Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Casillas: E pamundur që Barça të mposhtet 3:0 në ‘Bernabeu’

Portieri i klubit mbretëror, Real Madrid, Iker Casillas ka thënë se nuk të fitojnë 3-0 ndaj Barcelonës këtë fundjavë

Portieri i Realit të Madridit, Iker Kasilas, ka përsëritur fjalët e ish-trajnerit të kësaj skuadre, Bernd Shuster, i cili pikërisht për një deklaratë të tillë u largua nga 'klubi mbretëror'. Kasilas ka thënë se do të jetë e pamundur të mposhtet Barcelona me tre gola diferencë dhe në këtë mënyrë të kompensohet humbja e parë 2:0.

Në rast të pikëve të barabarta në fund të edicionit, titulli i kampionit do të vendoset pikërisht nga bilanci i ndërsjellë. "Deri më tani kemi bërë disa gjëra të pabesueshme, por ajo nuk do të ketë kurrfarë kuptimi nëse nuk vazhdojmë serinë e fitoreve”.

“Duhet të jemi të kujdesshëm, sepse deri më tash nuk kemi bërë asgjë, kurse as tifozët nuk guxojnë të jenë të magjepsur, ngase humbja eventuale në duelin e së shtunës do të thoshte fund i shpresave tona për titullin e kampionit", ka thënë Casillas, duke shtuar:

"Të fitosh ndaj Barcelonës 3:0 është e pamundur, apo që të jem më i qartë, është shumë vështirë. Por, edhe nëse i mposhtim me atë rezultat edhe më tej do të kemi një pikë më pak se ata".

[Damian1]

Wenger karikon Arsenalin: Mund të fitojmë ndaj kujtdo

Trajneri francez i Arsenalit, ka karikuar skuadrën në prag të përballjes britanike në Champions duke thënë se mund të fitojmë ndaj çdo ekipi

Mançester Junajtedi dhe Arsenali asnjëherë në histori nuk janë përballur ndërmjet tyre në gjysmëfinale të Ligës së Kampionëve. Rivaliteti ndërmjet dy trajnerëve, Aleks Ferguson dhe Arsen Venger ka kohë që është në nivelin më të lartë. Në ballafaqimet e mëparshme nuk kanë munguar as fjalët e rënda, por kësaj radhe gjithçka duket qetë.

"Shkojmë në 'Old Trafford' sikur të mos bëhej fjalë për gjysmëfinalen e Ligës së Kampionëve dhe ndeshjen më të rëndësishme të edicionit. Do të mundohemi të luajmë, përkatësisht të jemi më të mirë se sa Mançesteri. Synimi ynë është të shënojmë një apo dy gola. Duhet të japim maksimumin dhe në rast se e bëjmë një gjë të tillë mendoj se mund të mposhtim cilëndo skuadër në botë", ka pohuar Wenger, i cili megjithatë është i brengosur për dëmtimet e shumta.

Wenger nuk ka dashur të zbulojë nëse në ndeshje do t'i japë rastin brazilianit me nënshtetësi kroate, Eduardo da Silva. Gjithsesi duhet respektuar rekordin e Mançester Junajtedit prej 20 ndeshjesh pa humbje në "Old Trafford". Humbjen e fundit në Ligën e Kampionëve në këtë stadium "Djajtë e Kuq" e kanë përjetuar në gjysmëfinalen e vitit 2007 kundër Milanit.

"Nuk është lehtë të fitosh titujt evropian. Më janë dashur 13 vjet për ta fituar një trofe të tillë dhe plus nëntë vite tjera për ta fituar edhe trofeun e dytë. Mua më intereson vetëm titulli i kampionit, ngase ky klub meriton më shumë se sa tre tituj të fituar", ka thënë Aleks Ferguson.

[Damian1]

Guardiola i pakënaqur me taktikën e Chelseat dhe arbitrin

Trajneri i Barcelonës, Pep Guardiola, ka fajësuar taktikën e Guus Hiddink për barazimin e mbrëmshëm 0-0 ndaj Chelseat në Nou Camp.

Chelsea arriti ta ndalojë sulmin e Barcelonës duke luajtur një lojë tërësisht defensive, me shumë pak raste në sulm.

