Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Bayern Munchen mundet 0-1 nga Schalke në “Allianz Arena”

Bavarezët kanë pësuar një tjetër humbjer të shëmtuar ndërsa ka patur supriza edhe nga humbjet e Hamburgut dhe Bayer Leverkusen

Bayern Munchen ka dhënë një tjetër shfaqje të shëmtuar para tifozëve të saj duke u mundur 0-1 nga Skuadra e Schalke 04 në stadiumin “Allianz Arena”.

Ekipi i drejtuar nga trajneri Klinsmann u ndëshkua nga turku Hamit Altintop në pjesën e parë dhe rezultati nuk ndryshoi më ndërsa u ndëshkuan me të kuq Franck Ribery dhe Jermaine Jones.

Ndërkohë Borussia Dortmund ka mundur 2-0 Hamburgut në një ndeshje emocionuese. Autorët e golave për vendasit ishin Sebastian Kehl dhe sulmuesi Frei që shënoi me penallti.

Bayer Leverkusen humbi në fushën e saj përballë Karlsruhes 0-1. Goli për miqtë u shënua nga Langekamp në pjesën e parë. Ndërkohë Werder Bremen fitoi 3-2 ndaj skuadrës së Bochum.

[Damian1]

Fitojnë Tirana dhe Vllaznia, një pikë ndan kryesueset

Tirana mundi Teutën ndërsa Vllaznia fitoi ndaj Besës duke bërë që dy vendet e para të ndahen nga një pikë

Java e 29-të e kampionatit të 70-të kombëtar të futbollit, Superliga, e ka ngushtuar akoma më shumë “lakun” për të dyja “polet” e renditjes. Në krye, Tirana dhe Vllaznia kanë bërë detyrën, duke mundur respektivisht Teutën dhe Besën. Dy ndeshje, të cilat nuk dhuruan shumë surpriza, pavarësisht faktit se kavajasit e mbyllën në epërsi pjesën e parë në “Loro Borici”. Fitore të cmuara, që japin shenja shprese për mbijetesë, ka arritur Bylisi në fushën e tij ndaj Partizanit, 1-0, ashtu si edhe Apolonia në Fier, 3-1 ndaj Elbasanit.

Në Ballsh, skuadra e Partizanit ka barazuar në fund të ndeshjes, por goli është anulluar nga gjyqtari anësor Genc Maloku, cka ka sjellë reagimin e fuqishëm të miqve. Lushnja ka qenë fare pranë 3 pikëve, në ndeshjen me Flamurtarin, teksa udhëhiqte 1-0, deri në minutën e 87-të, por supergoli i kroatit Brajkovic i ka hequr nga duart 2 pikë, me të cilat do të vijonte javët e mbetura të kampionatit më e qetë. Tashmë fundi ngërthen disa skuadra, Partizani, Lushnja, Elbasani, Apolonia, Bylis. Kjo tregon se ndeshjet në vazhdim, për këto skuadra, do të jenë “jetë a vdekje”.

Me fitoren 3-0, me 3 gola të Plakut, Dinamo futet në valle matematikisht për të zënë edhe vendin e dytë, që aktualisht mbahet nga Vllaznia, e cila po lufton në të dyja frontet, në kupë dhe kampionat. Të mërkurën e ardhshme, njëra nga dy kryesueset e kampionatit, Tirana ose Vllaznia, pas gjysmëfinales së kthimit për Kupë, do të detyrohet të mbajë vetëm “një kungull nën sqetull”, pasi do të fokusohet vetëm te titulli kampion. Po kështu, edhe në Peqin, Shkumbini vendas, ose Flamurtari, që e ka fituar gjysmëfinalen e parë të kupës në vlorë, 1-0, do t’u japë fund pretendimeve në këtë veprimtari.

Sa i takon javës së ardhshme, do të kemi transferta të vështira të të dyja kryesueseve. Tirana do të udhëtojë drejt Kavajës, për t’u ndeshur me Besën, ndërsa Vllaznia drejt Peqinit, për të luajtur me Shkumbinin. Sa i takon fundit të renditjes, një sfidë vendimtare do të jetë ajo, që do të luhet në “Qemal Stafa”, mes Partizanit dhe Apolonisë.

Po kështu, në Durrës, Bylisi i vendit të fundit do të synojë 3 pikët ndaj Teutës, për të rritur kuotat e shpëtimit, ndërkohë që vendasit për të mos gabuar dy herë radhazi. Elbasani do të presë në shtëpi Flamurtarin, kurse Lushnja do të jetë mysafire e Dinamos në kryeqytet.

