Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Mourinho: Liga e Anglisë është parajsë.

Ish - menaxheri i Chelseat, Jose Mourinho, thotë se puna në Ligën Premier të Anglisë është ‘parajsë’ për trajnerët.

“Anglia është parajsë për trajnerët të cilët mund të planifikojnë të ardhmen pa presionin për të fituar në afate të shkurta. Arsene Wenger punon në qetësi. Arsenali nuk ka fituar titull në katër vite, por ai vazhdon punën e tij fantastike me lojtarë të rinj”, ka thënë Mourinho.

“Mendoj se Rafa Benitez do të humbasë shansin për të fituar Ligën Premier edhe për të pestën herë, por ai vazhdon të bëjë një punë fantastike dhe kontrata e tij është vazhduar”.

“Në Itali, mendoj se 10 trajnerë tashmë janë zëvendësuar këtë sezon. Këtu ka një obsesion me rezultatet, pikët. Lojtarët e kampionatit, ose duhet të bëhen kampionë ose do të kemi një dramë të vërtetë”, ka vazhduar portugezi.

[Damian1]

Reina i pakënaqur me mbrojtjen...

Portieri i Liverpoolit, Pepe Reina, ka shprehur zhgënjimin e tij pas pranimit nga katër gola në dy ndeshjet e fundit.

“Ne kurrë nuk kemi pasur një seri të tillë, kur kemi pranuar 11 gola në katër ndeshje. Ne shënojmë shumë gola, por duhet të përpiqemi të përmirësohemi edhe në mbrojtje”, thotë Pepe Reina.

“Shënimi i golave është gjëja më e vështirë në futboll, por tash duhet t’i zgjidhim disa probleme të cilat i kemi në mbrojtje”.

“Gjithmonë duhet të gjejmë një ekuilibër në mes të sulmit dhe mbrojtjes. Kjo është arsyeja se pse gjithmonë jemi në Ligën e Kampionëve dhe në garat e kupës, pasi jemi një ekip me ekuilibër. Duhet t’i rikthehemi kësaj mënyre”, ka përmendur më tej spanjolli.

[Damian1]

Zambrotta: Rijkaard do ishte i shkëlqyeshëm për Milanin

Gianluca Zambrotta thotë se Frank Rijkaard do të ishte një zëvendësim i mirë për Carlo Ancelottin nëse ai do të largohej nga Milani.

Zambrotta punoi me trajnerin holandez gjatë kohës sa ishte në Barcelona, para se të rikthehej sërish në Itali, tek Milani.

“Ai do të ishte një alternativë pasi ai tashmë ka drejtuar një klub të shkëlqyeshëm. Mendoj se ai është i gatshëm. Sidoqoftë nuk e pres këtë pasi menaxheri gjithmonë ka thënë se ai do të mbetet edhe për 2010”, ka thënë Zambrotta.

“Ai gjithmonë ka thënë se ka kontratë deri në vitin 2010 dhe se vitin tjetër do të jetë ende në Milan”, ka shtuar italiani.

[Damian1]

FA ngre akuza kundër Cesc Fabregas dhe trajnerit Brown

Sjelljet e pahijshme dhe veprimet e tensionuara në një ndeshje në Mars kanë shtyrë Federatën të akuzojë lojtarin e Arsenalit dhe trajnerin e Hullit

Kapiteni i Arsenalit, Cesc Fabregas dhe menaxheri i Hull Cityt, Phil Brown, janë akuzuar nga ana e Asociacionit të Futbollit për sjellje të pahijshme.

“Është ngritur akuzë për mesfushorin e Arsenalit, Cesc Fabregas, dhe menaxherin e Hull, Phil Brown, për shkak të sjelljeve të pahijshme. Akuza i takon ngjarjeve në Emirates gjatë ndeshjes së Kupës në mes ekipeve të Arsenalit dhe Hull të zhvilluar më 17 mars”, thuhet në deklaratën e FA

“Fabregas do të përballet me dy akuza për shkak të sjelljes së tij në fushë pas përfundimit të ndeshjes. Së pari për shkak të sjelljes gjatë futjes në fushë pas fundit të ndeshjes, dhe së dyti për shkak të incidentit me pështymje”.