“Vetëm njëri ekip u përpoq të luajë futboll sulmues dhe arbitri duhej ta merrte këtë parasysh. Ne nuk dolëm atje për të goditur lojtarët ose për të bërë sfidë të dobët. Michael Ballack mund të ishte përjashtuar”, ka thënë Guardiola.

“Ballack luajti në një mënyrë agresive. Arbitri nuk ishte në natën e tij më të mirë. Referimi i tij nuk është i pranueshëm për një gjysmëfinale të Ligës së Kampionëve. Ne bëmë shtatë faulle dhe Chelsea 20, dhe në fund përfunduam me të njëjtin numër të kartonëve të verdhë”, shton spanjolli.

[Damian1]

Cech i ngazëllyer me portën e paprekur...

Portieri i Chelseat, Petr Cech, është i ngazëllyer me ruajtjen e portës së paprekur në Barcelonë në ndeshjen e mbrëmshme gjysmëfinale të Ligës së Kampionëve.

Cech iu mohoi golat Thierry Henry, Daniel Alves, Samuel Eto’o dhe zëvendësuesit Alexander Hleb, derisa gjiganti spanjoll përpiqej të sigurojë një avantazh të rëndësishëm në ndeshjen e parë.

“Ata janë një kërcënim i madh në sulm, dhe ne dëshiruam ta eliminojmë këtë. Të ruash portën e pastër në Barcelonë, gjithmonë është një rezultat i mirë. Shpresojmë ta përsërisim të njëjtën paraqitje defensive edhe në Stamford Brodge, plus në shtëpi ne gjithmonë shënojmë”, ka thënë Cech.

“Nuk ka asgjë më të mirë se sa të ndalosh një prej ekipeve më të mira në botë. Kemi shansin të dalim para fytyrave të tyre dhe të mos iu japin rast të luajnë”, ka thënë kapiteni John Terry.

[Damian1]

Menaxheri i Manchester Ferguson fans i Fabregas...

Menaxheri i Manchester United, Sir Alex Ferguson, thotë se ai është një fans i madh i kapitenit të Arsenalit, Cesc Fabregas.

Mancheser United dhe Arsenal do të ndeshen sonte në takimin e parë gjysmëfinal të Ligës së Kampionëve në Old Trafford, dhe para ndeshjes Ferguson ka shprehur admirimin e tij për mesfushorin spanjoll.

“Fabregas është një futbollist i shkëlqyeshëm. Gjithmonë interesoheni për lojtarët më të mirë të rinj, por ne nuk kemi pasur rast të nënshkruajmë me të. Arsene ishte atje para meje”, ka thënë Ferguson.

[Damian1]

Trajneri Bilic kërkohet nga Chelsea...

Trajneri i kombëtares Kroate, Slaven Bilic, është emri i fundit i cili lidhet me stolin e ekipit anglez Chelsea.

The Sun shkruan se drejtori ekzekutiv i bluve, Peter Kenyon, tashmë ka zhvilluar kontakte me trajnerin kroat.

Ndërkohë, menaxheri aktual i Chelseat, Guus Hiddink, është duke ndihmuar aktivisht klubin të gjejë pasuesin e tij për sezonin e ardhshëm, dhe holandezi është një mik i afërt me kroatin Bilic.

Ish-ylli i West Hamit ka kontratë me kombëtaren kroate deri në vitin 2010, por ai mund të joshet nga një detyrë aq sfiduese siç është ajo në Chelsea, pjesërisht nëse planet e tij për Kupën Botërore dështojnë.

[Damian1]

Rumania bëhet me trajner të ri, emërohet Razvan Lucescu

Federata e Futbollit e Rumanisë ka emëruar 40-vjeçarin Razvan Luçesku për trajner të ri të kombëtares së futbollit të këtij vendi

Razvan Luçesku në këtë funksion do të zëvendësojë Viktor Picurka, i shkarkuar për shkak të rezultateve të dobëta në kualifikimet për botërorin 2010 në Afrikën Jugore.