[Damian1]

Liverpool edhe Chelsea fitojnë ndeshjet në transfertë

Liverpool dhe Chelsea kanë mbajtur gjallë shpresat për të fituar Premier League pasi fituan në transfertë ndaj Hull dhe West Ham

Liverpool ka shënuar fitore me rezultat 3-1 në udhëtim tek Hull City, për t’i mbajtur gjallë shpresat për titullin e Premier League këtë sezon. Pavarësisht paraqitjes inkurajuese të Hull në pjesën e parë të ndeshjes, ishte Xabi Alonso ai që hapi rezultatin disa çaste para fundit të pjesës së parë, me anë të një goditje prej 23 metrash.

Nikoqirët dështuan të rikthehen në lojë dhe kur Caleb Folan u përjashtua për shkak të një veprimi ndaj Martin Skrtel në minutën e 59-të, shpresat e Hull për të barazuar pësuan një goditje. Katër minuta më pas, Dirk Kuyt dyfishoi rezultatin për Liverpoolin (63’). Vendasit ngushtuan rezultatin në 2-1 me anë të një goli të shënuar nga Geovanni në minutën e 73-të, por ishte sërish Kuyt që shënoi edhe një gol tjetër në fund të ndeshjes (89’), për t’i dhënë fitoren 3-1 të kuqve.

Një gol i shënuar nga Salomon Kalou në pjesën e dytë të ndeshjes, i ka ndihmuar Chelseat të shënojë një fitore të vështirë në udhëtim tek West Ham United, të cilët patën një penalti të humbur. Edhe pse Chelsea pati posedimin më të madh të topit, rastet më të mira në ndeshje i kishte West Ham. Frank Lampard ka bërë një paraqitje të shkëlqyeshme, për të plotësuar performancën pa gjallëri të pjesës tjetër të ekipit të Chelseat. Anglezi asistoi në golin e vetëm të ndeshjes, të cilin e shënoi sulmuesi Salomon Kalou në minutën e dhjetë të pjesë së dytë (55’). Për tre pikët e Chelsea, meritë kishte edhe portieri aq i kritikuar së fundit Petr Cech. Çeku mbrojti një penallti të gjuajtur nga Mark Noble në minutën e 71-të të ndeshjes

Manchester City ka shënuar fitoren e parë në udhëtim në Premier League që nga muaji gusht, pasi sot mposhti Evertonin në Goodison Park me rezultat 2-1. Dy gola, nga një në secilën pjesë, të shënuar nga Robinho (35’) dhe Stephen Ireland (54’), i dhanë epërsinë e dyfishtë ekipit mysafir, para se vendasit të barazojnë në çastet e fundit të ndeshjes.

[Damian1]

Manchester mund Tottenham në një ndeshje “të çmendur”

Skuadra kampione e Premier League, Manchester ka mundur 5-2 Tottenham duke zhvlerësuar avantazhin 0-2 në pjesën e parë

Nga dy gola të shënuar nga Rooney dhe Ronaldo i kanë ndihmuar kampionit në fuqi të Ligës Premier, Manchester United, të bëjë një rikthim sensacional nga disavantazhi 2-0 në pjesën e parë, për të fituar në Old Trafford me rezultat 5-2.

Mysafirët nga Londra ishin të parët që kalua në epërsi. Pas më pak se gjysmë ore lojë, Rio Ferdinant nuk arrin një top të hedhur nga Corluka, që gjen Bent i cili shënon nga afërsia (29’).Turma në Old Trafford u hesht kur pas tre minutash tjera Tottenhami shënoi edhe golin e dytë në ndeshje, kësaj here me anë të mesfushorit kroat Luka Modric. Lennon shmang Evran dhe topi i tij arriti tek kroati i cili kontrolloi me gjoks, para se ta dërgojë prapa rrjetës së Van der Sar. Pjesa e parë ishte mjaft zhgënjyese për Manchester United, por i stimulojë djajtë e kuq të bëjnë një paraqitje të jashtëzakonshme pas pauzës.

Rastet e pa shfrytëzuara në pjesën e parë, Cristiano Ronaldo dhe Wayne Rooney i shpaguan në dyfishtë në pjesën e dytë. Një penalti e shkaktuar nga portieri Gomes ndaj Carrick, i dha rastin Ronaldos të ngushtojë epërsinë për Manchesterin (57’), goli cili duket se iu dha fuqi kampionëve. Dhjetë minuta më pas erdhën edhe dy gola të shpejtë që përmbysën rezultatin.

Së pari Berbatov dhe Tevez bashkëpunuan mirë për të asistuar për Rooneyn i cili dërgoi topin në rrjetën për të barazuar (67’). Një minutë më pas, Ronaldo solli avantazhin parë për Manchesterin. Një top i shkëlqyeshëm nga Rooney, dhe Ronaldo u gjend për mrekulli.