“Kundër Brown do të ngrihet akuzë për shkak të sjelljes së pahijshme dhe për shkak të komenteve në meda ndaj arbitrit Mike Riley”, shtohet më tej në deklaratë.

[Damian1]

Mourino polemik: Sampdoria, antipropagandë e futbollit

Eliminimi në kupën e Italisë, i ka djegur teknikut të Interit që ka akuzuar Sampdorian për mungesë 'fair-play'

Që skuadra e Interit nuk mund të gjunjëzojë çdo kënd më së miri e dëshmoi ndeshja e kthimit gjysmëfinale e Kupës së italisë, ku Sampdoria arriti që të kalojë në finale. Interi fitoi në ndeshjen e kthimit 1:0, por kjo nuk i mjaftoi skuadrës kampione, pasi në ndeshjen e parë Sampdoria kishte shënuar fitore bindëse, 3:0.

Trajneri Hose Murinjo ka dërguar kritika në adresë të kundërshtarit. "Ne luanim për fitore, kurse Sampdoria dëshironte që të pësonte më pak se tre gola. Ajo luajti një ndeshje jo 'fair-play' dhe bëri antipropagandë të futbollit. Ne ishim në nivel dhe merituam më shumë se sa vetëm fitorja", ka thënë Murinjo.

"Kemi luajtur në përgjithësi një ndeshje shumë të mirë, e cila ka mund të përfundojë ndryshe. Mund të them se të gjithë futbollistët e mi kanë merituar lëvdata për lojën e treguar dhe me këtë rast do t'i uroja për angazhimin dhe paraqitjen e tyre", tha presidenti i Interit, Masimo Morati.

[Damian1]

Andriy Shevchenko: Kam dështuar por ende dua Milanin

Futbollisti kuqezi Shevchenko ka pranuar dështimin e tij në rikthimin në Milano, por ka thënë se ende do të jetë pjesë e Milan

Sulmuesi ukrainas i Milanit, Andri Shevçenko, gjatë këtij edicioni ka dështuar plotësisht dhe nuk ka mundur aspërsëafërmi të arsyetojë kthimin e tij në Milan. Ai ka luajtur vetëm dy ndeshje si titullar, prandaj duket se në fund të edicionit sërish do të jetë i detyruar të kthehet në Çelsi, klub i cili e huazoi atë te kuqezinjtë.

Sulmuesit ukrainas nuk i pëlqen kthimi në Londër, prandaj nëpërmjet mediave ka shfrytëzuar rastin që t'ia konfirmojë dashurinë Milanit. "Jam i vetëdijsshëm se nuk kam pasur një edicion për tu mbajtur mend. Megjithatë, do të dëshiroja të qëndroj këtu dhe të dëshmoj se nuk jam një ish-futbollist, se ende mund të jap kontributin tim kur jam në fushën e lojës”.

“Jam paksa i zhgënjyer me hapësirën që më është dhënë, por ky nuk është kurrëfarë problemi dhe nuk e ndryshon dëshirën time për të mbetur te Milani", ka thënë Shevçenko.

[Damian1]

Real, Juande Ramos vihet në mbrojtje të futbollistit Pepe

Trajneri i Realit të Madridit, Huande Ramos është vënë në mbrojtje të futbollistit të tij portugez, Pepe i akuzuar për mungesë Fair Play

Ky i fundit ka bërë një veprim të 'çmendur' në fund të ndeshjes së javës së kaluar ndaj Getafes. Në fakt, Pepe shkaktoi penallti në Kaskueron, kurse më pas e shkelmoi atë dhe në fund i ofendoi gjyqtarët.

"Pepe është i vetëdijshëm për seriozitetin e gabimit të tij. Jam i bindur se ai nuk do ta përsërisë kurrë një gjë të tillë", ka pohuar Huande Ramos, duke shtuar: "Thjeshtë ai e humbi kontrollin dhe në momentin e 'çmendurisë' krijoi një incident të madh. Por, dua t'iu bind se Pepe është i mirë si buka. Ai as buburrecin nuk do ta shkelte.

