e Real Madrid

Gjesti i shëmtuar i Pepes ndaj Casquero përveç dënimit nga i gjithë opinioni sportive në Spanjë, kritkohet edhe nga shokët e skuadrës

Portieri i Real Madridit, Iker Casillas, ka shprehur pakënaqësinë e tij për sjelljen e mbrojtësit Pepe në ndeshjen e të martës mbrëma kundër Getafes.

Pepe bëri një veprim të pahijshëm kundër lojtarit të Getafes, Javier Casquero, dhe veprimi i tij përpos kartonit të kuq i kushtoi Realit edhe me penallti, të cilën e mbrojti ‘i shenjti’ Iker.

“Nuk mund të bësh gjëra të tilla përderisa e mban fanellën e Real Madridit. Ne mund të luajmë mirë ose keq, mirëpo Madridi do të ketë gjithmonë diçka të madhe: simbolin dallues të këtij klubi. Kjo shenjë gjithmonë ofron nder dhe krenari për secilin tifoz të Realit”, ka thënë portieri spanjol

[Damian1]

Kupa e Botës 2010, FIFA 2.1 miliardë USD për të drejtën TV

Një lumë milionash pritet të përfitojë qeveria e futbollit botëror për aktivitetin futbollistik botëror pas një viti

FIFA pritet të përfitojë 2.1 miliardë euro nga e drejta televizive e fazës finale të Kupës së Botës 2010.

Një shumë e tillë justifikohet edhe nga pritshmëria e teleshikuesve që do të jenë mbi 26 miliardë për të gjithë ditët që do të zhvillohet.

Kjo është hera e parë që botërori i futbollit do të mbahet në një vend të kontinentit afrikan. Faza finale do të zhvillohet 11 qershor deri më 11 korrik të 2010 në 9 qytete të Afrikës së Jugut.

[Damian1]

Juventus del jashtë kupës së Italisë, fiton sërish Lazio 1-2

Skuadra e Juventus sheh t’i ikë nga duart një tjetër objektiv pasi Lazio u imponua 1-2 në Torino duke eliminuar bardhezinjtë.

Juventus ka humbur 1-2 edhe ndeshjen e kthimit të gjysmëfinales së kupës së Italisë ndaj Lazios, duke dështuar edhe në këtë turne pas kampionatit dhe Champions League. Në ndeshjen e parë bardhezinjtë humbën 2-1 ndaj Lazio dhe po kështu bënë edhe në Torino.

Ishte sulmuesi argjentinas Mauro Zarate i cili dërgoi në rrjetë një të djathtë përrallore për të mposhtur Gigi Buffon në minutën e 38. Në pjesën e dytë erdhi dhe dyfishimi i skuadrës së Lazios me anë të Kolarov që shënoi në portën e vendasve.

Del Piero mbajti lart krenarinë e Juventus me nëj gol nderi por kjo ishte pak për të dërguar skuadrën në finale, ku do të shkojë Lazio. Finalisti tjetër do të dalë nga ndeshja Sampdoria-Inter me ndeshjen e parë 3-0.

[Damian1]

Premier League, fiton Manchester United, barazon Chelsea

“Red Devils” fituan 2-0 me Portsmouth ndërsa Chelsea barazoi 0-0 me skuadrën e Evertonit në “Stamford Bridge”

Skuadra e Manchester United ka fituar 2-0 në “Old Trafford” me ekipin e Portsmouth duke thelluar diferencën me ndjekësin, Liverpool dhe duke vënë një dorë te titulli.

Me dy gola të Rooney dhe Carrick, kampionët e Anglisë nuk njohin rivalë në kampionat, dhe kanë edhe një ndeshje më pak.

Nuk ka shfaqur të njëjtën formë Chelsea në stadiumin “Stamford bridge”. Blutë e drejtuar nga Hiddink barazuan pa gola me skuadrën e Evertonit.

[Damian1]

Skuadra e Milan rikthehet sërish në Tiranë për "Taçi Oil 2009"

Emocionet për tifozët shqiptarë, të shohin Milan në fushën e "Qemal Stafës", nuk do të mbeten vetëm në kujtesë, pasi kuqezinjtë do të rikthehen këtë vit në Tiranë, për të zhvilluar turneun e dytë Taçi Oil

Data në fakt, ashtu si pranon edhe zv/presidenti i Milan, Adriano Galliani, në një videomesazh, nuk është përcaktuar, pasi duhet të gjendet data e lirë.

"Ju kerkoj falje se per shkak te puneve te shumta nuk mund te jem me ju ne Tirane, nga ku kujtoj mikpritjen tuaj te shkelqyer me rastin e ardhjes sone te pare per trofeun e pare "Taci Oil". Dua tju lajmeroj se jemi te lumtur te kthehemi tek ju ne vjeshte, dhe nje nga te merkurat e lira nga kupat e Evropes per te zhvilluar turneun e dyte "Taci Oil", tha Adriano Galliani, zv/president i Milan.