Nuk zgjati shumë, pas tre minutash tjera, një lojë tjetër e përkryer Ronaldo-Rooney, rezultoi edhe golin e katërt për nikoqirët, kësaj here ishte angleze që shënoi golin e tij të dytë në ndeshje (71’). Në listën e golashënuesve nuk mungoi as Dimitar Berbatov, i cili vulosi rezultatin me një gol të shënuar 11 minuta para fundit të kohës së rregullt, ku protagonist sërish ishte Rooney me një asistim për bullgarin. Tre pikët e ngrejnë Manchesterin sërish në maje të tabelës, me 77 pikë, tre më shumë se Liverpooli dhe me një ndeshje më pak të zhvilluar.

[Damian1]

Fiorentina shkatërron Romën 4-1 në “Artemio Franchi”

Skuadra e Fiorentinës ka qenë e pathyeshme në fushën e saj në duelin ndaj Romës duke mundur kryeqytetasit 4-1

Fiorentina mund Romën në një duel të përbashkët për pjesëmarrjen në Champions League duke zhytur verdhekuqtë në një krizë rezultatesh. Skuadra nga Firenze shkatërroi 4-1 ekipin roman duke kaluar në avantazh që në minutën e 7-të të pjesës së parë me Vargas.

Shifrat u bënë 2-0 për Fiorentinën kur Alberto Gilardino shënoi në portën e portierit Doni në një ditë jo të mirë bashkë me mbrojtjen. Sulmuesi i ardhur nga Milani shkatërroi sërish prapavijën e Romës me golin e dytë personal dhe të tretin për ekipin.

Por ndeshja nuk u mbyll këtu pasi Gobbi shënoi golin e 4-0 pas një topi të kthyer nga Doni pas goditjes me kokë të Gilardinos. Ndeshja tjetër Chievo-Udinese u mbyll 1-2.

[Damian1]

Fabregas: Manchester United, ekipi më i mirë në botë

Kapiteni i Arsenalit, Cesc Fabregas, ka vetëm fjalë të mira për kundërshtarin e radhës në gjysmëfinale të Ligës së Kampionëve, Manchester United

“Nuk e kam problem të them se United është një prej klubeve më të mira në botë, edhe pse dëshiroj ta fitoj sfiden me ta. Për momentin është ekipi më i mirë në botë, top ekip dhe ne kemi shumë respekt për ta”, ka thënë Fabregas.

“United faktikisht është një prej klubeve më të mira në histori. E respektoj Alex Ferguson për atë që ka arritur. Në të kaluarën në mes dy klubeve kishte disa përballje të shkëlqyeshme dhe jam i sigurt se edhe dy ndeshjet e radhës po ashtu do të jenë po aq dramatike dhe interesante”.

“Por, e dimë se mund t’i fitojmë pasi këtë e kemi treguar edhe në Emirates. Ata i kishin lojtarët më të mirë në ekip dhe ne arritëm t’i mposhtim. Kjo na jep shumë vetëbesim”, ka shtuar spanjolli.

[Damian1]

Pepe ndëshkohet 10 javë pezullim për gjestin e shëmtuar

Mbrojtësi portugez i Realit, Pepe është kryqëzuar nga Disiplina duke u ndëshkuar për 10 javë pas goditi një rival

Gjesti i ulet i portugezit Pepe ndaj nje lojtari te Getafes, vazhdon te ngjalle polemika ne Spanje. Dy minutat e çmendurise se lojtarit ndaj kundershtarit Casquero, do t’i kushtojne luzitanit 10 ndeshje pezullim.

Menjehere pas vendimit te komisionit disiplinor ka reaguar Real Madrid qe e konsideron si te tepruar denimin e dhene per lojtarin “merengues”. Zv/presidenti Vincente Boluda ka deklaruar se do ta apeloje kete vendim.

“Ky denim eshte i ekzagjetruar dhe nuk i pergjigjet asaj cfare ndodhi ne fushe. Vendimi i komisionit eshte influencuar nga presioni i njerezve dhe i presidentit te Getafes Angel Torres”, shprehet Boluda.

[Damian1]

Milan në vendin e dytë pasi mund Palermo, ndalet Juve

Skuadra e Milanit ka fituar lehtësisht ndaj Palermos duke marrë vendin e dytë kurse Juventus u ndal 2-2 nga Reggina

Në ndeshjen e zhvilluar në San Siro, skuadra e Milanit ka shënuar fitore me rezultat prej 3-0 kundër Palermos, për t’iu shmangur pastër me dy pikë Juventusit, i cili barazoi me rezultat 2-2 në shtëpi të Regginas. Kuqezinjtë në epërsi i solli braziliani Ricardo Kaka nga pika e bardhë (10’), pas një ndërhyrje ndaj Ambrossini. Rezultatin e dyfishoi Pippo Inzaghi, i cili e përfundoi në mënyrën më të mirë një aksion të bukur të skuadrës vendase, duke mposhtur me kokë portierin Amelia (19’).