“Madje, ai na ka lutur që ta vëmë përballë gazetarëve, në mënyrë që të tregojë atë çfarë ndodhi. Ai na shpjegoi se e kupton se çfarë ka ndodhur dhe se në atë moment ishte 'çmendur'. Pendimi dhe ndjesa e tij spontane dëshmojnë gjithçka. Nëse ai do të dëshironte ta lëndonte Kaskueron, do ta bënte një gjë të tillë. Ai u zemërua dhe gaboi, por sigurisht se nuk ka dashur askënd ta lëndojë"

[Damian1]

Rio Ferdinand: Nuk do largohem kurrë nga Manchesteri

Mbrojtësi i kombëtares angleze, Rio Ferdinand nuk mendon se do të largohet ndonjëherë nga kampionët e Manchester United

Mbrojtësi i Manchester United, Rio Ferdinand, thotë se ai nuk planifikon ndonjë largim nga kampioni aktual i Anglisë, Evropës dhe botës, dhe mendon të mbyllë karrierën tek “Red Devils”.

30-vjeçari është shndërruar në njërin prej mbrojtësve më të mirë në botë pas kalimit në klubin e “Old Trafford” nga Leeds në vitin 2002, transferim i cili kushtoi plot 29 milionë Euro.

“Ideja për të luajtur në Itali është e bukur, por kam një familje të re dhe nuk dua t’i dëmtoj dhe të transferohem atje. Transferimi nga Londra në Manchester ishte vërtet i vështirë”, ka thënë Ferdinand.

[Damian1]

Etoo: Nuk do të largohem nga klubi më i mirë në botë.


Sulmuesi i Barcelonës, Samuel Eto’o, thotë se ai nuk ka në plan të transferohet në Angli pasi luan në klubin më të mirë në botë.

Kamerunasi ka marrëveshje me Barcelonën deri në fund të sezonit të ardhshëm, dhe shpesh është lidhur me një largim nga Camp Nou, veçanërisht pasi verën e kaluar nuk ishte pjesë e planeve të trajnerit Pep Guardiola.

“Nuk kam në plan të largohem nga klubi më i mirë në botë. Më lejoni t’u bëj një pyetje. Nëse ju do të luani në Barcelona dhe në mënyrën e lojës se si luajmë, a do të donit të shkoni në ndonjë klub tjetër?”, ka thënë Eto’o në një intervist për Daily Mail.

“Sipas meje ne e kemi sulmin më të mirë në futbollin botëror. Jam i nderuar të luaj për këtë ekip me aq shumë talent. Jam i kënaqur edhe me formën time golashënuese këtë sezon”, ka shtuar mes tjerash sulmuesi.

[Damian1]

Manchester Utd takon Kakà, Cristiano më pranë Realit

Sipas tabloidit “The Sun”, përfaqësues të brazilianit Kakà takuan kampionët e botës të cilët duan lojtarin si zëvendësues të Cristiano Ronaldos

Sulmuesi i Milanit Rikardo Kaka do të transferohet tek Manchester United. Kështu shkruajnë tabloidët anglezë sipas të cilave tratativat për kalimin e Brazilianit tek skuadra angleze janë shumë të avancuara, ndërsa nënvizojnë se tashmë po flitet për rrogën e futbollistit.

E përditshmja angleze “The Sun” shkruan se agjenti i yllit brazilian të Milanit ka zhvilluar një takim me drejtuesit e “djajve të kuq” për të diskutuar rreth transferimit që mendohet të kushtojë rreth 38 milionë Euro.

Tabloidi citon më tej burime afër Milanit që konfirmojë se takimi ka qenë pozitiv, edhe pse nuk është arritur ende në një marreveshje. Kaka kërkon një kontratë 5- vjeçare dhe një rrogë të paktën 7 milionë euro në vit.

“Sulmuesi është shumë i dhënë pas idesë për të kaluar tek Manchester dhe këto janë shifra të pranueshme për United” citon “Sun” burim pranë skuadrës italiane. Tratativa e mundshme për blerjen e Kaka lidhet me faktin e kalimit të Kristiano Ronaldos tek Real Madrid.