Iniciativa e presidentit të kompanisë Taci-Oil, Rezart Taci, për të sjellë Milan në Tiranë vazhdon të jetë e suksesshme, ndërsa Milan Junior Camp do të jetë sërisht hapur nga data 6-10 korrik. 350 fëmije do të seleksionohen nga specialistë futbolli, nga të cilët do të zgjidhen 5 fëmijë, për një aventurë në San Siro.

"Folem me zotin Galiani per te pare ato dy projektet qe thame, Milan Park qe do te jete nje aktivitet pa shpenzime, per te rinjte qe do te jene te apasionuar pas futbollit. Gjithashtu per Milan Junior Camp, po me e rendesishme per ne eshte pasja e yjeve te Milanit ketu", tha Rezart Taci, president i kompanisë "Taci Oil".

"Nje dite pas kthimit Galiani me foli per mikpritjen e jashtezakonshme ne Tirane. Kjo eshte nga te paktat raste qe kam pare Galianin te vendosur te perserise nje eksperience te tille, sepse ka gjera qe shkojne pertej biznesit. Milan me familjen Taci ka ngritur nje marredhenie te shkelqyer", u shpreh Daniele Massaro, ish futbollist i Milan.

Surpriza italiane e Milan nuk mbaron këtu, pasi në datën 16 dhe 17 maj, në sheshin "Nënë Tereza", do të organizohet Milan park, për të gjithë adhuruesit e sportit.

[Damian1]

Chelsea, Hiddink i kënaqur nga loja e portierit Cech

Trajneri i skuadrës londineze Hiddink ka thënë se Cech ishte ai që nuk lejoi ndëshkimin e skuadrës në “Stamford Bridge”

Menaxheri i Chelsea, Guus Hiddink, ishte i ngazëllyer të shohë portierin Petr Cech duke ruajtur portën e paprekur në barazimin e mbrëmshëm 0-0 ndaj Evertonit.

“Evertonit pati disa kundërsulme të rrezikshme dhe në këto raste dua të zgjedh një lojtar, Petr Cech. Ai bëri disa mbrojtje të mira. Në fund ai ishte shumë i guximshëm veçanërisht nëse kujtojmë lëndimin e tij të kokës. Ai e vendosi kokën në një situatë të rrezikshme dhe pati një paraqitje të mirë”, ka thënë Hiddink.

“Ai sonte tregoi se çfarë është në gjendje të bëjë, siç ka bërë në të kaluarën. Por secili lojtar ka të drejtë të ketë një periudhë kur nuk është në kulmin e formës”, shton holandezi.

[Damian1]

Sulmuesi kamerunas Eto’o: Iniesta, më i miri në botë

Loja e Barçës është kthyer në spot për futbollin dhe këtë e tregoi dhe fitorja e thellë ndaj Sevilla, dhe për këtë Eto’o lavdëron Iniestën

Sulmuesi kamerunas Samuel Eto'o shënoi golin e tij të 27-të në fitoren e thellë 4-0 të Barcelonës ndaj Sevillas dhe thotë se tashmë e ka arritur qëllimin e tij.

“Kam dashur ta thyej rekordin tim personal dhe tashmë e kam arritur këtë. Nga këtu, gjithë çfarë do të vijë do të jetë dhuratë”, ka thënë Samuel Eto’o për mediat spanjolle.

Sulmuesi kamerunas po ashtu ka gjetur fjalë të mira për bashkëlojtarin e tij Andres Iniesta, të cilin e ka cilësuar si më të mirin në botë së bashku me Messi.

“Iniesta më ka dhënë një pasim të shkëlqyeshëm. Ai dhe Lionel Messi do të jenë ata të cilët do ta ndajnë çmimin e Topit të Artë”, ka parashikuar Eto’o.

[Damian1]

Ferguson: Paul Scholes është lojtar perfekt.

Pas fitores së mbrëmshme ndaj Portsmouth, menaxheri i Manchester United, Sir Alex Ferguson, ka lavdëruar mesfushorin Paul Scholes si një lojtar "perfekt".

Në paraqitjen e 600-të të tij me United, Scholes asistoi në golin e dytë që u shënua Michael Carrick dhe Ferguson thotë është më se i kënaqur me paraqitjen e tij.

“E kam marrë Paul si shembull para të gjithë djelmoshave me të cilët kam punuar. Ai është një shembull i shkëlqyeshëm. Ai kontrollon në mënyrë të përkryer gjithçka, për aq sa unë jam i bindur”, ka thënë Ferguson.