Ishte sërish Kaka dhe sërish nga pika e bardhë lojtari që vuri rezultatin përfundimtar të takimit prej 3-0 (56’). Nga minuta e 62-të në këtë takim u inkuadrua portieri shqiptar Samir Ujkani, i cili në minutat e mbetura të takimit mbeti i pamposhtur.

Ndërkohë, në takimin tjetër të zhvilluar në Stadio Granillo, Juventusi ka barazuar si mysafir i Reggianës dhe tash pozicionohet në vendin e tretë me dy pikë më pak se Milani dhe shtatë pikë më shumë se Fiorentina që mban vendin e katërt. Golat për vendasit i shënuan Antonino Barilla (27’) dhe Emil Hallfredsson (69’), ndërsa për mysafirët shënuan, Alessandro Del Piero nga pika e bardhë (48’) dhe Cristiano Zanetti (73’).

Genoa ka pësuar me rezultat 2-0 në ndeshjen në udhëtim tek ekipi në krizë, Bologna, nuk humbur edhe rastin për të rimarrë pozitën e katërt në tabelën e Serie A, e cila tash është kapluar nga Fiorentina. Ekipi i Bolognas, që dy javë më parë shkarkoi trajnerin serb Sinisa Mihajloviq, duket se po rritjen veten nën drejtimin e trajnerit të ri, Giuseppe Papadopulo. Vendasit kryen punën që në pjesën e parë të ndeshjes. Së pari Marco di Vaio shënoi nga penaltia pas 15 minutash lojë, ndërsa pas dhjetë minutash tjera rezultatin e dyfishoi kapiteni Claudio Terzi.

Milan 3 - 0 Palermo

Bologna 2 - 0 Genoa

Lazio 0 - 1 Atalanta

Lecce 2 - 1 Catania

Reggina 2 - 2 Juventus

Sampdoria 3 - 3 Cagliari

Torino 1 - 0 Siena

[Damian1]

Fabregas i pandalshëm me 2 gola, Arsenal mund M'brough

Dy gola të spanjollit Cesc Fabregas kanë bërë që Arsenali të sigorojë vendin e katërt duke fituar 2-0 me Middlesbrough

Një dygolësh i shënuar nga mesfushori spanjoll Cesc Fabregas, ia ka siguruar tre pikë Arsenalit, për ta mbajtur të qetë në pozitën e katërt, e cila dërgon në Ligën e Kampionëve vitin e ardhshëm.

Takimi i zhvilluar të dielën në Emirates Stadium, ndërmjet Arsenalit dhe Middlesbroughut, ka përfunduar me fitoren e Topçinjve me rezultat prej 2-0.

Heroi i ndeshjes për vendasit në këtë takim ishte Cesc Fabregas, i cili shënoi nga një gol në secilën pjesë të ndeshjes (26’ dhe 67’), për t’i siguruar fitoren, e cila e mban Arsenalin dhjetë pikë larg Aston Villas që mban pozitën e pestë.

[Damian1]

Ervin Skela shënon kundër liderit të Bundesligës, Wolfsburg

Shqiptari Ervin Skela ka shënuar golin e dytë që vulosi fitoren e skuadrës së tij Energie Cottbus dhe u zgjodh lojtari i ndeshjes

Skuadra e Energie Cottbusit ka shënuar fitore shumë të rëndësishme edhe atë kundër skuadrës së parë në tabelë në Bundesliga, asaj të Wolfsburgut, për të shpresuar që të mbetet në elitën e futbollit gjerman. Këtu dha një kontribut të madh edhe Ervin Skela me një gol.

Takimi i zhvilluar të dielën në Stadion der Freundschaft, ndërmjet Energie Cottbusit dhe Wolfsburgut, ka përfunduar me fitoren e skuadrës vendase me rezultat prej 2-0. Vendasit kaluan në epërsi me anë të Dimitar Rangelov (72’), ndërsa rezultatin e dyfishoi mesfushori i Kombëtares shqiptare, Ervin Skela.

Mesfushori kuqezi njëherazi ka marrë notën më të lartë në këtë përballje duke u zgjedhur edhe lojtari i ndeshjes pas votave te gazetareve ne stadium.

Me këtë fitore Energie Cottbusi është ngjitur në pozitën e pesëmbëdhjetë, ndërsa Wolfsburgu mbetet në krye të tabelës me dy pikë më shumë se Hertha Berlin që mban pozitën e dytë.