Ai do të ketë pagën 250.000 euro për sezon dhe bonuse të ndryshme. Më herët Luçesku, nga viti 2004 deri më 2007 ka drejtuar Rapidin e Bukureshtit, me të cilin ka ardhur deri në çerekfinale të Kupës UEFA dhe dy herë ka fituar Kupën rumune.

Aktualisht Luçesku është trajner i skuadrës ukrainase Shahtjor nga Donjecku. Kombëtarja rumune ndodhet në vendin e pestë në grupin e shtatë kualifikues.

[Damian1]

Juventus rikthehet në garë për mesfushorin Xabi Alonso

Kush nuk vdes, rikthehet sërish në skenë. Kjo gjë duket se po ndodh me Xabi Alonson, që për fatin e tij të mirë, gëzon shëndet të plotë

Juventusi eshte rikthyer serish ne kerkim te tij. Pas nje viti distance nga tentativa e pare per ta sjelle spanjollin ne Torino, bardhezinjte deshirojne te riparojne gabimin Poulsen, duke kerkuar te blejne mesfushorin e Liverpulit.

Nga Anglia konfirmojne dhe e japin te sigurt nje oferte juventine (16.5 milione euro), i cili mund te largohet me miratimin e Rafa Benitez.

“Sigurisht eshte nje lojtar i mire, nese nuk do te ishte keshtu nuk do ta kishim blere. Por nese do te na bejne oferten e duhur, mund ta leme te lire. Ne futboll te gjithe e kane nje cmim”, ka thene trajneri i Reds-ave, qe ne ditet e kaluara kishte leshuar alarmin largimit te disa prej lojtareve te tij me te çmuar.

Ksavi Alonso, se bashku me shokun e tij te vjeter Momo Sisoko, do te formonte nje dige te pakalueshme para mbrojtjes. Tashmi topi ka kaluar ne porten e Juventusit, qe duhet te beje levizjen e duhur.

[Damian1]

Shevchenko: E ardhmja ime do mësohet në fund të edicionit

Futbollisti i huazuar tek Milani, Andriy Shevchenko ka thënë se ende nuk e ka vendosur se ku do luajë edhe pse dëshiron të mbetet në Milano

Sulmuesi ukrainas Andrej Shevçenko, i cili në këtë edicion është huazuar te Milani nga Çelsi, do të pres fundin e këtij edicioni për të zbardhur planet e tij për të ardhmen.

Ndonëse sipas marrëveshjes në fund të këtij edicioni duhet të kthehet në ‘Stamford Bridge’, sulmuesi ukrainas publikisht ka shprehur dëshirën për të qëndruar në 'San Siro'.

“Kam ende shumë për të dëshmuar dhe shpresoj se që një gjë të tillë do të kem rast ta bëjë në fanellën e Milanit. Mirëpo për momentin nuk mund të përgjigjem në pyetjen rreth të ardhmes time, sepse kjo do të dihet vetëm në fund të edicionit”, ka pohuar Shevçenko.

Përsa i përket titullit të kampionit nuk është aq optimist sa braziliani Kaka. “A mund të fitojmë titullin e kampionit? Mendoj se vetëm Interi mund ta humbë atë”.

[Damian1]

Liverpool kërkon Canën si zëvendësues të Xabi Alonso

Menaxheri i Liverpoolit, Rafa Benitez, është duke menduar një transferim befasues për kapitenin e Marseille, mesfushorin e kombëtares shqiptare Lorik Cana, nëse Xabi Alonso shitet gjatë kësaj vere.

Siç raportojnë mediat angleze, Benitez është një fans i madh i shqiptarit dhe ka intensifikuar interesimin për të ditëve të fundit.

Trajneri spanjoll thuhet se ka kërkuar informata nga ish-lojtari i Liverpoolit, Boudewijn Zenden, i cili tash aktivizohet tek lideri i tabelës së kampionatit francez.

Cana do t’i kushtonte klubit anglez rreth 10 milionë Paund, që mund të mbulohet nga buxheti i Benitez, veçanërisht nëse Alonso shitet tek Juventusi apo Arsenali, që janë dy nga ekipet e interesuara për të.

Benitez njeh lojën e Canës edhe nga takimet që ekipi i tij i ka zhvilluar me Marseillen në dy sezonet e fundit, në fazën grupore.